تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

CuTie KaTkOoTa
;10692407:
ما شاء الله الأميرات ابتدوا يزيدوا معانا هنا اهو، اتنين اميرة كبار وواحدة بيبي لسه :lol::lol:
اه فعلا الصبغة ممنوعة اثناء الحمل، اصبري بقي بعد الولادة ان شاء الله.
انا ايمان 25 سنة وبكرة ان شاء الله هابدأ السابع بإذن الله.

ههههههه فى هنا اميرة تانى ؟ طب انا انهو واحدة فيهم الكبيرة ولا البيبى ؟ متهيالى الكبيرة
طب ياايمو انتى عملتى سونار ولا لسة؟واحوالك اية مع الحمل؟

ازيكو كلكوا

انا قرفانة من كل حاجة و من جوزي و شغلي و بجد بدأ موضوع الانفصال ده يجي على بالي كتير و بدأت احس اني خدت قرار غلط

ازيك يا دندونه
بلاش التفكير ده يابنتى انتى بتفكرى كده ممكن عشان مضايقه

هانا اوبا;10692435:
ههههههه فى هنا اميرة تانى ؟ طب انا انهو واحدة فيهم الكبيرة ولا البيبى ؟ متهيالى الكبيرة
طب ياايمو انتى عملتى سونار ولا لسة؟واحوالك اية مع الحمل؟

ميكو اسمها اميرة بردو وفيه ميراميرو بس هي مش هتدخل اليومين دول، وفيه واحدة معانا لسه والدة من اسبوع كده وسمت اميرة بردو :):)
الحمل ماشي الحمدلله كويس وتمام، انا بعمل السونار كل مرة اروح للدكتورة بس جهازها قديم، ورحت في نص الخامس عملت بره جهاز حديث بقي وتحفة عشان كنت عايزة اعرف النوع، وعملت ال 3d كمان في نص السادس بره بردو عشان اطمن علي كله وعشان اتأكد بردو من النوع واعرف اشوفها كويس عشان بتبقي مجسمة كده وتحسي انها معاكي بجد مش زي التاني.

dandona we bas;10692436:
ازيكو كلكوا

انا قرفانة من كل حاجة و من جوزي و شغلي و بجد بدأ موضوع الانفصال ده يجي على بالي كتير و بدأت احس اني خدت قرار غلط

ايه اللي بتقوليه يا دينا، هو فيه ايه يا جماعة كل شوية حد فيكم يقول الكلمة دي، استغفروا ربنا وصلوا علي النبي كده، مفروض الموضوع ده مايجيش في دماغكم خااااااااااااااااالص، وهدي الامور كده ومعلش في الاول لازم يبقي فيه شوية اختلافات وشد وجذب عشان لسه متطبعتوش علي بعض كويس، وكمان الحياة العملية والزوجية بتبقي مختلفة خالص عن ما كنتي في بيت اهلك فلازم فيها شوية حاجات كده لغاية ما بتستقر ان شاء الله وتتظبط

لا اتوقع و الله عموما اللي ربنا عايزاه هيكون اكيييييييييد

شوق وحنين للجنة;10692430:
يا بنات بالنسبة للحوامل اللى فى الشهور الأولى
عايزة أعرف تجاربكم
وكمان ايه الحاجات اللى المفروض تتاكل وايه الحاجات الممنوعة
والمفروض يبقى فيه حركة ولا راحة تامة ولا إيه بالظبط
بجد ياريت تفيدونى ربنا يكرمكم
وجزاكم الله خيرا

بصي يا جميلة، طيب عرفينا بنفسك طيب الاول :D:D
بتتحركي عادي جدا بس كل حاجة تبقي بالراحة اول تلات شهور بالذات عشان الحمل يثبت ويبقي تمام، يعني طلوعك السلم ومشيك وحركتك ولما توطي كل ده في حدود، وحاولي متوقفيش كتير عشان مش حلو ليكي، ومتاكليش كبدة في التلاتة بردو الاولانيين، ومفيش شرف قرفة طبعا، وتاخدي الفوليك اسيد كل يوم، اللي بيتمنعوا من الحركة نهائي دول بيبقي عندهم مشكلة في الحمل او حاجات تبشر بسقوط او كان عندهم قبل كده سابقة.

CuTie KaTkOoTa
;10692394:
ليه يا بنتي كده خير، ربنا ما يجيب خناقات تاني، وطبعا هو استغل الفرصة ومصلحش النت عشان متخانقين :lol::lol:



انا عايزة اطمن علي كاتو بقي ماليش دعوة.

