؛ التجمع الخامس للحوامل اللاتي سيلدن في ديسمبر 12/2009 ؛

المهم بعد ما طلعت من المستشفى رحت البيت اخذت زوجي كان اجازة يومها ووديته الكراج بيأخذ سيارته واخذت لي ريوق ( افطار) من الكافتيريا على الطريج وبعد ما نزلت زوجي الكراج رحت البنك واهني ابتدت المأساة :confused: حسيت بتعب فجاة كملت شغلتي في البنك ورحت بيت التنزيلات الي في الرفاع وانا امشي احس بألم في ركبي مب قادرة ارفعهم وركبت فوق كلش كلش تعبت وشفت كرسي قعدت اشوي حسيت الألم خف في ريلي قمت افتر بس ما شفت شيئ كله بيجامات وانا عندي بيجامات كنت ابي جلابيات ونزلت تحت خذت حق ولدي مفرش وسيده دفعت وطلعت وصلت السيارة خف الم ريلي بس احس جسمي بدا ينهار :confused::confused: وقلت بروح مجمع الواحة ما قدرت رحت على طول بيت امي اول ما دخلت امي تخرعت:rolleyes: لاني كنت تعبانة وقلت لها سويلي ليمون مع ماي شوي وملح عندي هبوط شربت منه وماكان في فايدة احس روحي قاعدة تطلع وجسمي ثقيييييييييييييييييييييييييييييييل مب قادرة اشيل روحي وعلى طول كلمت زوجي وفي حدود ساعة ياني واخذني مستشفى الامل.

مبرووك التجمع الخااامس بس لازم نصك ال200 صفحه هونيك بالقديم

في السيارة واحنا رايحين المستشفى يقولي زوجي اشفيج اقوله تعبانة يقولي يعني شتحسين فيه اقول ما ادري مااقدر كنت حتى اتكلم المهم وصلنا المستشفى قاسو ضغطي ووزني والحرارة وبعدين رحت عشان ادخل على الدكتورة وعلى حظي الدكتورة واااااااااااايد تأخذ وقت في المعاينة وكان جدامي ثلاث وحدات :eek: انتظرت تقريبا ساعة كأنها شهر والله من التعب :confused: المهم دخلت وسالتني الدكتورة شنو فيني قلت لها قالت لي كم نسبة دمج قلت لها 9.8 صارت جذي :rolleyes: قالت لي بس ما في نتيجة اهني في الفايل قلت لها توني اليوم مسوية تحليل في المركز قلت اشلون النفس عندج قلت لها والله وايد متعبني قالت لي انبطحي بسمع النبض واشوفها تأخرت واهي قاعدة تسمع النبض وتشوف الجهاز الا اتقول نبضات البيبي اشوي سريعة عن المعدل فبسوي لج تحليل سكر وتعالي بالليل سوي التراساوند يمكن البيبي متأثر بنقص الدم الي عندج ووزنه بعد يمكن صغير لانه اخصائية الالتراساوند محد الحين :ss: وكتبت لي على تحليل سكر وبول الله يعزكم وسيلان وابرة:ss::ss: وطلعنا وقالي زوجي قعدي بشوف الممرضة بعطيها الاوراق الا الممرضة ياية وخذت الفايل والاوراق وشفتني تعبانة وقامت تنادي على العامل عشان يبلي ويل جاير :o وخذوني على غرفة المعالجة وهي غرفة شخصية وخذو تحليل دم وبول الله يعزكم وعطتني ابرة وحطت لي سيلان وقعدت تقريبا ساعة امي مسكينة تتصل والتلفون في الشنطة ما اسمعه وبعدين اتصلت لزوجي بس طمنتها وقالت لي اول ما تخلصين كلميني وطلعت نتيجة السكر اوكي بس البول الله يعزكم كان فيه التهاب فكتبت لي على مضاد للالتهاب مع الفيتامينات والحديد والكالسيوم الي كتبتهم لي قبل وخذت الادوية ورحت البيت على امل اني ارجع بالليل عشان اسوي التراساوند بس زوجي الله يحفظه تعب بالليل وما قدرت اروح.

