تجهيزات واستفسارات حوامل مصر :)

miko85;11067696:
انا جبت كمان الكوفرتات ده خفيفه وقطن وليها حزام علشان الف بيه البيبي بس معرفش انا كده عندي 2 لكل واحد فيهم كتير ولا ايه
ولسه ماما هتجبلي بتاعه الخروج ال زاي بتاعه كتكوت وده صورهم
وده كمان

كفاية اوي يا ميكو اه طبعا، ده انا جايبة واحدة بس قطن دابل والبطانية وفيه واحدة تانية مبطنة فايبر كده بس رفيع زي اللحاف يعني وبتاعة السبوع دي وحاسة انه كتير بس برجع اقول عشان اخفف واحدة وحادة بالترتيب، كل جو وله الخامة بتاعته بردو.
وحلو موضوع الحزام ده عشان يبقي محكوم عليها انا لقيت امبارح بورت قطيفة معموله حزام من جوا برده مش من بره، ولما بيتقفل بقي من بره زي اللفة كده بيتزلق بكوتش، وكان مبطن فايبر، بس حسيته انه شتوي اووووووووووووووي والبنت هتبقي في نار جواه هتتوشي، وخصوصا اني هابقي اخر الشتاء يعني مش اوله، فزيادة اوي عليها.

صوت العيون;11067728:
من التوحيد والنور ماركه اوليف الحمد لله
هو فين مول داندى دا يا كتكت
جميله الكوفرته يا ميكو وارحمى نفسك بقا وبطلى تطنيش للواد حلو 2 لكل واحد غير الخروج ما شاء الله

تصدقي اني امبارح فكرت في التوحيد والنور فعلا في الحاجات دي عشان بلاقي فعلا عندهم معلقين كده كذا ماركة وحاجة كويسة، خلاص كده حلو بدل اللف والتعب.
داندي مول علي طريق مصر اسكندرية في اوله عند كارفور كده.
بس انا مرحتش الفرع ده انا رحت بتاع المهندسين ورا مسجد مصطفي محمود كده.

هى الطواقى الى بتيجى مع السلوبيت مبتتبعش لوحدها كل لما اسال ملقيش غير الصوف ودى صعبه جدا
لكن القطن الرقيق دا مفيش حد لقاها ان شاء الله
كمان حد يقولى كدا
لنونو
عاوز مشط وفرشه وقصافه ومقص وببرونه كام ملى احسن حاجه وتكون ازاز ان شاء الله
وايه تانى
غير الصابونه والشامبو للجسم ولا الشعر بس صعب للشعر دى صح
والليفه وايه تانى ان شاء الله

صوت العيون;11067882:
هى الطواقى الى بتيجى مع السلوبيت مبتتبعش لوحدها كل لما اسال ملقيش غير الصوف ودى صعبه جدا
لكن القطن الرقيق دا مفيش حد لقاها ان شاء الله
كمان حد يقولى كدا
لنونو
عاوز مشط وفرشه وقصافه ومقص وببرونه كام ملى احسن حاجه وتكون ازاز ان شاء الله
وايه تانى
غير الصابونه والشامبو للجسم ولا الشعر بس صعب للشعر دى صح
والليفه وايه تانى ان شاء الله

متهيلي انا جبت لوحدها مع لكلوك وجوانتي
الصابونه والشاور والببيي اويل وكريم للحافضات وبودر
وليف استحمام تكون اسفنجه والشامبو ومناديل علشان لو خارجه
بصي ياستي الببرونات انا جبت 120 دول ينفعوا لاول شهرين وبعد كده هاتي باه 200 مل وال 240
وفي واحده كنت منزله صورتها زي القطاره كده بس ببرونه صغيره كده 15 مل تنفع الاوديه والفتامينات
وكمان اسفنجه البانيو

