التجمع الثاني للحوامل اللاتي يلدن في شهر 5(مايو) 2010

الله يسهل عليج وجدان ... وان شالله ما تتعبين انتي والنونوات =)

دكتوره فاتنه ؟؟
وين مكانها ؟؟

في بن عمران
صج العياده مب ذاك الزوووود بس والله فنانه وشاطره

النقعة هذي لازم بكل مكان حتى لو بالمواعيد!!

الله يعينا انا توني فاتحة ملف حمل بالمركز الصحي وابي اتابع بعد عند عيادة خاصة لين يحولوني على حمد واشوف لي حد زين يكمل وياي

المفروض رحت حق مريم بس ترى كانت مسافرة ورجعت بنص شهر 10 عشان جذي ما رحت لها

حصوص
وفالاهلي عند من تتابعين ؟؟

د / نسيييم

بس شنو الاهلي مب متطورين ،، استغرررررربت يوم شفت تلفزيونهم جددددا بدائي

حصووص وين بتربين؟

طبعا حمد

ان شا الله

مستحييييييل في الاهلي :| يختي كله قيصرررري
ونااادر الي يولدونها طبيعي

وفووووووق هاي تدفعين ٢٥ الف اذا مب اكثر
عسىىىىى ما شر :|

حبيبتي هذا تلفزيون مال الدكتورة توني اقول حق كتكوتة طلع هذا التلفزيون البيبي في بطني ميت وهو اسم الله عليه ما في شي ، تقولي الدكتورة او امات او وقف النمو

وحولتني على قسم التصوير (الدكاترة المتخصصين في التصوير) اجهزة حديثة وروعة ،، ويوم صورتني البيبي ينبض ويتحرك اسم الله عليه ما في شي

انا احب اسوي الالترا ساوند برا
واودي التقرير عند اللي اراجع عندها
وباقي الاجراءات بسيطه ..محلول وفحوصات دم وفحوصات الدكتوره
عشان جيه يهمني الدكتوره تكون شاطره ان كانت فالاهلي او في حمد
بس في نفس الوقت ابي اللي اراجع عندهم تكون ولادتي عندهم بعد علشان ملفي يكون موجود في نفس المكان اذا احتاجوه
وانا اذا حسيت ان حمد نظامهم اوكي نفس قبل براجع هناك ..واذا لاء ماعندي الا الأهلي

تره كل هالحركات عشان تدفعين فلوس زياده ..مستشفى ماديه ١٠٠ ٪
طاحت من عيني من عقب سالفتج يا غاده

مالنا الا حمد

والله الاهلي له مميزات وسلبيات وحمد بعد نفس الشي

بس انا مطمنه حق حمد اكثر مع اني للحين ما رحت لهم ولا ادري عنهم شي

احس انه حمد احسن ،، حتى اللي حالتها بالولادة تصعب في الأهلي يحولونها على حمد ،، وانا مثلج كتكوتة ابي يكون ملفي بالمكان اللي بربي فيه بس بعد بروح خاص للتصوير واطمن زيادة بعد

حصووص حبيبتي ،، حتى الكشفية بالأهلي غلوها من 300 ل 500 وغلو التصوير ل 400 والتحاليل كلها غلوها ، ما ادري ليش ، بعد العيادات الخاصة غلت ،، شفيها الدنيا نطرتنا نحمل بعدين غلت لوووووووووووول

تره يقولون ان حمد الحين واايداحسن من قبل ..كنظام ..
تدرين انا شللي يبط جبدي في حمد ..يمكن شي تافه بالنسبه لكم
سويتاتهم افففف قددديمه صارت تجيب الاكتئاب ....لو يعدلونهم ...
والغرف العاديه حق الهنود والجنسيات الثانيه
ودايمآ فل ماتحصلين مكان

اي انا ادفع في كل كشف ٥٠٠ =(

ومره سويت تحليل دم دفعت ١٥٠٠ =(((((

مااااااااادين جدا

بس انا اتابع لانهم اكثر ناس يعطوون اجازات ^^ مب عشان سوواد عيونهم


<<<<<<<<<<<<
فاتنه كل مره اروح عندها ادفع &#1634;&#1637;&#1632; واتم نص ساعه على الالترا ساوند جني ما شفت خير هههههههههههه

والاسبوع الجاي ان شا الله بتسويلي كشف الطفل المنغولي

الله يبعده عنا وعن السامعيين

يعني ما بنحصل غرفة خاصة والا سويت؟؟ ):

انا بعد بروح عند مريم انشاءالله الأسبوع الجاي اشوف البيبي واطمن مثل ما قلتي عشان المتلازمة (منغولي) ، الله يبعده عنا يارب وعن عيالنا

انا سويت فحص الطفل المنغولي ..الحمدلله

غاده تصدقين رفيجتي من كم شهر ربت ..عيز ريلها يبي غرفه سويت
ماحصل
مسكينه تمت في غرفه مشتركه ..وليتها خربان ..وعليه قاعده فالظلام هي وضيوفها ..لا كراسي ولا شي

بروحها المربي تكون نفسيتها تعبان وفوق هاي غرفه كئيبه

شدعوة ؟؟ مب قطرية ؟؟

الله لا يقول ادش غرفة مشتركة ،، اكره هالشي من الإزعاج وريحة طباخ الوالدة اللي حذاج وضيفوها وبعد مثل ما قلتي ما في كراسي؟؟ ويمكن ضيوف الشريكة ياخذون كراسيج وانتي راقدة ،، لووووول

كتكوته نايمه;10566211:
انا سويت فحص الطفل المنغولي ..الحمدلله

غاده تصدقين رفيجتي من كم شهر ربت ..عيز ريلها يبي غرفه سويت
ماحصل
مسكينه تمت في غرفه مشتركه ..وليتها خربان ..وعليه قاعده فالظلام هي وضيوفها ..لا كراسي ولا شي

بروحها المربي تكون نفسيتها تعبان وفوق هاي غرفه كئيبه

بل مب شي

انا مرت اخوي جذي بس ما تمت ردت البيت ما تمت عندهم