الرئيسية أركان البيت والأسرة والمجتمع التربية والطفل ( شي عودتي عيالك عليه) و ندمتي ..!!

( شي عودتي عيالك عليه) و ندمتي ..!!

ام عــلاوووي 18-11-2009 100 رد 14,031 مشاهدة
ا
ام عــلاوووي
عروس ماسية
24-11-2009 | 05:16 PM
زعفرانه 41144;10679077:
تسلمين حبيبتي على طرح هالموضوع الحلوF:F:

وإن شاءالله اقدر استفيد من خبراتكم في مشكلتي


انا الشي اللي ندمانه عليه هو اني معودة بناتي العسولات ينامون معاي في نفس الغرفة مادري
ليش اخاف اخليهم بروحهم في غرفتهم مع انه بنتي الكبيره عمرها 4 سنوات وخمس شهور والثانية سنه و10 شهور
(( الله يحفظهم لي يارب ))
خليتهم مرة وحدة من تقريباً شهر ينامون في غرفتهم بس بصراحة لليلتها ما قدرت انام كل دقيقة اروح:hysterical::worn_out:
اطل عليهم وارجع حتى زوجي نفس الشي بس من صارت الساعة 1 ونص في الليل يات بنتي الكبيرة ونامت معانا :p ورحت يبت الصغيرة ;) عشان ارقده معاي


وعقبها بس قدرت انام ... :thumbs_up:



الله يكون بعوونج ..
لازم تتعودين وانا اشوف سن البنت الكبيره مناسب..
ولو انه ختها صغيروونه بس علشان يتشجعون مع بعض ..!!

وخلي لهم كل االظروف متاحه من ماي ومن اضاءه والخ ..
وفي البدايه كل شوي طلي عليهم :confused: ..!!!

وخلي باب الغرف مفتووح ..
علشان لو صار شي يجون لج على طول او يكون تسمعينهم اووضح ..

شي صعب بس لا بد ولازم بيصير ..
يبي له تعوود وربي يهدينا ويخلي عيالنا ..!!


مراوي22;10690381:
بنتج في سن بنتي بس أحسها ليحين صغيره الكل يقولي لازم تنام بروحها تتعود جوفي الأجانب عيالهم من يولدونهم وأهم ينامون بروحهم بس بعد ماقدر كله أحس بتقوم فيها شي سبحان الله حلمانه تبي تروح الحمام الله يعزكم تبي ماي أو لاسمح فيها شي مابتلقاني معاها

زوجي من فتره يحن يقول خليها تنام تعتمد على روحها مره أقوله السرير عود مره أتحجج أقول السرير مافيه نفس الشبك ماعرف شيسمونه حواف يمكن المهم أقوله هي تتقلب وايد أخاف تطيح :lol:

لين صار عمرها 6 سنوات بعدين بخليها تنام في الغرفه بروحها هي متشجعه للموضوع آنه قلت مره جست النبض وقلت لها إشرايج تنامين في هاي الغرفه هذي خلاص صارت غرفتج بشتري لج تلفزيون وردي :-# آنه إلي أخرب العيال أواعدها بالتلفزيون ياربي عودت عيالي على طبعي أنام والتلفزيون شغال :!!:

ربي يحفظ عيالنه إن شاء الله


هههه ما عليه الطبع يتغير ..
وخصوصا هم بعدهم صغيرووين ..!!

وشي شوي بيتعودوون ..
بس لازم مرات تقررين شي وتصرين عليه ..!!

ربي يخليهم ..!!:thumbs_up:


سمات;10690438:
اما عن نفسي انا الجنون بعينه وعلمه لاتستغربون

عودت ولدي انه كل بحضني وكل خايفة عليه
لدرجة انه لما كان باللفة وانيمه على سريره مااقلب على صوب ثاني لازم يكون وجهي بوجهه وكل اتخيل احد يفتح الباب ويخطفه فتشوفون عيوني ماتشوف النوم فوق سهري معاه كل خايفة عليه وكل شوي اشوف نفسه ونبضه واخاف البطانية تصير فوقه ومايقدر يرفعها واهو داخل اللفة


عشان جديه قمت انيمه معانا بالسرير واخليه بالوسط عشان يصير بيني وبين ابوه وانام وانا متطمنة :-#


المهم الحين فديته كبر وتشوفون الولد اشقد متعلق فيني ينام معاي بنفس المخدة ومنخش في حضني وماسك ايدي ونايم واذا نيمته على سريره يادوب نص ساعة واهو ناط عندي
وكلش شايلة هم لي ولدت وش باسوي في عمري

حتى مرة اقول لزوجي شكل ولدنا بينام معانا بنفس السرير لين يوصل 25 سنة هههه..



