ولد حماي وانا.........!!!!!!!!

ليش تسكتين قولي ليهم خصوصا امه اني مثلش ما احب احد يتكلم علي
قفلي بيبانش لا تخلينها امبطله ليش مسووووين اختراع اسمه صاله عشان اقعدون فيها واني لو اسووون لي جدي ولا لعبه اخليها ليهم واللي بسويه خله اسويه اكي الطوف بعد توصل للضرب؟؟؟
اذا ما يتوقف عند حده مره ثانيه بفشلش حتى قدام الغرب والناس بتقول جنها خيشه حتى الجاهل يضربها شلون بتربي ولدها؟؟؟؟؟

حبيبتيي قوليلهم من باب السوالف وكأنج تخبرينهم عن مغامرات الولد فاللعب .. لاتحسسينهم ابد انج متضايقه او انج تشتكين من تصرفاته..
بس من باب العلم بالشيء..عشان هم يسنعون الولد ويفهمونه..
انا اتذكر اول ماتزوجت وسكنت في بيت اهل زوجي..كانو عيالهم يجون يلعبون عندي بالغرفه..وكان ولد حماتي لسانه طويل ومشاغب..وكل ماقلت له عيب يا حبيبي لاتسوي جي..يقولي اصلا هاي بيتنا مو بيتكم !! مع ان كان صغير يمكن عمره خمس سنوات بس!
فالاخير قام يتف ع الارض..ويوسخ المكان..حاولت افهمه ان هالشي غلط..قام يزيد .. ماقلت له ولا كلمه زياده..فتحت الباب .. ومسكته بشويش .. وقلت له انزل تحت ومابيك اتجي عندي مره ثانيه!!
راح عند امه يصيح طبعا..فيوم نزلت بعدين سالتني شنو سوه..قلت لها ماشاءالله عليه..قم يتفل ويوسخ المكان وكل ماقلت له عيب يزيد ..عاد هي مسكينه ماقصرت فهمته ان اللي سواه غلط..وخلته يعتذر بعد..
ومن يومها ماعادها ابد ..

طولت عليج ادري..
بس ترى هالمواقف تصير عادي..احنا الكبار واللي لازم نتصرف بحكمه وعقل ..ولا اليهال مانشره عليهم..وعيالنا بنأدبهم بطريقتنا ..بس عيال الغير اذا ماسمعو كلامنا وتأدبو..خل اهلم يأدبونهم احسن..بس بدون مانحسسهم ان عيالهم محتاجين هالشي..وانتي وشطارتج عاد :)

الله يعينك ويجمل حالك

حبيبتي

اهم شي راحتش
ولا تجامليين حماج على حساب راحتش
خله يرووح يقوول الا يقول!!
ولين كلموش قولي لهم الصراحة

الله يوسع عليش ويصير عندج بيت

الله يعينك على هالطفل ,,!!
طيب جربي كلمي أمه وفهميها الوضع .. وحاولي تقولي لها تفهم ولدها انه غلط كل ماصار شي راح يقول لعماته .. لأن هالشي اكيد يسبب مشاكل !!
مالك الا تتكلمين مع ام هالولد ,,

ليش تخلين طفل بهالعمر يتحكم فيش
المفروض من بدايه دخوله شقتش
نخبرينه شنو المسموح له وشنو الممنوع عنه
وبعد تعممين هالشي على ولدش عشان حتى ولدش يتعلم المحافظة على العابه
وعطي الاذون الصمخه اذا قال بروح اشتكي لا تحسسينه انش مهتمه فيه
واذا تبين تكسبينه مجرد هديه بسيطه

الله يساعدج حبوبه
عاد الجهال يفتونون ويسون الشي الي مايصير
حاولي تكلمين امه عن الي يسووويه وبالعكس انتي مو غلطانه انتي معاج الحق
لو مثلا صار العكس وولدج راح عند مرة حميج وسوا الي سواه ولدها وقعد يعفس ويكسر اهي بترضا!!

فلازم تكلمينها

والله يا أم عبادي..
اليهال دوم يسببون مشاكل للكبار خاصة اللي يسمعون كلامهم ويصدقونه!
بس انتي حاولي من اول ما يدشون يلعبون ويا ولدج تعرفينه وش الشي المسموح يسوونه وش الشي اللي المفروض يكون ممنوع.. يعني دامه كبير ويفهم قولي له انا ما اقدر أنظف عفستكم لين خلصتوا لعب لازم تردون الألعاب مكانهم والحجرة ما يصير تدشون لأن توني مخلصة شغل.. قعدوا العبوا في الصالة واستانسوا..

بعدين خبري أهله عن شقاوته بس بطريقة مزحة حق لا ياخذون الموضوع بحساسية.. وقولي لهم انا اخلي اليهال يلعبون قدامي في الصالة عشان لا يبتعدون عن عيني ويسوون شي يضرهم بروحهم في الغرفة..
والله يكون في عونج الصراحة انا بعد ما احب عوار راس اليهال وعفستهم أحس اتضايق..!!