لاه النت فاصل من عند جارنا ال موصلين من عندهم
والخناقات كانت فظيعد وماتعرفيش ايه السبب
شيطان باه وحسد
هي كاتو مادخلتش من ساعه ماولدت

لا ان شاء الله خير اهدى انتى بس

miko85;10692488:
لاه النت فاصل من عند جارنا ال موصلين من عندهم
والخناقات كانت فظيعد وماتعرفيش ايه السبب
شيطان باه وحسد
هي كاتو مادخلتش من ساعه ماولدت

اها، ربنا يبعد عنكم الشيطان يارب انتي وكل البنات التاني يارب مش عارفة فيه ايه بس.
لا مدخلتش خالص :(

dandona we bas;10692478:
لا اتوقع و الله عموما اللي ربنا عايزاه هيكون اكيييييييييد

طيب اهدي يا دندن واحكي بس ايه اللي حصل ولا مش عايزة دلوقتي براحتك

ازيكو كلكوا

انا قرفانة من كل حاجة و من جوزي و شغلي و بجد بدأ موضوع الانفصال ده يجي على بالي كتير و بدأت احس اني خدت قرار غلط

دندونة ازيك انتى لية زعلانة معاه هل حاجة مصيرية ولا خلافات بسيطة ؟

شوق وحنين طبعا الصبغة ممنوعة ومتاخديش اي ادوية خالص إلا لما تسألي الدكتور عشان يقولك علي حاجات مسموح بيها للحامل وبتبقي محدودة جدا بردو فحاولي تحافظي علي نفسك كويس اوي عشان مفيش علاج.
وحاولي بردو متقفيش قدام حرارة او نار كتير، ومتشيليش حاجات تقيلة خالص

الموضوع يا جماعة ان حوزي كل ما مدى معنتش حاسة انه بيحبني و لا حتى بيقولي كلام حلو و انا فعلا الحاجات دي عندي مهمة جدا و هوا كان كويس قبل الجواز و خصوصا في فترة قبل كتب الكتاب لكن من ساعتها و انا حاساه متغير قلت يمكن لما نعد في بيت واحد هنقرب من بعض اكتر و هيبحني و يشوف انا بتعب اد إيه عشانه لكن لا حياة لمن تنادي حسيت اني ظلمت نفسي بجوازتي دي و انا شايفة كل الناس حواليا فرحانة و مبسوطة ده انا لسه مكملتش 5 شهور و تعبانة و الله و حاسة اني بقالي مليون سنة متجوزة مش حاسة اني فرحانة خالص مش مبسوطة بجد

اشربي مية وعصاير كتير وده طول فترة الحمل، وطبعا زبادي والبان، وممنوع البيبسي والشيبسي والحاجات اللي فيها مواد حافظة، والانشون والبسطرمة والهوت دوج والحاجات دي والهامبرجر

المنبهات في دكاترة بيقولوا ممنوعة خالص وفيه بيسمحوا بيها في مثلا واحد او اتنين في اليوم، اقصد الشاي او النسكافيه يعني، ابعدي عن التدخين وريحته.

ولو بتحسي بدوخة او شعور بالترجيع، فيه دواء الدكتور بيقولك عليه ، وكمان ممكن تاكلي بسكويت مملح او بقسماط بيودي الشعور ده

CuTie KaTkOoTa
;10692455:
ميكو اسمها اميرة بردو وفيه ميراميرو بس هي مش هتدخل اليومين دول، وفيه واحدة معانا لسه والدة من اسبوع كده وسمت اميرة بردو :):)
الحمل ماشي الحمدلله كويس وتمام، انا بعمل السونار كل مرة اروح للدكتورة بس جهازها قديم، ورحت في نص الخامس عملت بره جهاز حديث بقي وتحفة عشان كنت عايزة اعرف النوع، وعملت ال 3d كمان في نص السادس بره بردو عشان اطمن علي كله وعشان اتأكد بردو من النوع واعرف اشوفها كويس عشان بتبقي مجسمة كده وتحسي انها معاكي بجد مش زي التاني.

