تجمع ورغى حوامل مصر لشهر ذي القعدة 1430 يارب قومهم كلهم بالسلامة

love kingy;10548883:
اه يا ميكو باخد مثبت وهى بنى غامق انا خايفه والله اوى عشان كل يوم بتعلق بالبيبى اكتر وخايفه يحصل حاجه

ربنا يثبت حملك ويقومك بالسلامة يا جميلة ان شاء الله

مممممم

love kingy;10548883:
اه يا ميكو باخد مثبت وهى بنى غامق انا خايفه والله اوى عشان كل يوم بتعلق بالبيبى اكتر وخايفه يحصل حاجه

المفروض غلط ينزل منك افرازات بني ولازم تواظبي علي المثبت وخدي منه تلاته في يوم وياريت تكلمي الدكتور احسن....
انا بقولك من خبره بابا معايا

boky2010;10549001:
مممممم

اموت واعرف بتاكدي عليه

باخد والله اتنين الصبح واتنين بالليل ربنا يستر ان شاء الله ما عملت السونار ومفيش حاجه الحمدلله بس مش عارفه ليه ساعات الافرازات دى بتحصل بس هى قليله اوى

جوزى عاوز يسمى ملك وانا عاوزة لوجين
محدش يعرف حاجة عن كريزى اناناس

love kingy;10549048:
باخد والله اتنين الصبح واتنين بالليل ربنا يستر ان شاء الله ما عملت السونار ومفيش حاجه الحمدلله بس مش عارفه ليه ساعات الافرازات دى بتحصل بس هى قليله اوى

خلاص هي وقفت الحمدلله

boky2010;10549062:
جوزى عاوز يسمى ملك وانا عاوزة لوجين
محدش يعرف حاجة عن كريزى اناناس

ولدت وجابت نور
بس بقالها يوم مادخلتش

اه يا ميكو هى كل اسبوع كده مثلا تحصل مره وبعدين بقيت الاسبوع يعدى كويس

بقلكم انتوا الحمل معاكم مقرف برضة وحموضة وبتاع ولا عندى انا بس

love kingy;10549100:
اه يا ميكو هى كل اسبوع كده مثلا تحصل مره وبعدين بقيت الاسبوع يعدى كويس

يارب ماتحصل تاني

miko85;10549088:
ولدت وجابت نور
بس بقالها يوم مادخلتش

سلمولى عليها انا مش عارفة اتصل بيها رقمها على العدة القديمة والعدة بايظة وامانة
اللى يشوفها يخلوها تبعتلى رقمهاااااااااا امانة اللى يشوفها يقولها عشان متزعلش منى
انا مقصرة معاها اوى

وقولولها الف مبروك على البيبى

boky2010;10549138:
وقولولها الف مبروك على البيبى

حاضر هاوصلها

السلام عليكم

السلام عليكم
وحشتونى

و عليكم السلام و رحمة الله و بركاته ازيك يا جوجو و ازاى البيبى الجمييييل ...؟؟

يارب يكون بخير يارب

sweet_toota;10535747:
حكاية اية يا كتكوتة كانت ولادة متعسرة ولا اية؟

لا لا لا مش ولادة خالص، ده كان في اول الحمل خااااااااااااااالص والدكتور الحمار اللي هو مفروض معروف اصلا وغالي جدا وبيجيله ناس معروفين بقي والحركات دي وممثلات وكده، مش عارفة ازاي لما واحدة تروحله تكشف ونسيت بصراحة دلوقتي شكوتها كانت من ايه بالظبط، المهم قالها ان عندها ورم في ارحم ولازم يشيله، وفعلا شاله، المهم هي تعبت بعدها اوي وكده فراحت لدكتور عبدلله عبادة ده، فلما شاف الرحم وعمل الاشعة وكده، لقي انه مكنش ورم، ده كان جنين في البداية، والدكتور الغبي استئصله علي انه ورم لا وكمان عملها ثقب في الرحم بالغلط، فطبعا دكتور عبدلله قالها انتي محتاجة عملتين في واحد فورا بأقصي سرعة اولا هايعمل الثقب ده وكمان عشان لقي بقايا للجنين دي يعني حتي متشالش كويس وعمل زي تعفن جوا او مش عارفة بيسموه ايه بالظبط، واصلا يا حرام البنت دي كانت بتتعالج بقالها فترة ونفسها اوي تخلف ومكنش بيحصل حمل عشان عندها مشكلة، ولما ربنا يريد وتبقي كويسة الدكتور يشيله ويسببلها مشكلة، المهم ساعتها جوزي مرديش وكان خايف عليها اوي من العملية وشد في الكلام مع دكتور عبدلله وقالها مش هنروحله تاني، وخلاص وحصل مشاكل تانية بعدها طبعا كذا مرة كمان، بس تقريبا عملت العملية في الاخر طبعا بس مش عند عبدلله، بس انا بقول القصة دي عشان هي ندمانة انهم سابوه وان جوزها اتخانق معاه علي حاجة هايفة وانه هو اللي كان زمانه نفعها دلوقتي لو سمعت كلامه من الاول.

هدى ازيك نورتى ياقمر وبلبلة عاملة ايه

وعليكم السلامورحمة الله وبركاته، ازيك يا هدي عاملة ايه دلوقتي.


ازيك يا جوجو واخبار البيبي ايه خلاص هانت.