ღ ღ°•.•• تجهيزات عرائس لشهر ذو الحجة 1430 - 2009 م " الجزء 142"ღ ღ°•.••

mhyyyy;10658312:
بالنسبة لملمع الزجاج فية نوع اسمة ويندكس تحفة وبلمع بية كمان شاشات التلفزيون والكمبيوتر بجد حلو اوى

at2ota;10652622:
السلام عليكم ازيكو يابنات يارب تكون بخير وان شاء الله نكون كلنا فرحانين النهاردة بعد الماتش يارررررررررررررررررررب انا عايزة رايكو فى طقم البايركس دة











[/QUOTE

ماشاء الله الطقم جميل اوي تتهني بيه يارب

[QUOTE=nosha_2000;10655104] مش عارفى اوصف حزنى:mad::confused: بعد المتش بس الرياضة مكسب و خسارة هنعمل اية هو انا اخويا مستورد و مخلص جمركى لكن التوزيع عن طريق مكاتب مش تبعوا كان بينزل فى مركاتو و اماكن فى بورسعيد بس دلوقتى مش عارفة لأن اخويا بيقول من المكسب بيجى اكتر من اطقم العشاء والشاى من فترة لأن فى اقبال عليهم شديد دة حتى كان جايب هنا البيت من فترة طقم تقديم حلو اوى و انا شوفتو فى ماركاتو ايام عيد لأم وكان علية تخفيض

kitty_kity;10655644:
اقول ولا ماقولش يعني؟ :D
اه من عنده
والله من عنده :D

بنات لو سمحتم عندي سؤال فني..انا طبعا من اول مااتخطبت وانا مش بحكي لحد من اهلي اي حاجه تحصل بيني وبين خطيبي او بيني وبين اهله لو سلبية او كدا
وبتصرف من دماغي بحيث اني اداري الموقف
وده لسببين
الاولاني عشان مايزعلوش منه
والتاني اني زي ماتقولوا كدا حاربت الدنيا عشان الخطوبة دي

المهم دلوقت اني كنت عامله فيها ناصحة وفاكرة ان اسلوبي صح
واتضح انه مش صح
ساعات بحس اني محتاجه اخد رأي حد اتصرف ازاي
ومعرفش اخد رأي مين
مش عايزة اقول لماما لان ماما صريحة اوي وممكن تكلمه وتقوله
او مثلا تزعل منه او من اهله او كدا
كمان هي حاباني اكون شخصية قوية واجمد قلبي ...وانا مش هعرف اتصرف كدا لاني مش بطيق مود الزعل...
اعمل ايه؟ اخد رأي مين؟ انا بفوض امري لله واسيبها زي ماتيجي

سويزااا;10656805:
بسم الله ماشاء الله ربنا يبارك لك فيه جميل اووى وشسك جدااااااااااااااااااااااا

مركاتو دة فى منه فى اسكندرية ولا لا ولو حد شاف زيه هنا فى اسكندرية يقوووووووووولى بليييييييييييز

ومعلش سؤال مهم

دلؤتى كلنا عارفين ان الفوط الاستعمال الاول ليها بايخ مش بتنشف خالص وبايخة فا انا بفكر انى اغسلهم غسلة حلوة فى الغسالة لوحدهم واطلعهم احطهم فى اكياسهم تانى ينفع ولا لا عيب يعنى انى اطلعهم اغسلهم ولا لا وعلى فكرة حماتى ست اروبة شويه
ايه رايكم بلييييييييييييييييييييز ردوا عليا

donyhoney;10656904:
سؤال يا بنات معلشي هو محرج شوية
بالنسبة لإزالة الشعر علشان الزفاف وكده هي بتبقى من كل الجسم المفروض يعني الظهر وكل المناطق حتى الصعب الوصول إليها طب أنا عايزة أعرف أكيد أنا هحتاج مساعدة ؟
المساعدة اللي تنفع بأة تكون من مين؟ علشان طبعا في عورة للمرأة على المرأة ؟
كمان سؤال بأة أنا بستخدم ماكينة براون دي دلوقتي يعني انا مش بعرف أعمل سويت لازم أتعلم وسهل اني أتعلم وكده ولا هحتاج وقت كذا مرة قبل الفرح وكده
كمان سؤال علشان انا غلسة بأة هو ايه أحسن عطار في الموسكي والحتة دي علشان انا لقيت عطارين هناك كتير اوي وكلهم ما شاء الله كبار وليهم اسم ومشهورين
سؤال كمان لو انا ما عنديش اي عطور ولا مستحضرات تجميل ولا الكلام ده تماما في الجهاز عندي أكيد حاجات للاستخدام الحالي في البيت كده الحاجات دي ممكن تتحط ليها ميزانية كام
وكفاية كده بأة لأحسن انا هريتكوا هههههه

علوم;10656957:

السلام عليكم ورحمة الله وبركاته

ازيكوا كلكوا انا جديدة هنا فى المنتدى وبصراحة عاجبنى شغلكوا اوى ومساعدتكوا لبعض .

(y):clap:(y)
انا حابة اسأل كام سؤال هو انا مش مخطوبة بس طبعا بجهز زى ماكل البنات بتعمل.

انا عايزة اعرف هو انا جايبة واحد طقم شربات luminarc كفاية كده ولا اجيب تانى .

وعايزة اعرف اجيب كوفرتات من دلوقتى ولا لما يبقى فى نصيب
وبالنسبة لقمصان النوم كفاية 7 طقم طويل بروب و5 قصير بروب ولا اجيب تانى ولا استنى شوية وبرده بالنسبة للنجيرى كفاية 4 طويل و3 قصير ولا ازود ولحاجات المطبخ انا جايبة طقم شوك ومعالق استانلس مصرى كفاية كده ولا هحتاج واحد اللى هو ايطالى معلش انا طولت عليكوا شوية بالنسبة لاول مشاركة بس طبعا انتوا اهل خبرة ونستفيد منكم .

وبالنسبة للكومبين كفاية كام واحد وال kettele بتاع الشاى الكهربائى اجيبه من دلوقتى ولا استنى شوية.

ومبروك لكل اللى اتجوزوا واللى فرحهم قرب او خطوبتهم او كتب كتابهم وعقبالى انا وبنات امة المسلمين جميعا .

:9_33::21_159::9_33:

farm;10657914:
بنات حد يقولى اعمل ايه زوجى اة خطيبى زعل منى امبارح قال ايه عشان قلتله ان كان فيه واحد قريبى كان عاوز يتقدملى واعد 7 سنين يحببنى طب هو الى فاح الموضوع قالى كنتى بتعرفى كمنين الى كان بيجيلك انه مش مناسب او طريقة تفكيره مش هى الى فى دماغك فبقوله مثال اقيته راح قالى عاوزة حاجة وقفل اعدت اتصل بيه كتير وابعتله رسايل وراح قفل التلفون تخيلوا وانا مبحبش كدة ابدا من وقتها متصلتش ومش هتصل عشان ميعملهاش تانى معايا ويحترمنى صح ولا انا غلطانة ولا ايه قلولى بالله عليكم

nosha_2000;10662149:
يا كيتى انا كنت عايزة استقر لأن كان فى واحد نبيتى و كنت بختار بينهم و شكر على رايك يا قمر ....
الحب هو الحياة : الله يهنيكى
محدش فيكم يا بنات يعرف السبحة الرقمية بتتباع فين اصل كان عندى واحدة كانت هدية من السعودية و باظت و دورت كتير مش عارفة اجيب من فين

amatalrahman237;10657655:

good morning my last single day :21_159:

لو لسة بتدوروا على اشكال لفساتين الزفاف وعايزين حاجات جديدة ومختلفة لقيت موقع في مجلة بيدخلك على مواقع كتيرررررررررر وفيها صور حلوة اوي بس ابقوا خلصوها انتوا :wink:

لو حد عايز الموقع دة قولولي بس ابقوا اتحايلوا عليا شوية......... بهزر والله :21_104:

farm;10657914:
بنات حد يقولى اعمل ايه زوجى اة خطيبى زعل منى امبارح قال ايه عشان قلتله ان كان فيه واحد قريبى كان عاوز يتقدملى واعد 7 سنين يحببنى طب هو الى فاح الموضوع قالى كنتى بتعرفى كمنين الى كان بيجيلك انه مش مناسب او طريقة تفكيره مش هى الى فى دماغك فبقوله مثال اقيته راح قالى عاوزة حاجة وقفل اعدت اتصل بيه كتير وابعتله رسايل وراح قفل التلفون تخيلوا وانا مبحبش كدة ابدا من وقتها متصلتش ومش هتصل عشان ميعملهاش تانى معايا ويحترمنى صح ولا انا غلطانة ولا ايه قلولى بالله عليكم

sweetylolla85;10657959:

بنات حد يعرف كوافير كويس قريب من شارع احمد عرابي في المهندسين او زهراء عين شمس ياجنب البيت ياجنب الشغل عاوزه اروح اعمل شعري سيشوار :confused::confused::confused::confused: ومعرفش كوافيرات كويسه غير في مصر الجديده او مدينه نصر وهما مش في طريقي ياريت اللي يعرف يقولي بالله عليكو

معلش سؤال تاني عاوزه اسم ملمع زجاج كويس بس بالله عليكو تردو بسرعه ؟؟؟؟؟
اخيرا بقي عاوزه اشتري دفايه اجيبها منين:(:(:(:(

little_princess20;10658406:

هو انا اقدر اشترى حاجات اوريفلام منين ولو تقولوا ليا فى اسيوط او الشرقيه وبلاشش الكاتلوج ولو مفيش طيب فين فى القاهره واروح اذاى من محطه القطار

kitty_kity;10658798:
ناني
طب انا مش بحط مكياج نهائي ...معنى كدا اني ماجيبش بقى للجواز ولا ايه؟؟؟:)
انا مش بخرج بيه ابدا..ولا ف نيتي اخرج بيه بعد ماتجوز بس ممكن ف البيت يعني او كدا

lolagalaxy;10661265:
على فكرة يا بنات انا حاجات بودى شوب لقيتها غالية جدا جدا عن برة بجد الاسعار اغلى من الضعف مش عارفة دا عشان كانو لسه فاتحين عندنا فى كارفور و لا عشان ايه بالظبط يعنى لو ليكم حد برة مصر فى اى دولة ادولو الفلوس يجيبلكم احسن
بس على فكرة انا بخاف من المنتجات اللى على النت انا بشترى ممكن هدوم او اكسسوارات بس الحاجات السايله بخاف يغشوها و انا مقدرش اخاطر بشعرى او بشرتى و انا داخلة على جواز كدة

انا كمان بسال نفس السؤال اجيب كام صينيه للتقديم و اشكالهم ايه و يا ريت رينج الاسعار بالمرة