تجمع ورغي حوامل مصر لشهر محرم 1431 - كل عام وأنتم بخير

Princess_miro;10856467:
يا دودووووووووو واحشانى اوىىىىىىى
ياريت تبعتيلى رقم تليفونك ابقى اطمن عليكى ياريت


بصوا انا استقبلته بالتريننج و لامة شعرى و هو موبايله كان بايظ فكده كده كان جاى معكنن بس فك كمان شوية و بردو احنا كده كده كنا نازلين للدكتور ففطرنا و دخلت لبست فمش فرقت معاه كتير الحقيقة فرقت معايا انا انى فضلت دفيانة و لابسة لبس مريح :D:D

والحمدلله ، ماشاء الله و لا قوة الا بالله ربنا حقق لى ما كنت اتمنى و طلع البيبي ولد
الحمدلله ربنا كريم اوىىىىىىى

المهم اضحكم بقى على اللى حصل فى السونار
البنت النيرس بتجهزنى للسونار ورا البرافان و اساسا اودة السونار كلها متر * متر و جوزى لازق فى البرافان من برا يعنى فبتقولى حضرتك فى الكم قلتلها ال5 ان شاء الله
قالت لى عرفتى النوع فأنا شاورتلها بقى بالاشارة انها تخرج تقول للدكتورة قبل ما تدخل انها تشوف النوع و تبقى تقولى انا بس علشان جوزى مش يرخم و رحت قايلة بصوت كل اللى يجيبوا ربنا كويس ان شاء الله
المهم الدكتورة دخلت بعد ما النيرس خرجت قالتلها مبتسمة بقى كده و عاملة عبيطة
و اعدت تشوف السونار و بعدين راحت قايللى علنا كده هو انتى بقى عايزة تعررفى النوع من غير ما نقوله و بتشاور عليه و هو واقف اصلا بجد مفيش بينهم 5 سنتيمتر طبعا انا وشى جاب الالوان اللى فى الدنيا كلها و اعدت بقى زى الهبلة اقولها هاه !! نعم !! :confused::confused::woo::!!:
قالت لى اقول و لا مقولش و لا مقولوش هو بس و انتى تعرفى و لا ايه و هو عمال يبصلى شذرا8o|
فأنا بقى استجمعت شجاعتى و مش بصيتله و قلت لها قولى:worn_out:
قالت لى ولد :):thumbs_up::thumbs_up:
البنت النيرس بقى تقريبا وقعت على الارض من المسخرة و الاحراج و الهبل و من شكلى طبعا:rolleyes::rolleyes:

:lol::lol::lol::lol::lol::lol::lol:
والله مسخره يابت ياميرو هههههههههههههههههههه

الف مليون مبروك ياقمر الحمد لله ان ربنا حقق لك حلمك ياقمر الف مبروك يا ام عتريس
قوليلي ناويه تسميه ايه؟

CuTie KaTkOoTa;10856547:
لا حول ولا قوة إلا بالله، طيب اصبري صح زي ما بتقولي والافضل كمان انك تاخدي رأي دكتور تاني بردو او تعملي سونار في مكان تاني عشان الحاجات دي مفهاش فصال.

ازيك يا كتكوتة والله انا كلمت دكتور تانى وده اشطر من الاولانى بس ماروحتلوش لما الدم نزل لان مشواره بعيد جدا عليا
المهم كلمته قالى استنى اسبوع وتعالى ونعمل سونار ولو لا قدر الله مانزلش لوحده هيدينى دوا ينزله
والله المستعان

hoba555;10855690:
بنات حد جرب يعمل ناجتس قبل كده

انا جربت اعملها
هي مش ناجتس ناجتس
انا كان عندي صدر دجاج مسلوق ومش بنحب ناكله مسلوق
لا انا ولا اخويا
فجبته حطيته ف الكيتشن ماشين ومعاه بصلة مفرومة وملح وفلفل وكمون وتوم باودر وعصرت عليه نص لمونة وكيس مايونيز الي هو زي كيس الكاتشب كدا
اتكون لي زي عجينة كدا
عملتها دواير كدا ورصيتها ودخلتها الفريزر لما اتجمدت طلعتها وعملتها بالدقيق واللبيض والبقسماط ودخلتها تاني تمسك نفسها وقليتها
انا جمدتها الاول عشان لما اشيلها احطها ف الدقيق وكدا ماتتفكش ولا تبوز

