؛ التجمع السادس للحوامل اللاتي سيلدن في ديسمبر 12/2009 ؛

زهرة السعادة;10657747:

هااا :eek:
انا مو قلت اني مشغولة بالشغل :mad:
تدرين انتي اللي يبي لي اطلع عليج الاشاعة (6)
لانها صج .. احين صار لج غياب اكثر من 24 ساعة (i)
يعني حور ولدت :tongue:

هااااااااااااااااااااااااااااااااا طلعت بس تأخرت لأني امس تأخرت بالنوم كنت بطالع المباريات مع زوجي ما نمت الا للسلعة 4 تقريبا :eek: و اليوم قمت 12 الظهر :o و الله مالي بالعادة اقوم متأخرة ( فديت النشيطة انا) و هالحين دخلت التجمع و سويت الواجب بس بسألج كيف اسوي اقتباس من الردود في التجمع السابق و ارد هني؟؟؟؟؟؟؟؟؟؟مو عارفة و الله

زهرة السعادة;10657770:

فديتها اللي تنتظرني :o
شكرا شكرا .. وصلت العزيمة :wink:
بس شنو المنسف ؟؟ شكله قنبلة تنسف من حلاوته :tongue:
خبرينا عنه و حطي لنا صورته (p)

ههههههههههه مابقى شي حق التصوير (p) المنسف هو رز (عيش) اصفر و لبن بس مو لبن عادي لا اسمه جميد (i)

ام يسور

اذا عرفتي اي شي عن عروس فريجهم على طول ع التجمع خبرينا بس انا حاسة ان شاالله بتولد الليلة و بتقوم بالسلامة هي و حمودي

زهرة السعادة;10658014:

قبل لا اروح البيت ابي اقول لكم عن شي (i)

البارحة قعدت من النوم كالعادة للزيارة الحمام (w)
و انا حدي فيني نومة انتبهت انه ايدي تعورني :rolleyes:
لما طالعت عدل اكتشفت انه اصابعي منتفخة :eek:
و حتى الدبلة ما قدرت اطالعها من ايدي الا بالغصب مع انها واسعة :ss:
و قمت ادلك في ايدي و قلت يمكن نايمة عليها و الدم موقف فيها و حاولت انام (i)
و الصبح لما قعدت رديت لبست الدبلة .. بس اجوف احين انه ايدي بعد متنفخة !! :ss:

السؤال اللي يسدح نفسه :D
شنو معنى انتفاخ اليد ؟؟
و شنو خطره ؟؟ و هل يحتاج اروح المستشفى ؟؟

يا ريت اتجاوبوني قبل لا اروح البيت (a)

اتوقع هاذي شيئ طبيعي ما في خطر وانتي سألي الدكتورة في موعدج القادم (i)

زهرة السعادة;10658044:

اي شعور عجيب (i)
و صدق احين حسينا انه صار شتاء (y)

خصوصا اليوم الصبح و انا طالعة لشغل الهواء عجيب :wink:

صج صج اليوم الهوا حلو والمطر احلى :15:

GIRL_U;10658101:
مساء الانوار

بخصوص سؤالج انا مثلج تنتفخ على ايدى وتتم فترة
ماعليج هانت اشوى ونربى ونرتاح بأذن الله تعالى


يلة بنات اشوفكم على خير بروح ازهب عمرى زوجى بيوصل:tongue:
ما ادرى متى ادخل بس لاتطلعون اشاعات على

فى امان الله

روحي روحي عذرج معاج بنعطيج ثلاث ايام اجازة بعدين بنحاسبج :mad:

زهرة السعادة;10658115:

خلاص بنات انا ماشية البيت

بس ما اوصيكم انا ما راح ادخل قبل يوم السبت
فبدون اشاعات لو سمحتوا

جايين احساس انه على السبت او احد

وحدة من البنات تولد

اجازة سعيدة ان شاء الله، انا بعد اتوقع اذا مب على بداية الاسبوع على نهاية بنسمع خبر حلو :wink:

بنات ياني الم الحين واستمر معاي تقريبا ساعة وبعدين خف حتى الي شافني في الشغل اقولي اشفيج ويهج متغير:o قلت لهم فيني الم يقولون لي قومي روحي البيت :ss: بس الحمدلله الحين راح الالم بس احس جسمي تعبان، بحاول ان شاء الله من اليوم ان امشي لان المشي ما يجرب الولادة بس يسهلها فقلت بحاول اتمشى مع ان في الشغل كفاية المشي الي امشيه :confused:

بنات يالله كل وحدة تجهز شنطتها وتقول لنا شنو حطت عشان نستفيد انا ان شاء الله جريب ببرزها وبخبركم اكيد شنو حطيت فيها :wink:

ام نبراسي يالله دخلي وطمنينا شنو صار معاج في الموعد؟

ام يسور ياليت تطمنينا على عروس فريجهم شنو اخر التطورات معاها؟؟؟

هلااا بنات انا كلمت عروس فريجهم في التلفون مسكينه صوتها تعبان واهيه تعبانه والمستشفى غربلوها بس ماعرف التفاصيل عدل ان شاءالله مايصير الا الخير واي شي رااح اخبركم ان شاءالله

بنات اشوفكم ان شاء الله يوم الاثنين
لان الجمعة والسبت ما ادخل
والاحد عندي موعد
بس ان شاء الله نسمع اخبار حلوة

بالنسبه للشنطة انا مو عارفه شاحط بس الي حطيتهم حق حبيبي اهو مشابيك منوعه يد طويلة ويد قصيرة وحفره فوطه وبرنوص و3 مهادات وخرجتين الي يحطونهم فوق المرقد والمرقد ومشط ومرضعة بيجون صغيره للماي ودشاديش وافرولات مسكره بس شرايكم احط افرولات مفتوحة في الرجل ولا بس مسكره وبس هاذي الي حطيته وماسكرت الشنطة عشان اذا تذكرت شي احطه ونسيت اقولكم حطيت قبعات اكييد

السلام عليكم كيفكم يا حلوين
وكيف الحمل معكم
مبروك ولادة مس بحرين وعقبالنا
اليوم عندي موعد للدكتورة ورح اعمل التراساوند واطمن على ماي الجنين لانه صاحبيتي دكتورتها ما انتبهت على ماي الجنين ولما راجعت دكتورة ثانية انتبهت وعلى طول دخلتها ولادة وهي عاملتلي رعب تتصل على اتقولي روحي اتأكدي
الله ييسر امور الجميع بصراحة انا خايفة كتير خصوصا اني رح اولد لحالي من غير امي واهلي وبفكر كتير بالموت والنفسية مو تمام
الله يهونها علينا

ام يسوور;10659012:
هلااا بنات انا كلمت عروس فريجهم في التلفون مسكينه صوتها تعبان واهيه تعبانه والمستشفى غربلوها بس ماعرف التفاصيل عدل ان شاءالله مايصير الا الخير واي شي رااح اخبركم ان شاءالله

الله يسهل عليها يا رب ويهون عليها

هلا امهات المستقبل ،،
نشاطكم الله يزيده ،، من تولدوا بيتحول الى شي عجيييب ههههه
الله يتمم على الكل بخير يا رب ،، ومبروووك لمس بحرين ،، الحمد لله على سلامتها ،، وسلامة يسوف ،،
شخباركم ها في ترقب للي يولد ،، الله ييسر لعروس فريجهم وترتاح بالسلامة يا رب وتشوف البيبي سالم صوبها ،،
جهزت شنطتي وشنطة البيبي وطبعا لانها المرة الثانية فحاولت استفيد من التجربة الاولى ،، وآخذ احتياطاتي ،،
في شنطة البيبي حطيت:
4 بجامات (2 مسكرة كامل ، و2 سروال مع فانيلا)
و4 شباحات بدون اكمام
و2 لف ، وفوطة كبيرة وصغيرة
والمرقد و2 اللي يخلونه فوقه
ومشط وصابونة جونسون ومرضعة صغيرة
حفاضات حجم صغير
وكلينكس
وقبعتين وقفاز
هذين اللي اتذكرهم ،،
يلا اشوفكم على خير

والله يا رؤي حتي لو اهلك جنبك هيجيلك نفس الشعور ده ده طبيعي جدا

بصو انا حطيت في الشنطة
4 شايات بكم
4 شايات نص
4سالوبيت داخلي
2 سالوبيات خارجي
بشكير للبيبي عشان لما يحموه
طاقية
2 شاراب
بطانية
كوفريتة قطن خفيفة
شامبو
بابرونة
قصافة
لفة حول السرة
بامبرز
وايبس
2 عباية ليه
لبس داخلي
مشط
شامبو وشور جيل
مش فكرة ايه تاني

ام يسوور;10659012:
هلااا بنات انا كلمت عروس فريجهم في التلفون مسكينه صوتها تعبان واهيه تعبانه والمستشفى غربلوها بس ماعرف التفاصيل عدل ان شاءالله مايصير الا الخير واي شي رااح اخبركم ان شاءالله

الله يطمنا عليها قريب ان شاالله و الله يكون معها و تتسهل أمورها بس اذا عرفتي أي شي جديد على طول خبرينا الله يجزيكي كل خير