تجمع ورغى حوامل مصر لشهر ذي القعدة 1430 يارب قومهم كلهم بالسلامة

وقعت ازاى يا هوبا انتى كنتى حطا مايا ع الارض

لا يا هدى انا مش هحط صورتها مش خوف من حسد ربنا اللى بيحمى بس مش ناوية احطها وخلاص

مايا اعدت تصرخ جامد وراحت نايمة :(

معلش يا حببتى

تلاقيها من الخضة بس

ومايا حصلها حاجة ؟؟؟؟
الواقعة كانت جامدة ولا خبطتها خفيف

لا على الكنبة يامها بس اختى التانية زقتها غصب عنها راحت واقعة عليها بطتتها

توتي خللي بالك على مايا وحطيها في مكان تاني

اه يا توتا شفتي قمت في الاخر :(

انا مكنتش اعدة معاهم انا كنت هنا على الكمبيوتر قمت على صريخ البيت كلو
هو انا اعرف منين ان كان حصلها حاجة بعد الشر

om_tota;10510258:
معلش يا حببتى

تلاقيها من الخضة بس

(y)

معلش خلى بالك منها
وياما الاطفال بيشوفوا
وربنا بيستر الحمد لله

انا شكلى هسبلهم البيت وهنزل بيتى علشان ميحصلش حاجة

يا نهار أبيض يا توتي سلامتها مايا خلي بالك و حطي جنبها مخدة تحميها

CuTie KaTkOoTa;10510240:
مقدرتش علي بعدكم يا بوسي، سبته راح في النوم وجيت تاني عالطول، عشان كمان بطني شادة شوية ومنتفخة ومضيقاني شوية فمحاولتش بصراحة كتير وقمت بقي.

(y) (y) (y)

whiteoff;10510245:
كتكوتة انت ايه اللي قومك تاني عملتي زيي كنت بفيص و قلت انام بس شكلي كدة حستنى اصلي و انام

هدى اعتقد عادي يعني ممكن تحطي صورة البيبي يا بنتي ربنا الحافظ

بس ليه حتسمي على اسم حماتك انت بتحبيها اوي يعني هي طيبة معاكي ولا ايه القصة؟

انا مش بتكلم عن نفسى انا ناوية باذن الله احطلكم صورتها بس ادعووولى تبقى كويسة و صحتها كويسة يارب

بالنسبة بقى لموضوع الاسم

جوزى اول ما عرف انها بنت قاللى هسميها نبيلة على اسم ماما هو حماتى مخلفة اربع صبيان و جوزى هو الصغير وهى بتحبه جدااااااااااا و بتعاملنى كويس جدا الحمد لله كلمة الحق تتقال عشان خاطره بترضيه فيا يعنى

وبعدين انا كان فى مشكلة كبيرة فى جوازتى زمان و هى بصراحة قوفت معانا جامد

ولما قاللى جوزى نسميها على اسم ماما الاول كنت هعترض و بعدين فكرت

قلت لو اعترضت اعتراضى مش هيجيب نتيجة و جوزى هينفذ اللى فى دامغه و فى الاخر هطلع انا اللى وحشة

وبعدين دى حاجة تفرحنى ان جوزى بار بامه وب يحبها قوى كدة واللى ليه خير فى امه تسلميله حياتك و انتى مطمنة ( بابا ربانا كدة )

و كمان اخدتها بنية ارضاء زوجى و ارضاء امه و ادخال الفرحة على قلبها و فعلا لما سافرتلها و شفتها فرحانة قد ايه بالنبت من غير حتى ما تشوفها و كانت شايلانى من على الارض شييييل استحقرت نفسى انى صالا فكرت ارفض مهما كان هى ست كبيرة و انا دخلت الفرحة على قلبها

وربنا يراضينى زى ما راضيت جوزى و مامته فى بنتى و يخيلنى اشوفها و هى كويسة يارب يارب يارب

عروسة نعومة;10510246:
لأ يا مها هاتلاقيها مفطناه من قبل الجواز أنا عارفة تفكيرهم حتى هوا اشتكالهم مني قالولي " حماتي و مامتها " احنا ما بنجيبش شغالات يا حبيبتي

اااااااه طيب جوزك رافض تماما ولا ممكن دماغه تليييين بعد شوية دللع ...؟؟؟

انا كمان عاوزة شغالة ومش لاقية محدش يتبرعلى بشغالة تكون صغيرة ومؤدبة :)

معلش يا توتى سلامتها هما دايما الاطفال كدة معلش خاليها جمبك ولما تدخلى تنامى خديها معاكى
انا ياما اختى نامت فوقى وانا صغيرة ههههههههههههه

toty858;10510252:
مايا اعدت تصرخ جامد وراحت نايمة :(

toty858;10510272:
انا شكلى هسبلهم البيت وهنزل بيتى علشان ميحصلش حاجة

مش للدرجة دى يا توتى ... اكيد اختك مكنتش تقصد متكبريش الموضوع الاطفال ياما بيشوفوا ربنا ستر الحمد لله :)

يااااسلام يا توتى هو عشان حصل موقف
مش مقصود تعدى ف شقتك لوحدك
لية كدة؟

ربنا يكرمك يا هدى و يباركلك فيها و يزود رضا حماتك عنك و عن جوزك لأن فعلا ده بيرضي ربنا عنك

انا كمان لما بيحصل حاجة بتضايقني من حماتي بكبر دماغي و بفرح لما جوزي بيعمل معاها حاجات كويسة لأني ببقى مطمنة على نفسي :)

هوا أنا فيا حاجة كده مش عارفة هيا صح و لا ايه .. مابعرفش أتحايل و كرامتي بتنقح عليا و باتكسف من جوزي في حاجات كتير أو مش باتكسف عندي كبرياء كده يعني ساعات كتير بازعل من حاجات و ما أقولوش و اقول في نفسي ما دام ماجاتش منه مش عايزاها