الناجتس الاصليه بقى بتبقى نص سوا الفراخ مش مستوية
هحاول انزلك صورة الي عملتها:)

دينا حمدى;10856513:
ازيكوا يا بنات عاملين ايه
كل سنة وانتووا طيبين وان شاء الله السنة دى تكون افضل من اللى قبلها
انا روحت النهاردة للدكتور وعملت سونار والدكتور قالى كيس الحمل موجود بس مفيهوش جنين وعايزنى بكرة الصبح اروح اعمل عملية كحت
بس انا مش هروح هستنى اسبوع يمكن ينزل لوحده من غير عملية
وادعوا لى ان شاء الله خير
يلا الحمد لله قدر الله وماشاء فعل

ازيك يا دينا ربنا يطمنك وان شاء الله يخلف ظن الدكتوره
عاوزه اقولك علي حاجه حصلت والله اخت جوزي قدامي رحنا متابعه وكان اول مره حمل ليها والدكتور الله يسامحه قاللها نفس الكلام ان كيس حمل فاضي
المهم قالت اسبوع و هتروح تعمل العمليه
وهيه عند مامتها مامتها اخدتها وراحت لدكتوره جنبها و قالت لها لا فيه حمل بس لسه نقطه صغننه مش باين والحمد لله دلوقتي معاها ملك
اصبري وشوفي دكتور تاني غير الدكتور ده انتي في الاسبوع الكام؟

كوباية مايه;10853205:
ازيك يا مورو يا حبيبتى ربنا يخليكى ليا ياااااااارب

انا اه سافرت القاهره يوم الاربع طلعت من اسيوط على 12 بليل ووصلت الفجر طبعا الخميس ومشيت الخميس بردو من هناك 12 بليل بسبب موضوع التعب بتاعهم دا وربنا يكرم بقى بس زهقااااااااانه ومخنوقه جدااااااااااااااا


انا حاسه انى كرهتكوا فى الشات وزهقتكوا من كتر مانا بقول انى زهقانه ومخنوقه :(

يا بنتى كلنا هنا علشان كده نفضفض لبعض انا كمان لما بكون مخنوقة بعد ائرفكوا عادى يعنى ;)

CuTie KaTkOoTa;10853247:
النهاردة ان شاء الله هعمل رقاق باللحمة، وده اول مرة اجربه بقي خير ان شاء الله :lol::lol::lol:

انهردة عملتبرام باللحمة ( رز معمر ) و جوزى طبعا كل حاجة يتريأ عليها قلت له اتفضل سمعنى قالى انا مش بتريأ انا بس بجهز نفسى نفسيا علشان عارف انك بتجربى قيا :lol:
قلت له ليه كده؟؟؟ قالى يعنى انتى عمرك عملتى ده قبل كده؟ قلت له لأ قالى شفتى؟؟؟ بس كده بس هو حلو يعنى :o
بس هو اصلا مش كان عاجبنى الناس الكبار عندنا فى العيلة طبعا بيعملوه احلى من ده بمراااااااااااحل بس طبعا مش رضيت اقوله كده

دينا حمدى;10856513:
ازيكوا يا بنات عاملين ايه
كل سنة وانتووا طيبين وان شاء الله السنة دى تكون افضل من اللى قبلها
انا روحت النهاردة للدكتور وعملت سونار والدكتور قالى كيس الحمل موجود بس مفيهوش جنين وعايزنى بكرة الصبح اروح اعمل عملية كحت
بس انا مش هروح هستنى اسبوع يمكن ينزل لوحده من غير عملية
وادعوا لى ان شاء الله خير
يلا الحمد لله قدر الله وماشاء فعل

ربنا يعوضك الف خير يا حبيبة قلبى قدر الله و ماشاء فعل و بجد فعلا ربنا كريم و اكيد شايلك حاجة حلوة و ظروف احسن من كده بكتير المهم انتى مش تزعلى نفسك
بجد كل تأخيرة و فيها خيرة بإذن الله

CuTie KaTkOoTa;10856526:
:lol::lol::lol::lol::lol::lol::lol::lol::lol::lol: مصيبة يا ميرو انتي والنيرس والدكتورة ، ما شاء الله الف مبروك يا قمر ، زي ما كان نفسك الحمدلله، بس قوليلي جوزك بقي لما خرجتوا من عندها عمل معاكي ايه :lol::lol::lol:

هو انا عملت نفسى تعبانة و مش قادرة اقف و لا اعد بليز اسندنى عندى هبوط علشان يتلخم و يسكت
و بعدين بقى بندخل للدكتور بعد السونار و بعد كل ده لما نزلنا العربية بيقولى بردو مشيتي اللى فى دماغك
قلت له هى اللى قالت هو انا سألتها انا مليش دعوة خاااااااااااالص :cool:

فتافييت السكر;10856552:
السلام عليكم
ازيكم يابنات ياعيال بتوحشوني قوي قوي بقيت بدخل علشانكم مخصوص والله

وعليكم السلام يا دودو عاملة ايه.



