تجهيزات واستفسارات حوامل مصر :)

CuTie KaTkOoTa;11072784:
في الصياد يا دودو الفرع اللي فوق الاساسي، البورت بقي عشان الدفا اولا وكمان بردو عشان بيمسك جسم البيبي شوية ةانتي شيلاه وخصوصا في الخروج كأنه سالوبيت مبطن بردو.
بدل ما تقعدي تلفي ببطانية وكده في الخروج وتلخمك.

تسلميلي يا ايمى و ربنا يكملك على خير:083::083::083:

انا حاسة ان البورت كويس بس لو مثلا بيبي مولود اليومين دول و ياخد الشتا كله بس طالما الولادة فى اخر الشتا معتقدش هتفيد فى حاجة لانها اكيد هتحرر البيبي بزيادة .. مش عارفة انا تفكيري كدة و يمكن اكون غلط ربنا يلهمنا الصواب

Eng. BoB;11068182:
طيب انا جبت بيبرونة أفنت 125 مل ومكتوب عليها عمر 0M
ياريت لو حد شافها يقولى فعلا الحلمة بتاعتها مقاسها حلو ولا ايه لانى حسيت انها كبيرة .. انا مش عارفة مفروض تبقى اصغر ولا ايه

بيبو متقلقيش .. على اللى انا سمعته من تجارب ناس كتير ان ببرونات ايفنت و شيكو نفس الحلمة بالضبططططططططط و قريبين جدا من نيبلز الام و البيبى بياخدهم بسهولة و كمان دول اكتر الانواع امان لانهم bpa free و كمان فيهم نظام منع الهوا الزيادة اللى بيعمل غازات للطفل فمتقلقيش انتى جايبة نوع كويس يعتبر من احسن الانواع

قولولي يا بنات البنج النصفي احسن ولا الكلي وهل صحيح ان حقنة البنج النصفي مؤلمة جدا زي مانا سمعت لأن واحدة قالتلي انهم قبلها ادولها مخدر موضعي الاول وبعدين حقنة البنج عشان ماتحسش بيها ؟
انا هاولد الاسبوع الجاي ان شاء الله واحتمال كبير الاربع ادعولييييييييي:035::035::035::035::035::035::035::035:
وكمان الدكتور كتبلي علي 3 حقن يوميا اخدهم قبل الولادة كل يوم حقنة اسمها (ديكساميثازون ) بيقول زيادة تأكيد ان الجنين اكتمل خلاص حد من اللي ولدوا قيصري اخدها قبل كدة او سمع عنها حاجة ؟؟ وبتوجع ولا لأ انا مافيش عمار بيني وبين الحقن نهائييييييييييييي :040:

CuTie KaTkOoTa;11065971:
ميكوووو مش انا شفت الكوفرتة زي بتاعتي بالظبط امبارح وبيضاء بردو بس الرسومات بقي هي اللي مختلفة وحلوة اوي، بس اتغظت مووووووووووووووووت لقتها ارخص مني السعر اللي جبتها به انا وبسبس كمان، لقتها ب 41 بس في صلاح الدين مش الزيتون.
وبصي في محل في ميدان الجامع كمان لقيت عنده بردو كوفرتات جميلة ورقيقة اوي تنفع للسبوع قريبين منها كده وفيها بردو دانتيل وفيونكات والوانهم ابيض في بينك او لبني او ابيض بس، كذا موديل يعني وكلهم اسعارهم رخيصة يعني 25 ، 28، 23 كده يعني.


بنات انا زهقت من البورت ده، كل ما اروح حتة واكون واثقة اني الاقي فيها، ملاقيش يكون خلصان اللي انا عايزاه ويبقي عندهم نوع تاني، او ملاقيش خالص.

اااااااه ريموندس عامل تخفيضات في حاجات كتيرة وكنت اول مرة ادخله بس عنده حاجات حلوة بردو وكميلة اوي، واسعاره ارخص من ما كنت اتصور.

توتا مش شفت زي الشرابات اللي جبتيهم لمومو اللي هما كيس فيه كذا لون مع بعض دول، بس مشفوتش السعر.

