تجمع ورغي حوامل مصر لشهر محرم 1431 - كل عام وأنتم بخير

ازيك يا كاتو الحمد لله احنا كويسين
الفيلم مش عجبني فيهى الجرافيك الكتير تحسي انه فعلا مش تصوير
بس حلو يعني كويس
اهه تغير برده انا جوزي برده حطه من تقريبا شهر وانا مشفتوش غير امبارح

hoba555;10855617:
شفاها الله وعافها خليكم معاها يا قمر وهي ان شاء الله هتتحسن طيب موضوع القلب ده مكنش باين عندها قبل الولاده
الله يكون في عونها والله
بس اسالو عنها وخليكم جمبها
وبعد الشر عليكي يا حبيبتي ربنا ان شاء الله يسهل وتقومي بالسلامه

ربنا يباركلك يا هوبا ويحفظك من كل شر والله كلنا جنبها بس اللي مضايقني مش راضين يجيبوا البيبي تشوفه والدكتور حتي قال لازم تشوفه يرفع معنوايتها حتي عشان تاكل
وهي مكنتش عارفه لانه ظهر بعد ما عملت مجهود كبير اوي في الولاده فضلت من 9 بليل لغايه 3 الظهر تولد وحماتها السبب برضوه لانه جوزها مشغول ولما كان يسال الهام راحت المستشفي بتابع يقولوه اه وهي معندهاش تلفون في شقتها عارفه حاجه تحزن الحمد الله علي كل حال

عارفه افتكرت معامله حماتي فبل الحمل وبعد الحمل وخفت اترعبت حسيت انها مجرد سوري بطن حملت وجابت ولد ولو ماتت في دهيه مع ان عندها بنات استغفر الله

ازيكو يا بناويت .... كاتو وحشتيني يبنتي و الله لسه كنتي على بالي و بافكر أبعتلك مسج على الفيس بوك ، ازي مرمرايا و انتي عاملة ايه و تعبتي بعد القيصري و لا ايه

ميكو .. ربنا يعينك على المحشي ، انا باحاول لو عرفت أقفل الصباع من الجنب باقفله لو ماعرفتش باسيبه كده و أمري لله

قطة .. قريبتك صعبت عليا و الله ربنا يشفيها و يعافيها و يخليلها ابنها

طيب ليه مش راضين تشوف ابنها مش هم الاتنين في نفس المستشفي ما تخلو دكتور تعرفوه ولا حاجه يوريهولها يا قلبي ربنا معاها
وربنا يهدي الحموات انا مش عارفه القسوه دي جيبنها منين والله
ربنا يقومها بالسلامه ان شاء الله هي وابنها وملهاش دعوه تاني بحماتها استغفر الله العظيم انا لو مكنها هقطع كل علاقتي بيها
وهي فين مامتها؟

بنات حد جرب يعمل ناجتس قبل كده

قطة اخر الليل;10855593:
اهلا يا قمر انا الحمد الله انتي عامله ايه والله وانتي وحشاني يا عسولتي بس انا مخنووقه اووي اووي يا ميرا بجد
محمد من ناحيه واحمد اخويه مجنني من ناحيه

ومن اول امبارح مش عارفه انام من التفكير مرعوبه وعندي اكتئاب غريب

بنت عم بنت خالتي انا اعرفها كوس بنت طيبه ومحترمه اتجوزت كده من حوالين سنتين وهي كبيره حوالي 33 المهم كانت حامل
وولدت عارفه كلنا منهارين عشانها ولدت طبيعي وبعد ماولدت تعبت جدا جدا وطلع عندها عضله القلب ضعيفه وممنوع تخلف تاني اللي مزعلنا انا كانت تقول تعبانه حماتها تقول ده دلع مش عارفه اخ نفسي يقولوا ده دلع لغايه ما راحت اختها وقالتلها لازم اودي المستشفي وبتحلف بتقول بقيت شايفه قلبها هيتخلع من صدرها تخيلي بقا مرميه في العنايه محدش حتي راح يبص عليها ولا يقولها سلامتك منهم وهي ما شيه قلت اشوف ابني قولها مينفعش اصله تعبان
انا بكتب وانا مقهوره والله بجد انا بقا مشكلتي لساني شوفت جوزها امبارح فضلت اتخانق معاه لغايه ماهو عيونه دمعت من شكلي واه لو شوفيها بقي تقولنا انتو بتعيطوا ليه
ولا تقول عاوزة اشوف ادهم وحشني اووي كنت همووت اتخيلت نفسي مكانها وهما بيعملوا فيه كده