الحمدلله معدل الاولاد زاد اهو في التجمع ابشروا يا ماميهات في عرسان كتير والحمدلله، الولاد بقوا 17 مقابل 21

انا طبعا بقول في البيبيهات الصغنين اللي لسه مولودين واللي جايين ان شاء الله مش الكبار

دينا
قدر الله وماشاء فعل وربنا يرزقك بالذرية الصالحة ان شاء الله
لسه نفس الموقف حاصل مع بنت خالي
ربنا يكرمك ويكرمها يارب

ميرو
الف مبروك ياقمر ربنا يسعدك
ايه اخر تطورات منطقتنا

دينا حمدى;10856571:
ازيك يا كتكوتة والله انا كلمت دكتور تانى وده اشطر من الاولانى بس ماروحتلوش لما الدم نزل لان مشواره بعيد جدا عليا
المهم كلمته قالى استنى اسبوع وتعالى ونعمل سونار ولو لا قدر الله مانزلش لوحده هيدينى دوا ينزله
والله المستعان

ربنا يعمل اللي فيه الخير ان شاء الله ويعوض صبرك خير يارب.

kitty_kity;10856589:

انا جمدتها الاول عشان لما اشيلها احطها ف الدقيق وكدا ماتتفكش ولا تبوز

الناجتس الاصليه بقى بتبقى نص سوا الفراخ مش مستوية
هحاول انزلك صورة الي عملتها:)

اسكتي متفكرنيش :lol::lol::lol: ، اصلي في مرة قلت اعمل كفتة فراخ وعينك ما تشوف إلا النور، غلطتي بس الوحيدة اني فرمتها في الخلاط بتاع الكيتشين مش الكبة مثلا لا، تقولي ايه الحمل بيأثر عليا كتير بجد اوي وببقي عبيطة وهبلة اوي وبنسي :lol::lol::lol:
وطبعا طلعت مش ماسكة نفسها خالص، فقعدت احاول معاها ومفيش امل ، قمت حطاها في الفريزر شوية كويسين كده، وطلعتها وقعدت الحق بسرعة اصبعها واحطها تتقلي ، بس نفعت بس منجحتش اوي بردو وطبعا الكمية كانت كبيرة ومكملتش بقي يلا الحمدلله، بس كويس اني عرفت الغلطة فين.

Princess_miro;10856603:

بس هو اصلا مش كان عاجبنى الناس الكبار عندنا فى العيلة طبعا بيعملوه احلى من ده بمراااااااااااحل بس طبعا مش رضيت اقوله كده


هو انا عملت نفسى تعبانة و مش قادرة اقف و لا اعد بليز اسندنى عندى هبوط علشان يتلخم و يسكت
و بعدين بقى بندخل للدكتور بعد السونار و بعد كل ده لما نزلنا العربية بيقولى بردو مشيتي اللى فى دماغك
قلت له هى اللى قالت هو انا سألتها انا مليش دعوة خاااااااااااالص :cool:

:lol::lol::lol::lol: مش ممكن مصيبة يا ميرو، بس الحمدلله انها عدت علي خير، وبالنسبة للرز بقي او اي اكل متقلقيش مرة في مرة بيتظبط وكويس انك مش بتقولي كده قدامه مادام هو نظامه تريقة والحركات دي، بس انتي حاولي تعرفي بقي التظبيطة الصح مكانها فين وغيريها المرة الجاية، علي فكرة انا معملتش الرقاق عشان تعبانة ومش قادرة اجلته :D:D:D

ولسه جوزي مرجعش اصلا ومتغدناش، بس انا اكلت فاكهة وشربت سوائل دافية

ليستة الحوامل:

ماميهات شهر 10:
11/10/2009 Umm Moaz ( أم معاذ و البراء )
12/10/2009 yomizo ( أم ملك و فرح )
lifedrop 13/10/2009 ( أم جنى )
23/10/2009 crazy ananas ( أم نور )
27/10/2009 blacky ( أم صوفيا )


