تجمع ورغى حوامل مصر لشهر ذي القعدة 1430 يارب قومهم كلهم بالسلامة

whiteoff;10588451:
هههههههههههههههههههههههههه يا جبانة دول عساسيل جدا انا اصلا ببوس بوكي في بقها ماما تقعد نقولي يا مقرفة و كمان هي لما بتوفني تلحسني ف خدي ماما بتقرف اوي:D:D:D:D

عاملة زي صاحبتي بكرة ابقي احكيلك علي قطتها قبل كده ونوادرها :D:D

قطة اخر الليل;10588618:
السلام عليكم ورحمه الله
صباح الخيير ازيكوا يا قمرات عرووس

صباح النور علي البنور.


انا جيت تاني شوية كده وهقوم تاني بردو، اصل جوزي عنده برد وتعبان اوي وكنت بهديه شوية وبعمله ليمون وكده

ردوا عليا يابشر

بنات مفيش اخبار عن هدى؟

كتكوته ازيه يا قمر اخبارك ايه الف مليون سلامه عليه وسيبتي الراجل وجيتي علي عرووس يا مفتريه :UP202:
ده سبب يخليه مش يكره عروس بس ممك يبقي عضو في جمعيه تدميرها اصل جوزي بيقولي انا بقيت بدعي علي عروس وعلي اللي عمل المنتدي ده لدرجه اني بفكر افجره بجد هههههههههههه الراجل اتجنن

mashimaro16;10588678:
بنات مفيش اخبار عن هدى؟

عروس البحر;10588677:
ردوا عليا يابشر

لا لسه مفيش حد دخل قالنا حاجة.

مروة عايزة اقولك انه بيموت في حاجة اسمها عروس ده مش قادرة اقولك ازاي :D:D:D
وايه كل ما يجي يعلق عليه بجد بس بيكون بيهزر يعني فجاة الاقي الموقع اتضرب الحمدلله واقربها النهاردة لما وقع في نص اليوم :D:D

عيال هو في رجالة بتشترك معانا هنا ولا ايه؟؟:rolleyes::rolleyes::rolleyes:

ههههههههههههههههههههههه انا جوزي بيقولي حقيقي عروس ده ضرتي بجد عارفه لقيت اكله حلوة هنا عملتهاله قالي مين اين لكي هذا سكت قلته ضرتك عارفه غضب علي الاكل ههههه والله وفضلت اتحايل علي واقوله ده موقع عادي ي محمد والله وبجد بستفيد منه وحقيقي واخد وقت كبير مني يااااااااه علي ما رضي روحي كانت طلعنت والاكل الحمد الله عجبه جدا بس مفيش فايده مازلت الكراهيه

عروس البحر;10588705:
عيال هو في رجالة بتشترك معانا هنا ولا ايه؟؟:rolleyes::rolleyes::rolleyes:

لا يابنتي طبعا، اشمعني قلتي كده، انت قصدك عشان بنتكلم علي اجوازنا وكده، احنا بنهزر، وكمان عشان هما عارفين ان فيه موقع اسمه عروس كلنا مدنينه، ولما بيقوع بتبقي حالتنا حالة من غيره، وهما نفسهم يفجروه علي رأي مروة :D:D

قطة اخر الليل;10588711:
ههههههههههههههههههههههه انا جوزي بيقولي حقيقي عروس ده ضرتي بجد عارفه لقيت اكله حلوة هنا عملتهاله قالي مين اين لكي هذا سكت قلته ضرتك عارفه غضب علي الاكل ههههه والله وفضلت اتحايل علي واقوله ده موقع عادي ي محمد والله وبجد بستفيد منه وحقيقي واخد وقت كبير مني يااااااااه علي ما رضي روحي كانت طلعنت والاكل الحمد الله عجبه جدا بس مفيش فايده مازلت الكراهيه

:D:D:D:D مصيبة، لا انا لسه موصلتش لكده بتهيألي، بس انا مشهورة عامة بإني بجيب اكلات من عالنت واعملها، من انهي موقع بقي محدش له فيه :wink::wink::wink:

صحيح يا مروة علي سيرة انك بتحبي اسمك وكده، هو انتي اشمعني مختاراه :D:D كان نفسي اعرف والله من زمان قبل ما نتكلم هنا مع بعضينا، هموت من الفضول

طب تعرفي قبل ماتجوز وانا في تجهيزات عرايس مصر بتاعتنا دي فجأة لاقيتلك رسالة من راجل رسالة خاصة ومكتوب النوع ذكر وبيبعتلي عنوان منتدى تاني دعوة يعني وطبعا جوزي اللي هو كان خطيبي ساعتها مش فاهمة ماله ومال النت بردو والمنتدى واقنعته انه نسائي فقط يعني اطمن والله ولاقيتلك الرسالة قلت يادي النيلة كويس انه مش جمبي مثلا ولا افرضي يابت عرف ان في رجالة تبقى مصيبة يقول بضحك عليه

المهم بعت رسالة للإدارة فوريرة بعتها قلتلهم انقذوني هههههههههههه وعملتلهم اعادة ارسال لرسالته تمرير يعني وعرفتهم موضوع خطيبي ومش عارف ايه وهيسببلي مشاكل كدة وخلاص استغربت جداااااااااااااااااااااا ان فيه رجالة فبسأل هل مازالوا ولا غاروا

هقولك يا سيتي من زمان وانا بحب اسهر كتير وايام الثانويه كان عندي بنت واحده بس مصريه كانت صاحبتي الوحيده وكنت بجننها من الاتصالات بليل وافضل اغلس عليها وكان باباها دايما يقولي يا قطه لاني لغايه الثانويه كنت بعمل قطتين في شعري وكان هو معجب بكده اوي ولما كنت بتصل بيها بليل كان يقولي قطه اخر الليل ومن ساعتها اتعلقت اوي بالاسم ده عارفه خلتيني ادمع انا مفتقداها جدا جدا وباباها ده كان حكايه كانت مراتوا متوفيه ومش قادره اقولك قد ايه مخلص ليها عارفه مش قادره اوصفلك كنت متعلقه بيهم اوي خصوصا اني معنديش اخوات بنات

عروس البحر;10588722:

المهم بعت رسالة للإدارة فوريرة بعتها قلتلهم انقذوني هههههههههههه وعملتلهم اعادة ارسال لرسالته تمرير يعني وعرفتهم موضوع خطيبي ومش عارف ايه وهيسببلي مشاكل كدة وخلاص استغربت جداااااااااااااااااااااا ان فيه رجالة فبسأل هل مازالوا ولا غاروا

اه ساعات بتحصل حوادث زي دي عابرة كده كل فترة، بس البنات بيقوموا بالواجب فعلا معاهم بيقطعوهم قطيع :D:D:D وبيبعتوا للإدراة عالطول، وكمان محدش منالرجالة اصلا هايبقي له صبر يقعد يقرا اللي احنا بنكتبه ده وبعدد الصفحات الفظيع ده وحوارتنا مش هاتبقي علي مزاجهم اساسا، فمتقلقيش، وكمان كلنا هنا اسامينا مش حقيقة يعنين ولما بنادي بعض بيبقي اول اسم بس مش كامل، فلا داعي للقلق :D:D

قطة اخر الليل;10588732:
هقولك يا سيتي من زمان وانا بحب اسهر كتير وايام الثانويه كان عندي بنت واحده بس مصريه كانت صاحبتي الوحيده وكنت بجننها من الاتصالات بليل وافضل اغلس عليها وكان باباها دايما يقولي يا قطه لاني لغايه الثانويه كنت بعمل قطتين في شعري وكان هو معجب بكده اوي ولما كنت بتصل بيها بليل كان يقولي قطه اخر الليل ومن ساعتها اتعلقت اوي بالاسم ده عارفه خلتيني ادمع انا مفتقداها جدا جدا وباباها ده كان حكايه كانت مراتوا متوفيه ومش قادره اقولك قد ايه مخلص ليها عارفه مش قادره اوصفلك كنت متعلقه بيهم اوي خصوصا اني معنديش اخوات بنات

يا خلاصي يا مروة انا بحب القطتين دول اوين بس باباها ده لذيذ اوي والله، والاسم جميل بجد ومميز.

بنات انا هضطر اسفة تاني اقوم بس غالبا المرة دي مش هرجع تاني النهاردة بقي :D:D:D
اشوفكم علي خير ان شاء الله بكرة.

انا كمان بحبهم اوووووويييي وجوزي كمان لما بعملهم بيجنن مع ا اني ملايانه اصلا بس بيبقوا حلوين وبالذات بقا لو ماسكه مصاصه يا نهار الراجل بيتهبل ههههههه بس بقا عيب انتي اخبار البنوته العسل ايه عارفه من كام يوم كنت بقرأ المشاركه بتاعتك وانتي بتعملي الاشاعه جننتيني عليها ربنا يحفظهالك يارب اللهم امين وتجيلك باتم صحه وعافيه ويحفظها من كل شر عسل اوي وانتي بتتوصفي حركتها جريت علي جوزي وقلتله قالي خلاص نروح نعمل احنا كمان قلتله لسه بدري وفضل يقولي ربنا يحفظهالها يارب يارب

CuTie KaTkOoTa;10588735:
اه ساعات بتحصل حوادث زي دي عابرة كده كل فترة، بس البنات بيقوموا بالواجب فعلا معاهم بيقطعوهم قطيع :D:D:D وبيبعتوا للإدراة عالطول، وكمان محدش منالرجالة اصلا هايبقي له صبر يقعد يقرا اللي احنا بنكتبه ده وبعدد الصفحات الفظيع ده وحوارتنا مش هاتبقي علي مزاجهم اساسا، فمتقلقيش، وكمان كلنا هنا اسامينا مش حقيقة يعنين ولما بنادي بعض بيبقي اول اسم بس مش كامل، فلا داعي للقلق :D:D

هي الحليوة دخلت في سكة تانية خالص ليه كدة قلق ايه سلامتها ام حسن في ايه ههههههههههههههه

صباح الخير يابنات فية حد هنا ولا لا

ازيك يادارين وازاي النونو

الحمدللة كويسة والنونو بخير انتي ازيك واخبار البيبي اية؟


مفيش يعني حد من البنات هنا خالص احنا تحسدنا ولا اية