يوميات طلابنا الحلوين

ما قلتون لي أولادكم بأي روضات؟؟

البارحه نيمت حسون من 7 ونص لأنه طول اليوم ما نام و لما شفته بينام على 6 ونص طلبت النجدة من ابوه و قام وداه البرادة ورجع مصصح و بعدين عشيته و انواع القهر على العشا لأنه فيه النومه و ما ياكل بسرعه طلعت روحي على ما اكل كم لقمه و بعدين سبحته ونام كالملاك هههههه

من جدي الصبح قعد مفرفش مو مثل كل يوم يتملل الصبح قام بسرعه اقول له قوم ماما طلعت الشمس ويفز من السرير ماما وين هي بشوفها لأني كله اقول له قصة الشمس و القمر و شلون الناس و الحيوانات و الطيور ينامون ويا الشمس بعدين يقعدون وياها

المهم قام و هو مو قادر يفتح من ضواها بس شافها هههه

و فرفش ولبسته و كملت و برز قبل ابوه و اليوم وداه ابوه بروحه كل يوم اني اوديه ويا ابوه بس اليوم هو نهار فبيتاخر انزين كنت خايفه من هالنقطه لأن ممنوع دخول الرجال في الروضه و اذا جايبين الطفل يطقون الجرس وتطلع وحده تستلمه فخفت يصيح ولا شي وقلت بكلمه قبل بس هو عادي لأنه هو سألني ماما جين ويانا؟؟ من بيسوق اليوم؟؟؟ بتجين ويانا اليوم ؟؟؟ فتطمنت عنه و اتصلت اشوف وصل و كل شي اوكي ولا لا؟؟

ورجع من شوي فرحان ومستانس ويقول خلونا نسوي قطار السريع و رحنا شفنا توم وجيري

الظاهر معلمته ودتهم وانقهرت لأني ما احب يطالع توم وجيري

واكو يلعب ويا ولد عمه

الله يحفظه

يلا انتظر تقاريركم

مسز عادل;10568659:
مرحبا بنات


طبعاً ابتدت الدراسه و اطفالنا دخلوا روضاتهم ومدارسهم

و بالتأكيد يومياً تواجهنا مواقف و أحياناً مصاعب معاهم

خلونا ندردش عن يومياتهم

و نبدأ بأعمارهم و الصف الي هم فيه

شنو مزاجهم مع بداية العام الدراسي ؟

شنو رايهم بمدرساتهم و انتوا شنوا رايكم فيهم؟

شنو نظامهم في النوم وهل هو مريح بالنسبه لكم و لهم ؟

هل لاحظتم اي تغيرات في تصرفاتهم خصوصاً طلاب أول سنه روضه أو مدرسه؟

شنو تغير في روتينكم اليومي؟؟وهل تغير للأحسن أو الأسوء؟

و اي تفاصيل ثانيه حابين تتكلمون عنها اكيد يفرحنا انا نسمعها منكم

يلا ننتظر تجاربكم مع الحلوين

بااااااااك

اخيرا صار جانص ان اشارك بالموضوع :)


بحط رقم السؤال وبجاوب عليه هههههه

1 - ولدي عمره 5 سنوات ونصف وهو في مدرسة المهد في HKG او مرحلة التمهيدي ..

2 - المزاج اوكى ومتحمس بس على شرط ان يكون شبعان النوم الصبح علشان ما يتحجج ههههههههههه

3 - بالنسبة للمدرسات رغم ان الدوام توه من اسبوع مبتدي لكن الى الآن كل شي على خير ما يرام وولدي حاب مدرساته ومستانس عليهم الحمدلله وحتى انا اشوفهم اوكى وسمعت عنهم انهم من افضل المدرسات ..

