التجمع الثاني للحوامل اللاتي يلدن في شهر 5(مايو) 2010

وجدان وكتكوتة شكرا على الرد ريحتوني

ام التواتي ..
لا تحاتين كل اليهال مرضى هالايام ..الجو متغير ..
ان شاء الله بتصير زينه
بس انتي اهم شي ما تخلين صخونتها تزيد ..وديها عند الدكتور منها تتطمنين بعد

هههههههههههههههه ...
ضحكتيني يا ماما حمود ..
فيه العافيه

ماما حمود..
هلا هلا قلبووو.. شخبارج؟؟
فيه العافية.. أنا قاعدة وياج نفس الحزة بس ما أتريقت للحين دزي لي سندويتشة هههه
أنا ما أتريق من وقت أول أنتظر اللوعة تخف شوي!

كتكوتة..
ما شاء الله على هذرتج.. ترستوا الصفحات كلها انتي ووجدان!
وكله هرار ههههههههه.. انجان تبين تتكلمين بحراني يبي لج كورسات.. لأن وين ما تروحين أي منطقة بتكون لهجتهم تختلف عن المنطقة الثانية..
الا جدتج من أي منطقة؟

حرم أحمد..
حياج الله من الصبح.. عاد لما أنا جيت كلكم اختفيتوا..

أم التواتي..
ما عليها شر بنتج.. كلهم اليهال.. أنا بنتي الحمدلله الحين صارت احسن ما صادتها صخونة بس زكام وكحة والحين نازل لها بصدرها.. متحيرة أعطيها مضاد ولا أخليها تتعافى بروحها..


مخمل..
افاااا الله يواليج العافية.. هالأيام اللي طافت المنتدى كان يفتح عند ناس وناس ما يفتح ويعلق ويشير زتات..
وصادف وراه ويك اند.. واغلبنا نطلع.. عشان جذي يمكن ما سألوا عنج.. والله انتي ما تنّسين. "وهل يخفى القمر"؟!
الحين صرتي احسن ان شاء الله!

وجدان..
انتي وربع آخر الليل.. ما قصرتوا في الهذرة هههههههههههههههه..
سمعي وجدان مو تخافين على اللي قلته لج.. يمكن الحين اختلفت طريقتهم في عمليات الربط.. أنا شفت أختي ونسوان اخواني 2 جربوا الربط كان بهالطريقة.. بس عاد مو الحين من قبل 3 سنين يمكن!

حبيبتي البارحة شفتيني من المتواجدات وسلمتي.. سلمت عليج العافية.. عاد توني فاتحة النت بطالع الا زوجي جاي طاردني يقول لي قومي قعدي الصبح انتي ابغي الكمبيوتر عندي شغل .. شَعْوتني هههههههههههههه

هههههههههههه ...تصدقين استانس اقعد نص الليل نسولف انا ووجدان ووغاده ومرات حصوص تكون موجوده ..وامس كانت امي وابوي ويانا ..حياج !!
تصدقين عاد ماعرف هي من اي منطقه ..لأنها عايشه فالدوحه من كانت صغيره ،،خبرج قبل يتزوجون وهم صغار وايد ١٣ و ١٤
يحليلها خلصت عيش الدوحه وهي ليلحين تتكلم بحراني خخخخخخ
وورثنا احنا هاللهجه منها ..فديتها الله يطول بعمرها

كتكوتة..
الله يطول عمرها ويخليها لكم.. بركة والله في البيت..
أنا ما أسهر بالليل وايد.. بالكثير أنام الساعة 12 ونص او 1..
وهالحزة أصلاً زوجي يكون ماسك الكمبيوتر ومادري عنه حتى متى ينام.. هو وبنتي من عشاق السهر ههههههه
تصدقين الصبح يقوم الشغل من بدري.. لكن أنا مادري عنه متى راح ما اوتعي له.. مافيني شدة اقوم من الصبح وبعدين ادري ما تجيني نومة وانا عطالة بطالة شبسوي طول الصبحية بروحي!