لا حول و لا قوة الا بالله العلى العظيم
ربنا يشفيها و يخفف عنها يااااااااااااااااااارب هى و كل مرضى المسلمين يااااارب
و ربنا يقومها بالف سلامه علشان ابنها لا حول و لا قوه الا بالله العلى العظيم و الله زعلتينى اوى يا مروة :'(:'(:'(:'(:'(
ايه الناس دى
هى الدنيا بقت عامله كده ليه :'(:'(:'(:'(:'(:'(:'(

معلش يا مروه و اديعيلها و مش تتخانقى مع جوزك هو ذنبه ايه
استغفرى الله و ادعى لها احسن يا حبيبتى و بلاش زعل علشان البيببببببببببببببببببى الله عليكى F:F:F:

تصحيح المعلومات الخاطئة والسائدة في التغذية السليمة


بنات شوفوا ده مهم اوي بجد.

hoba555;10855681:
طيب ليه مش راضين تشوف ابنها مش هم الاتنين في نفس المستشفي ما تخلو دكتور تعرفوه ولا حاجه يوريهولها يا قلبي ربنا معاها
وربنا يهدي الحموات انا مش عارفه القسوه دي جيبنها منين والله
ربنا يقومها بالسلامه ان شاء الله هي وابنها وملهاش دعوه تاني بحماتها استغفر الله العظيم انا لو مكنها هقطع كل علاقتي بيها
وهي فين مامتها؟

لا البيبي في البيت اصلها ولدت ومشيت في نفس اليوم بليل وبعدها تعبت ومحدش كان راضي يوديها المستشفي الا لما اختها لاحظت انها مش بتقدر تاخد نفسها
ومامتها معها بس لا حول ولا قوه بتقول اشوف بنتي الاول وحماتها بتقول ملناش دعوه عالجوها انتو تخيلي اه همووت من القهر والفرسه

قطة اخر الليل;10855593:
اهلا يا قمر انا الحمد الله انتي عامله ايه والله وانتي وحشاني يا عسولتي بس انا مخنووقه اووي اووي يا ميرا بجد
محمد من ناحيه واحمد اخويه مجنني من ناحيه

ومن اول امبارح مش عارفه انام من التفكير مرعوبه وعندي اكتئاب غريب

بنت عم بنت خالتي انا اعرفها كوس بنت طيبه ومحترمه اتجوزت كده من حوالين سنتين وهي كبيره حوالي 33 المهم كانت حامل
وولدت عارفه كلنا منهارين عشانها ولدت طبيعي وبعد ماولدت تعبت جدا جدا وطلع عندها عضله القلب ضعيفه وممنوع تخلف تاني اللي مزعلنا انا كانت تقول تعبانه حماتها تقول ده دلع مش عارفه اخ نفسي يقولوا ده دلع لغايه ما راحت اختها وقالتلها لازم اودي المستشفي وبتحلف بتقول بقيت شايفه قلبها هيتخلع من صدرها تخيلي بقا مرميه في العنايه محدش حتي راح يبص عليها ولا يقولها سلامتك منهم وهي ما شيه قلت اشوف ابني قولها مينفعش اصله تعبان
انا بكتب وانا مقهوره والله بجد انا بقا مشكلتي لساني شوفت جوزها امبارح فضلت اتخانق معاه لغايه ماهو عيونه دمعت من شكلي واه لو شوفيها بقي تقولنا انتو بتعيطوا ليه
ولا تقول عاوزة اشوف ادهم وحشني اووي كنت همووت اتخيلت نفسي مكانها وهما بيعملوا فيه كده

الف سلامة عليها يا مروة، ربنا يقومها بالسلامة يارب ويشفيها ويهدي كل اللي حواليها.

ايه ده يعني البيبي في البيت
ايه الناس المفتريه دي انا مذهوله بجد والله لو انا مكانها لاتربق المكان عليهم و اخد ابني في حضني
لا حول ولا قوه الا بالله
ربنا معاها وربنا علي الظالم والمفروض جوزها يكون ليه دور في الموضوع حرام عليهم

عروسة نعومة;10855659:
ازيكو يا بناويت .... كاتو وحشتيني يبنتي و الله لسه كنتي على بالي و بافكر أبعتلك مسج على الفيس بوك ، ازي مرمرايا و انتي عاملة ايه و تعبتي بعد القيصري و لا ايه