4 - عن النوم تقريبا ولدي ينام في حدود 9 ونص - 10 وبالغصب لانه يدوخ ههههههههههه وانا اتمناه ينام ع ال9 او حتى قبل بشوي خصوصا وان باص المدرسة يجي له 6 وشوي الصبح يعني بدررررررري كثير .. والظهر الحمدلله ما ينام :)

5 - بالنسبة للتصرفات الحمدلله ما اشوف عليه اي سلوكيات غريبة وبالعكس هو في فترة المدرسة دايما يكرر الاشياء اللي اخذها في المدرسة وبما ان مدرسته الدراسة عندهم بالانجلش فهو يحاول يتكلم انجلش والمصطلحات الانجليزية اللي يعرفها دايما يقولها في البيت .. واخلاقه وسلوكياته الحمدلله ما في اي شي سلبي بالعكس اشوفه ياخذ الاشياء الايجابية ويطبقها في البيت او يلتزم بها اكثر مثل الادعية والاذكار وغسل اليدين قبل وبعد الاكل وغيرها من التصرفات الحلوة :wink:

6- بالنسبة للروتين اليومي اكيد في شوية تغييرات مثل قومة الصبح يعني النومة تخترب ما تكون متواصلة هههههههه والعصر تدريس وعمل الواجبات المنزلية والليل مراكض معاه علشان يسبح ويتعشى ويتهيأ للنوم وعلى ما ينام الا روحي طاااالعة ههههههههه وبعدين ابدأ بتجهيز اغراض المدرسة حق اليوم التالي ..
اما الطلعات فتكون اقل واذا طلعنا نحاول ما نتأخر كثير علشان الولد عليه دوام خخخخخ

احسن شي ان يوم الخميس الليل ولدي يكون تعباااان من الدوام وينام مبكر وغالبا اخوه يلحقه وينام معاه بعد ،، ويصير الوضع هااااادئ وزوجي بعد يطلع شوي فآخذ راحتي واسترخي شوي وبعد لين رجع زوجي نقعد في هدوء ونتعشى مع بعض في اجواء رومانسية بدل كل ليلة حنة وطحنة مع اليهال هههههههههههههههه
<< قالت قصة حياتها :o

ايي صح نسيت اقول


عن الاشياء اللي تغيرت كأن في نقطة انقالت بخصوص الاكل
ولدي السنة اشوفه بعد شهيته صارت احسن للاكل يعني هذا شي ايجابي الحمدلله ..

محرومه

افا عليش الموضوع ما انحط الا للهدرة هههههه و اني بعد بعيدة عن بيت ابوي فما عندي احد اسولف معاه في كل التفاصيل غيركم

و فكرتش عن الروضه مثلي ومسكينه الكتكوته كسرت خاطري الله يخليها ويبلغش فيها يارب


ماما حسون

هلا هلا و الله ما شاء الله ينام متأخر بالنسبه لوقت مشيته الصبح متى يلحق يشبع نوم اني حسون يقعد 6 ونص و الحين اشوف تعود على نومة 7 ونص بس اذا طول في نومة الظهر ينام 8 ونص الليلة ذبحني على ما نام مليون قصة وتالي قمت أقرأ له سور وعجبه الوضع يمكن قرأت جزء عمه كله هههه و انبح صوتي وما فيه فايده تالي غيرنا القناة على الدعاء ههههه

زين مرتاحة من المدرسه لأن اختي اشتغلت عندهم و تذم فيهم كلش حتى بتطيح حظ المدرسه من كثر الذم خخخخخ

اما عن الطلعات نسيناها صراحة اني احب الفرارة الحين ويش اسوي خخخخخ

جيتكم والوقت متأخر لازم أنام

تفاصيل التقرير وقتا لاحق

بس مش مفرح كثير ...

يلا بكرة بتستلممون تقريرين بوقت واحد تبع اليوم وبكرة أشوفكم بخير حبايبي

يعطيج العافيه ع الموضوع
والله يوفق عيالكم

تقاريري زااااايدة يا اختي محرووومة خخخخخخخخخخخخخخ

رجع ولدي امس مستااااااانس يقولي صحت بس شوي ... لكن خلاص ما بروح المدرسة

اليوم الصبح أنا وأبوه كأنه هبلان ننشد ليه ونصفق بس انو شوي يهدأنفسيا ... لأن مو راضي يروح