يتهيئ ليي لو قالو لج عن اله قاله تقولين صراحه ولا تخافين ولا شي...وجهال ما يجون من وراهم الا مشاكل...وهم شي صراحه مع الكل وخلاص عاد هم بكيفهم حطو عليش والا بطقاق اهم شي راحتش وراحة عيالش وزوج وباقي بالطقاق

واللله الصراحة علشان تفتكين ما لش الا تقفلين بابش وتريحين روووحش واللي بيقولونه يقولونه اني الاول اولاد حماتي كانوا يجوني ويتبعثون في كل شي ومن النوع اللي يحطون بالهم في كل شي حتى الثياب خبرش في مكانش وش بتلبسين غير برمودة او بودي وهم اذا يجون خاصة البنت عمرهااا خمس سنوات ودائما تقول فلانة ليش لابسة قصير الو حتي البودي لين فيه يد قصيرة تعلق عليه وتحوس في الادوات اللي على التسريحة اخر شي قمت اقفل باب الشقة وحتى لو طقوها ما افتحه ليهم نصيحة قفلي احسن أو بينحدون عليش عل طول

مشكورين خواتي على المرور والنصيحة
وشجعتوني اني اخلي حد اليه
ولا علي من احد ههههههه
امساعة اقول الى زوجي هالمرة براوية بعرف اتصرف معاه
والمشكلة اني حتى لو قفلت باب الشقة
اني مطبخي خارج الشقة يعني ساعات اطر اطلع ومن يشوفوني طالعة او عبادي نزل على طوووول يركبون
الله يعيني عليهم

ام عبادي الله يساعدش صررااحه :hysterical: ..

الوحده منا زين تستحمل عيالها ..
مو بعد عيال غيرها وبشكل يومي ..!!

اول خطووه تسووينها تحددين حدود الشي من البداايه ..
ومدام ركب شقتش يستحمل ولازم ويعرف حدوده ..!!

يعني خليهم بصاله وبدوون العاب بعد ..
شووي وبيمل وبينزل يخربط ويقول الا يقووله بكييفهم ..

وثانيا حاولي ما تستقبلينه بشكل يومي!!
لانه هذا الشي تلف الى الاعصااب بصراحه :confused:..

واذا نزلتي وشفتي وجووهم .. متغيره ولا سالوو ..
قولي لهم انو اذا تجمعو ياذوونج ويتهاوشوون على الالعاب مثلا ..!!
ومحد مضظر يعوور رااسه كل يووم بمشاكل العياااااال ..!!


الله يكون بعوننج ..
والله يووسع عليش وتطلعين في بيتج خيتوو ..

هلا ام علاوي
فعلا اتصدقين ذاك اليوم سوتيها كنت واصلة حدي منه
قفلت باب غرفة عبادي ودخلت غرفتي اصلي وقفلت الباب علي
وهو تملل كان مافي العاب وطلع
والله كريم ان شاء الله ويوسع الجميع خيووووووووو

الله يساعدقيش اني بعد متاديه من هالسالفه ولدي و ولد حميي في نفس العمر ولدي اكبر بكم شهر ومرت عمه ما تبيه يروح شقتهم وهو وولد عمه متعلقين في بعض واجد وهو من يروح شقتهم طردته اني ما ادري هو شيسوي داخل بس اذا هي ما تبي ولدي يروح عندها لا تخلي ولدها يجي عندي صح؟؟

ولدها بعد اذا يجي ما يقصر في العفسه و الفوضى لكن ما اقول شي اقول جهال و يكسر خاطري اطرده

تالي مصخوها ولدهم يجي بكيفه وولدي لا يروح قمنا نقفل الباب عنه و تخيلوا اذا قفلنا الباب جا ابوه يتفلسف ليش مقفلين عنه الباب يعني انتون حلال و احنا حرام

غير التعليقات و الكلام الي ينقط على ولدي و بعدين اذا ولدهم سوا مثل الشي يصير حلو وبارد

وفي اشياء ما احب اقولها ما يندرى بعد يمكن يشوفون الموضوع بس صراحه عيشه لا تطاق

الله يساعدش ويوسع عليش بيت

مسز عادل انتين بعد الله يساعدش خيوووو
بس اذا طردت ولدش خلاص لاتخلين ولدهاا يدخل عندش
واذا جا حميش قولي الليه تطردون ولدي وتبون ولدكم يجي عندنا
بعد السالفة اذا فيها عناد
لو اني بعد يسون جدي بسوي مثلهم
بس اني لانة مثل ماقلت ولدي خير فاذا يروح مايسوي مثل الي يسوونة عندي
من جدي مايضايقون منه

بنت الرياضة مشكورة خيوو على المرور

انا معاك والله ماحب الاولاد الي مثل كذا ابدا

لادخلينا مره ثانيه والي يصير خلا يصير

وشهل زعاج كل يوم كذاا اه او انا بمووت من القهررررررر

قولي الامه خلي تربي ولدها وبس

انا لسه مخطوبة
بس عندى فكرة
اول ما الولد دا يعمل حاجة تضايقك فى الشقة تروحى تجيبيلة اى حاجة حلوة من عندك وحدتين شيكولاتة او بسكوت او اى حاجة حلوة و قوليلوا روح كلها عند ماما و اديها واحدة

كده مامته مش حتزعل منك و حتعرف انك بتدى ابنها حاجات حلوة علطول و مش حتصدقه لو قال عليكى حاجة

ربنا يساعدك