تجمع ورغى حوامل مصر لشهر ذي القعدة 1430 يارب قومهم كلهم بالسلامة

البرج اليسر;10517125:
انتي في الكام

اخر التانى على حساب الدكتور مرداش يخلينى اعمل تحليل نسبه

dew.dew;10517135:
اخر التانى على حساب الدكتور مرداش يخلينى اعمل تحليل نسبه

بس المغص ده في الاول عادي بيسموه تجميع الدم بس في الاخر هو الي مش طبيعي

سلام يا ديو

crazy ananas;10516624:
الله يسلمك يا سمايل وعقبالك يارب

مفيش تفاصيل الموضوع جيه كدا قفش

اخر مره قولتلكم انى هروح للدكتوره تشوف الوضع اتغير وله لا

المهم روحت الخميس الساعه 11 وكشفت لاقينا الوضع زى ماهو وكمان وزنها زاد فقررنا نولد وبعدها كتبنا بيانات دخول المركز وكنا وخدين الشنط معانا ودخلت الحجره غيرت وعلقولى محلول وال كنت فكره انى هدخل لما يخلص ولسه بدرى هوب لاقيت الممرضه بتقول هتدخلى كمان دقيقتين وفعلا دخلت ولاقيت كل الناس جهزين ومختش غلوه فالحقنه بتاعت البنج
حتى ملحقتش اقول يارب حتى
وبعد مادخلت الانسه نور خرجت بعد 5 دقايق وطبعا ماما وجوزى مصدقوش واصلا ملحقوش يقلقوا عليا او حتى يستوعبوا اللى بيحصل والحمد لله خرجت بعدها عالساعه 1ونص تقريبا
والحمد لله كان كل حاجه كويسه وربنا مسهلها الحمد لله
وخرجت تانى يوم الساعه 12
بس بجد المكان كان نطيف والتمريض كان ممتاز ومرتب وعارفين بيعملوا ايه الحمد لله

ما شاء الله و لا قوة الا بالله

الف الف الف مبروووووووووووووووك

و عقبال باقى البنات يارب :D

crazy ananas;10516655:
بس نور كانت نزله ماشاء الله وشها مليان وحلو بس خست بعد كدا
بس الحمد لله كويسه

فى حد بئا عنده سوابق مع الرضاعه

الف سلامة عليكى انا عارفة الرضاعة فى الاول صعبة .... الدكتور قاللى ادهنى بانثينول او ميبو كريم او زيت زتون و متغسليش الحلمة ابدا بالصابون مية دافية بقطنة و بسسسس :)

ربنا يسهلها عليكى و عليها يارب

البرج اليسر;10516737:
عشان الفيروس ده خطر جدا علي الحامل اللهم احفظنا ممكن يسبب تشوهات للجنين انا لما كنت حامل في يارا كان هيطعموا جوزي بس انا فكرة ان الدكتور قال لا مينفعش
المشكلة ان يارا تمت سنتين فانا خايفة اني مطعمهاش

انا اخويا لما جيه يطعم ضد الانفلونزا الموسمية الدكترو بتاعى مرضييييش و قاللى مش وقته انتتى حامل و قاعدة معاه فى نفس البييييت

crazy ananas;10516757:
والله يا ام توتا فعلا بحس لما تعوز تاكل انى هاخد حقنه هههههههههههههه

ههههههههههههههههه

احلى حقنة باذن الله

و الف هنا و شفا على قلبها

مطرح ما يسرى يمرى :D

crazy ananas;10516790:
الله يبارك فيكى يا توتا وعقبالك يارب وتقومى بالسلامه

نور لحد دلوقتى واخده منى ومن باباها مش مزعله حد

اما الفرق فالحمد لله فى فرق ملحوظ وبيفرق كل يوم عن التانى يعنى اول يومين اكنى فالسادس مثلا وبعد كدا اكنى فالخامس انا لحد دلوقتى اكنى فالرابع الحمد لله وعندى امل ارجع لوزنى قبل الولاده ان شاء الله

ان شاء الله ترجعى مززززة و كلنا وراكى باذن الله

mira2005m;10516815:
السلام عليكم


مبروك للقمر اللي ولدت وربنا يخلليها العروسة


كنت عايزة اسال ابدا اروح امتى للدكتور

ولو حد يعرف دكتور كويس

اية رائيكم في الدكاترة دي

ماهر عبد الوهاب

محمد بياض

وياريت لو في دكتورة شاطرة

الف الف الف مبروووووووووووووووك الحمل يا قمرة

قوليلى بقى جربتى تحليل اكون اللى قلنالك عليه ...؟؟

و بالنسبة للدكاترة اللى انتى بتسالى عنهم انا معرفهمش و مش بحب الدكاترة الستات

انتى ساكنة فى اى منطقة و انا احاول اساعدك

ربنا يثبتلك حملك و يكملك على خير وي فرحك بيه و يكون ذرية صالحة معافاة يارب

dew.dew;10516825:
يارب يااناناسه اناخايفه من الولاده
ومن وجع بطنى وانا حامل مخضوضه كده على عكس المتوقع

