يوميات طلابنا الحلوين

هلا امهات انا بنتي في الروضة مستوى اول اسبوع الجاي بيعطونهم تقويمات ويوم الخميس يوم المفتوح الاول وتبتدي الاجازة مالتهم من تاريخ 14 فبراير ويدخلون 1 مارس اذا ما غيروها وكل المراحل يدخلون الاول من مارس

هلا امهات شخباركم وشخبار اطفالكم اول شي انا يوميا ادخل المنتدى بس ما شوف الموضوع المهم اليوم قررت اسولف معاكم انا عندي بنتي اسمها هيا اول سنة روضة مستوى اول وعمرها 3سنوات و8 شهور كانت روحتها عادية للروضة لان انا كنت امسجلتها العام الماضي الكورس الثاني في نفس الروضة كان عمرها سنتين و10 شهور وتعودت عليها وانا مدخلتها الروضة السنة الماضية لانها كانت وايد خجولة ونصحوني هلي ان اوديها الروضة لتندمج مع الاطفال والحمد الله تحسنت وايد ومع بداية العام الدراسي واول اسبوع كانت متشجعة كانت مو متعودة على النوم من بكير بس تعودت فكان الروتين ان تتعشى وتسبح ودايركت الى النوم على الساعة 8 - 8 ونص اهيه نايمة بس ساعات اشوفها وايد تعبانة بعد الغدا اخليها تنام ساعة على الاقل واقعدها واذا نامت العصر تنام في الليل على تسع - تسع ونص حدها وعن الواجبات اخليها اسويهم العصر وبعض الاوقات اتمللها اختها اشيل عنها الكتب واخليها الى بعدين وعن قعدة الصبح اقعدها على ساعة 6 الصبح لان اتروح مع خالتها وخالتها معلمة في نفس الروضة ولازم سبع الا ربع اهمه هناك وتكفيهم ربع ساعة لان بيتا دوار 7 والروضة دوار 15 يعني تكفي والحمد الله معلمتها وايد زينة والحمد الله و اصلا اهيا تصير بنت خالي يعني بنتي متعودة عليها بس المشكلة بنتي ساعات في الروضة اتييها نوبة صياح على كل شي لان متعودة على معلمتها اذا كانت في بيتنا عادية واذا في الروضة اتكون غير فصاير عندها خربطة شوي والحمد الله ما تغير منها شي للسوء وبعكس صارت اطبق اشياء وايد الي يعلمونهم اياها في الروضة والحمد الله على كل شي وان شاء الله كل يوم بكتب لكم يوميات بنتي سامحوني على الهذرة الزايدة ونسيت توصل بنتي البيت الظهر مع خالتها على الساعة وحدة ونص وساعات 2 الا ربع

مرحبا

هلا فيش ام هيا ويانا

مسكينه احس يومها متعب تقعد من وقت و ترجع متأخره

حسون يجيه الباص سبع وشوي ويرجع 12 الا ربع



توني الحين قاعده بعلمه على السبوره طفشني ما ادري هو يعاند والا صدق ما يعرف

مو راضي يفرق بين الألف و الباء يعني مو معقوله اكثر شي ركزوا على هالحرفين ومو متشابهين مثل التاء و الثاء و الباء

يقهر يقولها وهو يضحك ما ادري شسوي فيه و اتبع وياه اي طريقه ؟؟؟؟

انا بنتي ما شاء الله عليها اتعرف كل شي بس اذا قعدت وياها اعلمها اتقولي ما بيج ابي معلمتي

وينكم يا امهات محد يكتب اليوم بنتي راحت رحلة الى مطعم جسميز الاهلي وكانت وايد مستانة الصبح ويوم راحت الروضة اتقول لمعلمتها مابي اروح ولاابي اكل المطعم باكل اكلي الي في الشنطة وخلوها بعدين ركت الباص صارت مفرفشة ورجعت البيت بعد مفرفشة واللحمد الله

الله يخلي لكم عيااالكم
وان شاااء الله رتولة تكبر واكتب لكم
بس اهي شكلها تحب تشخبط من الحين تيود القلم ههههه مستعجلة على روحها

مرحبا بنات

تدرون ولدي داك اليوم طفشني بعلمه مو راضي يجاوب وبعدين اخد السبورة و كل شوي يكتب حرف ويقول هذا وش اسمه !!!

انصدمت من شوي ما تعرف و الحين تكتب؟؟؟؟

و اليوم بعد جايب كتابه يبونه يتعلم حرف الخاء و الدال و مدوخني

قلت بروح لمعلمته وبشوف يعني بس اني يسوي لي جدي والا حتى في الروضه ؟؟؟؟


قاعده ادور له العالب لتعليم الحروف في النت من تعرف لعبه حلوة؟؟؟ ومفكره اشتري له لعبه والا لوحه تعليميه تنصحوني بمكان معين او لعبه معينه ؟؟؟

