( شي عودتي عيالك عليه) و ندمتي ..!!

موضوع حلو وممتع

عودت ابنتي على الحمال وعلطول عندي في ايدي اخاف عليها من كل شيء وللحين كله تبيني احملها وماتقعد في مشايتها الا شوي وكل مكان تلحقني وحتى لما بدخل الحمام اكركم الله هي لاحقتني وتصيح , ذبحتني مو قادرة اخليها تتعود مو لاصقة فيني..

ام قسووم;10649804:
مشكوره أم علاااوي على موضوع..راح ادخل بموضوع مباشره.أني أكبر غلطه سويتها في تربية ولادي أنه من يصيحون اعطيهم شي اله يبغونه حتى لو أني كنت ماأبغي اعطيهم اياه،لانه ماأبغيهم يصيحون ويسندروني من صياحهم..فالحين تعلمو من يبغون شي يصيحون عشان أتنازل ليهم وأعطيهم اله يبغونه..فهموها أنهانقطة ضعفي يصيحون عشان أتنازل ليهم بشي اله يبغونه،،،وأشياء وايد علمتهم عليها وندمت بس مو حاضره الافكار حاليا..ليي رجعه على موضوع.......

تسلمين ام قسسوم ..!!
وفعلا عوديتهم الا يبونه يصير وبالصياح راح ياخذون كل شي ..

فعلا التربيه صعبه ومرات يبغي لها حزم الاموور ..
استفدنا من تواجدك بالموضوع وبنتظظار عودتك ..!!

.. أم علي ..;10650049:

مشكوووورة ( أم علاوووي ) على فكرة الموضوع جداً رائعه ..

سلمت يمينك ..
انا بصراحه عودت ولدي على ( العصبيه ) الحين على طول اللي يمسكه او يلعبه او يتكلم معاه يصرخ بوجهه !!
وتعود كمان انه اذا كان يبغى الشئ يصيح لأني اعطيه على طول .. ما اتحمل كثر البكاء على طول يعورني راسي !!
والحين اعاني من ( العناد ) .. ولدي سبحان الله عنيد مررررره ما ادري وش اسوي فيه ؟!
والله انه يطيرني اذا كنت باجتماع .. يعاندي عند الزمزميات .. وعند الفناجيل وعند كل شي فيه غلط .. وانا على طول اعصب .. واذا نهيته .. يرجع لنفس الحركه .. كثير قالوا لي اذا عاندك طنشيه <<< والله احياناً اقدر اطنشه وينتهي .. واحياناً لا .. ماينتهي الا اذا ضربته :( ..

الله يهديه بس ..

تسلمين ..
تواجدك بالموضوع هو الحلو ..

وفعلا العصبيه مدمره هي سبب لصياح المتواصل وحتى لعنااد ..
وان شاء الله يكون الوقت ما فاات وتتصلح الاموور وتمتصين عصبيته ..

ومع الوقت الشي الا عودتيه عليه تعوديه عكسه ان شاء الله ..
وربنا يهدديه القمر ويهدينا معاهم ..

أم مرااام;10650072:
موضووع رااائع ياا أم علااوووي

و تستااهلي عليه التقيييم بس عموو الميزاان راافض !!

نرجع لموضوعناا ع السريع

الخطأ اللي ارتكبته و عوودت حباايبي عليه :

اني ماا علمتهم يداافعوون عن نفسهم من الصغر

وكل شي أني اللي أسووويه اليهم حتى الأشيااء البسيطة

و ألحين 2 كل يتسطروون و ينضربوون

(تووني من اشووي جااية من مدرسة بنتي لأن وحدة ضاربتنهاا ع رااسهاا)

و عوودتهم كل شي اني اللي اسوويه

مثلاً بنتي تنتظرني ألبسهاا جواربهاا و الشووز

ووووو........

ربما لي عووودة

هلا ام مرام القمر ..!!
واعتبري التقيم ووصل : ) ..

ما علمتيهم يا دافعون عن نفسهم ابداا ..
والاتكاليه الكامله عليش ..

ممكن شوي شوي تصلحي الامور لانها مو كبييره واايد الحمد لله ..
وبنتظاار عودتك يالغلا ..!!

مسز عادل;10650115:
أحلى صباح للحلوات

كتبت رد من شوي وطار و الموضوع عجييييب بس الميزان رافض يا عسل

اممم ما اتذكر اني عودته على شي بنفسي :cool:

بس ندمانه اني سمحت له ياكل شيبس وهو صغير طبعاً مو اني الي عرفته عليه خخخ بس لما قاموا يعطونه و حبه قمت لما يكمل وجبته و احسه اكل زين خلال اليوم اعطيه الشيبس بدون ما يطلب

و الحين اذا اتذكر اصير :ss:

يمكن الشي تافه في عيون غيري بس الي يعرفني يدري اني موسوسه فس الأكل

هلا مسووزه ..
واعتبري التقييم وصل يالغلا ..!

والحمد لله الشي مو كبير ولا تافهه ..
لانه الاكل مهم وكل ما نبعدهم عن الخرابيط واييد احسن ..

وان شاء الله تخففين من هذا الشي قدر ما تقدرين بالبداايل ..
المفيده والزينه وربي يخلي الحلوو ..!!

مراوي;10650369:
موضوع حلو يا ام علاووي

انا ماعودت ولدي على شغلات وايد <<< مادري بيطلع في الغسيل بعدين اذا تذكرت

بس اللي اذكره اني في البدايه معودتنه ينام في سريره من صغره و مشى الموضوع عادي

بعدين صرت مره ينام في سريره و مره ينام ويانا في سريرنا خصوصا ايام الدوام مالي خلق اضيع وقت على قوله نام في سريرك و جذي يعني

اخرتها خلاص تعود ما يبي ينام الا ويانا و تصير الصيحه

بس رديت حسمت الموضوع جم ليله يصيح لين ينام لين تعود مره ثانيه و توبه ارخي له الحبل مره ثانيه :)

ام مراووي وجودك الاجمل بالمووضوع يالغلا ..!
وفعلا تعوود ان يقضى نومه صوبج بسريركم ..

بس حلو انج تداركي الامور..!!
وعدلتيه قبل لا تطول السالفه وحزمتي الامر ..!!

جنان الآئمة;10651445:
[QUOTE=مراوي;10650406]ذكرتيني مس عادل

انا ماعودته لكن الناس هي اللي عودته على الحلاوه

كنت مقرره من صغره ان ولدي مابي يتعود على الحلاوه و ماكنت اسمح له بالحلاوه

لكن الناس و الاهل يقومون يعطونه وانا اقولهم لا مااعطيه

يقولون يوووه عادي الا وحده , الا ياهل شوي شوي تعود على الحلاوه و ضيعو شغلي :([/

QUOTE]

مثلي بالضبط مراوي :(

اهني في البيت ما عودناه على الحلاوة لا انا و لا أبوه ..

بس في بيت أبوي ما أقدر أتحكم فيه و عجزت أقول لا تعطونه حلاوة و أختي الصغيرة مو مقصرة كل شي تعطيه و حتى الكبار و يقولون نفس الشي الا شوي لا تخلين شي في خاطره !!!

و ثاني شي ... العصبية لأني كنت أعصب عليه إذا سوى شي غلط فهو الحين فترات يكون فيها عصبي و أبوه يقول كله منج :ss: و حتى الضرب إذا يستفزني أضربه و الحين قام يضربني إذا يعصب <<<< بس بعدين يجي يقول لي آآآآآسف و يبوسني في المكان اللي ضربني فيه :eek:

بس الحين أحاول قدر ما أقدر ما امد ايده عليه و لا أعصب عليه بعد المحاضرة اللي عطاني إياه ابوه و أثرت فييييني و حسيت بتأنيب الضمير :(

و الف شكر لج أم علاووووي على الموضوع الحلو ..

و تم التقيييم (f)

تسلمين جنوونه ..!!
وفعلا ساعات الام والابو ملتزمين ..
ويجون الاهل يعلمون الاطفال على عواايد ..

تخلي الاهل يندموون عليها ..!!
وهي بتكون اصعب من وجهة نظري لانه كذا طرف فيهاا ..

وبالنسبه الى العصبييه هي شي مدمر الطفل يكتسبها منا..
ويصير اخس لانه منها ينتج العنااد والضرب ولصراخ والخ ..

الله يهديهم ويهدينا واستفدنا من مداخلتج خيتوو ..

كربلاء;10651906:


حتى انة مثلكم بنتي تعودت على الحلاوة والسبب عماتها من اروح وياها بيت عمي يرشونها بالحلاوة لدرجة انة عمتها الكبيرة صارت تترس لها شنطتها من كل انواع الحلويااات والشوكليت وانة استحي اكلمهم خخخخ والنتيجة تسوست اسنانها

والادهى انها تعودت تشرب المشروبات الغازية والسبب ابوهااا ولاني عارفة اقطعها عنها صارت مدمنة خخخخ

تسلمين كربلا على المداخله ..
واحس الشي كريه لما يتعودون عوايد ويكتسبونها من برى ..!!

يعني الندم بيكون اكبرر وخصوصا الاكل لانه شي مهم ..
ان شاء الله الامور تتصلح مع الايام خخ ..!!

ilshj;10652091:
معوده ولدي التنقز (ارقصه ) واجد من اجوده اهز رجوله حتى امي تقول لي غربلتيني انتين تروحين الشغل واني ارقصه ليش

اختي بنتها عمرها اليوم تكمل شهرين لكن محد يقدر اخليها على ارض الا تصيح تبي بس الرجول

اي تعودو على اشياء متعبه الله يكون بعونهم ..!!
ولازم ما يرضخون لهم شوي شوي لما يتعودوون ..

ربي يخليهم ويحفظهم ..!!

عروس جنان;10652300:

موضوع ررااااااااااااائع اختي ام علاوي..

الشي الوحيد الي يزعجني في ولدي لما اعطيه الدوااا
يصاااااااااااارخ كأني اعطيه سممم هههههه استغفر الله

عروس الجنان تسلمين ..

وهذي مو شي عودتيه عليها لااا
هذي طبع ازلي فيهم كلهم ..!!

ههههههه كلنا اتوقع نعاني منه وتطلع عيوونه..
لانه الدوا رعب عندهم ربي يحفظهم يارب ..!

! أنثى !;10652540:
ام علاووي ،، موضوع مفيد جدا !

اممم ، مافيه طبع عودت ولدي عليه و ندمت الا شي واحد و مو مهم بأهمية الأطباع الثانية اللي تفايدتها الحمدلله بفضل اطلاعي المستمر على كتب التربية و النصائح التربوية هني بالنت و انصح كل ام تهتم بهالجانب ، و طبعا مع القراءة ( التطبيق ) !

الشي اللي تعود عليه ولدي انه كل شوي يجي لي حتى احضنه و احببه او امازحه ، عد لما يمر علي يوم مالي مزاجه احس اني عودته على شي مااقدر اسويه بكل وقت !

اظل اجامله و احبه كأنه من ورا قلبي هههه عارفين النفسية شلون تتغير اذا قرب موعد الدورة ، او اطلب منه خلاص ما يجي و بعدين احس بتأنيب ضمير :( !


و بس :) !

تسلمين ام الساده ..

ومشكووره على النصيحه وانا اقراء بس مو كل شي يطبق ..
وان شاء الله نقدر نطبق كل شي ..!!

والحمدلله انو شي بسيط بس يبي له مزاج ..!!
ولا تردينه على عمري سيود ..

اضغطي على نفسج لانه من كثر حبه ومتعود بعد يجي لج
وربي يخليه ويحفظه يارب ..

واكيد استفدنا من مداخلتج للمووضووع ..!!

نجمة نهار;10652560:
موضوع ممتاز صراحتن .....اهنيش عليه

اما عن نفسي فعودت بنتي على اني ما اطلعها كل مكان كلا اخاف تغربلني وكلا احب اطلع على راحتي خاصة في الاعراس....فالحين مبدية تنكر الناس وما تبي احد ياخدها ما تعرفه........فشيلة اذا بغى احد ياخذها تقشع الوداي من لصياح ويصير وجهي قد السمسمة :o

تسلمين حبيبتي ..!
فعلا اذا ما تشوف ناس واايد ما راح تتقبل اي احد ..

بس اتوقع الوقت ما فاات ..
اذا كانت بعدها صغيرره ..!!
حاولي تداركي المووضووع وان شاء الله تنجحيين ..

*فاتي*;10653538:
موضوع جداً رائع اختي وحلووو نستفيد من تجاربكم الحلووة

الله يهدي عيالنا جميع

ولدي صغير بس في شي خايفة انه يتعود عليه ان اذا قعد بنص الليل اشيله من سريره واجيبه في سريرنا ارضعه عاد عقب لين نام انام وراه تغط عيوني وهو بعده على سريرنا يا خوفي عقب يتعلم لين كبر ومايبي ينام الا بسريرنا مع ان ابوه الصبح يقعدني يقولي ودي الياهل سريره واني لاه في سابع نومه يلا الله يقدرنا على تربية اطفالنا تربية صالحة وصحيحة:)

فاتي الرائع وجودك يالغلا ..

والموضوع علشان كلنا نستفيد من اخطاء بعض وما نكررها ..!!
اذا بعده صغيرون ما راح يتعوود بس حاولي بعد ما ترضعينه ترجعينه بسريره ..

علشان يتعود انه ما يجي لكم في سريريكم ..
وكل شي صعب والله يقدرنا على تربيتهم يارب ..!!