ولد حماي وانا.........!!!!!!!!

الله يكون بعونج اختي انا مشكلتي اكبر منكم تخيلوا ولد حماي معلمينه يقول كلمة ( ياثور) الله يعز القاري وجم مرة يعض بنتي وتتنفخ يدها بس عاد آخر مرة قال لي ياالثورة وطقيته اذا هم مرتاحين مايربون عيالهم احنا بنربيهم لهم.. وانا من النوع اللي ما اخاف ارد ولساني اشطوله عليهم خلهم يتأدبون ويعلمون عيالهم الكلمات الزينة مب احنا نربي ونأدب عيالنا وعيالهم اييون على برود ويقولون هالكلام جدام عيالنا صح او انا غلطانة انا اقولج اختي ماعليج اللي يبغي يزعل زعل يعلهم مارضوا عليج ولا بيفيدونج بشي بالعكس هم مرتاحين عن الإزعاج ويضكحون ومستانسين وانتي فوق تآكلين قهر في روحج..

عودي ولدج لما يجون ربعه يقعدون في الصالة وحتى الكبير إذا تخافين يألف قصص عند أهله لما يطق الباب قفلي الغرفة أو دخليه بعدين مثلي عليه أن المفتاح ضايع مضيعنه عبادي وسوي نفسش تدورينه أو فكي عمرش

الله يساعدش على هالمواقف

واذا بعد كانت حماتش بتصدقه بعد هذه مشكلة ! اذا وياش جدي قليل أدب مو مستحي عيل مع بيتهم اشلون واكيد حماتج عارفة اطباع ولدها .. ومثل ما قالوا البنات اذا ما فاد الكلام وياه كلمي امه واذا ما تبين اتسوين مشاكل بعد احقري او شيلي قشش وقت اللي هم موجودين وطلعي احسن لش ..

الله يوسع على الجميع يااااارب !

مشكورين خواتي واتصدقون اغلب افكاركم اسويهااا
يعني مثلا سالفة اعطيه اشياء
هذاني ادزز فية ويا السيديات كل مرة اعطيه
واذا امه قالت بترجعة اقول اليها لا خليه حقة


بنت الغلا صدق خيوو الي تشوفة مصيبة الناس تهون عليه مصيبته
يعني اني لو ولد حمي بعد يسب او يقول كلام مو زين ماادري اشلون بتكون حياتي:(
الله يساعدش خيوو
بس كلامش هزني عدل يوم قلتين هم مرتاحين من الازعاج واني آكل قهر
المشكلة اذا امهم في الشقة اتفكرهم تحت
وهم تحت يفكرونهم في بيتهم وهم عندي فوق ههههههههه

حبيبتي لا توجعي راسك ولاتجيبي لنفسك مشاكل
لان حماتك مش حتصدق ان ولدها يسببلك فوضى ولو صدقت حتقولك عادي يهال وبيلعبون يعني تطلعي انت ف الاخير اللي مكبرة السالفة ع الفاضي وناوية المشاكل وما تجبين عيالهم
لا تحكي لحماتك شي
انت تصرفي من عندك وخليك قدامها عادي ولا تشتكين ولا على بالك وبيني انك تحبينهم
وكل مايطلعون لعندك شيلي كل الالعاب وحطيها في غرفة ابنك وقفلي الباب بالمفتاح
وما تبينين انك مضيعة المفتاح لانه ساعتها حيفضل يستنى معاك المفتاح ويدوره وكل مرة حيرجعلك على امل انك لقيتي المفتاح
ولو سالك عنه قوليله الباب مسكر وبس وانك مش حتفتحيه
وكمان التلفزيون ماتحطينه على قنوات الاطفال ساوي نفسك تتفرجي على مسلسل او برنامج وممكن اخبار (لان الاطفال ما يحبونها ) وما تبين دوشة وازعاج وقعديهم بدون حركة ولا صوت ولا لعبة ولا شي وكل ما تحرك قولي له هسسسس اتابع في التلفزيون
واكيد راح يمل لوحده وينزل
مرة واتنين وعشرة
ويارب توصلي لنتيجة

الله يساعدش يا ام عبادي ..

اذا الجاهل تعلم الفتنه من صغره .. يصير مكروووه بين اهله ..

اني فطوووم تبغي احد يلعب وياهاا .. وماكو عندنا الا بنت حميي .. ومن تروح شقتهم تضربهااا واسمع صيااحها ..

بس مرت حميي تجيبها وتقول ليي ضربتها زينب .. ومع ذلك مااقدر امنع فطووم لانها صغيره وتتملل تلعب بروحها ...

والحل عندي اني اجيب زينب تلعب معاها قداامي وماتضربها لمن تشوفني .. مع اني ماصرخت عليها ..

