تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

ويستطيع هذا الجهاز التصوير بثلاث طرق :-

• تصوير السطح : كاعطاء صور للجنين مثلا موضحا سطح الجسم دون اختراق الأشعة للأعضاء الداخلية وبذلك يستطيع الطبيب المعالج الاطمئنان على سلامة الجنين من حيث تشوهات الجسم كالشفة الأرنبية, مثلا واعطاء صورة واضحة لملامح الجنين قريبة كل القرب من الصور الفوتوغرافية وتشخيص تشوهات الأعضاء الخارجية كالأذن , والأنف , واليد , والقدم , والتشخيص الدقيق لحالة المنغولي (Down Syndrom). كما أن هذا الأسلوب يساعد على تمييز الأورام الخبيثة من الحميدة بسبب امكانية دراسة السطح.

• اختراق الأنسجة: وهذا يشابه جهاز الأبعاد الثنائية وفيه يطمئن الدكتور المعالج على سلامة الأعضاء الداخلية للأجنة والأحشاء كالقلب والكليتين والكبد والمعدة وباقي الأعضاء الداخلية بالأبعاد الثلاثة ويستطيع حساب أحجامها بدقة وان كانت غير منتظمة الشكل.

• التصوير الشفافي: وهذا يعطي صورة عن الهيكل العظمي للأجنه تماما كما تظهر بالصور الشعاعية (X-Ray) وبذلك تتضح أي تشوهات في الهيكل العظمي ،الى جانب أخذ فكرة عن فك الجنين. كما أنه يمكن فحص الثدي بهذه الطريقة والحصول على صورة واضحة للدرنات.

CuTie KaTkOoTa
;10692556:
بصي يا قمراية، انا عملته في مركز مصر للأشعة ب 250 بس خليت الدكتورة تعملي تحويل تبع التأمين اللي انا فيه، هي مكنتش هتقولي عليه خالص لنها مش شايفة حاجة تستدعي اني اعمله، بس انا اتحايلت عليها شوية :D:D
ادخلي علي اللينك ده وهتشوفي امثلة لشكل البيبي بالنوع ده،

بس بسرعة عشان همسح اللينك بعد شوية

طبعا لو عمليته من بدري مش هايبقي واضح بالشكل ده كده، هايبقي لسه فيه حاجات مكتملتش لكن هنا اكيد في النص التاني من الحمل او التالت كمان

انا حاليا فى المرحلة التانية وكنت شفت الصور دى قبل كدة لما عملتية كانت كدة ولا احسن؟
انا لاسف مش بشتغل فمفيش عندى تامين؟

هانا اوبا;10692562:
دندونة حبيبتى بصى فى رجالة بعد الجواز بيحطو فى دماغهم انك عارفة انو بيحبك ومش محتاج يعبر بالكلام ممكن انتى تبداى بالكلام الحلو وتقوليلو كلام حب وهو هيتحرك لما يلاقيكى كدة اهم حاجة محدش يدخل فى حياتكم من الاهل

:thumbs_up::thumbs_up:
صح ممكن انتي تسبقي فعلا وتعوديه علي المود اللي انتي عايزاه يبقي فيه دايما معاكي، هو لما يلاقي منك المباردة في اوقات كتيرة وكده، هيتعود منك وهايعرف انك بتحبي كدهن وهتحببيه في الموضوه ده كمان وممكن يبقي اكتر منك.

بقولك ياكتكوت عرفتي منين انك كاتو سمت اميره وهي مادخلتش خالص
كمان برنسيس ميرو اسمها اميره

ربنا يكرمك يا كتكوتة
أنا يا قمر اسمي نسرين وعندى 22 سنة
ومتابعاكم من أيام ما كنتم بتجهزوا لفرحكم
وكنت بتفاعل معاكو اوى بالدعاء لإنى مكنتش اشتركت فى المنتدى لسه
وبجد استفدت منكم جامد ربنا يسعدكم
معلش ممكن اطلب منك إذا فى أى مواضيع مفيدة
بخصوص ألف به حمل هنا فى المنتدى
او فى مواقع تانية ممكن تبعتيلى
لإنى حاسة انى مش عارفة اى حاجة فى اى حاجة
وبجد انا متشكرة اوى ليكى
وربنا يثبت حمل كل البنات ويسهل ولادتهم على خير
اللهم آمين

هانا اوبا;10692583:
انا حاليا فى المرحلة التانية وكنت شفت الصور دى قبل كدة لما عملتية كانت كدة ولا احسن؟
انا لاسف مش بشتغل فمفيش عندى تامين؟

وانا كمان مش بشتغل، ده انا جوزي عاملهولي تبع شغله.
لا كانت اقل شوية من كده، انا كنت في نص السادس او لا كنت في بداية تانية اسبوع تقريبا منه.
بصي احنا الاتنين ساعتها اتبسطنا اوي وكنا عايزين نشوفها علي الحقيقة بقي وتيجي بسرعة غير العادي خالص، بس الصور اللي بتتطبع بقي يمكن دي اللي شكلها بيخوف شوية بعض الناس عشان بتبقي ثابتة مش مبينة التفاصيل كويس زي الجهاز، وبتبقي لسه مش متكاملة.