ضحكتني ههههه ..!!
انا بعد وواايد اطالع ولدي يتنفس ولا لا ..!!
واخر موقف كان مرجع ومريض وبعدها نام على ظهره ..

وانا نمت وقعدت اطالع نفسه يتنفس ولا لا !!
ما حسيته ينفس وقمت اصررخ خخخخخ
وزهقت زوججي قام على طول وقعد ولده وقعد يصيح ..

قال لي ليش تسووين جذي زهقتني وخربتي نوم اليهال ..!!
ههههههههه بس ظاهر مو بس انا الا جذي الكل ..

بالنسبه لانه تعود ينام معاج حاولي بعد ما ينام ..
ترجعينه سريره وهكذا ..

ومع الايام راح يتعوود ..
او قولي له اذا نمت بسريرك بعطيك هديه
واذا سواها صج اشتري لج مجموعة العاب بو200 فلس ..
وغلفيهم ومن يطاوعج خلي يختار وحده ..!!

وان شاء الله ربي يخليهم :)

أم حواري;10692509:
حلوو الموضوع تسلم يدج ام علوي


تسلمين حبيبتي ..
عيونج الحلووه ..!!
م
ملاك الدموع
عروس رائعة
24-11-2009 | 10:29 PM
عودتهم مايناموا الا بالهز لان من كانوا صغار الا ياخدهم يهز ريوله فتعودوا لين صرت وياهم اهز ريولي وهادي مشكله
فرضا رايحه المستشفى اتوهق كيف قدام الناس اتربع و...............اهز
ن
نور الكوثر
عروس مشرقة
24-11-2009 | 10:40 PM
ملاك الدموع;10694407:
عودتهم مايناموا الا بالهز لان من كانوا صغار الا ياخدهم يهز ريوله فتعودوا لين صرت وياهم اهز ريولي وهادي مشكله
فرضا رايحه المستشفى اتوهق كيف قدام الناس اتربع و...............اهز



مثل مشكلتي مع ولدي .. رغم إنه صار كبير بس للحين ما ينام إلا بالهز ومو عارفة شلون أعوده ^o)
n
nazoo2010
عروس جديدة
25-11-2009 | 12:48 AM
ASSALAMO 3ALAYKOM
JAZAKOM ALLAH KHIR
ANA 3AWADT IBNATI AWADIHA LBIT ALAHAL KOL YOUM W HOM YLABOU LAHA KOL TALABATHA WA LHIN MA ADRI CHNOU 33MAL MA3AHA SART 3ASSABIYA KTIR
ARJOU MOSSA3ADA
&
ღღ دريـــم ويــب ღღ
عروس ركن النساء والحمل والولادة
25-11-2009 | 10:16 AM
موضوع مره حلو واستفدت منه كثير مشكورة ام علاوي

انا بنتي عمرها شهرين ونص لكن ماشاء الله عليها ماتنام الا لمى امشي فيها ولازم اتكلم بصوت واطي عشان تنام مثلا لا اله الا الله محمد رسول الله عشان تنام
واذا غمضت لازم اقعد امشي فيها نص ساعه لين اتاكد غرقت بالنومة ارجع احطها بسريرها ومو عارفة كيف اترك هالطبع لان حاولت معاها انومها وانا قاعدة ع الكنب تفضح الدنيا وتبكي وترفس وتتشنج من كثر البكاء

وثاني شي عودتها تنام بهدوء وظلام
يا ويل الويل لو اروح عند بيت عمي ولا بيت اهلي في ازعاج ونور تفضح الدنيا واتفشل قدام الناس يعني مو عارفة كيف اعودها
ا
ام عــلاوووي
عروس ماسية
02-12-2009 | 10:00 PM
ملاك الدموع;10694407:
عودتهم مايناموا الا بالهز لان من كانوا صغار الا ياخدهم يهز ريوله فتعودوا لين صرت وياهم اهز ريولي وهادي مشكله
فرضا رايحه المستشفى اتوهق كيف قدام الناس اتربع و...............اهز


بيه :confused:الهز مشكله ..
انا من اي احد كان يهز علاوي اعصب ..
وما خليتهم يهزونه الحمد لله ..
ما تعود على الهز ابدا :D..

حاولي تصبرين وتصرين ولا تهززين ..
وان شاء الله تتغلبين على مشكلة الهز ..!