كتكوته فين المحل بتاع صلاح الدين ده ؟؟؟؟؟

sosiii-cat;11073541:
قولولي يا بنات البنج النصفي احسن ولا الكلي وهل صحيح ان حقنة البنج النصفي مؤلمة جدا زي مانا سمعت لأن واحدة قالتلي انهم قبلها ادولها مخدر موضعي الاول وبعدين حقنة البنج عشان ماتحسش بيها ؟
انا هاولد الاسبوع الجاي ان شاء الله واحتمال كبير الاربع ادعولييييييييي:035::035::035::035::035::035::035::035:
وكمان الدكتور كتبلي علي 3 حقن يوميا اخدهم قبل الولادة كل يوم حقنة اسمها (ديكساميثازون ) بيقول زيادة تأكيد ان الجنين اكتمل خلاص حد من اللي ولدوا قيصري اخدها قبل كدة او سمع عنها حاجة ؟؟ وبتوجع ولا لأ انا مافيش عمار بيني وبين الحقن نهائييييييييييييي :040:

بصى ال 3 حقن دول ناس كتيره بتاخدهم مادام حتولد سى سيكشن وبيبقى علشان الرئه بتاعت البيبى وهما اصلا بيبقو كورتيزون ومفيش منهم خوف خالص
انا صحبتى اخدتهم واخت جوزى كمان الحمدلله
تقومى بالسلامه ياررررررب يا سوسى
عقبالى ياررررررررب علشان خلاص تعبانه على اخررررررررررررررررررررررررررى




بنات انا مش عارفه انا مجبتش اى حاجه لنفسى ومش عارفه اجيب ايه ولا منين ؟؟؟؟:047::047::047:

بنات انا خالتى قالتلى على فكره حلوه اوى بيعملوها للمستشفى وهو رايحين بحاجات البيبى

بيحطو لبس النونو كل طقم على بعضه فى كيس صغير جوا الشنطه
بيبقى فيه مثلا شايه بكم وشايه بنص كم والسالوبيت والفوطه والكريمات والوشن الى حيحتاجهم فى الاول وشراب وكابتشو وقفازات بتاعت الايدين وبامبرز واحده

كل طقم على بعضه كده فى كيس علشان ساعه الولاده ان شاءالله لما ييجو يقولو هاتو حااجات البيبى متبقيش ملخومه ولا اصلا اللى معاكى حيبقى واعى للى بيحصل وكله حيبقى اكشششششششششن فبيطلعو الكيس على بعضو وخلاص يخلصو

بس خلي بالكم انتو حتحطو ايه فى الكيس علشان لما ترجع الحاجات تبقو عارفين ايه الى رجع وايه اللى مرجعش زى اللوشن مثلا والفوط وكده



وقالولى ان لازم تلبسو من تحت قمصان النوم بنطلون قطن علشان الساقعه وميجلناش برد ولا حاجه لا قدر الله
وقالولى ان احسن بنطلونات والاستك بتاعها مريح اوى اللى هيا بتاعت العامريه للقطن
وبرده بدل الروب لو عبايه مثلا شيك حتبقى احسن والمنظر برده احسن

sweet_toota;11073380:
تسلميلي يا ايمى و ربنا يكملك على خير:083::083::083:

انا حاسة ان البورت كويس بس لو مثلا بيبي مولود اليومين دول و ياخد الشتا كله بس طالما الولادة فى اخر الشتا معتقدش هتفيد فى حاجة لانها اكيد هتحرر البيبي بزيادة .. مش عارفة انا تفكيري كدة و يمكن اكون غلط ربنا يلهمنا الصواب

والله يا دودو انا بردو بفكر زيك شوية، بس هي فيها خامات كتيرة، فممكن تجيبي الخفيفة منها، انا بالنسبة لي عايزة اجيب الوسط، عشان كده مش لاقياها بسهولة، كله بيطلعلي القطيفة او التريكو ودول بلاقيهم تقال اوي وسميكة كده اوي، لكن اللي عايزاها دي كويسة، وشفت منها بتبقي عاملة زي الكوفرتة خفيفة، فشوي لو عكباجي فكرتها دوري علي النوع الخفيف ده.