dandona we bas;10692511:
الموضوع يا جماعة ان حوزي كل ما مدى معنتش حاسة انه بيحبني و لا حتى بيقولي كلام حلو و انا فعلا الحاجات دي عندي مهمة جدا و هوا كان كويس قبل الجواز و خصوصا في فترة قبل كتب الكتاب لكن من ساعتها و انا حاساه متغير قلت يمكن لما نعد في بيت واحد هنقرب من بعض اكتر و هيبحني و يشوف انا بتعب اد إيه عشانه لكن لا حياة لمن تنادي حسيت اني ظلمت نفسي بجوازتي دي و انا شايفة كل الناس حواليا فرحانة و مبسوطة ده انا لسه مكملتش 5 شهور و تعبانة و الله و حاسة اني بقالي مليون سنة متجوزة مش حاسة اني فرحانة خالص مش مبسوطة بجد

دندونه انا كنت كده برده وبفكر نفس تفكيرك بس كتبتله جواب :o
قلتله بقى على كل اللى مضايقنى منه وقلتله انا حاسه انى بقالى 100 سنه متجوزه مش لسه عروسه واعدت ارسم واشخبط فى الورقه وهههههه وسبتهاله بقى وهو صحى الصبح قراها
فغير تصرفاته معايا شويه بس اهو احسن من الاول

طب طلعتى حامل فى ولد ولا بنت؟ وجهزتى اللبس ولا لسة؟

ربنا يطمنك ياكتكوتة على البيبى يارب دة اغلى حاجة عندنا ويارب يعيننا على الولادة

miko85;10692596:
بقولك ياكتكوت عرفتي منين انك كاتو سمت اميره وهي مادخلتش خالص
كمان برنسيس ميرو اسمها اميره

اه صحيح نسيت اسمها الحقيقي :lol::lol: عشان دايما بنقولها ميرة عالطول.
حد دخل قالنا علي ميكو، تقريبا ام حمودي، طمنتنا عليها بس ساعتها قالت انها كانت نايمة وعرفت من باباها بس.

شوق وحنين للجنة;10692597:
ربنا يكرمك يا كتكوتة
أنا يا قمر اسمي نسرين وعندى 22 سنة
ومتابعاكم من أيام ما كنتم بتجهزوا لفرحكم
وكنت بتفاعل معاكو اوى بالدعاء لإنى مكنتش اشتركت فى المنتدى لسه
وبجد استفدت منكم جامد ربنا يسعدكم
معلش ممكن اطلب منك إذا فى أى مواضيع مفيدة
بخصوص ألف به حمل هنا فى المنتدى
او فى مواقع تانية ممكن تبعتيلى
لإنى حاسة انى مش عارفة اى حاجة فى اى حاجة
وبجد انا متشكرة اوى ليكى
وربنا يثبت حمل كل البنات ويسهل ولادتهم على خير
اللهم آمين

يا رب يا جميلة يارب، نورتينا، وحاضر هشوفلك اللينكات المهمة واحطهالك، بصي اولهم في لينك لتجهيزات البيبي، بنسأل فيه اي اسئلة احنا محتاجينها والبنات اللي بتعرف بترد، زي التجهيزات بتاعة الجواز بالظبط بس ممنوع فيه التشات:
http://forums.3roos.com/showthread.php?t=486928&page=69

هانا اوبا;10692602:
طب طلعتى حامل فى ولد ولا بنت؟ وجهزتى اللبس ولا لسة؟

بنوتة الحمدلله بنسبة 90 % وهحاول ادورلك علي صورتها انا كنت نزلتها هنا قبل كده.
وجبت جزء كبير من الحاجات بس لسه مش كله، انا جبت من قبل ما اعرف الحاجات الداخلية والرفايع عشان دي مش هتفرق لكن لسه لبس الخروج بقي هنزل اجيبه اليومين دول ان شاء الله.

هانا اوبا;10692616:
ربنا يطمنك ياكتكوتة على البيبى يارب دة اغلى حاجة عندنا ويارب يعيننا على الولادة

امين يا رب

لا مغلطش بس بحس انه الحياة بقت مملة و كئيبة معاه اوي معنتش فرحانة و لا مبسوطة و جايما فعلا بس اننا مكناش لبعض انا الكلمة الحلوة بتبسطني في حاجات صغيرة الراجل ممكن يعملها و بتفرق مع الست جدا بس هما اهم حاجة عندهم الشغل و التلفزيون و خلاص هيا دي العيشة نفسي احس انه فعلا عايزني و بيبحني و عايز يبسطني مش كل حاجة الشغل و الفلوس لا الكلمة الحلوة بمليون فلس بجد

