يوميات طلابنا الحلوين

هلا ماما حسون رسومهم 27 دينار للشهر

أم حسون;10693221:
اهلا
امهات جيل المستقبل
شخباركم ويا الدكاتره والمهندسين ههههههه
عن العيد حتى انا روضة ولدي لاحس ولاخبر
داك السبوع غايب 3 ايام كان مريض وهالسبوع هلكوا من الواجبات هههههههه عاد هو يشيبني على مايسوي شي كل تعبان

الحين عاد انا امشي عليه مايرضى يلون عدل يخربط لي مادري شسوي ليه عادي شدي في مستوى اول او لازم مرتب حتى الكتابة مو مرتب اخاف اشد عليه ومايرضى يكتب بعدين متحيره وياه

اليوم 6 صفحات تلوين وكتابه ماخلصها الا اني محطمة اعصابي

الله يهديهم

نفس المعاناة مع بنتي ومحتارة معاها ساعات امدحها وساعات اعصب عليها لانها تتعمد ما

تحاول تسوي صح وتمسك القلم بتملل حطمت نفسيتي تحطيم اقول من بداة الروضة للحين وهم على هالحرف ولا تعرف تكتبه بشكل صحيح الا اذا بالغلط وعندهم الروضة ممنوع التنقيط لتعليم الحروف من جذي صاير صعب علي وعليها اقعد بساعات اعلمها وماكو فايدة اعطيها فترات راحة وحاول مرة ثانية لكن بدون نتيجة العصر قلت الى ابوها يكمل الواجب معاها ما رضى ورديت كلمته المغرب قلت له صراحة تعبت وتعبت نفسيتي حاول معاها شوي

تخيلي في عشر دقايق كملت مع ابوها الواجب صدق طريقة كتابة الحرف مو نفس ما يبون الروضة بس ارتحت نفسيا

شاركوني موضوعي

http://forums.3roos.com/showthread.php?t=496923

توقعت بس حسون طلعوا كل الحلوين في الهوا سوا

يعصبني يطفشني حتى آخر مره ضربته مسكين

بس قلت بتساهل وياه حتى لو لون براالصورة و الحين ريحت روحي اجود ايده في التلوين و الكتابه هو مستوى اول ومرده بيتعلم و اشوف في الكتاب يكتب عدل في الروضه حتى استغربت قلت يمكن تكتب عنهم المعلمه و تفك روحها قالت لي اختي لا هناك يطاوعون المعلمه ما يدوخونها مثل الأم

اني اجود ايده بس مو متحكمه فيها يعني بالعدال اذا بيطلع برا الصورة اضغط شوي علشان يوقف وماشي الحال يسوي الواجب في وقت لا يقارن مع الوقت الي كان بروحه

مسز عادل;10694475:
توقعت بس حسون طلعوا كل الحلوين في الهوا سوا

يعصبني يطفشني حتى آخر مره ضربته مسكين

بس قلت بتساهل وياه حتى لو لون براالصورة و الحين ريحت روحي اجود ايده في التلوين و الكتابه هو مستوى اول ومرده بيتعلم و اشوف في الكتاب يكتب عدل في الروضه حتى استغربت قلت يمكن تكتب عنهم المعلمه و تفك روحها قالت لي اختي لا هناك يطاوعون المعلمه ما يدوخونها مثل الأم

اني اجود ايده بس مو متحكمه فيها يعني بالعدال اذا بيطلع برا الصورة اضغط شوي علشان يوقف وماشي الحال يسوي الواجب في وقت لا يقارن مع الوقت الي كان بروحه

عطيتيني فكرة صار خاطري اعرف في الروضة تعرف تكتب عدل او لا

لان الروضة تأخروا على ما عطوا بنتي الكتب فتصلت استفسر قالوا احنا عطيناهم الاطفال من زماان

يكتبوا فيهم في الروضة ومتعمدين ما نعطيهم اياهم للبيت حتى لا يتخربطوا بين طريقة تعليم

المدرسة ((الماما))وطريقة تعليم اولياء الامور وقبل فترة جابت كتاب وجلدته وحليت معاها الواجب كان بس تلوين وامس جابت كتاب ثاني مطبوع مو جاهز لتعليم الحروف بس لكتابين جدد مو مكتوب فيهم شي

