تجمع ورغى حوامل مصر لشهر ذي القعدة 1430 يارب قومهم كلهم بالسلامة

om_tota;10596827:
كاتو استقريتى ع المستشفى ولا لسة؟

عروس البحر;10596906:
جومانة وكاتو ربنا معاكو يارب:( كنت لسة هسأل مين اللي عليها الدور؟

DANDONA_2010;10596910:
ازيكو يا بناااااااااااااااااااااااااات

انا دارين متابعاكم من فترة وحابة اشترك معاكم

أجمل ايام العمر;10596479:
مش قوى و يمكن عشان انا لسه يادوب بقالى يوم والدة و بطنى مفتوحة

و بالنسبة للتمر انا اكلت كتييييييييييييييييييييييير بس مشكلة لولى انها يا حبيبتى صدرى منفييهوش ولانقطة مية حتة و هى جعاااااااااااااانة لدرجة يا حبيبة قلبى بتاكل فى هدومها زى الشحاتين :D

Princess_miro;10596680:
استعيذى بالله يا بنتى من الشيطان الرجيم
انتى عاملة زيي موسوسه
بس الله اكبر الله اكبر
انا بيجيلى وساوس ان ابنى او بنتى ممكن ييجى مش سليم لا قدر الله علشان انا ضعيفة جدا أو اكون اكلت حاجة غلط او ساعات و انا واقفة فى المطبخ اعد اقول اكيد الميكروويف ده غلط اروح اعمل سيرش عن اخطاره
يطلع لى ان الموبايل هو اللى غلط و انا مش بشيل الموبايل من على ودانى اصلا و هو وسيلتى الوحيدة للاتصال بالناس اصلا
فخلاص ببقى مقربة على الجنان يعنى و بعدين برجع احس ان ده شيطان و استعيذ بالله

roshy&hany;10598340:
صباح النور

dandona we bas;10598458:
هدى ولدت الحمدلله و لا ايه

DodyCat;10598492:
صباح الخير
أزيكو
حمدالله على سلامة هدى انا من امبارح بحاول أتصل بيها بس تليفونها غير متاح

أجمل ايام العمر;10596176:
هحكيلكم

انا لما رحت للدكترو امبارح كنتى صايمة من الضهرو ملا عمل سونار قال لماما نبض البيبى بيقل و اسبوقنى على المستشقى و هيركبوا لها محاليل عشان هى صايمة من بدرى ولاااااااااااااااازم تولد النهاردة لان فى خطر جامد على البنت

و طبعا ماما و جوزى كانوا مرعووووووووووووووووووووووووووووووووووووبين

المهم رحنا المستشفى و بصراحة حلوة قوى و نضيفة مووووووووووووووووووووت و حجزنا الاوضة اللى عاجبانا و ركبولى محاليل و كان وشى اصففففففففففففففر و جيه حمايا و حماتى و اخو جوزى و بابا و اخويا و كدة و لبسونى و دخلت اوضة العمليات على رجلى

و الراجل بتاع البنج اللى طالع عليه اتشاهدى انطقى الشهادة و استغفرى الله ( حسسسنى انى يسرا فى فيلم أمراة ايلة للسقوط لما جم يعدموها)

المهم نمت فوقت بقى على وجع فظيييييييييييييييييييييييييييييييييييييييييييييييييييييييييييييييييييع

و كل اللى طالع عليا فى عز ما انا بتوجع وانا غير واعية تماما لاى حاجة بقولها لولا ان جوزى كان بيسجلللى فيديو

عمالة اسال هى حلوة حلوة ...؟؟

هتتجوز ...؟؟؟

عايزة اشوفها...

انا بحبها قوى

سامحينى يا امى

سامحنى يا بابا

ياااااااااااااااااااااااااااااااااااااااااااارب

و اصووووووووووووووووووووووووووووووووووووووووووووت

وكنت بدعى 3 دعوات مفيش غيرهم سبحان الله

دعيت كتير جدا جدا جدا جدا لشريف ان دينا _ توتى و شيكو ) ربنا يشفيه لدرجة كللللللللهم كاناو بيسالوا مين شريف ده بس فعلا انا و انا بدعيله كنت فاقدة تقريبا الوعى و ربنا رااد يكون ليه نصيب من الدعوة
دعيتله كتير جدا واللله

و الدعوة التانية لواحدة اصلا معرفهاش بنت صاحبة امام مامتها وصتنى انى ادعى انها تتجوز

ودعتلكم كلكم بالاسم تقوموا بالسلامة و ربنا يفرحكم بالبيهات يارب

و صاحبة ماما اللى كانت معايا فى العملية عمالة تملينى فى دعوات وانا لا كنت شايفاها ولا سامعاها سبحان الله الدعاء ده فعلا نصيييييييييييييييييييييييييب

ولما فقت جابولى البنوتة

ما شاء الله تبارك الله امورة ربنا يحميها يارب هبقى انزلكم صورها بكرة باذن الله

و دكتور الاطفال جالى و قعد يقوللى اتصرف معاها ازاى

مشكلتى فى القيصرى ان الجرح تاعبنى جدا مع انى مشيت و استحميت بعد ساعتين اتنين بس من العملية

و ماشية على المسكنات

ده غير انى اصلا عندى امساك و حركة الامعاء ضعيفة و ممنوعة من الاكل خاااااااااااالص عشان مدخلتش الحمام ولا طلع غازات

بس الحمد لله الوضع بيتحسن و الدكتور كل شوية يسمحللى بحاجات اشربها لكن من امبارك الاكل ممنوع

و طبعا الهانم مفيش ااى اكل ليها وعلى صرخة واحدة و مربية ماما معاها ربنا يخليهالى يارب و يهديها و تنام شوية عشان اعرف اتكلم معاكم

DodyCat;10598644:
الحمد لله يا بيبو كنت اجازة امبارح كان عندى شوية برد وهبوط ودوخه وغثيان حاسه انى رجعت للشهور الأولى هههههه

CuTie KaTkOoTa;10598638:
صباح الخير يا بنات، عاملين ايه

قصة كبيرة;10598745:
سلامتك الف سلامة
معلش هو الحمل كله تعب
هانت ان شاء الله :)(f)

ازيك يا كتكوتة عاملة ايه يا قمر؟

صوت العيون;10598794:
السلام عليكم ورحمه الله وبركاته

ازيكم

حمد لله على سلامتك يا هدى والف مبروك يا جميله