؛ التجمع السادس للحوامل اللاتي سيلدن في ديسمبر 12/2009 ؛

هلا خلصت الواجب:ss:
كيفكم بنات
ان شالله طيبين
امس حصلت موعد مع دكتوره الاتنين القادم اذن اللهيعنى باكون هابدى بالاسبوع 36 ان شالله
الله ييسر اللى فيه الخير وتطلع دكتوره زينه ويستعجلوا ويجهزولى مكان للولاده لانها ممكن باى لحظه

ان شالله باطمنكم بعد الموعد

هلا و غلا (f)
الحمد لله بخير.. انتي شخبارج ؟؟
و الله الصبح كنت افكر فيج و انا طالعة من البيت (i)
و اقول مدري حصلت لها دكتورة لو بعد ؟؟ :rolleyes:
ان شاء الله تكون دكتورة زينة (y) و ترتاحين من الموضوع
بانتظارج اتطمنينا :wink:

أخباركم حلوه عليكم ياحلوات :wink:
والله بنتي هاليومين مرضانه مسخنه وما تبي
تنام الا جنبي وبحضني تعبتني معاها غير إبي
أكمل أغراضي وتجهيزاتي والله ما كان في مجال أدخل لكم
والله سمعت أخباركم الحلوه وخبر مس بحرين وايد حلو
وأول أسم ينكتب بقائمة الولادات في هذا التجمع يعني هي برأس القائمة أول الإفتتاحات بس تضايقت لمن سمعت ما نقدر نعلق شي على باب الغرفةلأني شريت لباب يعني بخسره ياربي على هالخبر :confused:

ما تجوف شر (f)
طمنينا عليها .. صارت احسن ؟؟
كلنا انصدمنا بخبر الباب :ss: لكن لا تخسرين
علقيه داخل الحجرة او بالبيت (y)

قبل لا اروح البيت ابي اقول لكم عن شي (i)

البارحة قعدت من النوم كالعادة للزيارة الحمام (w)
و انا حدي فيني نومة انتبهت انه ايدي تعورني :rolleyes:
لما طالعت عدل اكتشفت انه اصابعي منتفخة :eek:
و حتى الدبلة ما قدرت اطالعها من ايدي الا بالغصب مع انها واسعة :ss:
و قمت ادلك في ايدي و قلت يمكن نايمة عليها و الدم موقف فيها و حاولت انام (i)
و الصبح لما قعدت رديت لبست الدبلة .. بس اجوف احين انه ايدي بعد متنفخة !! :ss:

السؤال اللي يسدح نفسه :D
شنو معنى انتفاخ اليد ؟؟
و شنو خطره ؟؟ و هل يحتاج اروح المستشفى ؟؟

يا ريت اتجاوبوني قبل لا اروح البيت (a)

تسلمين حبيبتي
إي طقم مع برهوم يستاهل إنا للحين أدور لي على وردي :ss:

الله يسلمج
بس ما حصلت بيجامة زرقة حلوة (n)
فقررت انا اكشخ بالوردي و هو بالازرق :wink:

راحت علي شنو هالخبر لمن خلصت جهزت كل شي توزيعات
وللباب ما يصير عروني قلبي :confused:

اسم الله عليج (f)
ما عليه علقيها داخل الغرفة (y)

اللاااااااااااااااااااااااااي طق مطر طق مطر ياسلااااااااااااااااااااااام الحين احس ان دش الشته

اي شعور عجيب (i)
و صدق احين حسينا انه صار شتاء (y)
خصوصا اليوم الصبح و انا طالعة لشغل الهواء عجيب :wink:

والنعم بالله
الحمد لله موعدي اللي طاف كل شي تمام
وقالت لي الراس استقر تحت تقول لزوجي مشها
لأن البنوته تبي تطلع خلاص يبي لها مشي وتطلع
وعطتني بعد أسبوع وقالت لي إن شاء الله ما تجين تولدين
ومن طلعت من موعدي وأني أركض على أغراضي وتجهيزات
لأن مو ضامنه بإي وقت مفتوح لي المجال أولد ربي يسهل على الجميع وقومنا بالسلامة (f)

الحمد لله
و زين انه الراس استقر :wink:
اي كملي كل اغراضج خلاص (y)
و ربي يسهل عليج و تولدين بالسلامة (f)
بس اتواصلي معانا عشان نعرف اذا ولدتي لو لا :rolleyes:

ان شاء الله اولد طبيعى :ss: اخاف يكون قيصرى اول مرة
انا امشى ولما يوصل زوجى باجر بعد بمشى يكون احسن وبسوى تمارين تسهل الولادة وبأذن الله يسهل على وعلى الجميع يارب العالميييين


فى أمان الله

ان شاء الله تولدين طبيبعي و بسلامة (y)
و امشي و ربي ييسر لج ان شاء الله
ان شاء الله يوصل بالسلامة
بحفظ الله (f)

دوم تكوني بخير
أنا والبيبيه الحمد لله
والله هالموعد قالت الراس الحين بمكانه المناسب
يعني تقول لي النونه متهيأه للخروج وقالت لي إن شاء الله ما أشوفج الموعد الياي توليدين ومن طلعت من موعدي وأني أراكض وراء التجهيزات وخلصت من موضوع التوزيعات بافي لي اروح للسويت والموالح واجهز شنطنا
أنا والنونه وأخذ الأغراض بكره اللي بتكون بيت الوالد لمن أطلع من المستشفى وبخلي الأغراض اللي للمستشفى عندي علشان اخليهم بالشنط لأني بنتي تابعت موعدي معاها للأسبوع 38 يعني ولدت بنتي بالأسبوع 39 وأنا على الأسبوع الجاي بدخل 38 أسبوع يعني مدري أخاف أقدم وأخاف أصير مثل بنتي يعني الولادة مقربه
الله يسهل علينا جميعاً ويسر لنا الولادة وقومنا بالسلامة ياقادر ياكريم (f)