sosiii-cat;11073541:
قولولي يا بنات البنج النصفي احسن ولا الكلي وهل صحيح ان حقنة البنج النصفي مؤلمة جدا زي مانا سمعت لأن واحدة قالتلي انهم قبلها ادولها مخدر موضعي الاول وبعدين حقنة البنج عشان ماتحسش بيها ؟
انا هاولد الاسبوع الجاي ان شاء الله واحتمال كبير الاربع ادعولييييييييي:035::035::035::035::035::035::035::035:
وكمان الدكتور كتبلي علي 3 حقن يوميا اخدهم قبل الولادة كل يوم حقنة اسمها (ديكساميثازون ) بيقول زيادة تأكيد ان الجنين اكتمل خلاص حد من اللي ولدوا قيصري اخدها قبل كدة او سمع عنها حاجة ؟؟ وبتوجع ولا لأ انا مافيش عمار بيني وبين الحقن نهائييييييييييييي :040:

دي عشان الرئة يا سوسي، بس انتي ، بس ليه هتولدي قيصري، الحوض عندك ضيق ولا الراس منزلتش ولا ايه السبب، بس ربنا يقومك بالسلامة يارب، النصفي لازم حد شاطر يديه عشان لو حد اي كلام بيبقي فيها غلطات وحشة اوي عشان بتتاخد في مكان حساس في الجسم.

mashimaro16;11073748:
كتكوته فين المحل بتاع صلاح الدين ده ؟؟؟؟؟

عقبالى ياررررررررب علشان خلاص تعبانه على اخررررررررررررررررررررررررررى




بنات انا مش عارفه انا مجبتش اى حاجه لنفسى ومش عارفه اجيب ايه ولا منين ؟؟؟؟:047::047::047:

بصي هقولك يا منورة عارفة كادو صلاح الدين وسنتر هارون هو قداهم الناحية التانية مش فيه كام محل لبس كده واخدين ناصية اخرهم اسمه ارابيلا، هتلاقيه قدامه يعني الناصية اللي جنبه اسمه chez mammy محل صغنون كده دورين، ده اللي فيه الكوفرتة بتاعتي والهون والملايات، والتاني بقي عشان مش عارفة انتي عايزة انهي اللي هو جابي بيبي في الشارع اللي فيه محلات الدهب يعني تدخلي من جنب ريموندس وتمشي بعد مقلة صلاح الدين وبعد نجمة هليوبوليس وهتلاقيه علي نفس الصف بتاعهم صغنون بردو.
انتي تعبانة مالك بس حاسة بإيه، اصبري انتي عايزة تولدي بدري ولا ايه؟؟

mashimaro16;11073850:
بنات انا خالتى قالتلى على فكره حلوه اوى بيعملوها للمستشفى وهو رايحين بحاجات البيبى

بيحطو لبس النونو كل طقم على بعضه فى كيس صغير جوا الشنطه
بيبقى فيه مثلا شايه بكم وشايه بنص كم والسالوبيت والفوطه والكريمات والوشن الى حيحتاجهم فى الاول وشراب وكابتشو وقفازات بتاعت الايدين وبامبرز واحده

كل طقم على بعضه كده فى كيس علشان ساعه الولاده ان شاءالله لما ييجو يقولو هاتو حااجات البيبى متبقيش ملخومه ولا اصلا اللى معاكى حيبقى واعى للى بيحصل وكله حيبقى اكشششششششششن فبيطلعو الكيس على بعضو وخلاص يخلصو

بس خلي بالكم انتو حتحطو ايه فى الكيس علشان لما ترجع الحاجات تبقو عارفين ايه الى رجع وايه اللى مرجعش زى اللوشن مثلا والفوط وكده



وقالولى ان لازم تلبسو من تحت قمصان النوم بنطلون قطن علشان الساقعه وميجلناش برد ولا حاجه لا قدر الله
وقالولى ان احسن بنطلونات والاستك بتاعها مريح اوى اللى هيا بتاعت العامريه للقطن
وبرده بدل الروب لو عبايه مثلا شيك حتبقى احسن والمنظر برده احسن

