تجمع ورغى حوامل مصر لشهر ذي القعدة 1430 يارب قومهم كلهم بالسلامة

ههههههههههههههههههههه يا مورو كبرى والله ولو جوزك مش مصدق قوليله ودينمى عند دكتور بره اعمل سونار وتعالى معايا ونشوف انما اجهزه الدكتور مش مسعداه يتأكد

CuTie KaTkOoTa;10591082:
مبروك عليكي يا ميرا يا جميلة، اللبس الوانه حلوة اوي.

اتفضلى ياحبيتى

الله يبارك فيكى(f)

قلتله دلوقتى فى الاستشاره تعالى معايا
عشان مش طالبه يعنى
كتكوته ابعتيلى اللنك الى نزلتى منه الصور الى حطها ممكن

والله يا مورو الدكتور قالى اشرب لبن الجاموسه هههههههههههههه وبشربه والله منها مباشرة ههههههههههههههههههههه والزبادى باكل والله بس مفيش فايده

انتى هتدبحوا جموسه وبتستغليها ولا ايه

روووفه ربنا معاكى يا حبى وتتجوزى بقى بس قوليلى عامله ايه طيب فى الكليه ودخلتى كلية ايه صحيح؟؟

صوت العيون;10591133:
قلتله دلوقتى فى الاستشاره تعالى معايا
عشان مش طالبه يعنى
كتكوته ابعتيلى اللنك الى نزلتى منه الصور الى حطها ممكن

:o:o:o انا بعمل سيرش في جوجل وبقعد اقلب ان شاء الله اوصل للصفحة ال 1000 وجوزي بيتجنن من صبري ده :D:D:D
مش من حاجة واحدة يعني، واغلبهم من جوجل صور مش ويب.

مورو هو قاسلك الضغط كام مرة عشان يديكى دوا ضغط؟

كل مره بيقيسه
بيكون 120 او 110
وامبارح كان 130 الحمد لله

بصي يا ستي
دخلت كلية الدراسات الاسلامية والعربية شعبة لغة عربية
جامعة الازهر
تعادل اداب عربي يعني تقريبا

وانا بقوللك تدعيلي مش اتجوز لا ربنا يسهل ويهديني للخير
المفروض اني هفسخ

هههههههههههههههههههههههه اسكتى يا مورو متفكرينيش والله بموضوع الجموسه دا

جوزى عايز يجيب خروف للاضحيه ماشى وبعدين انا عارفه انه هيبقى تكلفه عليه لانه عليه اتلزامات كتيره اوى منها الولاده وحاجات البيبى والعقيقه والسبوع وغير كمان انه عليه ندر ودا هيكلفه وغير ان فى ارض بتتبنى يعنى ماسوره فلوس مش بتخلص وبدعى والله ربنا يقوينا لاننا لو اتزنقنا هنبيع الارض وانا صعبان عليا اوى عااااااااااااااا المهم بقى هو ياختى عايز كمان يجيب لبنت اخته هديه فى عيد ميلادها ماشى يا عم مقولناش حاجه وهاتجيبلها ايه بقى لقيته بيقولى غويشتين دهب قولتله نعم؟؟؟؟ كمان هتجيبلها دهب دى عندها سنتين قالى حاجه تشرف يعنى قولتله ولا تشرف ولا تنيل والله هيفقع مرارتى وهو مش معاه وحمايا بيقوله قولى معاك كام ونفسهم ياخدو الفلوس والله حاجه توجع القلب

بسبووسة انتي في اسيوط
انا في سوهاج جنبك يعني

دموع اشتياقي;10591109:
انا بعمل بليله هع هع هع هع

ايمي البليله عباره عن حبوب ايه اصلي روحت السوبر ماركت ومعرفتش باه

صوت العيون;10591113:
بسبس اشربى رايب بجد ما شاء الله جميل
وكل زبادى
بصى احسن لبن وزبادى لبنيتا
وزبادى دانون برده
وساعات بحط عليه مربى مانجو او اى مربى
كمان متقعديش كتير اتحركى
بقلكم الدكتور مدينى دوا للضغط بفكر مخدوش ؟؟؟؟؟؟؟؟؟؟

لازم تاخدي الدوا لان قدر الله الضغط لو علي ممكن يعمل تسمم حمل
لافدر الله بعد الشر عليكي

مورو 130 مش كتير خالص على فكره لانه اصلا المفروض يبقى 120 على 80 وانتى 130 يعنى مش ارتفاع يخض

اتفضلوا معايا اشربوا لبن اييييييييييع


ليه يا روفه كدا يا بنتى تفسخى ايه بس ربنا ييهديكى

طبعاااااا ماتاخديش الدوا ده بيهرج اصلا
اولا 130 ده مش عالى ..
عادة مفروض بتقيسى الضغط اسبوعين كل يوم .. وبتقيسى فى حالات مختلفة لو فضل ضغطك عالى طول الاسبوعين يديكى دوا غير كده لأ لان ممكن يكون ضغطك عالى فى يوم نتيجة ضغط عصبى او مشكلة يعنى ده مش مقياس ان الطبيعى بتاعك ان ضغط عالى .. فهمتى؟
يعنى انا فضلت اقيس اسبوعين كان كل يوم بيطلعلى 160/100 ساعتها الدكتورة اخدت القرار انى اعامل معاملة مريضة الضغط ولازم اخد الدوا

رووفة;10591181:
بسبووسة انتي في اسيوط
انا في سوهاج جنبك يعني

بلداتي انتي منين من سوهاج ياروفه

اه يا روفه تعالى يا حبى تنورى والله

عارفه لو جوزى كان انهارده فى سوهاج كنت قولتله يجيبك معاه والله هههههههههههههه

انا صليت صلاة استخارة وهصلي تاني
بس نا امش مستريحة وهوا اللي ع لسانه انا كده ومش هتغير ول مش فاهمة دي مشكلتلك

كتكوته تعالي كلي يا قمر

ميكوا البليله دي اسمها هنا هريس او جريش يا جميل بيبقي في كيس كده الجزء بتاع البقوليات وكده

وكمان موجوده عند العطار

اصله قالى المفروض يكون 100 او 110
ولازم احسن بدوخه عشان معنى كدا ان الدم بيوصل للبيبى