انتين خيوو الحل انش تخبرين اهله بالموضوع .. علشان ماياخذون عنش فكرة مو زينه ..

والمفرووض يعرفون ولدهم يفتن ومايصدقونه .. بالعكس يمنعوونه من الغلط..

والله يكوون بعونش ..

الله يساعدج ام عبادي صراحه الواحد حتى ببيته مايرتااح

بس مثل ماقالو الاخوات وماعندي زياده توقفينه عند حده اخر زمن زعطوط يتحكم فيج

الكل مايحب المشاكل مع اهل زوجه والكل مايحب ان يدرو حجي من ورااه بس اذا هم

مافهموو فهميهم بطرريقتج وصلي لهم الحجي ، او حتى خلي زوجج يوصل الحجي مافيها

شي اذا كنتي تستحيين ، يعني لو راح اشتكى او فتن وقالو لج قولي لهم الصراحه ولا

تخافين ولا شي وقوولي لهم بطريقة حلوة مايفهموونها انج ماتبينه بالمررة او حتى

قولي حق مرت حماج مثلا استغربت من ولدج يقول الحجي سامع من من؟؟ مجررد

تقولين هالحجي بتفهم علييج واذا مافهمت هي بعد شي ثاني وتسوي روحها ماتبي

تفهم ههههههه والله يكون بعونج يام عبادي

سبحااانه تعااالى نوه في كتااابه الكريم انمااا اولادكم فتنه وفعلا الاطفااال اكبر فتنه لو سمعووو لهم الكبااار المفروووض الاطفاال مايرحوون اي مكاان الا مع امهااتهم اسمعي لاتفتحي بااابك قفليه من المشاااكل وكفي الله الموءمنين شر القتال الله المستعااان

سوي مثل ما قالت مها عبدو ...اتفق وياها اني ... مردهم بيطلعون ...ولا تسكتين اذا غلطوا او عفسوا لانه ولدش بيتعلم منهم ... .

عشان يعرفون انه هذا النظام اذا سكتي عنهم بيقولون عادي ... الفوا خله يالفون اهم شي راحتش وراحت ولدش ..

الله كريم

الله يعينك ويعيني على مشاكل الجهال

يوووه الله يكون بعونج..
ولد حماج يذكرني بعيال خالتي الصغار ماشاء الله عليهم لاجاوو بيتنا تقولين اعصار ضارب بيتنا كل شي يخربونه ويكسرونه وبعدين مو تقولين صغار وهبلان لا كبار اعمارهم على 4 سنوات و5 سنوات بس مخربين الحمدلله والشكر

فا صارت امي الله يحفظها ماتجامل اختها لا صارت عزيمة تقولها لاتجيبين عيالج البيت ، زعلت بالبداية عقب صارت ماتجيبهم وارتحنا .. حتى اخواني صاروا مرتاحين اول يعزلون اغراضهم ويقفلون غرفهم خخخخخ

الله يستر على بنتي بس ماتحوس لا كبرت بتجيني شوته من اهلي ..

وانتي لا تعطين هالبزر وجه ، حمري عيونج عليه عشان يخاف منج ومايكسر اغراض ولدج ويقط عليج سيارات..

مره بنت خالتي اول ماتزوجت كله تجي بنت حماها تقعد جنبها ولاراحت امها مكان تفل بوجه بنت خالتي وتكررت هالسالفه كثير وبنت خالتي ساكته
عقب حطت بشنطتها شطه قالت من تروح امها وبتفل علي والله لا احط شطه بحلقها
وفعلا اول ماراحت امها بتجيب شي من المطبخ تفلت بوجه بنت خالتي والبنت عمرها 3 سنوات ، راحت حطت بلسانها شطه وهربت البنت
وبنت خالتي قلبها يقرقع خايفة تقول لامها
تقول ليومج هذا ، من تشوف بنت خالتي تقعد بعيد ههههههههههههههه

تقول افتكيت منها ومن تفافيلها ...

صح الجهال هم اللي يسببون مشاكل
بس لاتسكتين عنه ،،، جاهل يتحكم فيش؟ الله يعينش بس!