فكرة حلوة فعلا ، انا كنت لسه من كام يوم عمالة اقول طيب دلوقتي انا هابقي عارفة اه البيبي هايلبس ايه وحاجاته بس اللي معايا مش عارفين وصعب احفظهم وممكن ينسوا حاجة وكده فهعمل ايه، والبنطلونات فعلا لازم انا اصلا بعمل كده في البيت دلوقتي عشان مجبتش حاجة جديدة، ماما كان عندها جلبيات جديدة وانا كنت جبت واحدة بس، فببدل فيهم بقي وبلبس تحتهم بنطلون البيجاما بتاعتي الصيفي، وشوية وبلبس ترينج جوزي :085::085::085::085: لما اكون غسلته.
الروب بقي بعد ما جبت واحد للشتاء هنا وكمان عشان ينفعني يومها حسيت انه هايتبهدل مني اوي هناك عشان هو زي الفرو كده وابيض وكمان مش رخيص، فمش عارفة لسه بردو هعمل ايه ولا البس ايه، ومش حابة حد بردو يشوفني مبهدلة حتي لو كانت حماتي او اقرب الاقربين.

لو سمحت يا حلوين
اللى جابو صابونة سانوسان.... جبتوها منين فى الهرم او اكتوبر او المنصورة؟؟؟؟

ميرسى يا بنات على ردودكم عليا :)

دى الحاجات اللى جبتها الحمد لله من زيرو تو فايف











ودى البريست بادز هى مش مكتوب عليها ماركة هم 3 أجواز ب9 جنيه قولت اجيبهم اشوف هعانى من مشكلة التسريب اصلا ولا لأ


والمشط والفرشة دول من فارلين

lifedrop;11074287:
لو سمحت يا حلوين
اللى جابو صابونة سانوسان.... جبتوها منين فى الهرم او اكتوبر او المنصورة؟؟؟؟

انتي مجربتيش تسألي عليها طيب يا نودي في الصيدليات الكبيرة عندك؟
انا شفتها في عبد المقصود بس جبتها من نورماندي، اكيد هتلاقيها كتيرة في اللي اساميهم معروفة دول بيبقي عندهم العيلة كلها :037:

Eng. BoB;11074373:
ميرسى يا بنات على ردودكم عليا :)

دى الحاجات اللى جبتها الحمد لله من زيرو تو فايف











ودى البريست بادز هى مش مكتوب عليها ماركة هم 3 أجواز ب9 جنيه قولت اجيبهم اشوف هعانى من مشكلة التسريب اصلا ولا لأ


والمشط والفرشة دول من فارلين

ياخراسي علي الجمال بس فين زيرو تو فايق وبكام الفستان الجميل ده والسلوبيت والبافتات

ما شاء الله عسولين خالص والبافتات كميلة

CuTie KaTkOoTa;11074414:
انتي مجربتيش تسألي عليها طيب يا نودي في الصيدليات الكبيرة عندك؟
انا شفتها في عبد المقصود بس جبتها من نورماندي، اكيد هتلاقيها كتيرة في اللي اساميهم معروفة دول بيبقي عندهم العيلة كلها :037:

سالت عليها فى الطرشوبى... مكنتش موجودة
والعزبى كمان هنا سالنا عليها قال برضه مش موجودة
انا قربت اخلص الشاور بتاعها وجبت واحد تانى بسبب انها معندهاش صابونة وفى نفس الوقت مش عايزة اجيب بتاعة جونسون

lifedrop;11074699:
سالت عليها فى الطرشوبى... مكنتش موجودة
والعزبى كمان هنا سالنا عليها قال برضه مش موجودة
انا قربت اخلص الشاور بتاعها وجبت واحد تانى بسبب انها معندهاش صابونة وفى نفس الوقت مش عايزة اجيب بتاعة جونسون

طيب انتي عندك فروع لسيف او عبد المقصود في المنصورة وادورلك علي نمرهم تكليهم تسألي؟


بيبو الحاجة كميلة خالص يا روحي ما شاء الله، البافتات والساولبيت كوكو خالص

miko85;11074427:
ياخراسي علي الجمال بس فين زيرو تو فايق وبكام الفستان الجميل ده والسلوبيت والبافتات

زيرو تو فايف له فرعين
واحد ورا جامع مصطفى محمود - المهندسين
والتانى في داندى مول - كارفور الصحرواي

