تجمع ورغى حوامل مصر لشهر ذي القعدة 1430 يارب قومهم كلهم بالسلامة

ههههههههههههه حلوة العيل يستوي دي بصي يامنار هوا الحقيقة انا جبانة موت ومقررة اني اولد قيصري من اول يوم عرفت فية اني حامل لاني عارفة نفسي قلبي مش هيتحمل اني اولد طبيعي خالص هيغمن عليا اصلا من اول الطريق ففضلت اني اولد قيصري احسنلي وقيصري تعب وطبيعي فية تعب بردو

صباح الخير ياروشي

:)
ربنا معاكى يارب يا دارين وتولدى وتقومى بالسلامه ياررررب ان شاءالله
قوليلى جبتى طبعا لبس النونو :)
يلبسه بالسلامه ان شاءالله
قوليلى حتلبسيه ايه اول يوم؟
وحتحطيه فى سليب باج ولا كوفرته ولا ايه ؟

صباح النور يادارين

معلش ليا تعليق يابنات الولادة الطبيعى بتتعبى اول يوم من الطلق والولادة وبعدين تانى او تالت يوم كله بيبقى تمام بالرغم من الغرز اللى بتبقى متخيطاها من تحت

القيصرى بقى عن تجربة مرتين والتالت فى السكة بتفضلى تتعذبى لمدة 10 ايام بجد والله عذاب ده غير ان الدكتور حيمنعك من شيل اى حاجة تقيلة لمدة 40 يوم ولو كان الحمل ده ابنك الكبير وحيمنعك من الوقوف قدام نار او حرارة لمدة 40 يوم

ده غير ان الولادة التانية اصعب عشان خياطة على خياطة .. ولا البنج الكلى وما ادراكم ما البنج الكلى عثل عثل ههههههههههه

انا مش بخوفكم الطبيعى علقة والقيصرى علقة بس كل واحد وطبيعة جسمه
ليه ربنا يخليكى تولدى طبيعى وانتى تختارى الاسوأ

فى حين ان اللى زيى وطبيعتهم يولدوا قيصرى ده احسن لينا مش اسوأ ومن نعمة ربنا علينا لان مضاعفات الطبيعى مميتة بالنسبة للى حوضها ضيق او الرحم بتاعها ضعيف وممكن يتمزق او ينفجر عن الولادة الطبيعية فاسبحان مقسم الارزاق

وبالرغم من انى بولد قيصرى بس لو الدكتور قالى تختارى تولدى طبيعى ولا قيصرى اقوله قيصرى هههههههههههه اللى نعرفه ياماما احسن من الى مانعرفهوش هههههههههه

ربما يخليكي ياحبيبتي عقبال ماتجيبي ان شاء اللة بصي ياستي بحيث اني هولد في الشتا ان شاء الة فناوية الف بالبطانية الاول وجيبالو كاريكوت بالشنطة بتاعتو بس انا مش عارفة جبت بطانية للخروج وواحدة للبيت انتي رايك اية اجيب واحدة كمان للبيت؟

انا معاكي في كلامك ياروشي بس واللة انا شفت حالات كتيرة الدكتور كان مقررها انها تولد طبيعي وبتفضل تلطم وتتعذب من الوجع وفي الاخر بيولدها قيصري فبتكون كانها ولدت طبيعي وقيصري في نفس الوقت

وبمناسبة انك خيرة يعني وولدتي قبل كدة عايزة اسالك شوية اسالة بالنسبة للخطوط الحمرا اللي بتظهر عالبطن دي عملتي فيها اية وبتروح بعد قد اية من الولادة؟

ولبس البيبي ممكن تقوليلي ملخص بية واكتر الحاجات اللي اكتر منها واية اللي مالوش لازمة؟

