التجمع الثاني للحوامل اللاتي يلدن في شهر 5(مايو) 2010

صح بنت الحلال يشتغل يوم ويتسكر يومين الظاهر احنا مسويين زحمة على الشبكة

خخخخ
الظاهر جذي احنا ويانا كروشنا عندنا زحمة سير!

مخمل;10579164:

مرحبا يابنات ياكروشات ياللي مافيكم خير :(

أنا شايلة في خاطري عليكم توووووووووووماااااااااااااااااج

غبت هالمدة ولا وحدة إفتكرت وذكرتني بكلمة!!

مع إن ماشاء الله نشاطكم زايد وهذرتكم أزيد مول كلش نسيتوني!!

لكن مقيولة صج بعيد عن العين بعيد عن القلب :16:

أنا باقول لكم سبب غيابي اللي محد سألني عنه

أنا كنت مريضة وااااااااااااايد مصخنة وزكام وعطاس حتى دوام ماداومت :confused:

رحت العيادة غصباً عني وضربوني إبرة خافض للحرارة على شكل سيلان

وإبرة مضاد وكملت باقي الكورس بالأدوية والكمادات والحين تحسنت شوي الحمد لله

سلامات ياقلبي ماتشوفييييييييين شر انتبهي على نفسك انتي حامل لاتخالطييين ناس مريضه مو زين لك

وانا ولدي تعبان كانه عداني لوزي تقرصني حيييييل

أم التواتي;10579220:
السلام عليكم أخباركم بنات أنا يوم الخميس من الظهر برة البيت ورجعت على نص الليل عند أهل زوجي ولما رجعت قعدت ألعب لعبة في الجهاز ونمت وزوجي قاعد ع النت بعدين تعبت مرة ونمت وتركته
وهو زعل مرررة
طب ايش نسوي مع التعب كيف نرضي أزواجنا ,أنا يقول لي فكرة المسيار وقت الحمل !!!!

ياحليلهم الرجال يبون عيال على الجاااااااااااااهز مايضحون شوي

بنت امي و ابوي;10579806:
و الله تمام حبايبي بنات انا ابغي اسالكم؟؟؟ انا الحمام اللي ف بيتي تكرموون عربي يعني اطر اني اييلس تحت و الله احس بمعاناه يعني لما يكون البيبي على جنب يالمني و اغير وضعيتي على جنب لين ما يرح ف النص و اكمل ... هل خطر علي و على البيبي؟؟؟

مااتوقع انه يضر اول ماكانوا يستخدمون الى هو ........... بس اتوقعه متعب لك في الجلسه والقومه

بنت امي و ابوي;10580253:
ما اعرف ليش احس عمري صغيره من بينكم :( احسكم كلكم كبار

كم عمرك

wjdan;10580452:
بنات صايره احب ليز الاخضر بموت منه الحامض عجيب


من شوي ماكله لوميه جدي رجلي يقول بوزه عوره وهو يطالعني خخخخخخخخخخخخخخخخخخ

انا بعد والله صايره استانس لمه اكله بس لمه اكله واخلص احس شفايفي تحرقني :D

wjdan;10580461:
تدرون في شنو خاطري الحين


تعرفون التمر الهندي الا هو الصبار الحامض الي يسونه للطباخ

خاطري اكل الحين هههههههههه

عندي مايغلى عليكي

كتكوته نايمه;10582716:
هههههههههههه ...تصدقين استانس اقعد نص الليل نسولف انا ووجدان ووغاده ومرات حصوص تكون موجوده ..وامس كانت امي وابوي ويانا ..حياج !!
تصدقين عاد ماعرف هي من اي منطقه ..لأنها عايشه فالدوحه من كانت صغيره ،،خبرج قبل يتزوجون وهم صغار وايد ١٣ و ١٤
يحليلها خلصت عيش الدوحه وهي ليلحين تتكلم بحراني خخخخخخ
وورثنا احنا هاللهجه منها ..فديتها الله يطول بعمرها

هذاك اول انا اسهر باليل الحين الساعه 10 _11 بالكثير اناااااام ولدي تمهيدي ضبط نومنه

حرم أحمد;10582848:
الله يغربل ابليسكم ... ذبحتونا واجب وواجب وانا ولا عارفة شسالفة أثريها كذا يعني .. عيل خلاص انا سويت الواجب ....

واوا بنات باركولي شكلي دخلت الرابع ..والله ولا انا دارية وين ربي جاطني !!! خبر خير

ههههههههههه حرم احمد انا وياكي حتى انا بالشريط دخلت الرابع!!:ss:

بنت الاصايل;10583318:
نيهال..
اي النشاط زايد هالايام اشوف ويا دخول الشهر الرابع ههههههه

شموخ..
أنا أحياناً يفتح وأحياناً يصير بطيء كلش ما أقدر حتى أتصفح!

شفتي كيف ؟؟؟؟؟ والله ادمنت عليكم :15:

نيهال كلنا جذي..
التجمع حلو.. ويخفف عن تعبنا شوي..
أنا مستعجلة ابغي اروح اجيك جنس البيبي بس زوجي يقول انطري يكبر شوي عشان يبين اوضح..

البارحة رحت مذركير وشفت اغراض اليهال..
النيو ارايفل مو ذاك الزود اقول يمكن لأن قريب العيد ما نزلوا كل شي الحين لين قرّب العيد أكثر بيجيبون حاجات أحلى..
بغيت اشتري شي لعصوم للعيد ما عجبني شي.. ومشينا..
العيد القبلي استغليت روحتي سوريا واشتريت لها من هناك وايد حلوين.. هالمرة الوقت مضايق وللحين ما اخذت ولا حاجة.. أنا عاد مو مهم مالي بارض اتلبّس ويا هالكرشة..

صج طلعت كرشتكم ولا بعد؟
انا احس هالمرة بطني طلع بسرعة مو مثل حملي الاول!

اخ جيتي على الجر انا اكثر شي شاغلني ابي اعرف شنو في بطني

وحتى زوجي ميييييييت يبي يعرف

لاااا وتخيليانا وزوجي متراهنيييييييييييييين

ونشوف منو الي بيكسب الرهاااااان

ههههههههههه

هذا احنا والفضول..
تصدقين مرت حماي الحين بتدش الشهر الثامن وما عرفت وش فيها لحد الآن من تروح يقولون لها الوضعية ما تسمح!
وهي عندها بنتين والحين مستخفة مسكينة تبي تعرف..

بنت امي وابوي حتى انا مواليد 86

ماشاء الله بالثامن ومابان؟؟

بنت الاصايل;10582692:
وجدان..
انتي وربع آخر الليل.. ما قصرتوا في الهذرة هههههههههههههههه..
سمعي وجدان مو تخافين على اللي قلته لج.. يمكن الحين اختلفت طريقتهم في عمليات الربط.. أنا شفت أختي ونسوان اخواني 2 جربوا الربط كان بهالطريقة.. بس عاد مو الحين من قبل 3 سنين يمكن!

حبيبتي البارحة شفتيني من المتواجدات وسلمتي.. سلمت عليج العافية.. عاد توني فاتحة النت بطالع الا زوجي جاي طاردني يقول لي قومي قعدي الصبح انتي ابغي الكمبيوتر عندي شغل .. شَعْوتني هههههههههههههه

اي اوكي الله يعدي هالايام وجيب داك اليوم ع خير ان شاء الله

اي قلت يمكن انشغلتي وقمتي تنامين هههههههههه مو مشكله اكا شفناش احين

كتكوته نايمه;10582716:
هههههههههههه ...تصدقين استانس اقعد نص الليل نسولف انا ووجدان ووغاده ومرات حصوص تكون موجوده ..وامس كانت امي وابوي ويانا ..حياج !!
تصدقين عاد ماعرف هي من اي منطقه ..لأنها عايشه فالدوحه من كانت صغيره ،،خبرج قبل يتزوجون وهم صغار وايد ١٣ و ١٤
يحليلها خلصت عيش الدوحه وهي ليلحين تتكلم بحراني خخخخخخ
وورثنا احنا هاللهجه منها ..فديتها الله يطول بعمرها

انتي متى نمتى

قاعده من الصبح اني ماجاتني نومه الا متاخر كلش وتوني قاعده عاد تعالي الاحلام يتهاوشون من حلمه لحلمه خلصت احلام العالم كامل وقعدت ههههههههههه

راسي حدي مصدعه لي اسبووع على الصدااااااااااااع

والله مو راضي يرووووووووح

اخبارك وجدان وكيف الربط حسيتي بالام؟

هلا نيهال من شوي حسيت بالم نغزات خفيف وبعدين راح شوي شوي يروح الالم اما الدم نزل يوم واحد ووقف

الحمدلله على كل حال انتي شخبارج ومبروك دشيتي الرابع

بناااااااات الي تحس بلوعه وغثيان وحرقان معده ؟؟


حطي في فمك علك صراحه مره مريح؟؟

نيهال سئلت لدكتور ادا فيني صداع عادي اخذ بندول قالي اي ما يأثر ع الجنين
اخذي حبة بندول وارتاحي عليها بيخف ان شاء الله عنش

العلك يزيد لي الوعه وخليني ارجع مو مع الكل يصلح

بعدكم على سالفة الأعمار..
ترى كلنا من نفس الجيل.. بينا وبين بعض سنتين او 3.. ههههههههههه كلنا جيل الثمانينات..

وجدان..
شقالوا لج عن الجماع؟

العلوج يزيد اللوعة عندي..
كل وحدة تختلف عن الثانية بهالسالفة..

اما البندول عادي ما يضر بس مو تكثرين منه.. حبة 1 كفاية

هلا بنت الاصايل

قالو لي امتنع سبوعين بعدين كلشي عادي اكا اسبوع بيكمل وان شاء الله خير
زوجي كاسر خاطري كلش حتى اصيح عليه ههههههههههه

هههههههههه
يؤ عادي.. انا مسكين بالاسابيع ما اعطيه وجه..
بعد احنا فينا الأمرّ..
وزوجي من النوع اذا باله مشغول او يحسني تعبانة كلش ما يقرب..
وهالايام عنده انشغالات وايد مو حاط باله..
وانا مفتكة من هالموضوع.. صاير يلوع جبدي..