صوت العيون;11067882:
هى الطواقى الى بتيجى مع السلوبيت مبتتبعش لوحدها كل لما اسال ملقيش غير الصوف ودى صعبه جدا
لكن القطن الرقيق دا مفيش حد لقاها ان شاء الله
كمان حد يقولى كدا
لنونو
عاوز مشط وفرشه وقصافه ومقص وببرونه كام ملى احسن حاجه وتكون ازاز ان شاء الله
وايه تانى
غير الصابونه والشامبو للجسم ولا الشعر بس صعب للشعر دى صح
والليفه وايه تانى ان شاء الله

بصي يا ستي، انا جبت من محل في ميدان الجامع طواقي قطن خفيفة وحنينة اوي اسمه بيبي شوب يعتبر في صلاح الدين بقي في نفس الشارع بتاع الدهب في اوله، عنده بيبي كلاب وماركة تانية بردو، وجبت من محل في النعام بردو بس خامة التانية احلي وانعم، بس بلاقيها يا مورو علي فكرة عادي بس ناسية فين تاني، بصي انا فاكرة اول مرة سألت في التوحيد والنور في الاول خالص ملقتش غير صوف فعلا وكمان كبار شوية ومش حلوين.
وبلاش ليفة دلوقتي خالص، هاتي حاجة كده زي الفوطة صغيرة او جوانتي زي اللي انا جيباه ده خامة البشكير عشان يبقي طري عليها في السن الصغير.
الببرونة انا عن نفسي جبت الصغيرة عشان معرفش لسه الرضاعة هاتبقي صناعي ولا لأ، بس ان شاء الله تبقي طبيعي يعني، ودل قلت عشان لو اي اعشاب او كده بس لغاية ما اعرف بقي.
والشامبو فيه بيبقي اتنين في واحد شامبو وشاور للجسم والشعر مع بعض.
وكريم الزنك والبيبي اويل وبلاش البودرة.

CuTie KaTkOoTa;11067850:
كفاية اوي يا ميكو اه طبعا، ده انا جايبة واحدة بس قطن دابل والبطانية وفيه واحدة تانية مبطنة فايبر كده بس رفيع زي اللحاف يعني وبتاعة السبوع دي وحاسة انه كتير بس برجع اقول عشان اخفف واحدة وحادة بالترتيب، كل جو وله الخامة بتاعته بردو.
وحلو موضوع الحزام ده عشان يبقي محكوم عليها انا لقيت امبارح بورت قطيفة معموله حزام من جوا برده مش من بره، ولما بيتقفل بقي من بره زي اللفة كده بيتزلق بكوتش، وكان مبطن فايبر، بس حسيته انه شتوي اووووووووووووووي والبنت هتبقي في نار جواه هتتوشي، وخصوصا اني هابقي اخر الشتاء يعني مش اوله، فزيادة اوي عليها.



تصدقي اني امبارح فكرت في التوحيد والنور فعلا في الحاجات دي عشان بلاقي فعلا عندهم معلقين كده كذا ماركة وحاجة كويسة، خلاص كده حلو بدل اللف والتعب.
داندي مول علي طريق مصر اسكندرية في اوله عند كارفور كده.
بس انا مرحتش الفرع ده انا رحت بتاع المهندسين ورا مسجد مصطفي محمود كده.

اصلا
يعني كام واحده انتي جايبهم 3 كوفرتات وبطانيه
انا ماما جابتلي البطانيه كده باه كتير ولا ايه
اصلا انا بقول بتوع البيت القطن دوول علشان يتلفوا بيهم في البيت

miko85;11067987:
اصلا
يعني كام واحده انتي جايبهم 3 كوفرتات وبطانيه
انا ماما جابتلي البطانيه كده باه كتير ولا ايه
اصلا انا بقول بتوع البيت القطن دوول علشان يتلفوا بيهم في البيت

كفاية اوي اوي، انا حساهم كتير بس خليهم عشان لو هتغسلي واحدة يبقي فيه بديل.

