؛ التجمع الخامس للحوامل اللاتي سيلدن في ديسمبر 12/2009 ؛

زهرة السعادة;10520510:

الحمد لله :wink:

اي واحد يمنع امتصاص الثاني (i)

زهرة السعادة;10520606:

بحفظ الله (f)
خبرينا شو اخبار العزومة ؟؟ :rolleyes:

بحرينيه عسل;10519358:
الف مبروووووووووك على تجمعنا الخامس اتوقع هذا التجمع بيكون فيه اخر التجهيزات ويمكن اعراض ولادة خاصة الي ولاداتهم ان شاء الله على بداية ديسمبر مجرد توقعات :wink:

سعاد سالم;10519377:
الف مبروك حبيباتى بس لازم ينصك التانى اول

بحرينيه عسل;10519580:
في السيارة واحنا رايحين المستشفى يقولي زوجي اشفيج اقوله تعبانة يقولي يعني شتحسين فيه اقول ما ادري مااقدر كنت حتى اتكلم المهم وصلنا المستشفى قاسو ضغطي ووزني والحرارة وبعدين رحت عشان ادخل على الدكتورة وعلى حظي الدكتورة واااااااااااايد تأخذ وقت في المعاينة وكان جدامي ثلاث وحدات :eek: انتظرت تقريبا ساعة كأنها شهر والله من التعب :confused: المهم دخلت وسالتني الدكتورة شنو فيني قلت لها قالت لي كم نسبة دمج قلت لها 9.8 صارت جذي :rolleyes: قالت لي بس ما في نتيجة اهني في الفايل قلت لها توني اليوم مسوية تحليل في المركز قلت اشلون النفس عندج قلت لها والله وايد متعبني قالت لي انبطحي بسمع النبض واشوفها تأخرت واهي قاعدة تسمع النبض وتشوف الجهاز الا اتقول نبضات البيبي اشوي سريعة عن المعدل فبسوي لج تحليل سكر وتعالي بالليل سوي التراساوند يمكن البيبي متأثر بنقص الدم الي عندج ووزنه بعد يمكن صغير لانه اخصائية الالتراساوند محد الحين :ss: وكتبت لي على تحليل سكر وبول الله يعزكم وسيلان وابرة:ss::ss: وطلعنا وقالي زوجي قعدي بشوف الممرضة بعطيها الاوراق الا الممرضة ياية وخذت الفايل والاوراق وشفتني تعبانة وقامت تنادي على العامل عشان يبلي ويل جاير :o وخذوني على غرفة المعالجة وهي غرفة شخصية وخذو تحليل دم وبول الله يعزكم وعطتني ابرة وحطت لي سيلان وقعدت تقريبا ساعة امي مسكينة تتصل والتلفون في الشنطة ما اسمعه وبعدين اتصلت لزوجي بس طمنتها وقالت لي اول ما تخلصين كلميني وطلعت نتيجة السكر اوكي بس البول الله يعزكم كان فيه التهاب فكتبت لي على مضاد للالتهاب مع الفيتامينات والحديد والكالسيوم الي كتبتهم لي قبل وخذت الادوية ورحت البيت على امل اني ارجع بالليل عشان اسوي التراساوند بس زوجي الله يحفظه تعب بالليل وما قدرت اروح.

كيوتي بيبي;10519681:
مبروك التجمع الخامس احس انه تعودنا على بعض لازم يوميا ندخل التجمع علشان نعرف اخبار بعض

بحرينيه عسل;10519704:
يوم الاثنين الي اهو امس قعدت الصبح جهزت ولدي حق المدرسة وانتظر اخت زوجي تودي اعيالها المدارس وبعدين ودتني اخذ سيارتي من بيت الوالد لاني تركتها اهناك اليوم الي قبله لان زوجي وداني المستشفى وبعدين رحنا البيت المهم رحت بيت امي وسوتلي ريوق الله يخليها وبعدين ارتحت لصارت الساعة تسع تقريبا اتصلي زوجي قالي رحتي حق التراساوند قلت له لا قالي اتصلي شوفي اذا الاخصائية موجودة الحين روحي وبعدين دخلي على الدكتورة شوفيها شتقول المهم اتصلت وخبروني ان الاخصائية موجودة فطلعت من بيت امي ورحت مجمع المدينة قلت بمر اشوف كوخ الامومة عنده تخفيضات يمكن احصل جلابيات حلوة رحت الا لحين ما فتح شكلهم يفتحون على العشر وكنت يدوب امشي من التعب فدخلت المحل الي يمه وتفاجأت ان عنده جلابيات تصلح حق ولادة معاهم اروابهم وبدون واروب خالية الخلق البارد الي يشبه النين خذيت جلابية مع روبها بعشرة دينار وخذيت جلابية ثانية يدها طويلة وااااااايد حلوة بثلاث دينار وخذيت جلابية حق ايام العيد ويمكن ارد بعد فترة يمكن ينزلون اشياء شتوية بأخذ لانه بضاعتهم حلوة ورخيصة وبعدين رحت صفاء كان منزل اقمشة واااااااااااااااااااايد حلوة خذيت لي حق مريلة حق اول العيد ان شاء الله اذا ما ولدنا :) ورحت السرور وسألت الي تشتغل في صدريات رضاعة قالت لي اي :eek: خذيت لي ثلاث وخذيت الله يعزكم هافات حق اول ايام الولادة من عندهم وطلعت ومريت ادمز اشوف بضاعته وخذيت حق ولدي الصغير تي شيرت لاني كنت ماخذة حق اخوانه وما حصلت قياسه في المرة الي راحت وطلعت على طول السيارة خلاص حسيت ان بيصيدني نفس اليوم الي قبله:ss:

سعاد سالم;10519854:
نشاااااااااط ما شالله

كيوتي بيبي;10521161:
بنات باركولي واخيرا بديت اجهز لبنوتي شريه شوي بدل من ماذر كير وشوي من مامز اند بابز بس اكمل اغراضي بنزلهم لكم على خير

كيوتي بيبي;10521171:
احس اني مليت من الثقل خاطري اولد اليوم قبل باجر

كيوتي بيبي;10521219:
ايش نوع الحليب الي تشترونه للبيبيات انا دايم اخذ سميلاك ادفانس احسه وايد خفيف وينهضم بسرعه مع انه خاطري ارضع طبيعي بس التقرحات الي في الصدر وقت الراضاعه تذبحني لدرجه انها تنزل دم مع الحليب اتعب وانا اعالج صدري لكن هالمره بديت من الشهر الخامس استعمل زبده الكاكاو سمعت انها تمنع التقرحات

ام يسوور;10522192:
بناات بسألكم ملابس البيت للبيبي شلون يكونون يعني مشبوكين مع الريول لان بجامه احس كبيرة عليه او دشاديش بس الجو بارد قولي لي لان انا حاليا شريت ملابس طلعه مو مالت بيت وبالنسبه للفوط مال تسبوح ومال الحمام على كم وحده شريتوا انا خذيت على وحده وحده وبكتب لكم الحين شنو خذيت تثريبا خلاص مابقى شي والي تروح المعرض شهر 11 تقولنه اذا في شي حلو او لا خخخخخ لان انا يصيدني فضووول المهم اغراضي اهم :
9 مشابيك حفره
9 مشابيك يد فصيرة
2 مشابيك يد طويلة
2 فوطتين وحده للسبوح وحده للحمام وفوط صغيرة للترجيع
دشداشتين
بدلات طلعه
ومشابيك للبيت
5 مهادات ومرقدين و5 خرجات الي يحطونهم فوق المرقد و3 برانيص وشنطة كبيرة وشنطة متوسطه وشنطة صغيره للمستشفى الطلعات الخفيفه وموسده وحده وسليب باق واحد
دلاقات وغازات لليدين وقبعات
مصاصه وحده من 0-3 ومرضعه زجاج صغيره للماي ومتوسطه للحليب وعلب الحليب وغطاء صغير وغطاء كبير للمراضع
طربال التبديل وبانيو السبوح واسفنجة توضع فيه لسلامة البيبي
مشط ومقص اظافر وباقي الاشياء باخذها نهاية شهر 11 من مجموعة جونسن ومناديل التنظيف وكريم الحفاظ والحفاظات واعواد القطن وصابون غسل الملابس للبيبي ومقياس درجة الحرارة وعلبه الفودر

وبث أتمنى اني مانسيت شي
مشط ومقص اظافر وباقي

زهرة السعادة;10520869:

ما عليج شر و على البنوتة شر(f)
يمكن دقات قلبها تاثرت من تعبج (w)
لا تهملين حبوب الالتهاب و اشربي ماي واجد و ادخلي الحمام(y)
انزين و جم طلعت نتيجة دمج عندهم ؟؟

و شنو صار بعدين ؟؟

زهرة السعادة;10520921:

مو كانه قالوا لج الاخصائية موجودة (i)
ليش رحتي تتسوقين :eek:
بجم الصدريات اخذتينهم ؟؟
و ملبوس العافية ان شاء الله (f)

زهرة السعادة;10520972:

يعني بنوتة 100% :wink:
تبين اغير تاريخ ولادتج لو اخليه نفسه ؟؟
الحمد لله انه البنوتة كل شي فيها تمام و دقاتها اكيد من تعبج (w)
ههههه .. يعني نضم الدكتورة لتجمعنا :tongue:
اسمعي كلام الدكتورة و ننتظر بعد الاسبوعين اتطمنينا ع النتيجة (y)

زهرة السعادة;10521005:

الف مبروك لكل و لي بعد :o

و ربي يتمم لنا على الف خير و نولد بالسلامة (f)