ياعيال بجد انا محتاره عايزه حاجه اشيل فيها البيهبات لاول تلات شهور وانا في مصر مش عارفه محتاره شويه يقولي كاريكوت ينفع وشويه لا
وان عارفه ان لازم يبقي حد خارج معايا هههههه هاخرج ازااي ياتنتين والشياله خايفه ماتبقاش مريحه للبيبي اول تلات شهور

miko85;11075288:
ياعيال بجد انا محتاره عايزه حاجه اشيل فيها البيهبات لاول تلات شهور وانا في مصر مش عارفه محتاره شويه يقولي كاريكوت ينفع وشويه لا
وان عارفه ان لازم يبقي حد خارج معايا هههههه هاخرج ازااي ياتنتين والشياله خايفه ماتبقاش مريحه للبيبي اول تلات شهور

طيب ما تجيبي البورت ده وخلاص يا ميكو او مش لازم يتشالوا في حاجة اصلا، ولما يكبروا شوية او لما ترجعي بيهم بقي ان شاء الله هاتي العربية من هناك وخلاص، لكن هنا مش لازم حاجة، طيب ما انا مجبتش كاريكوت ولا شيالة ولا كارسيت ولا اي حاجة، عايزة البورت وبس ولو غلبت يعني مش هجيبه خالص، وانتي كده كده كمان معاكي حد فخلاص مش لازم، هي كان افضل حاجة العربية وانتي مش حابة تجيبيها في مصر.

sweet_toota;11070984:
كتكت و ميكو و مورو حاجاتكم كلها جميلة ماشاء الله


كتكت بقلك هى الشرابات اللى شوفتيها شبه بتاعت توتا و قلتى صيفى و برا الرضاعة اللى جبتيه كانوا فين بيتباعوا؟؟؟

و اية لازمة البورت او السليب باج ما هو كدة كدة هيتشال كأنه من غير حاجة مش زى الكاريكوت مثلا و لا الفايدة منه مش فى سهولة الشيل؟؟؟

دفى اكتر بس للبيبي بدل ماتعدى تلفي وتفكي وانت برا البيت ده مغطى الجسم كله على طول الا وقت غيار البامبرز بس يتفك

sosiii-cat;11073541:
قولولي يا بنات البنج النصفي احسن ولا الكلي وهل صحيح ان حقنة البنج النصفي مؤلمة جدا زي مانا سمعت لأن واحدة قالتلي انهم قبلها ادولها مخدر موضعي الاول وبعدين حقنة البنج عشان ماتحسش بيها ؟
انا هاولد الاسبوع الجاي ان شاء الله واحتمال كبير الاربع ادعولييييييييي:035::035::035::035::035::035::035::035:
وكمان الدكتور كتبلي علي 3 حقن يوميا اخدهم قبل الولادة كل يوم حقنة اسمها (ديكساميثازون ) بيقول زيادة تأكيد ان الجنين اكتمل خلاص حد من اللي ولدوا قيصري اخدها قبل كدة او سمع عنها حاجة ؟؟ وبتوجع ولا لأ انا مافيش عمار بيني وبين الحقن نهائييييييييييييي :040:

انا اول مره اسمع عنها
الله اعلم
حقنة الابيديورال بتاعت نص الضهر لازم حد شاطر وقه اللى يديهالك عشان لاقدر الله لو اتاخدت غلط بتعمل شلل نصفي لانها بتتاخد مابين فقرتين في العمود الفقري

mashimaro16;11073748:
كتكوته فين المحل بتاع صلاح الدين ده ؟؟؟؟؟




بصى ال 3 حقن دول ناس كتيره بتاخدهم مادام حتولد سى سيكشن وبيبقى علشان الرئه بتاعت البيبى وهما اصلا بيبقو كورتيزون ومفيش منهم خوف خالص
انا صحبتى اخدتهم واخت جوزى كمان الحمدلله
تقومى بالسلامه ياررررررب يا سوسى
عقبالى ياررررررررب علشان خلاص تعبانه على اخررررررررررررررررررررررررررى




بنات انا مش عارفه انا مجبتش اى حاجه لنفسى ومش عارفه اجيب ايه ولا منين ؟؟؟؟:047::047::047:

تجيبي لنفسك البادز بتوع البرا وتجيبي 3 قميص نوم بزارير من ادام او بيجاما لو انت مش هتولدى قيصري عشان استك البنطلون مش هاطيقيه على الجرح
وطبعا تجيبي كام بنتى غامقين عشان فتره النفاس والدم الكتير
وكمان يكون بمقاس اكبر من مقاسك
وبراهات رضاعه وبس كده