وتسلمين على تواجدك :)

نور الكوثر;10694473:
مثل مشكلتي مع ولدي .. رغم إنه صار كبير بس للحين ما ينام إلا بالهز ومو عارفة شلون أعوده ^o)


امم المساله يبي لها صرامه وحزم8o| شووي ..
حاولي وكوني قوويه واصلي..!!
ابطحي بحظنج وطبطي عليه بدون هز ..!!

مره مرتين فيها زنه وحنه وعوار راس:confused: بس بعدها اكيد بيتعوود ..!!
والله يكون بعون الجميع ..!:thumbs_up:

nazoo2010;10695385:
ASSALAMO 3ALAYKOM
JAZAKOM ALLAH KHIR
ANA 3AWADT IBNATI AWADIHA LBIT ALAHAL KOL YOUM W HOM YLABOU LAHA KOL TALABATHA WA LHIN MA ADRI CHNOU 33MAL MA3AHA SART 3ASSABIYA KTIR
ARJOU MOSSA3ADA


تسلمين حبيبتي ..!!
والله يكون بعون الجميع ..!!:thumbs_up:

دريم ويب;10697324:
موضوع مره حلو واستفدت منه كثير مشكورة ام علاوي

انا بنتي عمرها شهرين ونص لكن ماشاء الله عليها ماتنام الا لمى امشي فيها ولازم اتكلم بصوت واطي عشان تنام مثلا لا اله الا الله محمد رسول الله عشان تنام
واذا غمضت لازم اقعد امشي فيها نص ساعه لين اتاكد غرقت بالنومة ارجع احطها بسريرها ومو عارفة كيف اترك هالطبع لان حاولت معاها انومها وانا قاعدة ع الكنب تفضح الدنيا وتبكي وترفس وتتشنج من كثر البكاء

وثاني شي عودتها تنام بهدوء وظلام
يا ويل الويل لو اروح عند بيت عمي ولا بيت اهلي في ازعاج ونور تفضح الدنيا واتفشل قدام الناس يعني مو عارفة كيف اعودها



ربي يخليها ويحفظها :)..!!

وللحين الوقت ما فاات الحمد لله ..!!
بعدها صغنوونه ;),, اذا جيتي بتنمينها حاولي تنمينها باي ماكن..

واذا كنتي بروحش خلي يكون في صوت Tv مثلا..!!
اي صووت علشان تتعود تنام باي مكان :cool:..

على اساس لو صار وطلعتي بها اي مكان..!
وحبت تنام راح تنام على طول بدون ما تتعبج مستقبلا :thumbs_up:..!

وبالنسبه انج تنمينها وانتي تمشي اكبر غلط وانتي الا بتتعبين ..
مالج الا الاصرار اذا صاحت سكتيها ورجعي حاولي تنمينها بدون ما تمشين فيها :confused:..!!
وربي يحفظهاا الحلووه :)..!
.
...( هنوده )...
عروس ماسية
03-12-2009 | 11:41 PM
للرفع

^^
L
Live 2 Die
عروس نشيطة
04-12-2009 | 01:26 AM
بنتي عودتها على شغلة مو زينة ابدا انها تسمع اناشيد في التلفون احيانا قبل لا تنام وتنام على صوت الاناشيد واحيانا واهيه قاعدة تسمعها وتنشغل فيها هالشي صح يفيدني انها تبتعد عني شوي واقدر اقضي اشغالي بس في نفس الوقت احسها متعلقة في التلفون وايد واشعة التلفون خطيرة عليها وابي اغير هالعادة فيها اذا عندكم حل يا ريت تفيدوني
ح
حروف المحبه
عروس مشاركة
04-12-2009 | 01:46 AM
! أنثى !;10652540:
ام علاووي ،، موضوع مفيد جدا !

اممم ، مافيه طبع عودت ولدي عليه و ندمت الا شي واحد و مو مهم بأهمية الأطباع الثانية اللي تفايدتها الحمدلله بفضل اطلاعي المستمر على كتب التربية و النصائح التربوية هني بالنت و انصح كل ام تهتم بهالجانب ، و طبعا مع القراءة ( التطبيق ) !

الشي اللي تعود عليه ولدي انه كل شوي يجي لي حتى احضنه و احببه او امازحه ، عد لما يمر علي يوم مالي مزاجه احس اني عودته على شي مااقدر اسويه بكل وقت !

اظل اجامله و احبه كأنه من ورا قلبي هههه عارفين النفسية شلون تتغير اذا قرب موعد الدورة ، او اطلب منه خلاص ما يجي و بعدين احس بتأنيب ضمير


و بس :) !