ماميهات شهر 11:
9/11/2009 أجمل ايام العمر ( أم نبيلة )
16/11/2009 طالبة الجنة (بنوتة باذن الله )
18/11/2009 jumanaa ( أم حمزة )
19/11/2009 kato ( أم أميرة )
24/11/2009 ftft70 ( أم زينة )
28/11/2009 سندريلا مصر ( أم أحمد )
marool ( أم حلا )

ماميهات شهر 12:
1/12/2009 garfield ( بنوتة باذن الله )
5/12/2009 بوسي كوكو ( أم مريم )
7/12/2009 البرج اليسر ( أم يوسف )
9/12/2009 دارين ( ولد باذن الله )
10/12/2009 جنة الحياة ( بنوتة باذن الله )
14/12/2009 meshmesh_romio ( بنوتة باذن الله )
24/12/2009 دموع اشتياقي ( ولد بإذن الله )
30/12/2009 boky2010 (بنوتة باذن الله )


ماميهات شهر 1:
5/1/2010 loveway ( ولد بإذن الله )
15/1/2010 om_tota (بنوتة باذن الله )
19/1/2010 DodyCat ( ولد باذن الله )
27/1/2010 smily547 (بنوتة باذن الله )


ماميهات شهر 2:
11/2/2010 m@hy
20/2/2010 Roshy&Hany ( ولد باذن الله )
24/2/2010 mashimaro16 ( ولد بإذن الله )
25/2/2010 katkoot48 ( بنوتة باذن الله )


ماميهات شهر 3:
2/3/2010 كوبايه مايه ( ولد باذن الله )
3/3/2010 عروس البحر
12/3/2010 طماطمايه ( ولد بإذن الله )
25/3/2010 DANDONA_2010 ( بنوتة بإذن الله )
26/3/2010 قصة كبيرة ( بنوتة بإذن الله )
28/3/2010 هانا اوبا ( ولد بإذن الله )


ماميهات شهر 4:
7/4/2010 صوت العيون
7/4/2010 whiteoff ( ولد بإذن الله )
7/4/2010 مايونيز ( بنوتة بإذن الله )
15/4/2010 ياسمين 100 100
16/4/2010 عروس حبيبى
23/4/2010 princess_miro ( ولد بإذن الله )
23/4/2010 miko85 ( ولد وبنوتة بإذن الله )
30/4/2010 d.aml 86
dyana ( ولد بإذن الله )


ماميهات شهر 5:
2/5/2010 قطة اخر الليل
7/5/2010 sweet_toota
7/5/2010 عروسة نعومة
12/5/2010 love_me_more307 ( ولد بإذن الله )
16/5/2010 بنت من الزمن ده
19/5/2010 danasam
22/5/2010 bright bride
23/5/2010 love kingy
24/5/2010 miobillo
29/5/2010 أم حموودى القمر ( أم محمود )


ماميهات شهر 6:
7/6/2010 mira2005m
21/6/2010 razminia
23/6/2010 *lovely *didi
dew.dew

ماميهات شهر 7:
5/7/2010 hoba555
10/7/2010 حبيبه مادو
17/7/2010 فتافييت السكر
17/7/2010 du
24/7/2010 شوق وحنين للجنة
29/7/2010 دينا حمدي
29/7/2010 عيون حمودي
OM MALK


ماميهات شهر 8:
12/8/2010 sweetylolla85
23/2/2010 dandona we bas

ميرو ما شاء الله حبيبتى والف مبروك وربنا يجعلة من الذرية الصالحة يارب وماتقلقيش عروستة عندى ههههههههه

كوباية مايه;10853443:
نسيت اقلكم وانا مروحه من كايرو بقى ومضايقه فا بقول لجوزى انا جعانه قالى طيب شوفى عايزه تاكلى ايه قولتله ماكدونالدز قالى لا دا برجر ومش عارفه ايه وغلط قولتله مش كفايه مروحه ومضايقه وحرام عليكو وانا عايزه اكل تشيز برجر يا ناس وعملتله فيها مجنونه راح منزلنى عليه وروحت جايبه دبل تشيز برجر لااااارج وبطاطس وبيبسى بقى وعملت عبيطه وبقى يقولى كل اللى بتاكليه ممنوع قولتله مش مهم تاخد قطمه قالى

