محتاجة لرايكم خواتي

هلا خيو أم عبادي..
هو عادة في أطفال ما يتكلمون بسرعة بس يخزنون الكلام وبعدين يطلع.. واني سمعت ان البنات أسرع من الاولاد في الكلام..
بنتي عصوم ما شاء الله مرة وحدة ما شفناها الا تتكلم عدل.. كانت تخزن..
أنا من يوم صغيرة كلش أخذت لها من مذركير مجموعة كتيبات ورق مقوى فيها أشكال هندسية وفواكه وخضار وحيوانات وأجزاء الجسم ..الخ
صج الجاهل يمكن ما يفهم عليج شتقولين له.. بس هالشي يتخزن في ذاكرته الين يكبر..
أنا قرأت هالمعلومة من قبل وطبقتها..

أنا بنتي تعلمت على قناة طيور الجنة وجننتني والحمدلله تعديت هالموضوع.. الحين كلش أحطها لها بالنادر لين وعدتها تسوي حاجة ومعاندة ما تبي تسويها..
وأفكر أمسحها من التلفزيون خير شر.. تخليها تفهي أحس..
اشوى هي مو من النوع اللي تندمج ويا رسوم متحركة ولا شي.. بس تحب الاعلانات التجارية هههههههه..

انتي لا تخافين..
بدي وياه كتاب واحد وحاولي تغيرينه كل أسبوع حق ما يتملل.. وردي ارجعي له بتشوفينه يتذكر المعلومات.. اول شي قولي له وين الدائرة وهو يأشر مثلاً.. بعدين بروحه هو بيقول لج هذي دائرة..

وحتى وانتي بالمطبخ عطيه نتفة تفاحة.. وقولي له تبي تفاحة!!؟
شوي شوي .. قولي له لون التفاحة شنو؟ أحمر.. بيحفظ بسرعة..
الأطفال أذكياء وبسرعة يلقطون..

**ام عبادي القمر**;10551048:
هلا ملوكة اي والله ابعدي عنها ترى اتخلي الطفل طول الوقت ساكت ولايقدر تعلم الكلام من الي حوالينه
وخصوصوا طيرو الجنة اني خلاص شلتها من قائة تلفزيونة لانة كلها اغاني
وخصوصوا انها ماتناسب شي معين عندنا مااقدر اقولة على العام:ss:
وعن الروضة ان شاء الله السنة الجاية بوديه

هلا ام عبادي ..

اي والله اختي كلامج صحيح 100%0

ومن اليوم قمت اخفف عنه هالقنوات وابند التلفزيون واخليه بس يلعب

ولين بشغل التلفزيون اليه بس ع سبيس تون وبراعم وبس

وان شاء الله نلاقي نتيجه بس تصدقين احس جدي اريح من هذي القنوات

وان شاء الله ما تودينه الصنه الجايه الروضه الا هو متكلم ومراونش شطارته





همسه::

مبروك نزول الخمسه كيلو ويارب عقبال الوزن الزائد كله:wink:

مرحبااااااا
ام عبادي يبيه ويا ملاك خله تعلمه شوي ...واخذي له بابا مشمش ..ترىواااااايد زين في التعلم وترى شكله ولدش من النوع الا يخزن الكلام ..مرة وحده بتشوفينه يتكلم ..لين تالي تقولين بس خلاص لا اتفشليني ..خاصه لين يلقط الكلام الحلوه الا خبرش ... روحي رموز (رامز) فيه وايد اشياء تعليمه ..اخذي له ...ولعبي معاه شوي شوي بتشوفين لسانه صار خفيف...يبي لملاك مو تنسين ..^_^


الله يحفظه لش

ام ملاك

نوتيلا - أم السادة;10554739:
يووو اني بعد أخلي ولدي عند التلفزيون وايد حبيبي كله عند قناة بيبي تي في وايد يحبها

بس لا تخافين على ولدش تدرين شنو يبي له ؟ هدرة وسوالف معاه واااايد

الحين هو مو في سن تعليم والدكتورة نصحتج بالحضانة عشان يختلط ويسمع سوالف ويضطر يتكلم معاهم

صدقيني كلميه وايد وسولفو مع بعض عن كل شي مو تقولين بعده صغير ما يفهم علي

وحاولي تطلعين معاه زيارات لصديقاتج أو للأهل

والله يحفظه لج ويخليه بس لا تخافين عليه اتصور عادي بيتكلم طبيعي ان شاءالله فيه وايد نفس الحالة