بجد طمنتينى

يابنات هو انتوا فى الشهور الاولى كنتوا بتتبخوا عادى ولا غلط الواقفه ولااييه

انا مكنتش بطبخ لانى جيت عند ماما و اصلا كنت لما بشم اى طبيييخ بررررجع :ss:

crazy ananas;10516880:
المفروض اول ماتعرفى انك حامل تروحى لدكتور عشان تطمنى ان كله ماشى تمام
انا دكتورتى كويسه جدا جدا جدا بجد الحمد لله واسمها اميمه الشعراوى فجسر السويس قدام بوابه 4 لنادى الشمس


الحمد لله يا توتا بجد اللى تخاف منه ميجيش احسن منه الحمد لله
انا قبل الولاده كلنا كنا محتارين وقلقانين بس الحمد لله ربنا سهلها
وعقبالك يارب وبجد مفيش حاجه مستهله القلق وخاليكى انتى كمان متفائله ومتقلقيش من حاجه كله بيعدى


معلش يا ديو متخضيش والحمل ده حلو قوى على فكره انا ن ساعه ما ولدت وببص على بطنى عشان تتحرك ومش راضيه ههههههههههه زى ماكنت لسه جوه نور
افرحى بالحمل وسيبك مالولاده ديه كلها ساعه وبتعدى وربنا يقومك بالسلامه

اظبخى عادى بس لما تحسى بتعب ارتاحى وكملى شغلك عادى بس مترهقيش نفسك ومتتعمليش بحساسيه قوى عشان الحمل مع اى حاجه خاليكى طبيعيه بس لما تتعبى تريحى وربنا يكملك على خير

فعلا

كمان بيقولوا اول مرة تشوفى البيبى احسسسساسس حلو قوى و غريييييب :D

CuTie KaTkOoTa;10516967:
الله انوس هنا مش ممكنن حمدلله علي سلامتك انا مش مصدقة، عاملة ايه يا جميلة، انا فهمت انك سميتي نور، بس لسه مقرتش اللي فاتني، اصلي لسه راجعة من عند الدكتورة بس مش هقدر اقعد كتير معاكم دلوقتي.

يارب يكون خير يا رب يا ايمى هنستناكى تدخلى تطمنينا عليكى

البرج اليسر;10517025:
هي هدي دخلت وخرجت بسرعة ليه انا بقلق من الحركة ديه

الف سلامة عليكى من القلق متحرمش منك

بس انا دخلت و جوزى كلمنى فقمت ارغى معاه شوية ماهو انا لازم املا الفراغ اللى عنده و الا الراجل ينحرررف :D

dew.dew;10517050:
ربنا يكرمكوا
بس انا اصلى كنت هنزل مرتين وربنا ستر الحمدلله وخدت مثبتات برشام فى المره الاولى والتانيه اخت حقن تثبيت صبح وليل لمده 3 ايام والحمدلله دلوقتى احسن
فعشان كده خايفه

وبدوخ وبنهج ساعات والغلب ببقى قاعده فى حالى الاقى نفسى جعت مره واحده بدون اى مقدمات وحرقان فى المعده بس الحمد لله خف

يعنى بيحصلى حاجات ربنا يعين

ربنا يثبتلك حملك وي فرحك بيه يا رب يا ندى

البرج اليسر;10517095:
انا باخد يا بنات دلوقتي مثبت مهبلي بس الدكتورة قالتلي ممكن شرجي بس انا خايفة اوي عشان في تقلصات ومغص زي البريود وجع في ظهري ادعولي امانة عليكو

سؤال بقى للى يعرف هو الزتون الاسود الكلاماتا النى اللى لسه متخللش لو قعد يومين فى العربية لظروف قهرية يبووووظ و يطرى ....؟؟؟ مع العلم ان العربية مش فى الشمس خااااااااااالص

أجمل ايام العمر;10517195:
سؤال بقى للى يعرف هو الزتون الاسود الكلاماتا النى اللى لسه متخللش لو قعد يومين فى العربية لظروف قهرية يبووووظ و يطرى ....؟؟؟ مع العلم ان العربية مش فى الشمس خااااااااااالص