اية يابنات انتو روحتو فين؟

معلش يا دارين بالنسبة للدكتور بتاع الطبيعى والقيصرى ده حمار جدا وفى دكترة كانت حتعمل معايا كدة بس ماطوعتهاش كانت حتولدنى بطلق صناعى عشان اولد طبيعى مع انى اصلا الحوض عندى ضيق وكمان ضعيف ممكن الرحم ينفجر وهى بنفسها قالتلى الطبيعى بنسبة 20% والقيصرى 80% يعنى هى اصى بتناقض نفسها ولما قالتلى كدة رحت ل 3 دكاترة وكلهم اجمعوا على القيصرى والحمد لله ولدت قيصرى مرتين والتالت بمشيئة الله كمان شهرين

بالنسبة للستريتش ماركس بصراحة انا بكسل ومهملة جدا لذلك انا مهتمتش انى احط زيت زيتون ولا كريمات الستريتش ماركس وكنت بكبر دماغى وبصراحة كانت بتظهر بسيطة وعندى بتبقى بيضا من حمرا وتقريبا خفت او ضاعت بعد سنة ونص من الولادة

بعد الولادة مباشرة حتلاقيها زادت جدا هى مش زادت هو بيتهيالك لان البطن بتبقى مترهلة لكن مع رجوع الرحم مكانه والبطن لما بتشد تانى وترجع لطبيعتها بتبتدى تقل بالتدريج وواحدة واحدة تختفى

انا ولدت مرتين فى شهر 11 والمرة دى باذن الله لو ربنا اراد حولد فى شهر 2

بجيب 6 فانيلات بكم
و 6 نص
و 6 كات بكباسين من تحت
12 بنطلون ابيض لان اوقات كتير البامبرز بيسرب لان البيبى فى الاول بيعمل تويلت كتير وسائل زى الماية فا ممكن يسرب واول حاجة حتتبل هى البنطلونات فا كنت بغير البنطلونات بس ومن فوق بيبقى نضيف عشان كدة جبت 12 بنطلون

هاتى بيجامات للبيبى مثلا 5 وزيهم سالوبيتات ويايت تكون قطيفة ومفتوحة من تحت لان البيبى بيطول بسرعة والمقفول بيترموا بدرى بدرى لانهم بيصغروا على البيبى .. 3 خروج و 7 للبيت

انا جبت لولادى الاولانيين مفتوح وكان فاضل شهر على الشتا واصيف لهم لاسف رميت المقفولين لانهم مانفعوهمش خالص والمفتوحين قصروا شوية لكن عسان كنت بلبسهم شرابات فا كان مدفيهم ده غير البنطلون الداخل وكملت الشهر على خير وجب صيفى جديد .. يارب تكونى فاهمة قصدى

الشرابات مهمة هاتى لكل طقم شراب بنفس اللون

الطواقى ماتكتريش منها يعنى 3 مثلا لانهم فى الخروج بس ممنوع يتلبسوا فى البيت لان دماغ البيبى طرية والمفروض نسبها تنشف فا غلط نغطيها فى البيت وكمان عشان مايبردش لو اتزحلقت منه فى البيت هاتى لون الطواقى قريبة من ملابس الخروج وكمان الشراب نفس الدرجة وخصصيهم للخروج ومتكتريش عن 3 اطقم خروخ وياريت يكون 2 لان البيبيهات ماحدش بيشوفهم اوى ومش بتفرق هدوم بيت من خروج وكمان الخروج حيبقى قليل اوى لانك حتولدى فى الشتا

لو ده اول بيبى هاتى بطانية واحدة وياسلام لو تستلفيها زى انا ماعملت فى اول بيبى استلفت واحدة من بنت خالتى عشان اخرج بيها بالبيبى من المستشفى واول ماعملت السبوع والعقيقة جالى 5 بطاطين هدية خليت اتنين ليا ووزعت الباقى فى مناسبات .. خليكى ناصحة ههههههههههههههه

