محتاجة لرايكم خواتي - منتديات عروس

*

**ام عبادي القمر**

عروس ماسية

31-10-2009 | 12:20 PM

بسم الله الرحمن الرحيم
الحمد الله رب العالمين
اللهم صل على محمد وآل محمد

امهات ابي اخذ رايكم في شي وابي نصايحكم

اني عبادي الحين عمره سنتين و3 شهوووووور تقريباااا الله يحفظة
وعبادي للحين مايتكلم عدل يعني هو يتكلم بس كلمات بسيطة مايكون جمل
المهم حولوني على السلمانية المركز وشافتة دكتورة والحمد الله طلع مافيه شي
بس قالت لي ودية حظانة خلية يختلط مع الاطفال علشان الكلام
المشكلة انه زوجي يقول لي لاتودينة الحين خلية السنة الجاية وحتى امي تقول لي لاتستعجلين علية
وكل الي يسمعني يقول لي ليش مستعجلة يعني يفكرون اني ابي اودية بس جذي دلاعة

هو فعلا اني اتمنى اودية الروضة اليوم قبل بكرة
بس هو فعلا محتاج
ماعنده احد يلعب معاه اخوان
عنده اولاد عم بس مااخليه على طول وياهم
لانة تعرفون الجهال مع بعض ممكن يجيبون مشاكل للكبار
المهم مو هذا موضوعنا
اني قلت ان شاء الله بودية الورضة السنة الجاية يكون كمل 3 سنوات
بس ابي اعلمة في البيت
بس ماني عارفة من وين ابتدي
اني محصلة اشوي صعوبة معاه لانة للحين مايتكلم
يعني شنو اسوي اخذ لة مثلا سيديات تعليمية
او كتب؟؟
اني اول شي ابتديت معاه اخذت لة اللوان ودفتر تلوين خليتة اشوي يشخبط
الي عندها خبرة تعلمني وقولي لي ويش رايكم في سالفة الحضانة:(

م

مسز عادل

عروس برونزية

31-10-2009 | 12:47 PM

مرحبا اختي

الله يساعدش ويساعد كل ام ولدها عنده مشكله لأني انحطيت بهالموقف و حسيت بهذا الشعور بس انا كانت مشكلته مختلفه يعني جسديه

المهم الدكتورة كان قصدها من الروضه الاختلاط مع أطفال ثانيين

و الطفل من وين بيتعلم الكلام من المحيطين به ركزي على الكلام و السوالف معاه اشتري له قصص و اقرأي له انا لما كان بهذا العمر اقص له بالعاميه لأن ما بيفهم بالعربي

اشتري له الكتب الصغيره الي عن انواع الخضروات و الفواكه أو حيوانات المزرعه أو الألوان و ابتدي علميه فيها وهاذي الكتب مكتوب عليها من سنتين

وديه حديقة الحيوانات و علميه اسمائهم

كثفي علاقتش معاه و كلميه و العبي معاه و خليه يختلط مع اطفال ثانيين

ولا تاخذين السالفه تعليم و تشدين معاه خلي هذا الوقت مرح و لعب علشان ما يتملل و مثل ما قلت لش الكتوره كان قصدها من الروضه الاختلاط مو التعليم

ه

هدووء

عروس مشاركة

31-10-2009 | 12:51 PM

عزيزتى الاطفال يختلفون عن بعض فى الكلام وفى هالعمر عادى لو ماتكلم بكلمات او جمل .. حاولى تقربين له اكثر وتشترين له كتب لاسماء الحيوانات وتكون ملفته للانتباه وتعلمينه وتقرين بصوت عالى هذا اسد هذا قرد وهكذا عشان يردد معك ..

فى السياره اشترى شريط تعليمى عن الارقام مثلا عشان يردد معاهم ..

