تجمع ورغى حوامل مصر لشهر ذي القعدة 1430 يارب قومهم كلهم بالسلامة

Princess_miro;10524594:
بصى بالنسبة ليا انا كنت تعبت من الشغل فمبسوطة بأعدة البيت بنزل يوم الاتنين بس اروح الدرس فى المسجد
بالنسبة بقى للبامبينو ان شاء الله انا سمعت ان العزلة دى غلط اوى على الاطفال فلازم افكر فى خطط للبيبى انى مش هفضل حابساه كده زيى و ككسلانة كده

طيب كويس ماشاءالله
هوا بتروحى درس فى مسجد ايه؟
بصى البامبينو على سنه ونص كده سنتين وديه حضانه ان شاءالله وفى كتير فى مدينه نصر كويسين
فى سيمبا دى فى السفارات حلوه اوى

حد ينقذني يا اخوانا .. عملت مشروع رز بلبن فاشل هههههههه البتاع أكنه بليلة و بقاله ساعة أهه في التلاجة و مش عايز يجمد ده غير اني خايفة أدوقه هههههههههه

برنسيس أنا كمان نفسي أروح درس تحفيظ و تجويد بس جوزي مش راضي عااااااااااااااااااا ، انتي بتروحي فين؟؟

ماشيمارو و ميرو ازيكو .. ميرا انتي حامل؟؟

mashimaro16;10524639:
طيب كويس ماشاءالله
هوا بتروحى درس فى مسجد ايه؟
بصى البامبينو على سنه ونص كده سنتين وديه حضانه ان شاءالله وفى كتير فى مدينه نصر كويسين
فى سيمبا دى فى السفارات حلوه اوى

حلوة فكرة الحضانة
و الدرس فى نفس المسجد اللى كنت باخد فيه قبل الجواز فى مصر الجديدة فى اخر شارع الحجاز و احتمال بردو اروح اشوف واحد تانى اقرب فى مكرم عبيد

عروسة نعومة;10524657:
حد ينقذني يا اخوانا .. عملت مشروع رز بلبن فاشل هههههههه البتاع أكنه بليلة و بقاله ساعة أهه في التلاجة و مش عايز يجمد ده غير اني خايفة أدوقه هههههههههه

ههههههههههههههههههههههههههههههههههههههه

انا بعمل حاجات افظع من كده بكتير
دانا عملت حمام و نشف منى علشان سمعت كلام بنات على منتدى و حمرته فى الفرن بدل البوتجاز من فوق علشان مش يكون فى زيت كتير
جزى بيقوى الظم اتحمص
قلت له حد اكلك عظم محمص قبل كده؟؟؟؟؟؟ ابسط بقى:D

انتى ساكنة فين يا نعومة؟؟؟؟ و مش راضى ليه خير يعنى؟

و انتى يا مشمش فى الزيتون باين صح؟

ساكنة في التجمع الخامس ومش راضي عشان أقرب حاجة لينا في مدينة نصر و هوا خايف عليا من تعدية الشوارع و مكسل يوصلني هوا

طيب ياريت تقوليلي علي حضانات حلوة فيمدينة نصر واسعاره

عروسة نعومة;10524729:
ساكنة في التجمع الخامس ومش راضي عشان أقرب حاجة لينا في مدينة نصر و هوا خايف عليا من تعدية الشوارع و مكسل يوصلني هوا

انا بروح فى تاكسى و هو بيجيبنى و هو راجع بقى من الشغل بعد العشا لو كان موجود و لو مش موجود برجع فى تاكسى بردو

هوا بيخاف من التاكسيات و لو ركبت بيقولي أبعتله ماركة العربية و نمرتها

ازيك يا منى .. مش صح منى ، في حضانة حلوة أخت جوزي بتودي ابنها فيها اسمها آت هوم ب400 تقريبا في الشهر و بالباص 600 في الشارع اللي آخره سفارة الامارات و فيه مستشفى عبد القادر فهمي بس مش عارف اسم الشارع

يا بعيدة جدا كان نفسي اودي يارا حضانة بس موضوع الانفلونزا خلاني اتراجع عن الفكرة

ايوة فعلا ابعدوا بقى عن الحضانات دلوقتى والله انا متعقدة و بخاف اوى لما بفتح للناس بتوع الديليفرى و الله خايفة على البيبي اكتر من نفسى
ربنا يستر

هوا فعلا كل الناس قعدو ولادهم من الحضانة .. طب حد يقولي الرز بلبن ده ممكن انقاذه و لا الأمل ضعيف ههههههههه

ايييييييييييييييييييييه فين الناس اللى تحت دوووووووووووووووووول

يتصفح الموضوع حالياً: 5 (5 عضو و 0 ضيف)‏Princess_miro*, CuTie KaTkOoTa, ‏البرج اليسر, ‏hoba555, ‏مايونيز

أدوات الموضوع عرض نسخة قابلة للطّباعة ارسال هذه الصفحة لصديق إلغاء الاشتراك من هذا الموضوع
طريقة العرض النمط المتتابع التحول إلى النمط المتشعب التحول إلى النمط الأحادي
ابحث بهذا الموضوع
بحث متقدم

كده يبقى واضح ان الأمل ضعيف هههههههههه

ماله الرز بلبن

الموضوع حالياً: 4 (4 عضو و 0 ضيف) ‏yomizo, ‏القلب الأبيض+, ‏عروسة نعومة


هههه ايمو تحولنا احنا الاتنين هنا
ياربي من فات قديمه تاااااااااااه
انا هاعد خمسايه وامشي
ماله الرز يبابوسي ؟؟

بوسي
انت حطيتي عليه نشا وانت بتعمليه ؟؟

طبعا لا عشان كده سرط منك يافالحه
بس حقيقي مش عارفه ايه الحل في كده