الحين شسالفة الواجب هذا اللي كلكم تتكلموا عنه وانا موفاهمة :rolleyes:

حرم أحمد
هههههههههههههههههههههههههههههههههههههههههههههههههه وي ذبحتيني من الضحك.. يحليلج..
هذا يعني تقرين الردود اللي فاتتج وانتي مو متواجدة بالمنتدى.. وبعدين تردين عليهم ههههههههههههههههه..

بنت الاصايل ..
كلنا نحب النووم ..انا انام ٢ تقريبا ..بس اغصب نفسي اقووم الصبح بس مب وايد وهل ويا زوجي ...لا ماقدر ..اتم فاخه لين ١٠ تقريبا وقت قومة ميمي عالاقل تصبح على ويه امها ..
اما فطومه ولا اقووم لها ..ماقدر اقوم الصبح ..شغالتي تلبسها وتوصلها المدرسه،،

الله يغربل ابليسكم ... ذبحتونا واجب وواجب وانا ولا عارفة شسالفة أثريها كذا يعني .. عيل خلاص انا سويت الواجب ....

واوا بنات باركولي شكلي دخلت الرابع ..والله ولا انا دارية وين ربي جاطني !!! خبر خير

ههههههههه اي والله..
أنا أقعد الساعة 9 أغلب الأيام الا اذا اوتعيت وحسيت بملل ارد اكمل بس عاد أخاف تالي يصيدني صداع من هالحركة لأن جربتها كم مرة وما اوتعي الا بوجع الراس..
عاد اخوي الصغير يربي دجاج في حوش البيت.. وكل يوم يكاكون من نص الليل.. حلوين والله برنامج..
امس جاي لنا يقول قولوا مبروك.. قلنا له مبروووووك يقول فرخت دجاجتي هههههههههههههههههههههههه..
تقول امي فكرت الحين مرتك اللي والدة.. هو مو متزوج بس جذي امي تقول له! عاد لو ناجح بالمدرسة ماسوى هالحالة ههههه

حرم أحمد..
صج والله.. دشيتي الرابع كلولوووش.. ههههههههههه كلنا كان الشهر الثالث طويل علينا..
أنا بعد دشيته.. بس عاد اللوعة ما راحت للأسف.. شكلي مطولة مثل سالفة حملي بعصوم.. لين ولدت وانا افرغ تكرمون.. ذكريات ما أحب أتذكرهااااا

ههههههههههههههههههههههههههههه يحليله ...

كتكوتة..
عيل لو تشوفين سوالفه.. امسكي بطنج واضحكي..
جايب له زوجي من بيت عمته الاسبوع اللي طاف ارنبين كبار ما شاء الله حلوين.. حتى عصوم استخفت عليهم تبي تجودهم.. ما يبيهم.. يقول له زوجي الارنبة حامل بتجيب لك بعد فوقها 5 او 6.. يقول لااااا.. الارانب ما ينتجون بسهولة كل يسقطووووووووووون!
مو مثلات الدجاج.. هذولا الدجاج حبايب قلبه هههههههههه..
انا اطالع بنص عين.. اقول شفيه الولد!!؟ قدامي يقول هالكلام يسقطون وما يسقطون ههههههههه

ههههههههههههههههههههههههههههههههههههههه
فطستيني من الضحك..

اهليييييييين بنات اخباركم ياحلواااااااات

ماشاء الله عليكم مشقحييييييييييييييييين صفحات بروووووووووووووح اقرى الواجب ههههههههه

السلاااااااااااام عليكم

شخباركم كروشات

بنات المنتدى ما يشتغل من يومين صح ولا بس معاي؟؟

نيهال..
اي النشاط زايد هالايام اشوف ويا دخول الشهر الرابع ههههههه

شموخ..
أنا أحياناً يفتح وأحياناً يصير بطيء كلش ما أقدر حتى أتصفح!