بجد ياكتكوتة عملتى اللى هو 3 دى اصل انا عايزة اعملو ومش عارفة مكان كويس؟ وعملتية بكام دة غير انى مقلقة من شكل النونو هل بيبقى طبيعى؟

dandona we bas;10692511:
الموضوع يا جماعة ان حوزي كل ما مدى معنتش حاسة انه بيحبني و لا حتى بيقولي كلام حلو و انا فعلا الحاجات دي عندي مهمة جدا و هوا كان كويس قبل الجواز و خصوصا في فترة قبل كتب الكتاب لكن من ساعتها و انا حاساه متغير قلت يمكن لما نعد في بيت واحد هنقرب من بعض اكتر و هيبحني و يشوف انا بتعب اد إيه عشانه لكن لا حياة لمن تنادي حسيت اني ظلمت نفسي بجوازتي دي و انا شايفة كل الناس حواليا فرحانة و مبسوطة ده انا لسه مكملتش 5 شهور و تعبانة و الله و حاسة اني بقالي مليون سنة متجوزة مش حاسة اني فرحانة خالص مش مبسوطة بجد

بصي يا دندن، الرجالة يمكن بتختلف من واحد للتاني، بس الاغلبية دايما بعد الجواز طريقة حبهم بتختلف عن فترة الخطوبة ، بيبقي خلاص في عشرة وطريقة تعبيره بتيجي في مواقف تانية مش شرط بقي تكون بكلمات مباشرة، لا مواقفه هي اللي بتبين، ومفروض ده مش حكم خالص عليه، وكمان مش سبب كافي يا دينا انك تفكري في موضوع الانفصال ده، طيب انتي بتحسي انه بيعاملك وحش او بيهينك او مش بيراعي كرامتك قدام الناس ، غلط فيكي بأي شكل.

هانا اوبا;10692534:
بجد ياكتكوتة عملتى اللى هو 3 دى اصل انا عايزة اعملو ومش عارفة مكان كويس؟ وعملتية بكام دة غير انى مقلقة من شكل النونو هل بيبقى طبيعى؟

بصي يا قمراية، انا عملته في مركز مصر للأشعة ب 250 بس خليت الدكتورة تعملي تحويل تبع التأمين اللي انا فيه، هي مكنتش هتقولي عليه خالص لنها مش شايفة حاجة تستدعي اني اعمله، بس انا اتحايلت عليها شوية :D:D
ادخلي علي اللينك ده وهتشوفي امثلة لشكل البيبي بالنوع ده،
بس بسرعة عشان همسح اللينك بعد شوية

طبعا لو عمليته من بدري مش هايبقي واضح بالشكل ده كده، هايبقي لسه فيه حاجات مكتملتش لكن هنا اكيد في النص التاني من الحمل او التالت كمان

دندونة حبيبتى بصى فى رجالة بعد الجواز بيحطو فى دماغهم انك عارفة انو بيحبك ومش محتاج يعبر بالكلام ممكن انتى تبداى بالكلام الحلو وتقوليلو كلام حب وهو هيتحرك لما يلاقيكى كدة اهم حاجة محدش يدخل فى حياتكم من الاهل

dandona we bas;10692511:
الموضوع يا جماعة ان حوزي كل ما مدى معنتش حاسة انه بيحبني و لا حتى بيقولي كلام حلو و انا فعلا الحاجات دي عندي مهمة جدا و هوا كان كويس قبل الجواز و خصوصا في فترة قبل كتب الكتاب لكن من ساعتها و انا حاساه متغير قلت يمكن لما نعد في بيت واحد هنقرب من بعض اكتر و هيبحني و يشوف انا بتعب اد إيه عشانه لكن لا حياة لمن تنادي حسيت ظلمت نفسي بجوازتي دي و انا شايفة كل الناس حواليا فرحانة و مبسوطة ده انا لسه مكملتش 5 شهور و تعبانة و الله و حاسة اني بقالي مليون سنة متجوزة مش حاسة اني فرحانة خالص مش مبسوطة بجد

بصي يادندن الحياه مش كده كلها سعاده وانبساط...انا كنت فاكره كده حاسه بردو باقو مليون سنه متجوزين..في اكتر من الغربع وجوزي بيشتعل 14 ساعه ومافيش خروج..مهو لازم نتعب ونساعد اجوزانا ...بس انتي حاولي تغيري من الروتين
واكتر حاجه باه الحسد والشيطان
اكيد بياثر معاكم
والله الناس في مصر اكيد بتقول عليكم هما مسافرين وعايشين في الكويت ومتهنين فيقروا عليكم والله شغلي قران علي طوول