جوزك ده لذيذ ماشاء الله " لا لغى يا ماما براحتك بس براحه على الواد":mad:
زى كل الرجالة دلوقتى خايف على النونو و انتى لأ:sick:

كوباية مايه;10853482:
كل ما نيجى نعمل حاجه يحسسوه انى مصرفه وانى باكل فلوسه ويفضلوا يعملوا اى حاجه عشان ميصرفش حاجه فا بضايق جدااااا يعنى لسه كان بيقول انا عايز اجيب لبسبس طقمين عشان معندهاش حاجه للحمل وانا مضايق انها بتلبس طقم واحد بقالها فتره راحت امه قايمه وجيبالى عبايتين من عندها من اللى هى متجوزه بيهم وقعدت تقوله تقضى بدول ومش عارفه ايه عشان متخليهوش يجيبلى حاجه بس هو قالها ايه يا ماما الحاجات الغريبه دى شيلى بس

ههههههههههههههههههههه ضحكتينى اوى بموضوع العبايتين ده ربنا يهدى بجد كأنه قالها هاتى فلوس لما اجيب لمراتى لبس أعوذ بالله ربنا يخليهولك يا بنتى و يجيبلك و اهو يتعلم انه ويقولش ليهم حاجة تانى

فتافييت السكر;10856568:
:lol::lol::lol::lol::lol::lol::lol:
والله مسخره يابت ياميرو هههههههههههههههههههه

الف مليون مبروك ياقمر الحمد لله ان ربنا حقق لك حلمك ياقمر الف مبروك يا ام عتريس
قوليلي ناويه تسميه ايه؟

انا من زمااااااااااان و انا صغيرة كنت دايما بقول انى عايزة اسمى على اسم حبيبي رسول الله صلى الله عليه و سلم بس نظرا لظروف عائلية عندى و عند جوزى مش هينفع نسمى و لا أحمد و لا محمد
فالمفروض بإذن الله اسمى حاجة بقى من دول
محمود
أو
مصطفى
و انا لقيت اسم حلو اوى هو كان من القاب الرسول صلى الله عليه و سلم
صفى الله
بس جوزى مرة قالى ده تقيل ايه رأيكم؟؟؟
حد عنده اقتراحات؟؟؟

kitty_kity;10856618:
دينا
قدر الله وماشاء فعل وربنا يرزقك بالذرية الصالحة ان شاء الله
لسه نفس الموقف حاصل مع بنت خالي
ربنا يكرمك ويكرمها يارب

ميرو
الف مبروك ياقمر ربنا يسعدك
ايه اخر تطورات منطقتنا

لا جديد
الامن المركزى على ناصية الشارع و بس

فتافييت السكر;10856591:
ازيك يا دينا ربنا يطمنك وان شاء الله يخلف ظن الدكتوره
عاوزه اقولك علي حاجه حصلت والله اخت جوزي قدامي رحنا متابعه وكان اول مره حمل ليها والدكتور الله يسامحه قاللها نفس الكلام ان كيس حمل فاضي
المهم قالت اسبوع و هتروح تعمل العمليه
وهيه عند مامتها مامتها اخدتها وراحت لدكتوره جنبها و قالت لها لا فيه حمل بس لسه نقطه صغننه مش باين والحمد لله دلوقتي معاها ملك
اصبري وشوفي دكتور تاني غير الدكتور ده انتي في الاسبوع الكام؟

ان شاء الله خير يا حبيبتى بإذن الله وربنا يخلف ظن الدكتور ده ان شاء الله
الدكتورة بتقولى ان الحمل فى الاسبوع الخامس
بقالها اسبوعين ل لا اروح تقولى كده

Princess_miro;10856603:
يا بنتى كلنا هنا علشان كده نفضفض لبعض انا كمان لما بكون مخنوقة بعد ائرفكوا عادى يعنى ;)


ربنا يعوضك الف خير يا حبيبة قلبى قدر الله و ماشاء فعل و بجد فعلا ربنا كريم و اكيد شايلك حاجة حلوة و ظروف احسن من كده بكتير المهم انتى مش تزعلى نفسك
بجد كل تأخيرة و فيها خيرة بإذن الله

ان شاء الله خير يا ميرو

[QUOTE=kitty_kity;10856618]دينا
قدر الله وماشاء فعل وربنا يرزقك بالذرية الصالحة ان شاء الله
لسه نفس الموقف حاصل مع بنت خالي
ربنا يكرمك ويكرمها يارب