*

**ام عبادي القمر**

عروس ماسية

31-10-2009 | 03:00 PM

مسز عادل;10544753:
مرحبا اختي

الله يساعدش ويساعد كل ام ولدها عنده مشكله لأني انحطيت بهالموقف و حسيت بهذا الشعور بس انا كانت مشكلته مختلفه يعني جسديه

المهم الدكتورة كان قصدها من الروضه الاختلاط مع أطفال ثانيين

و الطفل من وين بيتعلم الكلام من المحيطين به ركزي على الكلام و السوالف معاه اشتري له قصص و اقرأي له انا لما كان بهذا العمر اقص له بالعاميه لأن ما بيفهم بالعربي

اشتري له الكتب الصغيره الي عن انواع الخضروات و الفواكه أو حيوانات المزرعه أو الألوان و ابتدي علميه فيها وهاذي الكتب مكتوب عليها من سنتين

وديه حديقة الحيوانات و علميه اسمائهم

كثفي علاقتش معاه و كلميه و العبي معاه و خليه يختلط مع اطفال ثانيين

ولا تاخذين السالفه تعليم و تشدين معاه خلي هذا الوقت مرح و لعب علشان ما يتملل و مثل ما قلت لش الكتوره كان قصدها من الروضه الاختلاط مو التعليم

هلا خيوووووووو
اني من اول ماجبته غلط غلطة كبيرة وهي الي خلتة يتاخر في الكلام
والي هو التلفزيون يعني خليتة يتعلق في التلفزيون كثير
كان قضي معظم وقتة جدام التلفزيون
اكثر من سوالفنا وياه
يعني اني كنت واجد اسولف وياه من يوم كان صغير
وعن سالفة الروضة اني مو قصدي التعليم اني مو مستعجلة علية على سالفة الدراسة
مثل ماقتلين ابي يخلط من الجهال علشان يتعلم اشياء كثيرة مو بس الكلام
تدرين لانة الطفل لما يصير بمحيط آخر غير محيط البيت يتعلم اشياء كثيرة
واني رابطة مسالة الكلام باتعليم
يعني لما يتعلم الارقام مثلا او الحروف اكيد هالشي بيساعدة على الكلام
يعني الاثنيني مرتبطين في بعض الكلام والتعليم
ويسلمووو خيو على المرور
نورتي موضوعي

*

**ام عبادي القمر**

عروس ماسية

31-10-2009 | 03:03 PM

هدووء;10544783:
عزيزتى الاطفال يختلفون عن بعض فى الكلام وفى هالعمر عادى لو ماتكلم بكلمات او جمل .. حاولى تقربين له اكثر وتشترين له كتب لاسماء الحيوانات وتكون ملفته للانتباه وتعلمينه وتقرين بصوت عالى هذا اسد هذا قرد وهكذا عشان يردد معك ..

فى السياره اشترى شريط تعليمى عن الارقام مثلا عشان يردد معاهم ..

هلا خيووووو
اي حبوبة ادري انه لكل طفل قدرات والحمد الله عبادي قاعد يطور بس كلش بطيء
يعني اني اشوف اولاد حمي يودونهم الحضانة من عمرهم سنتين وتعالي ماشاء الله شوفي لسانة ولد حمي الي هالسنة بيروح الروضة ماشاء الله علية يعرف يقراء زين
يعني شوفي اي قد التعليم والكلام مرتبطين في بعض
واني مو قاعدة اقارن بينهم لا
مثل ماقتلي لكل طفل قدرات
بس الواحد يحاول يعالج المشكلة اذا شاف العلاج فاد من اطفال غير
وان شاء الله بروح المكتبة بشوف سيديات تعليمية
احسن من يشوف لي الرسوم المتحركة الي مامنها فايدة(n)

م

مسك أبيض

عروس ماسية

31-10-2009 | 06:10 PM

[FRAME="8 70"]
حبيبتي ان شاء الله عبودي ما في شي
واني شفت تجربة بنت اختي كانت مثل ولدج وقال ليهم الدكتور ما فيها شي ونصحهم يودونها حضانة وفعلا وااااااااااااااااجد استفادت من الحضانة وسنة كاملة وتغيرت وتكلمت
لا تحاتين ما يشوف شر الولد
[/FRAME]

*

**ام عبادي القمر**

عروس ماسية

31-10-2009 | 08:28 PM

مشكورة خيووووووووو
واجد شجعتيني بس كم كان عمره يوم يوديون حضانة؟؟

ب

بسمة أطفالي

عروس ماسية

31-10-2009 | 09:00 PM

بالضبط نفس بنتي

كملت السنتين وبعدها ماتتكلم عدل ( مااذكر بالضبط اشلون كان مستوى كلامها) بس اللي اذكرها ان تطعيم السنتين ليها قالت ليه الدكتورة المفروض تتكلم ،، ولو تحبون احولها السلمانية بنحولها !