يعني وين الكتب الي يتعلموا او يكتبوا فيهم في الروضة خاطري اشوف ويش اتسوي هناك وشلون تكتب لان بالموت لو كتبت الحرف بالغلط شبه صحيح وان اقعد معاها بالساعات

وهناك في الروضة كلها 4 ساعات مقسمة لتعليم الادعية والسور والاكل واللعب والرياضة والتلوين

يمكن يعني ساعة وحدة او اقل مخصصة للكتابة غير ان الماما تعلم صف كامل مو بس بنتي

لا مسز عادل لا تضربين لأن الضرب ما يجيب نتيجة وفوق هذا بيكره الدراسة اما عن نفسي عصبية جدا بس اذا جيت اكتب وياه اتمالك أعصابي لأن ولدي من طخت أولادكم وكل يعاند ومثل ما قالت الأخت زهور العيد طريقة مسكته الى القلم والدراسة
الله يعينه عليهم

اني على سالفة الدراسة مسويه الغرفة كانها صف ملزقة صور و اوراق عن يازعم وسائل و ادرسها كليوم اشوي بس يوم اللي يجون بيت عماتها ما اشوف الا غبرتها

اعصب عليها اشوي و اهدئ و ياها اشوي و احفزها بعد عشان تكتب بس هلايام كله اتقول عورتني ايدي و تمللت اذا تمللت ما اعرف اكتب خليني العب اشوي

هههههههه

اخليها تلعب و ارد اجيبها مرة لو مرتين ابوها يقول لي مو تضغطين عليها خليها تستانس اشوي بعدين تكره المدرسة ( يقول لي قدامها و اني انقهر لاني ما اقدر اتكلم و اهي اتقول شوفي البابا ويش قال ؟ )

زهور العيد

روحي الروضه وسألي المدرسه عنه وخليها تراويش كتابته


ام نوراء

صراحه اني ما احب استخدم هالأسلوب خصوصاً في التعليم بس و كلامش صح بس تعرفين جنونهم الله يساعدني عليه

z+H
الله يهدي الحلو يا رب

لا بالعكس اني خليتها اتمثل في الصف

حتى اتروح اتقول القصص اللي اقولها ليها

يعني ما يركز الشي في مخها الا على هيئة قصة و حركات و تمثيل

و حتى لين اودي ليها وسيلة لازم اشرحها ليها عشان اتكون عارفتنها

بس صج صج متعبة روحي حتى زوجي يقول انتين من البداية اتسوين ليها وسائل و بطاقات تعليمية على هالحسبة حولي لمدرسة احسن.........خخخخ

مرحبا امهات


امس حسوني المغرب شفته صار اوكى وقام يلعب ويسولف قلت خل نطلع نكمل اغراض العيد وطلعنا رحنا السيتي سنتر بس حسوني تعب علينا هناك وظل قاعد في العربة بدل اخوه خخخخ وبالغصب كملنا مشتريات العيد عقب معاناة معاهم طول الوقت ورجعنا البيت ..
وظل الولد متمرض طول الليل ما نام عدل واحنا كل شوي نعطيه ادوية وعقب صلاة الفجر كان حسون ما زال مصمم على روحة المدرسة علشان الحفلة وابوه كان بيوديه عيادة الدكتور يوسف اكبر بس حسون ما رضى قمنا عطيناه بنادول وشربناه شاي حليب بالغصب علشان يهدأ الاحتقان شوي ولانه فرحان بالحفلة تشجع وقام بسرعة جهزته ولبسته وراح المدرسة ..
والظهر رجع من المدرسة داااايخ وتعبان وكان على وجهه رسومات لكنه بدل ما يستانس كان ما له مزاج من المرض وحرارته نار ومو قادر حتى يشيل الشنطة عن ظهره او يسوي شي اخذته وبدلت له وطلع شوية حلويات وخرابيط من الشنطة واكل له مصاصة وبعدين انبطح ونام وظل الى العصر اما نايم او قاعد يزنزن ويتشكى من المرض قمت عطيته بنادول مرة 2 ومرقدوش عن الم البطن اللي وياه وهو عور قلبي يقول لي اتصلي للبابا خل يجي يوديني المستشفى فقلت له ويضربونك ابرة ؟؟ الا يقول اييي <<< مسكين حبيبي يبغي اي شي يخليه يصحى من المرض ..
وابوه اتصلت له الا يقول ما يقدر يطلع من الدوام بس ان شاء الله الليلة بنوديه علشان يخف قبل العيد ..