جا البااص وطلعناااااااااااااااااه


ويا ويلي ويلااااااه ذابح عمره صياح ,, وركبته المشرفة غصب



أحسه كاره الوضع مولية ... الله يستر

نوراء بنتي عمرها الحين 3 سنوات و 11 شهر

واجد متعلقة في امي لدرجة طول الايام تنام عندها و كانت امي مصرة انها ما اتروح الروضة مو على شي بس على سالفة الانفلونزا اللي خوفت الكل

المهم استغليت وفاة ولد خالتي و كانت امي مشغولة ايام الفاتحة الاسبوع اللي طاف و اني بعد كنت ابغيها اتروح عشان اروح الفاتحة و قمت اوديها ما كانت تدري امي الا هلاسبوع ( معذورين )

المهم
اول يوم الروضة راحت على احسن مايكون و ديتها اني ويه ابوها و كانت بنت حماتي بعد امودية ولادها التوأم و صرورنها هناك في الصف و رجعها الباص

يوم ثاني راحت في الباص الا بعدين في الرجعة اشوف المدرسة متصلة فيني اني يوم شفت رقمها قلبي وقف ما ادري شنو صاير

الا اتقول بنتش اليوم زلزلت ممر المبني من الصريخ ما تبغي تركب الباص تبغي سيارة ابروحها على قولتها تبغي سيارة عادية و من هاليوم ما بغت اتروح اتقول اذا بتوديني بروح و المشكلة اني صعبة عليي اوديها و ابوها ما يجي من الجريدة الا الصبح

و في الويك اند قالت اهي خلاص ماتبغي اتروح و ظليت اراشيها بس امي الله يهداها قالت اذا ماتبغي اتروح لا تغصبين الجاهلة لا اتروح خليها تعبانه ...........ههههههه اتخيلو .....لانا يوم كنا صغار كنا اذا قلنا ما بنروح الروضة كانت امي ما اتودينا بس ابوي مدرس و اشتغل علينا في البيت عدل ما دشينا صف الاول الا احنا نعرف نقرا و نكتب ......بس بنتي كلش مالي بارض بس يعني مجرد متابعة

اليوم الصبح بعد اتصلت لي المدرسة الا اتقول بنتش تشتكي عليش

اتقول انتين اتنيمينها من وقت ولا اتخلينها اتروح لامش ولا اتشوف خالتها ( راس مالها خال واحد و خاله وحده)

و اكلمها اتصيح و اتهددني انها ما بتركب الباص و تعالي انتين اخذيني ...و كل يوم ليها قصة

ههههههههههههههههههههههههههههههههه

يا حليلها نوراء

استمتعت واني اقرا مغامرات الحلوة

حلوة سوالفكم

بس عندي شوية اشغال و ارجع لكم

سنعود بعد قليل

مسز عادل;10590575:
حلوة سوالفكم

بس عندي شوية اشغال و ارجع لكم

سنعود بعد قليل

احس توهم مساكين على الباص اكيد بيخافون اني اصريت ان احنه الي نوصله والا ابوه يبي باص علشان يفتك

محرومة ما تشوف شر الحلوة و صدق انها بطله ما شاء الله عليها الله يحفظها

ام نوراء مسكينه الحلوة ما طلبت شي روحوا جيبوها انتون اذا جايه على السيارة اشوه ما قالت ما بتروح خير شر
يوم حسون لما وديته وقفت اكلم المدرسه شوي و الظاهر فكر بقعد وياه الأخ فلما بغيت اطلع قام يصيح
وهرب طلع بره بيروح لأبوه وتالي ركضت وراه و دخلته الصف وشلت عليه هههههه

والظهر راح ابوه جابه بروحه و ما جا الا في ايده نجمه يا زعم هو شاطر

هههههههههههههههههههههههه

حركات عيالكم تفطس ضحك

عاااد ولدي اهو طالب انه يروح في الباص لأن هو كبير ويبغي شنطة تطير!!!هههههههه


عاد أنا ما حصلت شنطة تطير ,,, حصلت تمشي هههههههههه ورضى فيهاااااااااااا

اليهال كلهم حركاااااااااااااااااااات

هههههههههههههههههههههههههههه

حلوة دي تطير

عليه افكار اني حسون ما طلب ولا شي