وحتى سألها ان عندها أخوان ؟ او امها تشتغل ؟

وبنتي مو البكر يعني عندها أخت أكبرمنها وبعد ماشاء الله عليها ماتسكت من الكلام وياها هه

واني كنت وقتها مااشتغل ومتفرغة ليها في البيت !

المهم فظليت أحاول وياها بس احسها لسانها ثقيل !

بعدها يوم صار عمرها 3 سنوات ويتها لملعم القرآن والحمد لله كانت تحفظ ( يعني اطمئنيت أنها سليمة) 3

بالاضافة الى اني سجلتها بالروضة والحمد لله كانت تفهم وتحفظ

بس ليومش هذا الحين عمرها اربع سنوات بس واجد تقلب في الحروف وماتلفظهم عدل !!!!

بس الحمد لله أهم شي استيعابهم عدل :D

مو كاني هدرت واجد وشكيت الحال وطلعت عن موضوع الاخت ام عبادي:o

*

**ام عبادي القمر**

عروس ماسية

31-10-2009 | 10:05 PM

هلا بسومة
اني بعد خاطري وواتمنى اودي ولدي حق يحفظ قرآن بس وين؟؟
يعني الاول تشوفين في الفريج لازم في معلمة قرآن
لكن الحين مافي
اني صحيح عمتي((مرت ابو زوجي)) كانت تعلم بس الحين لا
زوجي يقول لي بنخليها هي تعلمة
والله يخلي الليش الكتكوتة ان شاء الله
بس بسالش في عمر 3 سنوات حضانة ولا روضة؟؟
وتحسينها استفادت من الروضة؟؟

م

مالكة الليل

عروس رائعة

31-10-2009 | 10:32 PM

ام عبادي القمر ولدي بعد متعلق و بالتلفزيون وااايد

وخصوا قناه طيور الجنه وهادي وبراعم وكلشيء فيه طرب

وتوه عمره صغير واحاول قد مااقدر ابعده عنها

لكن لين بغيت ااسوي اغراضي والله شيء حطيت له التلفزيون

لانيجيلععندي ولااقدر اسوي شيء

بس من اليوم ورايح راح اخفف عنه التلفازلانش افدتيني صراحه و

مثل ماقلتي هالرسوم اللي ما منها فايده لازم نبعداطفالنا عنها ونخليها في اوقات معينه ومو ع طول لان ولدي يصحى وينام ع طيور الجنه

وما على عبادي القمر شر يارب وان شاء الله بيتكلم بسرعه ووديه روضه وجربي كورس واحد وشوفي

د

دفء الياسمين

عروس رائعة

31-10-2009 | 11:20 PM

اهلا ام عبادي ...

يمكن ولدش من النوع اللي يخزن الكلمات وبعدين بيتكلم بطلاقة ان شاء الله ...

والحمدلله مافيه شيء عضوي بس البيئة لهادور كبير في التطور اللغوي للاطفال فتلاحظين الاطفال اللي يعيشون في العايلة الكبيرة يكون نطقهم اسرع كما ان هناك دراسات تشير الى ان البنات يتكلمون اسرع من الاولاد ...
تقدرين اختي وانتي في البيت اتسوين الاشياء التالية ..

(f)دائما تكلمي وياه لان الطفل يفهم الكلام قبل لاينطق وكلميه بلغة بسيطة وركزي على الكلمات اللي يحتاج يستخدمها مثلا ماء كوب قصة .
(f)اشتري قصص واقرأيها معاه وخليه يتفاعل معك ..والاطفال عشقهم القصص ..
(f)اذا نطق كلمة شجعيه واجد وكرري معاه كلمات اخرى حتى لو ما قالها اول مرة أهمشي يسمع ويسمع وبعدين هو يخزن...

الله يطمن قلبش اختي ويحفظ عبادي ويطلق لسانه بقدرته ...

*

**ام عبادي القمر**

عروس ماسية

01-11-2009 | 07:45 AM

مالكة الليل;10548547:
ام عبادي القمر ولدي بعد متعلق و بالتلفزيون وااايد

وخصوا قناه طيور الجنه وهادي وبراعم وكلشيء فيه طرب

وتوه عمره صغير واحاول قد مااقدر ابعده عنها

لكن لين بغيت ااسوي اغراضي والله شيء حطيت له التلفزيون

لانيجيلععندي ولااقدر اسوي شيء

بس من اليوم ورايح راح اخفف عنه التلفازلانش افدتيني صراحه و

مثل ماقلتي هالرسوم اللي ما منها فايده لازم نبعداطفالنا عنها ونخليها في اوقات معينه ومو ع طول لان ولدي يصحى وينام ع طيور الجنه