مش عارفة والله يا هدي
انتي عملة ايه في الحمل ومبروك دخولك التاسع

الله يبارك فيكى يا منى و عقبالك ان شاء الله و الحمل ماشى حاله الحمد لله

لسه مكشفتيش نساء

مين هنا ؟

هكشف يوم الاربعاء مش اللى جى اللى بعده ان شاء الله

انا هنا ازيك يا ميرو ...؟؟؟

عاملة ايه انتى و البيبى ...؟؟؟

ازيك ياهدهد

مبروك التاسع ياجميل وربنا يقومك بالف سلامه

هتكشفي نسا؟؟؟؟

الحمد لله ياجميل انا تمام والبيبي تمام ادعيلي بقي نفسي الايام تجري بقي

هكشف نسا اه يا ميرو .... ان شاء الله و عقبالك لما تدخلى التاسع و تولدى على خير باذن الله

كشف النسا ده شر لابد منه

اه انا بتكسف اوي

انتي متابعه مع دكتور ولا دكتورة

المفروض هو يقولك بقي لما تكشفي تولدي ايه صح؟

انا متابعة مع دكتور و الدكتور اللى كنت متابعة معاه فى الوا كان بيكشف عليا اول 3 شهور فى الحمل نسا كل اسبوعين و يعملللى سونار مهبلى

الدكتور الجديد اللى هولد معاه قاللى بعد كشف النسا هقولك نوع الولادة بس بنسبة 70% لان وقت الولادة ده بيكون بتاع ربنا و ارادة ربنا هى اللى بتسبق اى توقعات

ونعم بالله

ربنا بكملك علي خير يارب

آمييييييييييييين و يكملك انتى كمان و باقى البنات ان شاء الله

ماميهات شهر 8:
ranonte 8/2009
11/8/2009 مشامى ( أم يوسف و دانا )
15/8/2009 نوناس ( أم حلا )
16/8/2009 little cat ( ولدت و جابت بنوتة )
17/8/2009 عروووس جديد ( أم سلمى )
23/8/2009 ryad666 ( أم يوسف و عبد الرحمن )


ماميهات شهر 9:
11/9/2009 لمبادا ( أم اياد و زياد )
15/9/2009 ميرفى50 ( أم جومانا )
14/9/ 2009 فراشة الإيمان ( أم زياد )
27/9/2009 manoooooo ( ام معاذ )
31/9/2009 mermera

ماميهات شهر 10:
11/10/2009 Umm Moaz ( أم معاذ و البراء )
12/10/2009 yomizo ( أم ملك و فرح )
lifedrop 13 /10/2009 ( أم جنى )
23/10/2009 crazy ananas ( أم نور )



ماميهات شهر 11:
16/11/2009 طالبة الجنة ( بنوتة باذن الله )
18/11/2009 jumanaa ( ولد باذن الله )
24/11/2009 أجمل ايام العمر ( بنوتة باذن الله )
24/11/2009 ftft70 ( بنوتة باذن الله )
28/11/2009 kato ( بنوتة باذن الله )

ماميهات شهر 12:
1/12/2009 garfield ( بنوتة باذن الله )
2/12/2009 سندريلا مصر ( بنوتة باذن الله )
10/12/2009 جنة الحياة ( بنوتة باذن الله )
14/12/2009 meshmesh_romio ( بنوتة باذن الله )
20/12/2009 البرج اليسر ( ولد باذن الله )
24/12/2009 دارين ( ولد باذن الله )
30/12/2009 boky2010 ( بنوتة باذن الله )



ماميهات شهر 1:
5/1/2010 loveway
15/1/2010 دموع اشتياقى
15/1/2010 om_tota ( بنوتة باذن الله )
19/1/2010 DodyCat ( ولد باذن الله )
27/1/2010 smily547 ( بنوتة باذن الله )


ماميهات شهر 2:
20/2/2010 Roshy&Hany ( ولد باذن الله )
24/2/2010 mashimaro16
25/2/2010 katkoot48 ( بنوتة باذن الله )




ماميهات شهر 3:
2/3/2010 كوبايه مايه ( ولد باذن الله )
3/3/2010 عروس البحر
26/3/2010 قصة كبيرة


ماميهات شهر 4:
7/4/2010 صوت العيون
7/4/2010 whiteoff
15/4/2010 ياسمين 100 100
16/4/2010 عروس حبيبى
23/4/2010 princess_miro
23/4/2010 miko85
30/4/2010 d.aml 86



ماميهات شهر 5:
7/5/2010 sweet_toota
7/5/2010 عروسة نعومة
12/5/2010 love_me_more307
22/5/2010 bright bride
23/5/2010 love kingy
24/5/2010 miobillo





ياريت اللى مش فى اللسته تقولى تاريخ ولادتها عشان اضيفها

الدور على نوجا ( طالبة الجنة ) و جومانا ربنا يطمننا عليهم يارب