مسلمة موحدة;10653496:
بصي يا قمر مش كل ملايات كارفور مش حلوة انا قولت على النوع اللي هو البدراوي واختي استخدمته وعشان كده الحمد لله انا جبت منه لاني مبعرفش أنام غير على حاجه قطن هيا صحيح مش 100 % قطن بس خامته كويسه أوي وعلى فكره حاجة البدراوي مش رخيصة طقم الملاية 5 قطع ب 250 جنيه وفي أغلى كمان
لكن دلوقتي هو عامل عرض الملاية الزوجي 3 قطع ب 50 جنيه وأشكالها تحفة
وطبيعي انها مش هتبقا 100% قطن عشان لو اي ملاية 100% قطن هتتكرمش جدا جدا
ولما روحت الأزهر كلهم قالولي مفيش ملاية بتبقا 100% قطن لازم يدخل فيها فتلة تانية عشان متتكرمش وتنفع تتفرش على السرير ده على حسب كلام كل البياعين اللي اتعاملت معاهم
الصيني بقا متفكرنيش هههههههههه
انا فعلاً نفس رأيك بس في نفس الوقت لو جبت كل حاجه سنييه مش هخلص والمشكله اني فعلاً بحب اجيب الحاجه ماركات والذوق بتاعها حلو :( يعني بفضل ألف ألف وأرجع اجيب الحاجه اللي بتدخل دماغي
هو سعره أصلاً 100 وحاجه قطعة بحوالي 8000 وأكتر هيبقا كتير فعلاً في السعر
بإذن الله هجيب حاجه وسط في السعر وتبقا واو في الشكل كده كده كله هيتكسر إذا كان احنا نفسنا مبنعمرش يبقا الطقم هيعمر :D
ادعولي بقا يا رب اجيب طقم واو يكون مودرن فيلوري اند بوخ :D
دعوة كلها ماركات
لا في ملايات قطن 100 % وانا باجيبها هنا هي اه بتكرمش طبعا بس المهم تكون ناعمة
ومتنسيش لو جبتي الطقم الصيني تصوريه وتجيبي صورته اوك وتقولي جبتيه منين وان شاء الله تجيبي حاجة تحفة واحسن من اللى بتتمنيه ان شاء الله
ghadghoda;10653877:
ثانيا بقى بجد وحشتونى اوووووووووووووووووووووووووووووووى يا بنات والله وبجد المنتدى وحشنى اوى اوى اوى اوى ونفسى ارجع فيه زى زمان
مبروك علينا الجزء الجديد ويارب الجزء ده يكون وشه حلو علينا كلنا واتخطب فيه بقى يارب هههههههههههههههههههههه وربنا يسعدنا كلنا يارب
سؤال بقى هو كفاية لو جبت طقم استانلس وطقم تيفال ولا لازم اجيب الومنيوم ؟؟؟؟؟؟؟؟؟
مش لازم الومنيوم خالص مدام انتي مش بتحبي تستخدميه
nosha_2000;10655391:
لوحد قالك علية قوليلى عايزة انا كمان ... lolo انا حضرت فرح كدة من شهر فى فندق تريومف كان توحفة متعرفيش هو بيتكلف كام ؟؟
بيبدا من 90 للفرد لحد 190 للفرد بس القاعات بتعتهم معجبتنيش اوي
kitty_kity;10655644:
اقول ولا ماقولش يعني؟ :D
اه من عنده
والله من عنده :D
بنات لو سمحتم عندي سؤال فني..انا طبعا من اول مااتخطبت وانا مش بحكي لحد من اهلي اي حاجه تحصل بيني وبين خطيبي او بيني وبين اهله لو سلبية او كدا
وبتصرف من دماغي بحيث اني اداري الموقف
وده لسببين
الاولاني عشان مايزعلوش منه
والتاني اني زي ماتقولوا كدا حاربت الدنيا عشان الخطوبة دي
المهم دلوقت اني كنت عامله فيها ناصحة وفاكرة ان اسلوبي صح
واتضح انه مش صح
ساعات بحس اني محتاجه اخد رأي حد اتصرف ازاي
ومعرفش اخد رأي مين
مش عايزة اقول لماما لان ماما صريحة اوي وممكن تكلمه وتقوله
او مثلا تزعل منه او من اهله او كدا
كمان هي حاباني اكون شخصية قوية واجمد قلبي ...وانا مش هعرف اتصرف كدا لاني مش بطيق مود الزعل...
اعمل ايه؟ اخد رأي مين؟ انا بفوض امري لله واسيبها زي ماتيجي
بصي يا كيتي بينك وبينه حلي مشاكلك بطريقتك ولوحدكوا لكن لو مشكله حصلت مع حد تاني غيره وانتي احتارتي لازم تحكي لباباكي لان هو هيتصرف بحكمة وبعقل وهيقولك الصح من الغلط
لكن بلاش تحكي لصاحبتك الا لو انتي متاكدة ان ارائها صح لان الصحاب خبراتهم زينا بالظبط فممكن يخلونا نغلط بدل ما نصحح بس مدام انتوا لسه متقفلش عليكوا باب يبقى خلي دايما باباكي في الصورة في الظروف اللى تحتاج كدة
donyhoney;10656904:
سؤال يا بنات معلشي هو محرج شوية
بالنسبة لإزالة الشعر علشان الزفاف وكده هي بتبقى من كل الجسم المفروض يعني الظهر وكل المناطق حتى الصعب الوصول إليها طب أنا عايزة أعرف أكيد أنا هحتاج مساعدة ؟
المساعدة اللي تنفع بأة تكون من مين؟ علشان طبعا في عورة للمرأة على المرأة ؟
كمان سؤال بأة أنا بستخدم ماكينة براون دي دلوقتي يعني انا مش بعرف أعمل سويت لازم أتعلم وسهل اني أتعلم وكده ولا هحتاج وقت كذا مرة قبل الفرح وكده
كمان سؤال علشان انا غلسة بأة هو ايه أحسن عطار في الموسكي والحتة دي علشان انا لقيت عطارين هناك كتير اوي وكلهم ما شاء الله كبار وليهم اسم ومشهورين
سؤال كمان لو انا ما عنديش اي عطور ولا مستحضرات تجميل ولا الكلام ده تماما في الجهاز عندي أكيد حاجات للاستخدام الحالي في البيت كده الحاجات دي ممكن تتحط ليها ميزانية كام
وكفاية كده بأة لأحسن انا هريتكوا هههههه
مش شرط كل الجسم يعني الضهر لو الشعر فيه خفيف يبقى تشقير بس مش لازم سويت عشان بيكون مؤلم جدا والبطن نفس الحكايه
لكن باقي الجسم لازم ولا بد هههههههه واي حد ممكن يساعد ماعدا منطقة العورة
وبالنسبه للعطور والميك اب شوفي انتي بتستخدمي ايه وهاتي زيه بالظبط متحوليش تجيبي حاجة مش بتستخدميها على امل انها للجواز لا بردوا مش هتستخدميها بعد الجواز لو مكنتيش بتستخدميها قبله
farm;10657914:
بنات حد يقولى اعمل ايه زوجى اة خطيبى زعل منى امبارح قال ايه عشان قلتله ان كان فيه واحد قريبى كان عاوز يتقدملى واعد 7 سنين يحببنى طب هو الى فاح الموضوع قالى كنتى بتعرفى كمنين الى كان بيجيلك انه مش مناسب او طريقة تفكيره مش هى الى فى دماغك فبقوله مثال اقيته راح قالى عاوزة حاجة وقفل اعدت اتصل بيه كتير وابعتله رسايل وراح قفل التلفون تخيلوا وانا مبحبش كدة ابدا من وقتها متصلتش ومش هتصل عشان ميعملهاش تانى معايا ويحترمنى صح ولا انا غلطانة ولا ايه قلولى بالله عليكم
للاسف انتي غلطانه اكتر حاجة بتضايق الراجل الحكايات اللى فاتت دي واوعي حاجة زي دي تتكر منك تاني معلش دة يعتبر درس اتعلمتي منه
وهو لما سالك السؤال دة كان يقصد انك تقوليله الحاجات دي بضربك مثال عليه هو مش حد تاني
اي شخص اتقدملك وعرفتيه قبل الجواز امسحيه من ذاكرتك تماما وماتتكلميش عنه قدام جوزك حتى لو هو سالك
ومعلش ربنا يهدي الحال يارب وهو هيهدى لوحده وهيكلمك ان شاء الله المهم ان المواقف دي كلها ماتعديش كدة ولازم نتعلم منها ومانكررهاش وربنا يوفقكوا يارب ويصلحلكوا الحال