مشكورين حبيباتي
والله عطيتوني دافع انه ادخل في حرب معاه
الحين مااعطيه وجه كلش
والبارحة دخل الشقة وكنت مقفلة غرفة عبادي
وقعد يناطط في الصالة ويسوي روحة يتهاوش ويا عبادي واني ساكتة
اخر شي طالعته نظرة على صوب
على طول طلع من الشقة هههههههههه ضحكني عدل
الظاهر خاف

دريم حبوبة لو اني اسوي جذي احط لة شطة انجان سوى لي فضيحة في الديرة كلها هههههههههه
بس عجبتني جراءة بنت خالتش يعني ماخافت من المشاكل
بس نفعت معاها الخطة هههههههه

أنا صارت لي نفس المشكله مع بنت أخو زوجي كنت أرتب في الغرفه و كنت ما أبا يعفسون الغرفه لين ما أخلص ترتيب و تنظيف و إذا بنت أخو زوجي تبيني أفتح لها لعبه و هاذي اللعبه بالذات هي عباره عن كور صغيره يعني تعفسلج المكان فوق تحت و بعدين قعدي يمعي هذي الكور حبه حبه...فقلت خلاص أنا بعد ما أخلص راح أفتح لج اللعبه قامت و صارخت و صاحت و أنا صراحه كنت حامل و في الشهور الأولى يعني مب طايقه حتى نفسي فقمت صكرت على عمري الباب و نمت من الصداع..و لا أسمع عمتي من ورى الباب تقول حق حفيدتها تعالي أنا أحين بروح أشتريلج اللعبه !!! يعني فهمتني غلك كأني أنا ما أبيها تلعب بألعاب بنتي و لا من هذا القبيل و بعد ما قمت رحت قلت للخدمات نزلوا كل الألعاب تحت و نزلت تحت و قلتلهم إلي صار بالظبط عشان ما يقعدون يرمسون من وراي و لا يفهموني غلط

انا من رايي لا تفتحين الموضوع

شوفي ردة فعلهم اول

بالتوفيق

تسلمون حبوبات على المرور
والحين خلاص اقدر اتصرف معاه هههه
عطيتوني دافع

الله يعينج عليه
بصراحة لازن تكلمين امة لان بعدين بيتمادى
وعيب ان يرمي عليج الالعاااب
هذاا من باب التربية ان يفهمونة ان عيب يطاول على الي اكبر منة

الله يعينك ويعطيكى الصبور

زين عرفتين له

ومن رايي اول ما يدخل تعطينه التعليمات لا تسوي جدي ولا جدي و اذا ما سمع الكلام قولي له اني قلت لك من الأول لا تسوي جدي وانت ما سمعت الكلام و الحين روح بيتكم لأن انت ما قعدت عاقل

وكل مره يجي قولي له ها تبي اطلعك مثل ديك المره

وبقول لكم حيل مرت حماي

تقول لحسون ان ولد عمه بيتسبح و انت بعد روح اتسبح ويجي عاد يزلزلني يبي يتسبح و ساعات في اوقات غير مناسبه يعني اكون مشغوله ولا ابوه بيطلع الشغل او بعدنا ما تغدينا وبيرجع يوسخ روحه


وساعات تقول له روح جيب لعبتك يا زعم علشان لا يتهاوشون و تالي تقفل الباب و مع السلامه لو يغمى عليه من الصياح ما تفتح الباب

و اني و الله انقهر وما ابيه يروح عندهم وكم مره امنعه بس ما تقدرين تحبسين الجاهل طول اليوم ساعات يا زعم ينزل بيت جده و تالي وين على شقتهم و اني ما ادري

بس الحين خفت روحاته و هم بعد تادبوا شوي لأن زوجي كلم امه حتى تكلمهم

هم يفكرون ان ولدهم ما يسوي شي لأن احنا ما نتشكى مثلهم بس احنا نقول جهال وطبيعيه حركاتهم

و ما شاء الله عليها لو ويش يسوي تجي تسم بدني ولدش يسوي جدي وجدي ولدي ما يسوي و المشكله اقدر اقول لها بعد ولدش يسوي اشياء بس اني مو من هالنوع و لا احب افشل احد

مثلاً تقول لي ولدش ما شاء الله حركي و يفتح المجرات ولدي ما فيه هالطبع

انزين ولدها من يدخل دايركت على كبت الأكل يعني مثل الشي بس اسكت عنها ولا اقول لها عن ولدها


ومره لما كنت اعلم حسون على الحمام كنت في شقتها رايحه اشوفها جايه من سفر الا تقول خلاص عجل ما ابيه يدخل شقتي اني شقتي كاربيت ولا اقدر على النجاسه يعني معناتها ويش طرده ولو وحده مكاني قامت طلعت في نفس الوقت بس اني ما احب المشاكل

و الحين تعلم ولدها ع الحمام و عادي يجي يدخل شقتنا يعني حرام علينا حلال عليهم

ومن قبل ما كنت ارضى اطرده بتس زوجي يقول هو مو احسن من ولدي ولدي ينطرد وهو يعفس الدنيا ونسكت عنه و اذا طلعه يتم يصيح سنين على بابهم ولا يفتحون له الباب تخيلوا

و القهر اذا مللهم جابه ابوه لينا تصوروا الحين انتون ما تبون ولدنا لو ولدكم على راسه ريشه


يلا خلها على الله

قاضي الجهال مجنون