الحمد لله رب العالمين
و زين يوم كملتي اغراضج :wink:
و كل اللي عليج اتكملي الباقي حسب خطتج (y)
و ان شاء الله تولدين بالسلامة يا رب (f)

شخباركم كلكم يا حبايب قلبي زهرة السعادة بحرينيه عسل مخرخشه أم نبراسي غارت الحور جنة الله عروس فريجهم البرج اليسر كيوتي بيبي عساكم بخير وعسى بيبياتكم بخير

الحمد لله بخير :wink:
انتي شخبارج ؟؟ و البنوتة ؟؟

بنااات بسألكم سؤال الي بيسوون بطاقات حق يحطونهم على التوزيعات بتودونهم محل يسويهم لكم يقصصهم صغار ويسوي تغليف حراري؟؟؟ لان في وحده قالت لي اشتري ورق من المكتبات اسمه شاينق شي جذي اهو يلمع وجذي واخذ اللون الابيض بس قلت بااجوفكم انتوا شبتسوون ؟؟

الاحسن تغلفين الورقة كلها بالحراري و بعدين اتقصينها صغار (y)
و بالنسبة لي قررت ما اسوي لانها بالنهاية تنحط بالخمام (n)

ياهلا ومرحب
شخبااارك
بدا الخوف يلعب بي من الولادة الله يسهل علي وعليكم ودي اشوف ولييدي بسرعة
ام نبراسي سلمي على مس بحرين وخبريها خاطرنا نشوف يسووووووووووف الكتكوت
وتجهيزاتج كشخة انتي وغارت الحور ماشاء الله
وسؤال : اللي يشتغلون نفسي متى بتأخذو اجازة ولا بتواصلوا لحد موعد ولادتكم
وعن برنامجي ابتديت امشي شوي واتحرك وجايني اكتئاب من زيادة وزني ودعت الرشاقة والخصر النحيل ان شاء الله ارد نفس قبل وافكر استخدم مشد بس مادري من وين يبيعوه وشنو احسن شيء
للي عندهم عيال خبرونا بتجاربكم في ارجاع الجسم بغد الولادة تكفووووون

هلا و غلا :wink:
الحمد لله .. انتي شخبارج ؟؟
ان شاء الله ربي بيسهل عليج و تجوفينه قريب (f)
انا بواصل شغل لين الولادة ان شاء الله (i)
و اني بكر و احاتي جسمي نفسج :ss:

بنات الي دخلوا التاسع شو برنامجكم لتسهيل الولادة باذن الله؟؟ انا عن نفسي كل يوم بشرب (يانسون+شمر+كمون+حلبة+حبة البركة) و بحليه بالعسل و أحيانا آكل تمر بس المشكلة انا ما أحب التمر و لا الرطب صراحة و عن المشي بس مرة مشيت :( زوجي مو فاضي و صراحة الجو بعده رطوبة لكن انا دايما بحوس في البيت من تنظيف و طبخ و ترتيب ان شالله يكون بكفي خاطري أشرب قرفة لكن خايفة منها لأنها ممكن تسوي نزيف بدون ما يفتح الرحم هذا الي أسويه و انتو؟؟

انا ما دخلت التاسع (i)
لكن بديت امشي و اكل التمر بشكل يومي :wink:
و ربي يسهل عليج و تولدين بالسلامة (f)

مساء الخير يا احلى مكرشات

شو الاخبار

انا صايره بس ابا ايلس
مافيني طاقه ولا حيل اسوي اي شي

الثجل و الالام ذابحتني :(

مساء النور و السرور (f)
الحمد لله بخير .. انتي شحالج ؟؟
ما عليه حبيبتي كلنا ثقال .. لكن حاولي تمشين لو شوي (y)

حبايبي اليوم عندي موعد ادعولي بالخير لي وللبنوته

ان شاء الله كل الخير لج (f)
ننتظر اتطمنينا .. مو تطولين على ما تردين (y)

حبايبي باحط لكم خلطات لتسهيل الولاده:
اول خطله هي خلطة الحليب:


الخلطة هي :

كوب حليب سائل
5-أعواد قرفة كبيرة
5- أعواد قرنفل(مسمار)
ملعقتين عسل للتحلية
نصف فنجان شاي زيت سمسم

تخلط هذه المقادير وتغلى على النار لمدة دقائق
وتترك قليلاً ثم تشرب دافية.




هذه الخلطة تشرب بعد دخول الشهر التاسع بعشرة أيام وتشرب كل أربع أيام

وإذا ظهرت أعراض الولادة تشرب منها كوب قبل الذهاب للمستشفى مباشرة






والتساهيل أولاً وأخيراً بيد الله سبحانه .



اسأل الله أن يفرج عن كل حامل ويرزق كل من يريد بالذرية الصالحة...........اللهم آآآآآآآمين


وكل من جربتها لاتنسى تدعي لي وقت ولادتها بأن يهديني الله وزوجي وذريتي وأهلي لمايحب ويرضى وأن يحسن خاتمتنا ويقبضنا إليه وهو راض عنّا ويبارك لنا في ديننا ودنيانا وأخرتنا ويرزقنا السعادة وراحة البال فوق الأرض وتحت الأرض ويوم العرض.

مشكورة حبيبتي
و ربي يسهل عليج الولادة
و يقومج بالف سلامة ان شاء الله (f)

خلاص بنات انا ماشية البيت
بس ما اوصيكم انا ما راح ادخل قبل يوم السبت
فبدون اشاعات لو سمحتوا

جايين احساس انه على السبت او احد
وحدة من البنات تولد