وما على عبادي القمر شر يارب وان شاء الله بيتكلم بسرعه ووديه روضه وجربي كورس واحد وشوفي

هلا ملوكة اي والله ابعدي عنها ترى اتخلي الطفل طول الوقت ساكت ولايقدر تعلم الكلام من الي حوالينه
وخصوصوا طيرو الجنة اني خلاص شلتها من قائة تلفزيونة لانة كلها اغاني
وخصوصوا انها ماتناسب شي معين عندنا مااقدر اقولة على العام:ss:
وعن الروضة ان شاء الله السنة الجاية بوديه

*

**ام عبادي القمر**

عروس ماسية

01-11-2009 | 07:48 AM

دفء الياسمين;10548990:
اهلا ام عبادي ...

يمكن ولدش من النوع اللي يخزن الكلمات وبعدين بيتكلم بطلاقة ان شاء الله ...

والحمدلله مافيه شيء عضوي بس البيئة لهادور كبير في التطور اللغوي للاطفال فتلاحظين الاطفال اللي يعيشون في العايلة الكبيرة يكون نطقهم اسرع كما ان هناك دراسات تشير الى ان البنات يتكلمون اسرع من الاولاد ...
تقدرين اختي وانتي في البيت اتسوين الاشياء التالية ..

(f)دائما تكلمي وياه لان الطفل يفهم الكلام قبل لاينطق وكلميه بلغة بسيطة وركزي على الكلمات اللي يحتاج يستخدمها مثلا ماء كوب قصة .
(f)اشتري قصص واقرأيها معاه وخليه يتفاعل معك ..والاطفال عشقهم القصص ..
(f)اذا نطق كلمة شجعيه واجد وكرري معاه كلمات اخرى حتى لو ما قالها اول مرة أهمشي يسمع ويسمع وبعدين هو يخزن...

الله يطمن قلبش اختي ويحفظ عبادي ويطلق لسانه بقدرته ...

مشكور خيوووو على النصائح
وسالفة القصص بحاول وياه
لانة احس عبادي صاير وايد عصبي يعني ساعات قبل النوم ابي اقول لة قصة مايرضى ويبة يسكتني هههههههههه يقعد يعصب
وابي اطلع طلعة للمكتبة اخذ لة اشياء تعليمية(y)

أ

أم مرااام

عروس ماسية

01-11-2009 | 10:32 AM

هلاا و الله بأم عبااادي

الله يهدي القمووور عبووودي

و مشكلتج بالضبط نفس مشكلة بنت أختي

و الصرااحة من يووم كاانت صغيرة ماا اتنااغي و لاا تهذر نفس الجهاال

كاانت بس صياااح

اذا اناديهاا تسمع و تتجه نااحية الصووت

بس ماا تنطق

و خفناا عليهاا !!

ويووم كملت السنتين نطقت بس بكلام مو مفهووم "مثل ماا انقوول هراار"

و موو وااجد أو ع طووول لااا .. على نويتهاا

و اللعاام الفصل الثااني كاان عمرهاا سنتين و نص ودتهاا أمها الرووضة

و ماا شااء الله تعاالي اليهاا ألحين ماا تسكت

اللساان ويش طووووله

و كل تنتقد و اتعيب و تتشكى و صااحبة فتن بعد

حتى ساعاات انقوول سكووتهاا رحمة اليناا خخخخ مسكينة

، ، ، ، ، ، ، ، ، ، ، ، ، ، ،

و عن ساالفة تعليم البطل

الله يخليه ان شااء الله و تفرحين فيه

أخذي له الكتب الصغيرة (اللي من الورق المقووى)

الحيواناات _ الأرقاام _ الحرووف _ الأشكاال بالمكتباات موجودين

(و مرة أختي جاابت لي من خمس دواائر)

و القصص القصيرة و تقرأينهاا بلغة بسيطة حتى يفهمهاا"بالعامية"

أخذي له ألواان حلووة و أقلاام و دفااتر تلووين بشخصياات كارتوونية

خليه يكتب و يلوون حتى لو بس شخاابيط

بس يتعلم يمسك القلم و يشخبط حتى تتقووى عضلاات ايده

اي و بعد لاا تنسين الطين وااجد مفيد للأطفاال و يحبووونه

و اذاا اتخاافين يااكل منه تقدرين اتسووين له عجينة بالطحين و اتقسمينهاا

و اتحطين في كل قسم لوون "صبغ الأكل"

و اتشااركينه اللعب حتى ماا يمل

و انتي و شطاارتج بعدين اتسووين له أشكاال مثل سياارة ، فوااكه ، حيواناات ......الخ

و الله يسااعدج أختي و يباارك لج بعباادي الحلووو

و ان شااء الله بتشووفينه رجاال و بتفتخرين فيه

و أتمنى أكوون أفدتج !!