يوم الاثنين الي اهو امس قعدت الصبح جهزت ولدي حق المدرسة وانتظر اخت زوجي تودي اعيالها المدارس وبعدين ودتني اخذ سيارتي من بيت الوالد لاني تركتها اهناك اليوم الي قبله لان زوجي وداني المستشفى وبعدين رحنا البيت المهم رحت بيت امي وسوتلي ريوق الله يخليها وبعدين ارتحت لصارت الساعة تسع تقريبا اتصلي زوجي قالي رحتي حق التراساوند قلت له لا قالي اتصلي شوفي اذا الاخصائية موجودة الحين روحي وبعدين دخلي على الدكتورة شوفيها شتقول المهم اتصلت وخبروني ان الاخصائية موجودة فطلعت من بيت امي ورحت مجمع المدينة قلت بمر اشوف كوخ الامومة عنده تخفيضات يمكن احصل جلابيات حلوة رحت الا لحين ما فتح شكلهم يفتحون على العشر وكنت يدوب امشي من التعب فدخلت المحل الي يمه وتفاجأت ان عنده جلابيات تصلح حق ولادة معاهم اروابهم وبدون واروب خالية الخلق البارد الي يشبه النين خذيت جلابية مع روبها بعشرة دينار وخذيت جلابية ثانية يدها طويلة وااااااايد حلوة بثلاث دينار وخذيت جلابية حق ايام العيد ويمكن ارد بعد فترة يمكن ينزلون اشياء شتوية بأخذ لانه بضاعتهم حلوة ورخيصة وبعدين رحت صفاء كان منزل اقمشة واااااااااااااااااااايد حلوة خذيت لي حق مريلة حق اول العيد ان شاء الله اذا ما ولدنا :) ورحت السرور وسألت الي تشتغل في صدريات رضاعة قالت لي اي :eek: خذيت لي ثلاث وخذيت الله يعزكم هافات حق اول ايام الولادة من عندهم وطلعت ومريت ادمز اشوف بضاعته وخذيت حق ولدي الصغير تي شيرت لاني كنت ماخذة حق اخوانه وما حصلت قياسه في المرة الي راحت وطلعت على طول السيارة خلاص حسيت ان بيصيدني نفس اليوم الي قبله:ss:

وبعدين رحت مستشفى الامل واول ما دخلت دفعت حق الالتراساوند ورحت فوق عطيتهم الاوراق وعلى طول دخلوني واخصائية الالتراساوند واااااااااااايد جد يعني لا ضحكة ولا ابتسامة المهم قعدت تحوس تحوس وكانت مركزه على دقات القلب وبعدين خذت قياسات الراس سألتها كم لي من حجم الراس هزت راسها وسكتت وبعدين قالت لي 33 اسبوع وست ايام يعني بكرة ادخل 34 اسبوع وبعدين سألتها يبين جنس البيبي هزت راسها وبعد فترة قالت لي بنت :D:D:D:D وكان العضو الانثوي يبين :o وقالت لي تاريخ الولادة 8/12 قلت لها مرة قالوا لي 11/12 ومرة 12/12 والحين 8/12 قالت اهو مب بالضبط بس قريب من هالتواريخ وطلعت من عندها ورحت للدكتورة شافت الاوراق قالت كل شيئ اوكي وزن البيبي ودقات قلبه طبيعية مع انها كانت امس شوي عالية قلت لها يمكن لاني كنت تعبانة فتأثر البيبي :rolleyes: المهم قلت لها قالت لي الاخصائية انها بنت وانا عندي ثلاث اولاد الا اتقولي انا بعد عندي ولدين والحين حامل وفيني بنت وولادتي تاريخ 15/12 الا تقولي صكي الباب وقعدت اتسولف معاي ان هالحمل وايد متعب عكس حمالاتها السابقة قلت لها انا بعد قلت لها يمكن حمل البنت هلون :ss: قالت اتوقع لان ثقل وضيق نفس يعني نفسي بالضبط وقعدنا نسولف شوي وبعدين كتبت لي اجازة مرضية وقالت لي شربي ماي واااااااااايد اخذي المضاد وبعد اسبوعين بشوفج وخلاص.

نشاااااااااط ما شالله

الحين بنحط قائمة الي دخلو الثامن من تاريخ 20 وحتى تاريخ اليوم نبدأ:-

مخرخشة
روح الرياحان
شمعة جلاس قطر
Amel01
expresso
البرج اليسر
bent ^ Cute
عيون الخير
زهرة السعادة
Qtr.82
أم نبراسي
حلا الألماس
روئ
دارين د
um 7amdan
Maiooona
عقبال الي بقو وان شاء الله قريبا انحط لستة الي دخلو [COLOR=red]التاسع.

بنات كنت بقولكم شيئ يوم الخميس بس المنتدى سكر:confused:
المهم اتعرفون اني ادخل تجمعات ثانية للي بيولدون قبلنا عشان نكتسب خبرة وثانياً نقرب لنا المدة المهم كنت داخلة تجمع نوفمبر الاسبوع الي فات كانت وحدة من الاخوات حاطة التوزيعة الي بتسويها وكانت وتسأل البنات عن رايهم وفجأة في اليوم الثاني الا اختها داخلة عنها وكاتبة:

فلانة ولدت امس :eek::eek::eek::eek::rolleyes::rolleyes::rolleyes: :rolleyes:

كل الي في التجمع استغربوا لانه اهي مثل ما تعرفون من تجمع شهر نوفمبر يعني المفروض تولد في نوفمبر وبعدين ما كانت تشتكي من اي بوادر ولادة ولا شي وكل شيئ عندها تمام بالعكس كانو في خوات عندهم الالام ولادة ويحنون على روحهم واهي اتقولهم لا تستعجلون انا عن نفسي مب مستعجلة :D وهي الي ولدت الحمدلله على سلامتها.

بس الي ابي اقوله لكم ان كل وحدة تدخل التاسع خلاص تتوقع ولادة لا تاخرون روحكم مع التجهيزات شطبو على كل شيئ قبل التاسع احسن وبعد الاسبوع ال 36 برزو روحكم ويا الشنط.

مبروك التجمع الجديد
وان شاء الله كلنا نقوم بالسلامه ونشوف بيبيهاتنا على خير يارب

ان شاء الله على بكرة بحطها (y)