انا بعد ياختي احس بتأنيب الضمير لما انشغل عنه وهو ينتظرني عشان اسولف معاه والعب معاه مثل العاده ...لكني صراحه ماندمت لان ابغيه دايم يرجع لي في كل اموره احس اني اطمن عليه لما يكلمني بكل اللي بخاطره اساعده واعطيه التوجيه الصحيح ... طبعا هالكلام للكبير اما اخوانه الصغار مااطبق معاهم هالشيء هو الكبير تطلع كل التجارب فيه ..عزيز وغالي لكنه مسكين
ا
ام عــلاوووي
عروس ماسية
12-12-2009 | 04:24 AM
...( هنوده )...;10738814:
للرفع

^^


رفع الله شائنك :cool:..!!

Live 2 Die;10739546:
بنتي عودتها على شغلة مو زينة ابدا انها تسمع اناشيد في التلفون احيانا قبل لا تنام وتنام على صوت الاناشيد واحيانا واهيه قاعدة تسمعها وتنشغل فيها هالشي صح يفيدني انها تبتعد عني شوي واقدر اقضي اشغالي بس في نفس الوقت احسها متعلقة في التلفون وايد واشعة التلفون خطيرة عليها وابي اغير هالعادة فيها اذا عندكم حل يا ريت تفيدوني


افصليه من التيار الكهربائي ..
وخلج معاها .. !!
ويوم يومين 3 وبتتعوود انه ما في تلفزيوون وقت الا تبيه :D ..!!
اهم شي الاصرار وتحمل الزنه والحنه الا بتصير ..!!
وكل شي بيتيسر ان شاء الله ..!!
الله يخليها ويحفظهاا


حروف المحبه;10739654:
انا بعد ياختي احس بتأنيب الضمير لما انشغل عنه وهو ينتظرني عشان اسولف معاه والعب معاه مثل العاده ...لكني صراحه ماندمت لان ابغيه دايم يرجع لي في كل اموره احس اني اطمن عليه لما يكلمني بكل اللي بخاطره اساعده واعطيه التوجيه الصحيح ... طبعا هالكلام للكبير اما اخوانه الصغار مااطبق معاهم هالشيء هو الكبير تطلع كل التجارب فيه ..عزيز وغالي لكنه مسكين


خصصي له وقت ..
عيالنا اهم من اي شي ثااني ..!!

وفعلا الطفل الاول كل الجارب فيه :'( ..
الله يقدرنا ونربيهم عددل يارب F:
ا
ام عبودي الحلو
عروس جديدة
12-12-2009 | 06:21 PM
ابدااع ام اعلاووي
اني ما ادري اني عودته لو لا ؟؟ بس هو متعود وخالص
انه ينام على ايدي وتطيحمن الالم اخ
ماينيام الا اذا راسه على ايدي وفعلا تعبت ووضع متععب الى ابعد الحدوود
اتمنى القى حل
وتشكرين على موضووع
ه
هايدي فتاة الألب
عروس برونزية
12-12-2009 | 08:44 PM
انا عودت عيالي ماينامون بغرفتهم الى لما انا معاهم ولا يروحو بعز النوم
اقوم عنهم وخلااص تعبت نفسي اذا جاهم النوم ينامو بدون مااكون معهم
وعودت بنتي الصغيره تمسك يدي عند النوم واذا كانت ترضع وبكذا تتعطل اشغالي وانا
مقابلتها,,,,والله يهديهم,,,ويسعدك على الموضوع المميز
ا
ام عــلاوووي
عروس ماسية
14-12-2009 | 02:17 AM
حناين البحرين;10805736:
ابدااع ام اعلاووي

اني ما ادري اني عودته لو لا ؟؟ بس هو متعود وخالص
انه ينام على ايدي وتطيحمن الالم اخ
ماينيام الا اذا راسه على ايدي وفعلا تعبت ووضع متععب الى ابعد الحدوود
اتمنى القى حل

وتشكرين على موضووع




تسلمين حبيبتي ..!!
انا بعد اعاني من هذي النقطه ..

بس بنص ما هو نايم اشيل ايدي لانو احس خلاص مو قادره :(..!!
وخلاص بعدين يواصل بدو ايدي ..
بس احاول انو من البدايهما اخلي ينام عليها مع الايام :worn_out:


هايدي فتاة الألب;10806683:
انا عودت عيالي ماينامون بغرفتهم الى لما انا معاهم ولا يروحو بعز النوم
اقوم عنهم وخلااص تعبت نفسي اذا جاهم النوم ينامو بدون مااكون معهم
وعودت بنتي الصغيره تمسك يدي عند النوم واذا كانت ترضع وبكذا تتعطل اشغالي وانا
مقابلتها,,,,والله يهديهم,,,ويسعدك على الموضوع المميز



فعلا ووضع متعب حاولي شوي شوي تكس رين الروتين ..
قولي لهم روحو نامو والا بينام بحط له بلووحه نجمه مثلا ..!!

وبنتج شوي شوي لا تعطينها ايج تمسكهاا ..!!
علشان ما تتعطليين :confused: ..
الله يخليهم ويهديهم يارب ..!!
ب
بسمة أطفالي
عروس ماسية
14-12-2009 | 10:17 AM
عدنا

عودت الحلوين ان ريش المدرسة ( اكسسوارت الشعر) للمدرسة والبيت او الطلعة يكونوغير

فصاروا مستحيل يطلعون بريش المدرسة ،، حتى امس الحلوة رايحة العصر معلم الصلاة وعدلتها عالسريع وخليت عليها ريش المدرسة مارضت تقول بفشلوني هههههه
.
..Rose..
عروس فضية
14-12-2009 | 05:07 PM
متابعه للردودكم
ومنكم نستفيد
s
sweetnov
عروس مشرقة
14-12-2009 | 06:21 PM
موضوع وايد حلو ومفيد خصوصاً للأمهات الجدد
بالنسبة لي ولدي صغير توه خمسة شهور بس في أشياء عودتها عليه والحين مضايقتني شوي منها:
1- لازم المكان حده هدوء وظلام حتى ينام والحين اذا اروح وياه مكان يغربلني على ما ينام مو معقولة أسكت الناس او أقول لهم صكو ليتاتكمز
2- الشي الثاني اني ما علمته على الحليب الصناعي من البداية والحين مو متقبل المرضاعة خصوصا لما أكون في الشغل .
3- وبعد لما ارضعه لازم أسكت ما أتكلم والحين من أتكلم وانا أرضعه يقعد يخزني بنظرات كأنه يقول لي سكتي.
والهم الأكبر هو الهدوء الولد ما يحب الأصوات العالية من يسمع صوت عالي في التلفزيون او المسجل يصيح لا واذا اخواني الصغار يلعبون او يتهاوشون يذبح روحه صياح كأنه مهاوشينه ومو عارفة أشلون أغير هذي الاطباع.فياريت يفيدونا العروسات
ح
حيوره
عروس رائعة
14-12-2009 | 10:16 PM
انا ولدي متعود ماينااام الا عندي ولازم اقرأ له قرآن ,, بصراحه هذا الشي يفرحني
بس المشكله ان من يرضع ماينام على ظهره ,,لازم على جنب ماادري اذا كاان يصلح له لو لآ,,
ه
هـذيـان
عروس ماسية
15-12-2009 | 01:47 AM
بسمة أطفالي;10819564:
عدنا

عودت الحلوين ان ريش المدرسة ( اكسسوارت الشعر) للمدرسة والبيت او الطلعة يكونوغير

فصاروا مستحيل يطلعون بريش المدرسة ،، حتى امس الحلوة رايحة العصر معلم الصلاة وعدلتها عالسريع وخليت عليها ريش المدرسة مارضت تقول بفشلوني هههههه

اذا كانت الريشة ملونه عاادي ماكو فشيلة
بس اذا ستايلها مثل لون خلق المريول صدق فشلة :lol:

>> نست الحلوة ريشها فوق التلفزيون ;)
ح
حبيبة زين
عروس ماسية
15-12-2009 | 03:20 AM
ندماانه اني علقتهم بخوووالهم وخااالاتهم الحين مايشوفو غيرهم وقتهم كله عندهم العيد الاجاازاات الخميس الجمعه ما علمتهم جلسة البيت يكرهووون البيت يبغووون بيت خواالهم مع الاطفااال الى ان جااااء اليوم اللي ضاااقو منااا والحين تعبت كثييير عبااال ماغيرتهم الوحده ما تعلم عيااالها ان الخروووج شي طبيعي لا الخروووج اذا في شي يستدعي الخروووج خرجنا اهلى تغيروووو وعياالي استااائو من ها التغييير وتاثرت نفسيتهم بس انا السبب ربطتهم ببيت اهلى بطريقه غلط وخلينا البيت فندق للنوووم
خ
خيال ملاك
عروس برونزية
15-12-2009 | 09:49 PM
بنتي الكبيرة 5سنوات تعودت على البقالة و الحلويات و هالشئ مطفشني الحين حتى لوما بتاكل الشئ أهم شئ تشتري!!!
X