ربنا يخليكي ياروشي كفيتي ووفيتي تعبتك معايا بجد بس واللة استفدت كتير وانا فعلا جبت زي ماانتي كاتبة تقريبا بس انا مفترية شوية مع اني جبت كل حاجة بس كل شوية اقول لماما اجيب تاني طيب كدة قليل هههههههه اول بيبي ليا وان كان عليا عايزة اجبلو الدنيا كلها واللة

طيب وبالنسبة لادوات الحما اجيب شامبو وشاور وبيبي اويل وبودرة وكريم اللي بيتحط بعد تغير الحفاض واية تاني؟


وبالنسبة للبامبرز اجيب من زيرو ل3شهور المقاس ولامقاس اكبر؟

انا اتاخرت عليكى اولا انسى منتجات جونسون عشان مقاطعة ثانيا بتنشف الشعر جدا

استبدليها ب سانوسان هو مستورد بس هايل بصراحة هاتى كريم الزنك للتسلخات حلو اوى وممكن تستغنى عنه وتجيبى لوشن بالزنك وزيت الزيتون حلو اوى ورخيص وهو فى كل الصيدليات

وهاتى الشامبو من سانوسان

البودرة ده اختراع فاشل ومالهوش لازم خالص - الاويل بتاع جونسون احلى حاجة اللى بالصبار وهاتيه حطيه فى رقبة البيبى وتحت باطه عشان اتسلخات وكمان بيدى ريحة حلوة وانا بحاول ادور على بديل ليه عشان المقاطعة بصراحة

البامبرز انا جبت المقاس الصغير وجبت بيبيكو وبيبى فاين

بصى هاتى مقاس من 3 كيلو وانتى طالعة بلاش تجيبى اصغر من كدة لان البيبى مش حينزل باذن الله اصغر من 3 كيلو ونص

بصى هاتى علبة صغيرة اللى فيها 10 حفاظات وجربى وشوفى ايه الانسب للبيبى من ناحية المقاس والتسريب ومدى قابليه بشرته ليه

وتعيشى يارب وتجبيله انتى وبباه ويتربى بعزكم باذن الله

صباح الخير

صباااااااااااااااااحوا نصر باذن الله

مصر مصر مصر

صباح الخير ياقمرات يارب مصر تفوز

السلام عليكم يابنات
صباح الخير عليكوا

ازيك يا ايمى عاملة ايه؟؟؟؟ وازى بودى؟؟؟

ازيك يا فتافيت منورة يا قمر التجمع مبروك الحمل
عرفينا عليكى بقى

صباح الخيييييييير ازيكو وحشتوني اوي

الله يبارك فيكي ياقمر ربنا يتممهولنا علي خير انا و انتي وكل الحوامل يارب

انا دعاء ياقمر 27 سنه متزوجه من 6 شهور ده تاني حمل ليه الاول ربنا مارادش
انا بكالريوس هندسه لا اعمل وفي الامارات حاليا مع زوجي وانتي ياقمر عرفيني علي نفسك

فتافيت السكر يا قمراية الف الف الف مبرووووووووك و ربنا يثبتلك حملك اللهم آمين يارب العالمين

dandona we bas;10623165:
صباح الخيييييييير ازيكو وحشتوني اوي

ازيك يا دندوووووووونة عاملة ايه يا جميل؟؟؟؟؟

فتافييت السكر;10623177:
الله يبارك فيكي ياقمر ربنا يتممهولنا علي خير انا و انتي وكل الحوامل يارب

انا دعاء ياقمر 27 سنه متزوجه من 6 شهور ده تاني حمل ليه الاول ربنا مارادش
انا بكالريوس هندسه لا اعمل وفي الامارات حاليا مع زوجي وانتي ياقمر عرفيني علي نفسك

ربنا يتمملك على خير ان شاء الله
انا بيبو 24 سنة متجوزة من سنة وعايشة فى القاهرة .. مهندسة وبشتغل.. حامل فى الخامس..