مش معقول بوسى اخبارك اية يا قمراية وحشتينى جدا مش بتدخلى لية اخر حاجة شوفتها ليكى كانت تقطيع الفراولة صح هههههههههه :D
اميرة الحمد لله تمام بخير والحمد لله عقبالك يا قمر لما تولدى بالسلامة يارب
انا الحمد لله تمام كويسة بس فعلا القيصرى صعب شوية بس كلة بيروح بالمسكنات :'( والجرح بيوجع وبيشد عليا جدا بس الحمد لله على كل شئ

kato;10855595:

كتكوتى ازيك يا قمر اخبار جودى اية يا حبيبتى :L:

الحمدلله كويسين بس شغالة خبط فيا من امبارح مش عارفة مالها، وامبارح كنت قاعدة كده فجأة لقتها عملت حركة غير اي مرة، تحسي انها مش خبطتت لا كأنها بتزقني، تحت البريست كده بشوية.

عروسة نعومة;10855659:
ازيكو يا بناويت .... كاتو وحشتيني يبنتي و الله لسه كنتي على بالي و بافكر أبعتلك مسج على الفيس بوك ، ازي مرمرايا و انتي عاملة ايه و تعبتي بعد القيصري و لا ايه

ميكو .. ربنا يعينك على المحشي ، انا باحاول لو عرفت أقفل الصباع من الجنب باقفله لو ماعرفتش باسيبه كده و أمري لله

قطة .. قريبتك صعبت عليا و الله ربنا يشفيها و يعافيها و يخليلها ابنها

بوسي ازيك عاملة ايه لسه جوزك محتل الجهاز، بقولك هو السوسة بتتشال ازاي من السنة وبتحتاج بنج ولا لا.

مروه الف سلامه علي بنت عمتك
وربنا ينتقم من الظالم والمتفتري
ربنا يقويها وترجع لابنها

و جوزها ده فين ؟؟ نايم؟؟

ربنا يهدي يارب ويجعله في ميزان حاسنتها جوزها بصراحه قاعد جنبمها وشكله الاتنين يوجع القلب وانا بقا بصراحه متوصتش علي حماتها واتصلت بيها وقلتلها عارفه بنتك هيجرالهم كده وصدقيني هتندمي وقتها اوي مبقتش عارفه ترد قالتلي اصله ادهم عنده برد قلتلها طيب ماشي كل بناتك الاربعه عندهم برد برضوه وانتي مش عارفه تروحي تزوريها انتي كيد معقده حماتك اكيد كانت معذابي بس ربنا مش هيسامحك عشان البنت معملتش حاجه وحشه بكل برود قالتلي ربنا يسهل وانا نفسي تخف صدقيني قلتلها هتخف ان شاء الله وصدقيني مش هتخليكوا ولا تشوفوه ولا هو ولا ابوه وابقي ازعلي بقا ها باااااااااااي وقفلت السكه امها بقيت مبسوطه اووي وربنا يشفيها يارب ويبعد عننا كل شر يارب وميرسي يا بنات ليكم كلكم وربنا يبعد عننا اي شر يارب ويقومنا بالسلامه كلنا يارب

برافو عليكي يامروه

دا انتا متابع أهو يا كاتو .. آه قطعنا الفراولة و الحمد لله .. طب يا حبيبتي و الجرح لسه تاعبك لحد دلوقتي؟؟ و عملتيه باخياطة و لا اللزق ده و مرمر طالعة شبه مين بقى ؟؟

كتكووووت واحشاني و الله الاحتلال قل شوية بس لما بادخل مش بالاقيكي كتير .. السوسة بتتشال بالحفر و بتحتاج بنج حسب امتدادها في السنة يعني لو سطحية أوي لحد 2 مللي كده ممكن تتشال من غير بنج بس كله بيدي بنج عشان يتفادى الألم لأنك لو جربتيه هاتقولي أبوس اديكو ادوني بنج و بعدين البنج ده مفهوش حاجة و الله


هوبا ازيك و ازي نودي .. أنا شفت فيلم 2012 ده بس في السينما بصراحة عجبني أوي لأنها بتخليكي تحسي ان الأحداث بتحصل حقيقة و انك قاعدة وسطها أما لما شفت حتة منه في التليفزيون حسيت انه عادي

تصحيح المعتقدات الخاطئة والسائدة في تناول الطعام

عدلت اسمه كده احسن صح

ربنا يكرمك يا مروة على وقوفك جنب البنت ديه بس بصراحة حاسة جوزها سلبي أوي و مفروض يكون ليه كلمة أكتر من كده

النت مطلع عيني مش عارفه اتكلم معاكم عااااااااااااااااا

ميكوا الاستفندي انا جايبه الكيلوا ب3 ريال هع هع هع