صوت العيون;11067882:
هى الطواقى الى بتيجى مع السلوبيت مبتتبعش لوحدها كل لما اسال ملقيش غير الصوف ودى صعبه جدا
لكن القطن الرقيق دا مفيش حد لقاها ان شاء الله
كمان حد يقولى كدا
لنونو
عاوز مشط وفرشه وقصافه ومقص وببرونه كام ملى احسن حاجه وتكون ازاز ان شاء الله
وايه تانى
غير الصابونه والشامبو للجسم ولا الشعر بس صعب للشعر دى صح
والليفه وايه تانى ان شاء الله

البيبرونه هاتيها بلاستيك احسن لانه بيبقى مقاوم للكسر وكمان ممكن يتغلي عشان يتعقم
لكن الازاز هاتكون تقيله اوى ولو وقعت هاتتكسر
الشامبو للشعر بيكون للبيبيهات مابيعملش حاجه في العين
وكمان هاتى مشمع تنيمي عليه النونه وانت بيتغيريلها
عشان ماتبهدلش المكان وانت بتغيرليها لانها ممكن تعمل بيبي بين كل دايبر والتانيه :)

Eng. BoB;11068112:
الجوانتى يا مورو بيبقى عامل زى الشراب من غير صوابع

مابحبهمش ابدا بحس انهم بيكتفوا النونه
النونه لازم تحس بصوابعها وهى جوا بقها او عامه صوابعها لانها بتمسك فيكى وانت جمبها او وانت بترضعيها فمتكتفيهاش عشان ماتحلاميهاش من الاحساس بيكى والامان والحنيه والخ الخ الخ :):072:

الا لو هى كانت بردانه بس ممكن تلبسيهولها شويه وخلاص :096:

miko85;11075288:
ياعيال بجد انا محتاره عايزه حاجه اشيل فيها البيهبات لاول تلات شهور وانا في مصر مش عارفه محتاره شويه يقولي كاريكوت ينفع وشويه لا
وان عارفه ان لازم يبقي حد خارج معايا هههههه هاخرج ازااي ياتنتين والشياله خايفه ماتبقاش مريحه للبيبي اول تلات شهور

انا قلتلك من زمااااااااااااان مالكيش حل الا عربيه توينز ياقطه :016:

وانت اصلا مش هاتخرجى بيهم اول تلات شهور الا زيارات لامك او ام جوزك
وطبيعي هيكون معاكى حد في اىخروجه تانيه يشيل معاكى

CuTie KaTkOoTa;11075359:
طيب ما تجيبي البورت ده وخلاص يا ميكو او مش لازم يتشالوا في حاجة اصلا، ولما يكبروا شوية او لما ترجعي بيهم بقي ان شاء الله هاتي العربية من هناك وخلاص، لكن هنا مش لازم حاجة، طيب ما انا مجبتش كاريكوت ولا شيالة ولا كارسيت ولا اي حاجة، عايزة البورت وبس ولو غلبت يعني مش هجيبه خالص، وانتي كده كده كمان معاكي حد فخلاص مش لازم، هي كان افضل حاجة العربية وانتي مش حابة تجيبيها في مصر.

البورت ده تقيل عليهم انتي علشان هتولدي في الشتاء بردو
بس انتي لو ماجبتهوش هاتخرجي شيالها كده عادي ولا ايه لو كده اشيل انا كمان علي ايدي صح كده

yomizo;11075478:
انا قلتلك من زمااااااااااااان مالكيش حل الا عربيه توينز ياقطه :016:

وانت اصلا مش هاتخرجى بيهم اول تلات شهور الا زيارات لامك او ام جوزك
وطبيعي هيكون معاكى حد في اىخروجه تانيه يشيل معاكى

ايوا مانا بتكلم علي تلات شهور لو خارجه مثلا ورايحه بيهم اي حته وحد طبعا معايا عادي لو خرجت بيهم من حاجه يتشالو فيهم ولا ايه انا اصلا كده هاجيب العربيه بس اخليها هنا مش هنزل بيها مصر