ميرو
الف مبروك ياقمر ربنا يسعدك
ايه اخر تطورات منطقتنا

طيب قولى لى يا كيتى الله يخليكى بنت خالتك عملت ايه؟وكانت ى الاسبوع الكام؟

بصوا يا بنات اخر دورة 22 اكتوبر
امتى المفروض الجنين يبان فى اى اسبوع ؟
وانا كده المفروض ابقى فى خامس اسبوع ولا اكتر

Princess_miro;10856675:
جوزك ده لذيذ ماشاء الله " لا لغى يا ماما براحتك بس براحه على الواد":mad:
زى كل الرجالة دلوقتى خايف على النونو و انتى لأ:sick:



ههههههههههههههههههههه ضحكتينى اوى بموضوع العبايتين ده ربنا يهدى بجد كأنه قالها هاتى فلوس لما اجيب لمراتى لبس أعوذ بالله ربنا يخليهولك يا بنتى و يجيبلك و اهو يتعلم انه ويقولش ليهم حاجة تانى



انا من زمااااااااااان و انا صغيرة كنت دايما بقول انى عايزة اسمى على اسم حبيبي رسول الله صلى الله عليه و سلم بس نظرا لظروف عائلية عندى و عند جوزى مش هينفع نسمى و لا أحمد و لا محمد
فالمفروض بإذن الله اسمى حاجة بقى من دول
محمود
أو
مصطفى
و انا لقيت اسم حلو اوى هو كان من القاب الرسول صلى الله عليه و سلم
صفى الله
بس جوزى مرة قالى ده تقيل ايه رأيكم؟؟؟
حد عنده اقتراحات؟؟؟


لا جديد
الامن المركزى على ناصية الشارع و بس

سمي مصطفي ياميرو علي اسم جوزي:o:o:o:o

انا جيت تانى

دينا حمدى;10856684:

بصوا يا بنات اخر دورة 22 اكتوبر
امتى المفروض الجنين يبان فى اى اسبوع ؟
وانا كده المفروض ابقى فى خامس اسبوع ولا اكتر

انتي كده في تامن اسبوع يا جميلة، ابتدتيه امبارح

بنات انا عازماكم تشموا ريحة الكيكة بس ههههههههههههه
بموت ف ريحة كيكة البرتقال

اخر اخبار انفلونزا الخنازير



أعلن الدكتور عبد الرحمن شاهين المتحدث الرسمى باسم وزارة الصحة المصرية عن وفاة 4 حالات جديدة جراء إصابتهم بفيروس "اتش 1 إن 1 " المعروف باسم إنفلونزا الخنازير ليرتفع بذلك إجمالى عدد حالات الوفاة بالمرض فى مصر إلى 84 حالة.

ميرو
بلاش رايي انا بالذات ف الاسم لاني بحب اسامي غريبة
يعني كان عاجبني اوي اسم تقي الله
يقولولي كبير اقولهم هدلعه اقوله ياتاكي ملكوش دعوة ههههههههه
اصل انا اهم حاجه عندي ف الاسم انه يكون متدلع او له دلع معروف
انما خطيبي بقى بيحب اسم أنس اوي ..معرفش يتدلع ايه ده ههههههههههه

كيتي عاوزه حته حالا لوسمحتي
ازيك يابسبس عامله ايه ياقمر

kitty_kity;10856721:
بنات انا عازماكم تشموا ريحة الكيكة بس ههههههههههههه
بموت ف ريحة كيكة البرتقال

بالهنا والشفا يا كيتي :lol::lol::lol:
بقولك سؤال طبي معلش، دلوقتي انا كنت باخد حقنة ب 12 كويس، واخدت منها امبولتين لغاية دلوقتي والدكتورة قايلالي كل اسبوع، فكنت باخدها الجمعة، وجيت امبارح اخد تالت مرة بقي مصادفنيش الحظ في واحدة ست في الصيدليات كلها اللي عدينا عليها :badly::badly:
المهم فقلت خلاص هاخدها النهاردة ان شاء الله، بس الواضح كده انه مش هاينفع بردو لأنه جوزي لسه مرجعش وبالتالي اكيد مش هنعرف ننزل متأخر عن كده وكمان البنات اغلبهم بيمشوا بدري اصلا، فيجري حاجة لو اتأجلت لبكرة او بعده كمان ^o)^o)