حاليا غديته وكاهو قاعد متمرض شوي بس اشوا من اول ما رجع من المدرسة ..
جيكت شنطته شفت الواجبات اللي عليه لكني ما ضغطت عليه علشان يكتب ( في العادة اخليه يسوي واجباته بسرعة بس اليوم كاسر خاطري فقلت خله يرتاح اليوم واحتمال بكره اتفرغ له وادرسه .. وكاتبين له بعد ان عليه املاء في العربي تاريخ 6\12 يعني الحمدلله مو عقب العيد دايركت :)


وهذي يوميات ولدي خخخخخ

نسيت اقول انه اليوم كلش ما مزاج ومو راضي يتكلم عدل عن الحفلة على غير العادة لين يصير شي في المدرسة من يرجع يقول عن التفاصيل ..

ماما حسون ماعليه شر الحلو وان شاء الله يصير زين من الحين للعيد وعن الواجبات زين سويتين لاحقة عندش اجازة كم يوم ،، اني بعد الحلوين ماكملوا واجباتهم قلت ليهم خلوهم لبكرة نتفرغ الصببح ان شاء الله للواجبات عدل



ايه وبعد نسيت اقول


اجازة سعيدة للحلوين وعيدكم مبارك مقدماا

سلامة الاولاد التعبانين الف سلامة اكيد من تغيرات الجو
ام حسون اعطيه يانسون دافى مع ملقة عسل قبل ما يخرج في الصبااح
مسز عادل كتير ابسطت لابنك حلو انهم يفرحو الاولاد ويسبطوهم
مراوي انا كمان عايزة اتحنا زي بنتك اهئ اهئ ماليش دعووووة عايزة اتحنا وحشتني الحنا

اجازة حلوة وسعيدة للجميع ان شاء الله بسومة
وكل عام وانتون بخير وعيدكم مباااااااارك

توه من شوي حسوني جاي يقول ماما ما سوينا الهوموورك ! ههههههههههههه
بشوف اذا في جانص اليوم والولد ناوي بخليه يكتبهم ويفتك واذا ما في مجال خلهم لبكره ..



نسيت اشكر ام حمود
يعني 27 بدون مواصلات مو ؟!!
عندج فكرة عن سعر المواصلات ؟!!
ومسامحة تعبتج معاي .. الف شكر مرة 2 :o

بسمة اطفالي انا كمان الواجبااااااات كتير جداااا
بدأت معاه النهاردة الصبح بدري يعمل شوي شوي
عنده ملااازم وكراسات وجايبين له واجبات من اول السنة لحد ما وصل
مش عارفة والله كويس ده ولا زهق للاولاد ربنا معاهم
وكل عاااااااااااااااام وانتم بخير والاولاد واسركم كلهااااااااا

مسكيييييييين حسون ما عليه شر ان شاء الله

كله كاسر خاطري هالولد

اني يوم حسون قام يتمرض سيده عمتي قالت اكيد حاسدينه من دش الروضه و هو مو مترقع وسيده شبه خخخخخ

مشكورين بنات


البارحه ودينا حسون عيادة دكتور يوسف اكبر
حرارته كانت 37.8 قاموا وعطوه بنادول
وبعدين فحصته الدكتورة طلع عنده اتهاب حاد في الاذون واحتقان في الحلق ( هو شايل اللوز يوم كان عمره 3 سنوات ونص )
ضربوه ابرة مضاد حيوي وكتبوا له على ادوية وان شاء الله تتحسن صحته عليهم .. مع ان البارحه ظل تعبان ومصخن ما كأن ضاربينه ابرة بس ان شاء الله ما يجي بكره الا هو صار احسن


عقب شوي بقوم له علشان نسوي الهوموورك ونفتك .. عندي اشغال كثيرة اليوم وتجهيزات للعيد وبسمكر الشقة وبسمكر روحي بعد خخخخ والمغرب بخلي ابوهم يوديهم الحلاق :biggrin:

سلامة قلبه لحسوني
الله يعافيه يااااااااااااارب

إن شاء الله ما يشوف شر حسون وتوقعت عنده التهاب لأن الحرارة تروح وترجع

طمنينا عليه

كل عام والحلوين بخير

الف سلامة على حسون ام حسون وان شاء الله معافا
ويكون قضى اول يوم عيد وهو بخير وبصحة