يعلمونه حرفين في وقت واحد؟؟؟

Um Noor;11092854:
مسز عادل يمكن ما تعجبه الطريقة إلي تعليمنه بها يعني غيري له طريقة التعليم مثلا استخدمي برامج الرسام ( استخدمه حق بنتي في تعليمها الحروف أكتب لها الحرف وخليها تقراه ) شي ثاني لما تعلمينه حرف جديد لا تربطيه بكلمة إلا لما يحفظ الحرف بس بغيت أسأل يعلمونه الحروف بالترتيب ؟ ويفرق بين الحروف إلي فيها نقط والحرف المشابهة لها من غير نقط مثل س وش أو ح وخ

أو ليش ما جاوبتي على أسئلتي؟:039: يالا جاوبي لا مفر :041:

ما شفت أسألتش قموره

حاولت بكذا طريقه ما نفع قلت باخد له لعبه او سي دي يمكن يتشجع

و الحروف عقب كل 3 حروف يعلمونه اياهم مخربطين

بس معلمته قالت ليي انه اوكي و في امهات واجد يعانون من هذا الشي لأن أولادهم يتدلعون خخخخ

وحتى اختي قالت لي ان ولدها يسوي نفس الحركه بس هو اوكي

الحين تطمنت شوي

بس تتوقعين راح يتعلمون كل الحروف خلال هالسنة لأن الكورس قرب يخلص وهم توهم في البداية

هم وصلوا للخاء

وكتابهم مال هالكورس بس للضاد

و حتى لو ما تعلموا واجد قليل على قولة أمي يعني الي قعدوا في البيت ما تعلموا شي و السنه الجايه بتكون أسهل عليهم

و أشوفه يقول الألوان بالعربي و الانجليزي بروحه خب هو (لا تسألوا عن أشياء إن تبدوا لكم تسؤكم)

أها ألحين فهمت يعني عشرة حروف بس مو صعبة عليهم الكتابة لأني أعلم بنتي الحروف لكن بس قراءة أحس صعبة عليهم الكتابة شلون نظام الروضة يعني كل يوم يدرسونهم مادة لو عشوائي لو كل المواد بيوم اسئلتي واجد بس على هالاسبوع يمكن أروح أسجل بنتي مبدئي أو زوجي مو متحمس يقول ما راح ترضى تروح بس بسجلها مبدئي علشان ما يطوف التسجيل بعدين بشوف لأني أني بعد متخوفة من هالنقطة

ما ادري عن نظام الحصص بس يعلمونهم كل حرف بروحه بالترتيب وبعد حرفين يخلونهم يفرقون بينهم و بعد ثلاثة بعد و جدي

الكتابه تدرين العيار داك اليوم عجزانه ابيه يقرأ الحرف يقول ما يعرف بعدين جاب السبوره و القلم و قال انا الأستاذ وقام يكتب الحروف بروحه

صباح الخير

شخباركم امهات




افففف اليوم ولدي حبيبي مسكين عليه دوام :057:
قعدته من الصبح وراح في الباص على عمري ..
الله يوفق له يا رب


يوم الاربعاء لما قعدته الصبح للمدرسة قام يشتكي من بطنه يعوره ولما وديته الحمام اغسل له قعد يرجع واخوه بعد مرض معاه ووديناهم المستشفى وركبوا عليهم مغذي وطبعا خليناه يغيب الاربعاء والخميس وتوه امس اشوفه صار احسن واليوم خليته يداوم علشان ما تطوفه اشياء وايد ..
المفروض ان كان عليه املائين يوم الخميس بس غاب وامس قعدت اذاكر معاه شوي وما يندرى يعيدونهم له اليوم او يخلون لوقت ثاني !


وامتحاناته الفاينل ما باقي وايد عليها
ان شاء الله تاريخ 10\2 راح يبتدون الى تاريخ 18\2 اخر يوم .. الله يعينا عليها <<< المشكلة ان خلاص ولادتي قربت وخايفة اولد في فترة امتحاناته ونتبهدل :060:

السلام عليكم

اول مر اشارك معكم عندي ولد الله يحفظه في التمهيدي ومطلع لي قروووووووون
نومه قليل جداً ينام بال10 ويجلس لي الفجر او بالاحرى هو يجلسني ماما قومي صار الصباح


في النادر انا اللي اجلسه مهما نام متاخر واضغط على نفسي واضل وياه على اساس ينام مبكر في الليل وماكو فايدة انا انام وهو جالس فديته
رحت لمعلمته على اساس تحكي لهم اهمية النوم المبكر الا تقول لي لاتضغطي عليه هو يجي مصحصح يمكن هو حد نومه قليل !!!!!!
ابي اقنع نفسي واسكت عنه مااقدر احس مايدعينيقلبي كلش نومه مو لجاهل بعمره !


معلمته دائماً تشتكي من انه فهمه ومعلوماته اكبر من اللي وياه تقول احس الاطفال يضيعوا وهو يتكلم ان ماجاريته وتكلمت معه في معلومات خارجية مسكين وان جاريته باقي الاطفال مساكين يضيعوا في الطوشة!
قلت الها صبري مثل ماانا صابره وحاولي بالي تقدري عليه والله يعينش

هلا بنات ايه اخباركم واخبار الكتاكيت
انا عمر يكان تعبان صارله من يوم الجمعة
وما راح الدوام اليوم