التجمع الثاني للحوامل اللاتي يلدن في شهر 5(مايو) 2010

انا قمت الساعة 2 لووووووووول

ادعي لي تجي خدامتي بسرعة ،، الخايسة اللي عندي سفرتها

والطبخ ما منه مفر حتى لو الخدامة موجوة انا لازم اطبخ لأن زوجي ما يحب طباخهم ،، بس طبعا هم يساعدوني

انا اول كنت احب اشوف جويل بس عقب ما فتحت صالونها ،، احس البرنامج دعاية حقها وحق صالونها وما قمت احسه حلو مثل قبل ولا اشوفه

واااي ماقدر اتخيل نفسي اطبخ وانا اتنسى ..ماحب اشم ريحة الدياي وهو مفوح
ولا ريحة البصل والحمسات
انا علمتها طريقتي ..وصارت تضبط كل شي تقريبا ..ولو تسئليني شلون يسوون هالاكله ماعرف نسيت صارلي فتره ماطبخت
الله يعينج الصراحه قاعده بدون شغاله

اما جوبل الحين صرت اشوفها صارلي ثلاث اسابيع ..احب اشوف شالجديد ..خبرج كله قاعده فالبيت ..عالاقل لو فالجامعه جان شفنا اخر خطوط الموضه من البنات

يتصفح الموضوع حالياً: 3 (3 من الأعضاء و 0 من الزوار)
‏كتكوته نايمه, ‏بنت الاصايل, ‏Gahadaa




بنت الاصايل هنيه ؟؟؟؟؟؟؟؟؟؟؟؟؟
ليش صاخخه ..ووينج ماتبينين ؟؟؟
وحشتيني يالدبه

اي والله صاجة وانا مثلج بعد في البيت ، واشوف التلفزيون عشان اعرف شنو اخر الموضات ،، او امشي في السوق جم يوم بتعرفين الموضة بعد

واذا على الخدم مع انهم علل لكن ما تستغنين عنهم كلش ،، ريلي مسكين قاعد مرتين في الأسبوع يجيب لي خدامات مال شركة التنظيف يخمون ويمسحون ، بس الطبخ انا والله وتعرفين لازم كل يوم ،، بس لما سافرت ريحت شوي ، وبعد بسافر عقب اسبوع ، وزوجي بروح الحج ،، يعني بريح شوي لين توصل الخدامة

شنو جنسية خدامتج؟

كتكوتة..
اي هني أقرا الواجب..
تبون جلسة قطرية قلنا ننسحب هههههههههههههههههههه..

لا والله من يومين المنتدى ما يفتج عندي جاب لي القرحة..
شلون انتون ينفتح عندكم!؟
غريبة والله..

مسكينة وجدان الله يكون بعونها
الربط كريه وبعدين شيلانه بدون بنج!!
وما أظن بعد يقدر زوجها يلمسها..

اول مرة اسمع ان التوأم لازم ربط!!
ياما ناس يحملون بتوأم ما سمعت سووا لهم ربط.. الربط حق اللي رحمهم واسع ويطرحون في الشهر الرابع او الخامس

شخبارج غادة؟

ما عليكم من وجدان.. منتو كبار.. هههههههههه
هي اللي كتكوتة..

الله بتروحين الحج ...انا رحت لعاام صج اجوواء روحانيه حللللوه ماتتعوض
تعب ووناسه في نفس الوقت ..بالذات اذا رحتي مع حمله مريحه ..
خاطري اروح مره ثانيه ..بس احس تعب مع الحمل ..
يقولون اول مره غييير عن كل مره تروحين فيها الحج ...حتى لو رايحه من قبل العمره
وحلوو بعد فيه اوقات نكون شوي فاضيين نستغل الوقت نتشرى صوايغ ..ونروح المول اللي مجابل الحرم حلوو في محلات حلوه..اذا حصلتي وقت روحي هالمول في محل اسمه العبايات الشرقيه آو شرقيه عندهم عبي حلوه..عبايتي اللي خذتها من هناك ليلحين البسها ويسئلوني عنها ..مع انه موديلها سمبل
وفالرده قعدنا في جده ٣ ايام سوينا شوبينغ حق اليهال سوقتهم حلوه ..

حاليآ عندي ثنتين اندونيسيات ..جبت الثانيه علشان تعلمها الاولى ..لأنها بتروح قريب ..خلاص استغنت

والله من يومين استغنيت عن الخدامة اللي تجيني.. تجي كل يوم ساعتين تنظف وتروح.. بس قهرتني تنظيفهم مو شي.. كل يوم اقول بتتعود على نظامي والحين تقريباً كملت شهر تلوّص وتروح.. انجان على التلويص أنا بسوي بروحي اللي أقدر عليه أحسن.. شدعوة بتحمل وصاخة وانا اسمي عندي خدامة!!

الحين البيت قايم ولا هو قاعد.. عفسة ونثرة ويبي له كنس.. وكم ماعون في المغسلة يبي لهم غسال.. بس مطنشة ما لي خلق اسوي شي..

شفيج كتكوتة..
تغفّين القدر.. قالت لج زوجها بيروح مو هي اللي بتروح ههههههههههههههههههههه

هههههههههههههههههههههههههههههههههههههه
وانا طووووول عمري جيه
هههههههههههه
صج مفهيه

بنت الأصايل حياج تنورين الجلسة القطرية ؟؟ انا بخير الحمد لله

ترى المنتدى مسكر علينا بعد بس في الليل جربت وفتح معاي وحصلت كتكوتة ووجدان وحصصووص وجنة

كتكوتة حبيبتي زوجي بروح الحج مع خواته وهله وما يبي ياخذني ،، يقول خايف علي ،، وانا ميتة قهر خاطري اروح قبل لا يجي الياهل واحتاس فيه ،، بس انا بسافر بانكوك الأسبوع الجاي انشاءالله

على طاري الرسوم المتحركة..
ما اعرف اللي تتكلمون عنهم هههههههههههههههههههه مو جيلنا شكله..

انا اقوووووول شلون بتروح وهي حامل خخخخخخخخخ


عيل وين بتسافرين بعد اسبوع غاده ؟؟

غادة ما تقدرين على السفر!!
شبوديج بانكوك بتمشين وايد.. ومو زين المشي بكثرة..
والحج بعد ما يناسبج لأن مشي وايد وتعب..
غير جذي السنة السعودية مانعة الأطفال والحوامل من الحج بسبب انلفونزا الخنازير

بنت الاصايل اذا متملله شوفي رانزي المدهشه في يوتيوب عجيييب شوفيه
٣٢ حلقه ..

بنت الأصايل شنو الرسوم المتحركة اللي كنتي تشوفينها ؟؟

كتكوتة ما قلتيلي شنو جنسية خدامتج

الله بانكوك وناسه

انا بس من اركب الطياره احس اني مغيره جو ..واستناس
صج خاطري اسافر ..بس زوجي خايف علينا من الامراض
ولا هو عنده اجازه شهر ١٢ وبنتي بعد


غاده خدامتي اندونيسيه

رسوم أيامنا بومبو ولوسي ونوّار.. التوأمان.. صاحب الظل الطويل خخخخخخخخخخخخخ

غادة وكتكوتة .. ثنتينكم تخورون وتنجبون!!
اقروا ردود بعضكم عدل..
بتليقف شوي.. خدامتها اندونسية

بنت الاصايل انتي من مواليد كم ؟؟