//forums


بنوتة الحمدلله بنسبة 90 % وهحاول ادورلك علي صورتها انا كنت نزلتها هنا قبل كده.
وجبت جزء كبير من الحاجات بس لسه مش كله، انا جبت من قبل ما اعرف الحاجات الداخلية والرفايع عشان دي مش هتفرق لكن لسه لبس الخروج بقي هنزل اجيبه اليومين دول ان شاء الله.[/QUOTE]
بجد والله منزلاها ياريت وريهانى
بسم الله ماشاء الله انا كان نفسى فى بنت بس طلعت ولد
الحمد لله ربنا يوصلهولى بالسلامة وجوزى فرح اوى لما عرف نوعة هههههههه مع انو كان بيقول عايز بنت

dandona we bas;10692629:
لا مغلطش بس بحس انه الحياة بقت مملة و كئيبة معاه اوي معنتش فرحانة و لا مبسوطة و جايما فعلا بس اننا مكناش لبعض انا الكلمة الحلوة بتبسطني في حاجات صغيرة الراجل ممكن يعملها و بتفرق مع الست جدا بس هما اهم حاجة عندهم الشغل و التلفزيون و خلاص هيا دي العيشة نفسي احس انه فعلا عايزني و بيبحني و عايز يبسطني مش كل حاجة الشغل و الفلوس لا الكلمة الحلوة بمليون فلس بجد

طيب مش جايز يا دندن عشان انتي كمان بتشتغلي ومش بتقضوا اصلا وقت كافي مع بعض والكورس اللي هو بياخده، ابتدي انتي اعملي حاجات زي ما قلتلك وعوديه ان ده يبقي الجو الاساسي في البيت.

انتي الاول عشان كنتي في وسط عيلة افرادها كتير، واخواتك في سنك وكده، فحاسة بالفرق الكبير ده، بس معلش لازم كده بجد وشوية شوية ان شاء الله العلاقات تتحسن وتقربوا اكتر من بعض بس انتي حاولي بس اسمعي الكلام وكمان بإذن الله يبقي في بيبي قريب يملي عليكم البيت وبجد هتفرق كتييييييييييييير اوي معاكم انتم الاتنين وهو هتشوفوا التأثير اللي هايبقي فيه لما يحصل ان شاء الله.

المشاركة الأساسية كتبها شوق وحنين للجنة


يا بنات بالنسبة للحوامل اللى فى الشهور الأولى
عايزة أعرف تجاربكم
وكمان ايه الحاجات اللى المفروض تتاكل وايه الحاجات الممنوعة
والمفروض يبقى فيه حركة ولا راحة تامة ولا إيه بالظبط
بجد ياريت تفيدونى ربنا يكرمكم
وجزاكم الله خيرا
بصى ياشوق زى ماكتكوتة قالتلك بالظبط وزودى عليها انك متشيليش حاجات تقيلة متسنديش على بطنك و نامى على جنبكوكمان متسافريش او تتنططى
اما بالنسبة للاكل اشربى لبن حتى لو مش بتحبية وكلى خضار وفيتامين سى

هانا اوبا;10692642:

بجد والله منزلاها ياريت وريهانى
بسم الله ماشاء الله انا كان نفسى فى بنت بس طلعت ولد
الحمد لله ربنا يوصلهولى بالسلامة وجوزى فرح اوى لما عرف نوعة هههههههه مع انو كان بيقول عايز بنت

هييييه ولد افرحي يا ميكو المعدل عمال يتظبط كل شوية اهو :lol::lol:
ان شاء الله المرة الجاية تبقي بنوتة يا جميلة، فكرتي في اسامي ولا لسه.
احنا بردو كان نفسنا في بنوتة اوي انا وجوزي والحمدلله اهو، اغلب البنات هنا كان نفسهم في بنات وفعلا معظمنا طلعنا بنات، بس كام واحدة بس طلع ولد عكس ما كانوا نفسهم بس فرحانيين به بردو الحمدلله، وفيه بنات قليلة بقي اوي نفسهم في ولد من الاول زي ميرو كده ;);)

السلام عليكم ورحمة الله وبركاتة

ازيكم يا منفوخين عاملين اية وحشتوووووووووونى جدا جدا

انا جييييييييت تانى

شوق وحنين واميرة، قولولي مواعيد ولادتكم ان شاء الله عشان احطم في ليستة الحوامل :D:D

kato;10692666:
السلام عليكم ورحمة الله وبركاتة

ازيكم يا منفوخين عاملين اية وحشتوووووووووونى جدا جدا

انا جييييييييت تانى

انتي كنتي سمعانا ولا ايه يا ايمين لسه كنا بنتكلم عليكي :lol::lol:
انتي وحشتينا جداااااااااااااااااا
حمدلله علي سلامتك يا جميلة، يلا احكي كل حاجة بالتفصيييييييييييييييييييييييييل

خلاص بقينا احنا المنفوخين وانتي اوت دلوقتي يا كرمبو :lol::lol::lol::lol: