التجمع الخامس للحوامل اللاتي يلدن في شهر 3 (مارس- اذار) 2010

الحلم الأزرق;10929041:


دلوعة شخبارش حبيبتي ما شفت جلا بيات الصور ما طلعت عندي خاطري أشوفهم:(

غريبه ماطلعوا لج انتي وقلب البتول ، بس ماعليه بحاول انزلهم مره ثانيه لين رديت البيت ولا يصير خاطرج الا طيب :f:

Daloo3t_Obooy;10929040:
الحلم الأزرق
امس كانت طول الوقت بنتي نايمه ماتحركت كلش بس في الليل رحت اتشرى لي اغراض من 24 ساعه ، جان اشوف بنوته لبنانيه اتينن يمكن عمرها حوالي 4 سنوات ، شعرها اشقر وكيرلي ماشاء الله عليها حدها كيوت ، كنت اشوفها واقول حق امها يحليلها ربي يخليها ، ماوعيت الا طافت يمي وعطتني بوكس في بطني هههههههههه مادري شفيها ومن عقبها بنتي تمت تطق وترافس لي الصبح شكلها تبي تتهاوش ....

بحرينية_حلوة;10929034:

صباح الخير صديقاتي العزيزات أمهات دباب .. :085:

شخباركم .. ؟!!!

ان شا ءالله استانستو في الاجازة .. ؟!!!

انا باقرة بس جم صفحة من الأخير و راجعة .. لأن اذا باقره كل اللي طافني ما راح أكمل لي باجر .. :01:

الحلم الأزرق
اي والله انها حربيه ، انا من طقتني انصدمت وماتكلمت حتى امها مالاحظت بس مشيت عنها ، اخر مره بعد اقول حق ياهل هاللون ، اخاف بنتي تغير ...

يزن طفلك الآن حوالي 875 غراماً ويبلغ طوله 36.6 سنتيمتراً من رأسه إلى أخمص قدميه. يفتح عيناه ويغلقهما، ينام ويستيقظ بشكل متقطع وقد يمصّ إصبعه.

أحلاماً سعيدة أيها الطفل! يعتقد بعض الخبراء أن الأطفال يحلمون بحلول الأسبوع الثامن والعشرين. بماذا يحلمون؟ لا أحد يعرف بالضبط. لكن الدماغ ينشط خلال هذا الأسبوع أيضاً. تبدأ أخاديد مميزة بالظهور على سطح الدماغ ويتكوّن المزيد من أنسجته.

سجلي أية حركات إيقاعية تشعرين بها بما فيها "الفواق" أو الحزوقة (الزغطة) التي تعتبر شائعة في هذا الأسبوع، وعلى امتداد فترة الحمل. يعاني طفلك من هذه الحالة لكنه يتنفس السائل السلوي أو الأمنيوسي بدلاً من الهواء. من الواضح أن الحزوقة لا تدوم إلا فترة قصيرة. هو إحساس جميل بالرغم من أنه غريب عليك.


بما أن رحمك أصبح قريباً من قفصك الصدري، يمكن أن تختبري في هذه الفترة ضيق التنفس إن لم تشعري به قبل ذلك. اعتباراً من الآن وحتى الأشهر الثلاثة الأخيرة، ربما تصابين بتشنج في الساقين، والبواسير، والدوالي، والحكة في البطن.

لو أظهرت الفحوصات أن لديك العامل الريضي أو الريسوس السلبي في فترة مبكرة من الحمل، فعلى الأرجح أنك ستخضعين لفحص الريسوس المضاد هذا الأسبوع أو خلال الأسبوع التالي، وتتلقين حقنة من مضادات العامل الريسوسي للحؤول دون تضارب فئات الدم. ويمكن أن تأخذي حقناً متكررة في الأسبوع السادس والثلاثين.

ملاحظة: يقول الخبراء إن كل جنين يتكوّن بطريقة مختلفة حتى وهو داخل الرحم. غير أن فصول تكوّن الجنين معدّة لمنح فكرة عامة حول كيفية نمو الجنين في الرحم.

يعطيج العافيه اختي :)

Daloo3t_Obooy;10929040:
الحلم الأزرق
امس كانت طول الوقت بنتي نايمه ماتحركت كلش بس في الليل رحت اتشرى لي اغراض من 24 ساعه ، جان اشوف بنوته لبنانيه اتينن يمكن عمرها حوالي 4 سنوات ، شعرها اشقر وكيرلي ماشاء الله عليها حدها كيوت ، كنت اشوفها واقول حق امها يحليلها ربي يخليها ، ماوعيت الا طافت يمي وعطتني بوكس في بطني هههههههههه مادري شفيها ومن عقبها بنتي تمت تطق وترافس لي الصبح شكلها تبي تتهاوش ....

هههههههههههههههههههههه
ضحكتيني وربي
بنتج تغار يحليلها:094:

الحمدلله إنج سافرتي بحرينية وستانستي على الاقل الواحد يغير جو

أمس واليوم بحرينية بس قاعدة اذكرج يوم قلتي إن البيبي ما تحرك صدق فيلم رعب إصيد الوحدة إذا تم البيبي فترة ما يتحرك مع إني حطيت في بالي إن الشهور الأخيرة البيبي يكبر وتقل حركته بس إبليس الله يلعنه وهي الله هداها لو بس رفسة أطمني عليها ابد منخشة صوب اليمين ولا حركة حتى تغير المكان ما في مسوية سبات بس ألحين إشوي أحس بحركة بسيطة على الأقل قلبي يطمن

الحلم الأزرق;10929252:


موعدي الجاي إنشاء الله الخميس الجاي أنطره على احر من الجمر

ماباقي شي وان شاء الله تروحين وتتطمنين وتطمنينا وياج :ok:انا موعدي 6/1 بعد ...

بحرينية_حلوة;10929275:

دلوعة .. هلا فيج حبيبتي .. و ان شا ءالله الله يعوضج بسفرة ثانية من غير نكد ولا شي .. هالمرة حجزي و برزي روحج و انتي في المطار خبري اللي تبين انج مسافرة :096:

و عن الياهل أم البوكس .. لو انا منج جان عطيتها نظرررة تخليها ما تنام الليل .. ! كله والا اللي في بطني .. :041:
ان شا ءالله الاسبوع الياي بانضم لكم في صف الرياضة .. ماعتقد باقدر اليوم .. خسارة :057:
اليوم ريلي اعترف لي باعتراف .. اهئ اهئ اهئ ..

قالي اني بديت أشاخر :091: .. انا كنت قاريت ان الحامل من تدش الشهور الثلاثة الأخيرة يضيق عندها التنفس و ممكن تشاخر .. بس ما توقعت اني بشاخر صج :060:

اي هذي اللي انا قررت اسويه اي سفره يايه مابقول الا حزة الحزة وكيفهم عاد :039: لأن ما امده قلت وبطلت حلجي الا كل من قام علي ومن حنتهم اخترب عليي بتري السياره ولازمها تأمين بعد هالشهر وسيرفس وعفسه ...
انا من الصدمه ماعرفت شاسوي في الياهل النزقه والا لو محد هناك جان عادي ياها بوكس وطراق وكففه وترفس بعد كل شي ولا بنتي عاد :042:
حسافه مابتقدرين تيين اليوم ، كان ودي اشوفج بس ماعليه اليايات اكثر ان شاء الله ، وبخصوص الشخير انا ريلي مسكين احسه يعاني يقول لي تغردين صايره هالأيام هههههههه بس قاعد ويقلب فيني ولاتنسين بعد سفر وتعب احس الوحده مو بيدها ، اقول حق ريلي انا حامل ومعذوره وتوني بديت اشاخر مو مثلك من قبل :049: