تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

قطة اخر الليل;10779886:
ماما كان عندها الار اتش ومكنتش تعرف وماخدتهاش كانت لسه مش معروفه اوي عللي ايامها وبعدين ماما عندها تجلط في الدم فالبيبي اذا نزل عايش ممكن يكون قابل للتجلط بدرجه كبيره زيها وبعدين يتوفي بسبب التجلط في امعاءه مثلا او كده وبصراحه انا عندي اعتقاد انه حسد يا ايمي عارفه بعد ما توفي عبد الله كانت منهاره جدا جاتلها واحده قالتلها وايه يعني مات مش مهم ما انتي تجيبي غيره ما انتي خلفتك كلها اولاد مايتين وعايشين وانا فعلا البنت الوحيده سبحان الله ولو شوفتينا عمرك ما تصدقي نها امي انا كلي بابا حتي محمد بيقولي كده مفيكيش منها حاجه اكيد لاقكوكي علي باب مسجد اعااااااااااااااااااااااااااااااااا

:lol::lol::lol::lol::lol: ربنا يخليهالك يارب، بس يا ساتر علي الناس وعينها.

لا الرجاله دوول الغاز شوفي الغلاسه جيلي وبيتامر والله بس اعمل ايه بقا ربنا هدهولي الايام دي مقلوب عليه اووي مش عارفه ماله والله انا حاسه انه غيرانمن اهتمامي باحمد اخويه مش عارفه

السلام عليكم ورحمة الله وبركاته

أزيكو يا بنات انا روحت امبارح للدكتورة ولقت الضغط عالى الحمد لله بصراحه انا متوترة اليومين دول وقلقانه
البيبى الحمد لله تمام بس نايم بالعرض تفتكرو هيقلب هى الدكتورة بتقولى لسه بدرى خليه براحته
سألتها على التطعيم بتاع ال H1N1
قالتلى Never
ماينفعش تاخديه خالص الحامل جسمها مفيهوش مناعه قولتلها فى أوربا وامريكا الحوامل بتاخده قالتلى الناس دى صحتها أحسن مننا بكتير وظروفهم غير
والمصل اللى عندهم ممكن يكون غير اللى عندنا

ومش رضيت تتكلم فى الولاده خالص تقريبا عشان ضغطى وقالتلى المرة الجايه
هنتكلم بعد أسبوعين وشوفت توتو كان وحشنى قوى ربنا يجيبو بالسلامه

قطة اخر الليل;10779894:
لا الرجاله دوول الغاز شوفي الغلاسه جيلي وبيتامر والله بس اعمل ايه بقا ربنا هدهولي الايام دي مقلوب عليه اووي مش عارفه ماله والله انا حاسه انه غيرانمن اهتمامي باحمد اخويه مش عارفه

هو بايت معاكي ولا ايه، ولا قاعد في شقتكم اللي كنتي فيها قبل الجواز.

يا صباح الحاجات الحلوه يا هلا يا هلا صباح الخير والرز المعمر بالسكر , ‏
CuTie KaTkOoTa+, ‏dandona we bas, ‏DodyCat, ‏Eng. BoB, ‏sweet_toota

DodyCat;10779896:
السلام عليكم ورحمة الله وبركاته

أزيكو يا بنات انا روحت امبارح للدكتورة ولقت الضغط عالى الحمد لله بصراحه انا متوترة اليومين دول وقلقانه
البيبى الحمد لله تمام بس نايم بالعرض تفتكرو هيقلب هى الدكتورة بتقولى لسه بدرى خليه براحته
سألتها على التطعيم بتاع ال H1N1
قالتلى Never
ماينفعش تاخديه خالص الحامل جسمها مفيهوش مناعه قولتلها فى أوربا وامريكا الحوامل بتاخده قالتلى الناس دى صحتها أحسن مننا بكتير وظروفهم غير
والمصل اللى عندهم ممكن يكون غير اللى عندنا

ومش رضيت تتكلم فى الولاده خالص تقريبا عشان ضغطى وقالتلى المرة الجايه
هنتكلم بعد أسبوعين وشوفت توتو كان وحشنى قوى ربنا يجيبو بالسلامه

يا رب يا دودي يارب لما بتقولي توتو دي بضحك وبتبسط اوي، بحس انه بيبي كميلة كده وعايز يتاكل مع اسمه.

CuTie KaTkOoTa;10779899:
هو بايت معاكي ولا ايه، ولا قاعد في شقتكم اللي كنتي فيها قبل الجواز.

هو بياكل وبيشرب معايه وكل حاجه وبنفضل نهزر انا وهو ونضحك ونرغي كتير جدا اصل احمد تحسي كده انه بنت رغااايه دمها سكر ويفضل يحكيلي علي اصحابه وكده وبيطلع ينام بس في الشقه وبطلع معاه انيمه وبتاع واشوفه عاوز حاجه وبتحايل عليه ينام هنا يقولي يا مروه هو الفرق اللي بيني وبين كام دور والاسانسير اللي هيوصلني مش رايح التجمع يعن يقووم محمد الرزل يقول فعلا معاك حق وهو بيتاوب :-#

قطة اخر الليل;10779917:
هو بياكل وبيشرب معايه وكل حاجه وبنفضل نهزر انا وهو ونضحك ونرغي كتير جدا اصل احمد تحسي كده انه بنت رغااايه دمها سكر ويفضل يحكيلي علي اصحابه وكده وبيطلع ينام بس في الشقه وبطلع معاه انيمه وبتاع واشوفه عاوز حاجه وبتحايل عليه ينام هنا يقولي يا مروه هو الفرق اللي بيني وبين كام دور والاسانسير اللي هيوصلني مش رايح التجمع يعن يقووم محمد الرزل يقول فعلا معاك حق وهو بيتاوب :-#

:lol::lol::lol::lol::lol: طيب له حق الراجل يا مروة يغير طبعا.

CuTie KaTkOoTa;10779880:
عارفة يا دودو ساعات كتير بيبقوا كده ولما تعملي انتي حاجة بطريقتك ويجربوا يدوقوها بتعجبهم ويفضلوا هما اللي يطلبوها بعد كده، حصلت معايا في كذا حاجة مكنش بيحبها خالص ولا بياكلها، بس اختلاف الطرق بجد بيغير كتير.

جوزى ايام الخطوبه مكنش عاجبه أكلى زفى اول الجواز بقى يقولى كلمى اختى اسأليها
انا طنشته خالص بعد شهر من الجواز بقى بيموت فى أكلى ولما أهله يجولنا بقى بيتحاكا بأكلى وهما كمان بيحبو أكلى جدا وأخته هى اللى بتسألنى وتاخد منى الوصفات

DodyCat;10779896:
السلام عليكم ورحمة الله وبركاته

أزيكو يا بنات انا روحت امبارح للدكتورة ولقت الضغط عالى الحمد لله بصراحه انا متوترة اليومين دول وقلقانه
البيبى الحمد لله تمام بس نايم بالعرض تفتكرو هيقلب هى الدكتورة بتقولى لسه بدرى خليه براحته
سألتها على التطعيم بتاع ال H1N1
قالتلى Never
ماينفعش تاخديه خالص الحامل جسمها مفيهوش مناعه قولتلها فى أوربا وامريكا الحوامل بتاخده قالتلى الناس دى صحتها أحسن مننا بكتير وظروفهم غير
والمصل اللى عندهم ممكن يكون غير اللى عندنا

ومش رضيت تتكلم فى الولاده خالص تقريبا عشان ضغطى وقالتلى المرة الجايه
هنتكلم بعد أسبوعين وشوفت توتو كان وحشنى قوى ربنا يجيبو بالسلامه

واخرتها يعني ما تخلي بالك من نفسك بقا ومتتوريش ولا حاجه ربنا بيسهالها من عندوه باذن الله وبطلي تشغلي بالك والضغط غلط عليكي وعلي توتو حبيب قلبك ربنا يحفظه ويحفظك من كل سوء يارب وتشوفيه كده وتعزمينا علي فرحه يارب اللهم امين وخدي بالك من نفسك وبلااش توتر الله يكرمك

DodyCat;10779922:
جوزى ايام الخطوبه مكنش عاجبه أكلى زفى اول الجواز بقى يقولى كلمى اختى اسأليها
انا طنشته خالص بعد شهر من الجواز بقى بيموت فى أكلى ولما أهله يجولنا بقى بيتحاكا بأكلى وهما كمان بيحبو أكلى جدا وأخته هى اللى بتسألنى وتاخد منى الوصفات

:thumbs_up::thumbs_up::thumbs_up::thumbs_up:

ربنا يستر يا مروة بقي ومش يغير من ابنكم :|:|

جوزك ده غلس اوي يا قطة بجد هههههههههههه

الف سلامة عليكي يا دودو و ان شاء الله كله حاجة تبقى تمام التمام و البيبي ينزل تحت في ميعاده و تبقى ولادة سهلة يسيرة عليكي

CuTie KaTkOoTa;10779909:
يا رب يا دودي يارب لما بتقولي توتو دي بضحك وبتبسط اوي، بحس انه بيبي كميلة كده وعايز يتاكل مع اسمه.

هههه يا رب يا ايمى يطلع كميله وكلبوظه كده

قطة اخر الليل;10779927:
واخرتها يعني ما تخلي بالك من نفسك بقا ومتتوريش ولا حاجه ربنا بيسهالها من عندوه باذن الله وبطلي تشغلي بالك والضغط غلط عليكي وعلي توتو حبيب قلبك ربنا يحفظه ويحفظك من كل سوء يارب وتشوفيه كده وتعزمينا علي فرحه يارب اللهم امين وخدي بالك من نفسك وبلااش توتر الله يكرمك

مش عارفه يا توته اعصابى تعبانه قوى وقلقانه

قلقانة من ايه بس يا دود و قلقانة يا حبيبتي هدي اعصابك كده

dandona we bas;10779942:
جوزك ده غلس اوي يا قطة بجد هههههههههههه

الف سلامة عليكي يا دودو و ان شاء الله كله حاجة تبقى تمام التمام و البيبي ينزل تحت في ميعاده و تبقى ولادة سهلة يسيرة عليكي

ميرسى يا دوندون عقبال ما نفرح بحملك يا رب

غير ليه الواد كلها شهر يا ايمي ويسافر تاني وهو الحد الوحيد اللي هنا معايه مستكتره عليه واخر مره خالتي كانت عندي حماتي وبنتها الرزله فضلو يغلسو بالكلام وانا خالتي حساسه جدا ولا نطقت عارفه بتقولها انتي بتيجي من شبرا لغايه هنا بتتعبي نفسي ما تريحي نفسك احسن والزيارات مبتخلصش وتضحك خالتي زعلت جدا ومش راضيه تيجي وانا مليش غيرها حد عايش من خالتي حتي دي مستكترنها عليه هو بصراحه بيحب اهلي وبيحب يودهم بس اهله بيضايقواا جدا ومخنوقين اوي اني في نفس العماره بتاعت ماما يبقي كمان اخويه يغير منه هو مش غيران في حد بيقومه عليه انا متاكده بس الحمد الله انا والله ماما بعتالي حاجات كتير جدا وانا غلسه بقا كلمت الزفته اخته وقلتلها تخيلي ماما بعتالي حاجات وفضلت اعددلها بقا ده حتي الفاكهه واسالي محمد وكمان بعتالي ظرف فيه فلوس دولارات يعني اخوكي هياكل علي حسابنا هههه وضحكت لانها بيغلسو من يوم ما عرفوا انه احمد جاي وده فعلا بجد ماما بعتالي جبنه كرافت ونستو ومربي وتفاح ورز وزيت زيتون وتوابل من كل شكل والله ولبن مراعي هههههههه ولبنه اصلي بعشقها ولبن ابو قوس بحبه او ي بجد بعتالي شنطه ليه لوحدي اكل ودول يرموا كلمه يوم الجمعه اللي فاتت كنت هتجنن تقول ربنا يعينه بقا علي المصاريف ابني هيلاحق منين ولا منين روحت بقا مسكتش وقلتلها عشان كده عاوز بابا يساعده ويجبله عربيه من قطر اوفر فعلا الواد ده طمعان فيه اتكتمو كلهم

ايه ده لا مش للدرجة دي، الكلام فعلا في قلة ذوق وجامد اوي علي خالتك، بس كويس انك حكيتي علي الحاجات اللي مامتك بعتاها، عشان ميفتكروش انه مش معاه فلوس ومصاريفه، وانك هتصرفي عليه ولا حاجة.

dandona we bas;10779962:
قلقانة من ايه بس يا دود و قلقانة يا حبيبتي هدي اعصابك كده

الولادة وترتيبتها وظروفها كل حاجه الحمد لله

CuTie KaTkOoTa;10779933:
ربنا يستر يا مروة بقي ومش يغير من ابنكم :|:|

لا دهبجد بيغير منه جدا ا فعلا ويفضل يقولي مفيش غيره بقا وانا اترميت خدي اللي انتي عوزاه مني طبعا ورمتيني وبيبقي مش بيهزر ويتقمص زي الاطفال وكل اخواته والله من قبل ما اتجوزه يقولوي احنا هنديكي فلوس عشان تستتحملي طفوله محمد لا بجد رزل وغلس ربنا يعني الصبح عملتله فطار بقا وبتاع يقولي ماهو ده اللي انتي فالحه فيه :-o لكن انا متهتميش روحت منفضاله وقلتله دووق كده التوست بالجبنه الرومي السايحه رووعه صح :p