تحياااتي و دعواااتي

أم مرااام

*

*ام وسام*

مشرفة سابقة

01-11-2009 | 10:56 AM

انا عندي نفس المشكلة تقريبا .. بس انا ولدي عمره 3 سنوات وشي .. مفكرة ادخله روضة بشكل جدي ..لانه كمان متأخر كثير بالكلام ... بس مش عارفة كيف النظام ؟؟ ضروري اروح ادور على روضات ..

المهم انا في اعتقادي ابنك صغير جدا على الروضة ... وانتي تعرفي ان الروضة فيها قومه الصبح بدري .. حرام عليك تعذبي الولد من الان .. خليه على ال 3 سنوات .. بيكون استيعابه احسن ..

اقولك شي .. وسام لما دخل ال 3 سنوات بدأ عنده حسن في الكلام بشكل خرافي ... صار يتعلم سريع ويحفظ سريع .. فحسيت ان صار الوقت ان يدخل الروضة .. لهذا عطي ابنك فرصة يطور فيها مهارته شوية ودخليه الروضة لما تحسيه جاهز

*

**ام عبادي القمر**

عروس ماسية

01-11-2009 | 01:46 PM

أم مرااام;10551703:
هلاا و الله بأم عبااادي

الله يهدي القمووور عبووودي

و مشكلتج بالضبط نفس مشكلة بنت أختي

و الصرااحة من يووم كاانت صغيرة ماا اتنااغي و لاا تهذر نفس الجهاال

كاانت بس صياااح

اذا اناديهاا تسمع و تتجه نااحية الصووت

بس ماا تنطق

و خفناا عليهاا !!

ويووم كملت السنتين نطقت بس بكلام مو مفهووم "مثل ماا انقوول هراار"

و موو وااجد أو ع طووول لااا .. على نويتهاا

و اللعاام الفصل الثااني كاان عمرهاا سنتين و نص ودتهاا أمها الرووضة

و ماا شااء الله تعاالي اليهاا ألحين ماا تسكت

اللساان ويش طووووله

و كل تنتقد و اتعيب و تتشكى و صااحبة فتن بعد

حتى ساعاات انقوول سكووتهاا رحمة اليناا خخخخ مسكينة

، ، ، ، ، ، ، ، ، ، ، ، ، ، ،

و عن ساالفة تعليم البطل

الله يخليه ان شااء الله و تفرحين فيه

أخذي له الكتب الصغيرة (اللي من الورق المقووى)

الحيواناات _ الأرقاام _ الحرووف _ الأشكاال بالمكتباات موجودين

(و مرة أختي جاابت لي من خمس دواائر)

و القصص القصيرة و تقرأينهاا بلغة بسيطة حتى يفهمهاا"بالعامية"

أخذي له ألواان حلووة و أقلاام و دفااتر تلووين بشخصياات كارتوونية

خليه يكتب و يلوون حتى لو بس شخاابيط

بس يتعلم يمسك القلم و يشخبط حتى تتقووى عضلاات ايده

اي و بعد لاا تنسين الطين وااجد مفيد للأطفاال و يحبووونه

و اذاا اتخاافين يااكل منه تقدرين اتسووين له عجينة بالطحين و اتقسمينهاا

و اتحطين في كل قسم لوون "صبغ الأكل"

و اتشااركينه اللعب حتى ماا يمل

و انتي و شطاارتج بعدين اتسووين له أشكاال مثل سياارة ، فوااكه ، حيواناات ......الخ

و الله يسااعدج أختي و يباارك لج بعباادي الحلووو

و ان شااء الله بتشووفينه رجاال و بتفتخرين فيه

و أتمنى أكوون أفدتج !!