هلا خيوووو اي لاتخلينه واجد صوب التلفزيون كم ساعتين على الاقل رسوم
والباقي كله تعليمي احسن
يعني قصص الانبياء مثلا
اني ياريت اقدر اسيطر على عبادي الحين على التفزيون احس روحي مااقدر
الحين يجيب لي الرموت يقول لي باني يعني بارني ههههههههه
واني بعد احسة يخزن الكلام على ساعا مااشوف الا قايل كلمة استغرب اشلون عرفهاااااا
واني ماابي اوديه روضة علشان تعلم لا
ابي اوديه حضانة علشان مثل ماقلتين يختلط ويا الجهاااال
اما الروضة للحين توه الناس علية
حتى الجاية مابسجلة في روضة بدخلة حضانة وان شاء الله 4 سنوات بسجلة روضة

بنت الاصايل;10554745:
هلا خيو أم عبادي..
هو عادة في أطفال ما يتكلمون بسرعة بس يخزنون الكلام وبعدين يطلع.. واني سمعت ان البنات أسرع من الاولاد في الكلام..
بنتي عصوم ما شاء الله مرة وحدة ما شفناها الا تتكلم عدل.. كانت تخزن..
أنا من يوم صغيرة كلش أخذت لها من مذركير مجموعة كتيبات ورق مقوى فيها أشكال هندسية وفواكه وخضار وحيوانات وأجزاء الجسم ..الخ
صج الجاهل يمكن ما يفهم عليج شتقولين له.. بس هالشي يتخزن في ذاكرته الين يكبر..
أنا قرأت هالمعلومة من قبل وطبقتها..

أنا بنتي تعلمت على قناة طيور الجنة وجننتني والحمدلله تعديت هالموضوع.. الحين كلش أحطها لها بالنادر لين وعدتها تسوي حاجة ومعاندة ما تبي تسويها..
وأفكر أمسحها من التلفزيون خير شر.. تخليها تفهي أحس..
اشوى هي مو من النوع اللي تندمج ويا رسوم متحركة ولا شي.. بس تحب الاعلانات التجارية هههههههه..

انتي لا تخافين..
بدي وياه كتاب واحد وحاولي تغيرينه كل أسبوع حق ما يتملل.. وردي ارجعي له بتشوفينه يتذكر المعلومات.. اول شي قولي له وين الدائرة وهو يأشر مثلاً.. بعدين بروحه هو بيقول لج هذي دائرة..

وحتى وانتي بالمطبخ عطيه نتفة تفاحة.. وقولي له تبي تفاحة!!؟
شوي شوي .. قولي له لون التفاحة شنو؟ أحمر.. بيحفظ بسرعة..
الأطفال أذكياء وبسرعة يلقطون..

هلا خيوووووو
اي اين بعد سمعت انه البنات اسرع من الصبيان
بس بنت حماتي بعد يقولون واجد تاخرت في الكلام والحين ماشاء الله تعالي شوفيها ماتقدرين على لسانها ماشاء الله لو تتكلم وياش هههههههه
واني بعد ولدي يحب الدعايات مال الشعر هههههههه اذا فيه وحدة تدلع بشعرها ههههههههه
واني الحين نزلت اليه كم موقع من النت فيه ارقام واللوان واشكال واقعد اعلمة اشوي اشوي

مالكة الليل;10554759:
هلا ام عبادي ..

اي والله اختي كلامج صحيح 100%0

ومن اليوم قمت اخفف عنه هالقنوات وابند التلفزيون واخليه بس يلعب

ولين بشغل التلفزيون اليه بس ع سبيس تون وبراعم وبس

وان شاء الله نلاقي نتيجه بس تصدقين احس جدي اريح من هذي القنوات

وان شاء الله ما تودينه الصنه الجايه الروضه الا هو متكلم ومراونش شطارته





همسه::

مبروك نزول الخمسه كيلو ويارب عقبال الوزن الزائد كله:wink:

هلا ملوكة اي و الله مافي منها هالقنوات فايدة كلها اغاني ورقص
بس براعم وسبيس تون فيها اشياء تعلمية وايد حلوة حتى بعد الجزيرة للاطفال بس اكبر من سنهم

والله يبارك فيش خيوووو وعقبالش ان شاء الله:D

مالك القلب;10554876:
مرحبااااااا
ام عبادي يبيه ويا ملاك خله تعلمه شوي ...واخذي له بابا مشمش ..ترىواااااايد زين في التعلم وترى شكله ولدش من النوع الا يخزن الكلام ..مرة وحده بتشوفينه يتكلم ..لين تالي تقولين بس خلاص لا اتفشليني ..خاصه لين يلقط الكلام الحلوه الا خبرش ... روحي رموز (رامز) فيه وايد اشياء تعليمه ..اخذي له ...ولعبي معاه شوي شوي بتشوفين لسانه صار خفيف...يبي لملاك مو تنسين ..^_^


الله يحفظه لش

ام ملاك

هلا ام ملاك
خيوووو شنو هذا بابا مشمش؟؟
والحين اشتريت اليه اللوان وطين واقعد اللعب واللون وياه
بسالش مابدخلينها ملوكة الروضة هالسنة؟؟

لا ما بدخلها الحمد لله اكوا اعلمها ..وبابا مشمش من صوب ...وبرامج النت من صوب اللحين تعرف تكتب الواحد بخط صغير وتعرف شكل بعض الحروف مثل (و ,ب,م) الارقام اللحين تعدهم من 1 الى 10 بترتيب مو مثل قبل ..يعني احس ما له داعي السنه روضه الجايه ان شاء الله ...خيو روحي الانوار بتحصلين بابا مشمش ..بس هو فيه انواع اني اخدت الا على شكل لاب توب ..

هلا اختي


انا بعد اقول توه اصغير بس خليه يختلط بيهال من العايلة وهل شي بيأثر على حصيلته اللغوية و لا تحاتين مع مرور الاشهر بتلاحظين انه بده يتكلم عدل

مشكورين خواتي على المرور

أم عبادي ثلاث سنوات يكون عمر الروضة سنة أولى أو بالنسبة للتعليم أنا راح أقول لش عن تجربتي مع بنتي بديت أعلمها الأشكال دائرة مثلث مربع بس المستطيل ما علمتها لأنه شبيه بالمربع فأخاف تتلخبط أو ما أستعجل على تعليمها يعني الشكل أخليها تتعلمه اسبوع أو حتى لو أسبوعين يعني حتى لو تحفظه من أول مرة أعطيها فرصة أسبوع لو أسبوعين حتى تتمكن من نطقه لأن في الوقت إلي بديت أعلمها الأشكال كانت تتكلم بس بعض الكلمات يكون نطقها صعب عليها يعني المثلث أخذت مدة حتى تمكنت من نطقه مع إن بنتي ما شاء الله عليها تكلمت من وقت وألحين تقول كلشي يعني تركب جمل أو كلامها مفهوم بس بعض الكلمات تكون صعبة عليها فأظل أرددها معاها حتى تتمكن من نطقها أو بقول ليش أني بنتي تحب أشاركها اللعب وهي تحب برنامج الرسام تحب تشخبط فيه فلما أشغله لها تبيني أكون معاها فأنتهزها فرصة وأرسم لها الأشكال الهندسية وأخليها تنطقهم أو أحط لها الألوان إلي تعرفهم وتقولهم وألحين بديت اعلمها الحروف علمتها ثلاثة حروف كل يوم أكتبهم وأخليه تنطقهم أدري هدرت واجد بس حبيت أفيدش أو على فكرة أني بنتي ما عودتها على التلفزيون خفت تتعلق فيه فخليتهاعلى كيفها ما حديتها عليه لكن الحمد لله بنتي كلامها مفهوم

أو بالنسبة للحضانة أم عبادي من رأيي لو تنتظرين لحد ما يوصل ولدش سن الروضة تودينه أفضل لأن الجو ألحين بيبرد أو من الصبح بتودينه بعدين يتمرض يعني لو في الصيف جان عادي تودينه بس في الشتاء أحسها صعبة شوي بس أني دائما حاولي تتكلمين معاه بطريقة مفهومة له وبكلمات واضحة يعني وفري له صور مثل شجرة سيارة ارنب وردديها معاه لحد ما يتمكن من نطقها وإن شاء الله كلها كم شهر وتلاقينه يقرقر واجد

هلا ام نور مشكورة خيوو على طرح تجربتش
وفعلا اني من اشوي قاعدة اتكلم ويا زوجي يقول الكورس الثاني بيوديه الحضانة قلت لة الجو بيبرد
بس للحين مايندرى
لانة الصبح مسكينة يصير بروحة ولاد عمه واحد في الروضة والثاني الي مثل سنة يروح حضانة

ولا تودينه ولا شي مثل ما قالت لش ام نور ...الجور بيكون بارد ما بتستفيدين .. اسمعي اذا اتكلم وقال كلمات خليه ينطقها صح يعني مو بس انتين حتى لو اعمامه خيلانه ...عشان يعرف نطق الكلمه صح مو مثل ما هو يقولها ...

يعني ملاك قبل كانت تقول يوع <<<بس هي قصدها عود ..وقعدت اردد ليها لما نطقته صح ...


ومع الايام ما بتشوفينه الا يتكلم عادي لا تستعجلين يا ختي ...

ما على قلبخ شر عبادي ..
والاطفال قدراات على قولتهم ..!!

وان شاء الله يكبر شووي ويتكلم ويعور راسش ..
وتقولين له اسكت عورت راسي ههه ..