بنت الاصايل;10519562:
وي مخمل..
مبروك دشيتي الشهر الرابع!!
عقبالي بعدج بأسبوع.. لعل وعسى تخف حالتي هههه
شلونج؟ وحشتيني يا الوردة
عمري ولدي;10519577:
هلا مرحبا بنات
انا عضوة جديدة وكل مرة ادخل اتصفح في التجمع واسمع سوالفكم الحلوة
بس اتردد اني اضيف روحي لكم ...... استحي شوي
المهم انا اخر دورة لي 29 يوليو وموعد ولادتي 5 مايو 2010
اتمنى انكم تقبلوني معاكم في التجمع
والف سلامه عليج حلوة موت
بنت الاصايل;10519763:
ها مخمل..
عيل جم؟؟ باقي لي جم؟
خوب انتي دايماً حساباتج غير تجيب الاحبااااط..
لا تقولين لي بعد شهر وادش الرابع خخخخخخ ترى أنتحر!!!!
بروحي مستانسة قريب اخلص دوامة الشهر الثالث..
بكرا موعدي ويا د.زينب الجفيري تشوف نتيجة الالتراساوند حق الكلى.. يا رب خير يا رب يا رب
من الحين متوترة.. لأن دوم احس بآلام في خاصرتي اليسار وقاعدة تزيد.. يا رب سترك..
wjdan;10521305:
هلا بنات شلونكم شمسوين؟
اني مس تعبت واجد وداني زوجي الطوارئ 4 ساعات يسوون تحاليل واني دايخه حدي وارجع وحرارتي مرتفعه وجايني الم في بطني من تحت
قالو لي دمج ناقص وفيش التهاب في البول من جدي تحسين بدوار راس والم بطن
لي اذان الصبح واني هناك بس جا الدكتور قهرني يسئلني في كحه كلحين يجون يسئلوني فيج كحه
واني مستغربه ليش يسئلوني اخر شي قالي بعطيج دوا مال فلونزا الخنازير اعراضج متشابهه اني مارضيت
قالي لازم تاخدينه وقايه وحمايه اكاهو مقطوط عندي ولا بلمسه بعد ولا يعرفون يعالجون ضيعنا وقتنا ورجعت
البيت زايده حالتي ونمت قعدت بدوار الراس قلت لازم اكل اشياء فيها حديد شنو تنصحوني اكل عشان يزيد
دمي ويروح عني التهاب البول ؟؟؟؟؟؟
تعبت واجد امس الله لغايراويكم حالتي
جنه جنه;10522318:
بنات ادعوا لي
لانه حاسه الجنين فيه شي الله لايقولهااا
بكره راح اروح المستوصف اطمن
لانه احس اعراض الحمل اختفت بالمره حتى صدري خف ثقله
بنات هل تتوقعون الرويد يضر الجنين؟
هوه نوع من الحشائش
عمري ولدي;10525705:
هلا صباح الخير
شخباركم عساكم بخير
انا اليوم من قعدت الصبح تعبانة واايد ولايعة جبدي ومتنرفزة وخاصة من الدوام
ادعو لي بس الله يغير مزاجي اشوي
عمري ولدي;10525876:
مشكورة اختي مخمل على الترحيب
شخبارج شكلج مداومة مثلي
مافي الا انا وانتي هههههههههه الباقي رقووووود
عمري ولدي;10525918:
عسى ما شر ليش حزينه
اختي مخمل
انا كان مزاجي زفت من الصبح وكنت امشي ومعصبة على كل الي في الشارع
بس من تريقت تغير المزاج
VIP Lady;10525921:
صباح الخير ,,
شخباركم ؟؟
تجمعنا( شهر 6 ) كلهم راقدين ,,, عليهم بالعافية
ما في الا أنا :(
تعبانة فيني نووووم
مع اني نايمة من الساعة 10
بس هالأيام أحس ما اشبع نوووم
وهالشغل ما يخلي الواحد يستانس في نومه
حياتي كلها شغل في شغل :ss:
سامحوني دشيت عليكم عرض خخخخخ
فيني حرة أبي اطلعها
مخمل;10526094:صباح النور ليدي
والله محد راقد غيري تثاوبت لحد الحين 50 مرة ههههههههههههه
إذا إنتي راقدة من الساعة 10 وفيج نوم أنا لي 5 أيام مارقدت مثل الناس
بالكثير ساعة وأقعد نص ساعة وأقعد وهكذا والحين داير راسي عدل
مخمل;10525992:يعني كل ماتخف عليكم أعراض الحمل تخافون بدل ماتستانسون!!
إذا رحتي وطمنوج طمنينا بإنتظار أخبارج وماعليج إلا العافية