تحياااتي و دعواااتي

أم مرااام

خيووو ام مرام شجعتيني واجد على سالفة الروضة
وعطيتين وايد افكار لعبادي مشكورة عمري
وعن سالفة الطين امر علية ساعات في السوبر ماركت يصير خاطري اخذ له بس اقول اخاف ياكلة هههههههههه
بس يمكن اخذ لة بس لازم اكون معاه
والله يخلي لج بنت اختش القمر مااقدر على سالفة التفتن هههههههههه

*

**ام عبادي القمر**

عروس ماسية

01-11-2009 | 01:48 PM

*ام وسام*;10551846:
انا عندي نفس المشكلة تقريبا .. بس انا ولدي عمره 3 سنوات وشي .. مفكرة ادخله روضة بشكل جدي ..لانه كمان متأخر كثير بالكلام ... بس مش عارفة كيف النظام ؟؟ ضروري اروح ادور على روضات ..

المهم انا في اعتقادي ابنك صغير جدا على الروضة ... وانتي تعرفي ان الروضة فيها قومه الصبح بدري .. حرام عليك تعذبي الولد من الان .. خليه على ال 3 سنوات .. بيكون استيعابه احسن ..

اقولك شي .. وسام لما دخل ال 3 سنوات بدأ عنده حسن في الكلام بشكل خرافي ... صار يتعلم سريع ويحفظ سريع .. فحسيت ان صار الوقت ان يدخل الروضة .. لهذا عطي ابنك فرصة يطور فيها مهارته شوية ودخليه الروضة لما تحسيه جاهز

هلا حبوبة ام وسام
الله يخلي اليش البطل ان شاء الله
لا خيووو اني قلت لو بودية هالسنة بودية حضانة يعني بس ويا الجهال يختلط معاهم يلون يلعب مايكون فيه درس
والسنة الجاية ان شاء الله بودية روضة
بس الي صار الحين تاجلت السالفة
الى السنة الجاية ان شاء الله
يسلمووو على مرورة

م

مسز عادل

عروس برونزية

01-11-2009 | 04:16 PM

صحي تذكرت شغله ان امي تقوا اني ما تكلمت الا متأخره و صار عمري سنتين و اني ما تكلمت ولا كلمة حتى خالي قال هاذي غتمه هههههه

بس امي تقول كنت افهم كل شي و اعرف اسماء الأشياء و لما تطلب مني شي اجيبه

ولما تكلمت صار لساني شطوله هههههه
و عن الكتب الي قلنا عنها تلاقينها في رامز أشكال وااااااااااجد و كلها حلوة و أسعارها بعد حلوة

و أختي تمدح المكتبه الوطنيه تقول عندهم شغلات حلوة للطفال بس و لامرة رحت

و انا علمت ولدي على القصص قبل النوم من فطمته لأن كان متعود ينام على الحليب و لما فطمته تم يصيح حزة النوم فكنت اغني له لحد ما ينام و طبعاً كلها أغاني بالصلاة على النبي علشان يهدى و بعدين لما تعود قمت اقول له قصص و الحين مغربلني الف قصه قبل النوم

*

**ام عبادي القمر**

عروس ماسية

01-11-2009 | 04:54 PM

مسز عادي انتين يوم صغيرة عجل مثل عبادي ههههههههههه
لانة عبادي الحين جدي يعني ماشاء الله يفهم علي ويش اقول ولو اقول لة روح جيب جدي يجيب
عجل بنتضر طولة هاللسان متى بتطلع هههههههههه
واي المكتبة الوطنية عتدهم اشياء احليوة اني كل مرة اروح بس كان عبادي اصغر من جدي فماكنت اقدر اخذ لة شي عدل
هالمرة ان شاء الله بروح

ن

نوتيلا *

عروس مبدعة

01-11-2009 | 05:39 PM

يووو اني بعد أخلي ولدي عند التلفزيون وايد حبيبي كله عند قناة بيبي تي في وايد يحبها

بس لا تخافين على ولدش تدرين شنو يبي له ؟ هدرة وسوالف معاه واااايد

الحين هو مو في سن تعليم والدكتورة نصحتج بالحضانة عشان يختلط ويسمع سوالف ويضطر يتكلم معاهم

صدقيني كلميه وايد وسولفو مع بعض عن كل شي مو تقولين بعده صغير ما يفهم علي

وحاولي تطلعين معاه زيارات لصديقاتج أو للأهل

والله يحفظه لج ويخليه بس لا تخافين عليه اتصور عادي بيتكلم طبيعي ان شاءالله فيه وايد نفس الحالة