انا بالنسبة مش كلهم خامة واحدة، انا منوعة في الخامات عشان ميبقاش امسي جبت اعداد وخلاص من غير استخدام، يعني هبتدي ان شاء الله اغطي بالبطانية الاول وبعدين اخفف بالكوفرتة بقي وطبعا اظبط اللبس معاهم بردو من تحت، وبره بقي ممكن بردو البطانية والسالوبيت المبطن اللي كنت جيباه ولو لقيت البورت اللي انا عيزاه ده ان شاء الله وبفكر دلوقتي اطنشه كمان، ولما الجو يخف شوية هايبقي اللحاف الخفيف ده له كابيشو بردو يبقي للخروج او للبيت كغطا يعني، بتاعة السبوع دي مش هستخدمها كتير بصراحة، يعني مش في الخروج هاتبقي بس لما الناس تيجي وبعدين كده هاتبقي زي غطاء بردو خفيف ليها.

شكله ايه الجوانتى دا عادى يعنى ولا ايه مشفتش صورته يا جميله معلشى

مورو الحاجات جميلة يا قمر مبروكين على البنوتة

ميكو مبروك عليكم الحاجات يا جميل ووماشاء الله حلوين فى شكلهم وعددهم كفاية كده

كتكوتة انا فهمتك يا جميل بصراحة ماخدتش بالى موجود فين اصل مش كل حاجة بتبقى معروضة وفى حاجات لازم تسألى عنها

وانا زيك برضه جبت بيبرونة 120 مل للأعشاب وكده ولحد ماشوف هعمل ايه فى نزولى الشغل وربنا يسهل .

الطواقى القطن موجودة عادى فى المحلات

انا عايزة اعرف ممكن الاقى حاجة زى كده فى لافلى ولا لأ؟ وبكام؟

صوت العيون;11068046:
شكله ايه الجوانتى دا عادى يعنى ولا ايه مشفتش صورته يا جميله معلشى

بصي دول بتوعي اهم، الجوانتي والطاقيتين:







ودول بقي من النت، بس شفت زي الاولاني ده بردو في نفس المحل اللي جبت منه بتاعي بس حسيت بتاعي انعم وكمان عجبتني الجزء بتاع المساج ده عشان لما تكبر شوية.
يعني هعمل به ان شاء الله من شهره واخلي الوش ده لما تكبر ادلكلها به جسمها بردو في الدش.













شايفة الام لابسة ايه او بتنضفلها بإيه عامل زي خامة الفوط بالبط وحنين خالص علي الجسم.

الجوانتى يا مورو بيبقى عامل زى الشراب من غير صوابع

CuTie KaTkOoTa;11065971:

توتا مش شفت زي الشرابات اللي جبتيهم لمومو اللي هما كيس فيه كذا لون مع بعض دول، بس مشفوتش السعر.

ايمي كانوا ب5 جنيه يا ايمي والكيس فيه 5


ماشاء الله الحاجة اللي انتي جايباها جميلة اويييييييي تتهنى بيهم جودي يا رب ولا اسم تاني؟ :057:

ميكو حاجات ادهم ولارا كميلة خالللللللللللللللص وكفاية كوفرتات كدة كتييييييييييييييييير :083: قوليلي هي منتجات سيباميد اسعارها ايه عند محمد عشان اخلي بابا يجيبها من النهدي اللي في المدينة ان شاء الله



مورو كميلة حاجات بنوتك جداااااااااااا تتهنى بيهم يا رب قوليلي انتي جبتي البورت بكام عشان انا جيبت واحدة تركي بس قلت دي استخدمها نادر لاني عندي العربية فعايزة اعرف بتاعتك بكام لانها شبه بتاعتي شوية


منورة الحاجات كميلة خالص هما فيهم بناتي بس كميلة اوي ياعيني لسة اهلك مش متعودين على الصدمة وحمد الله على سلامتهم
على فكرة بابمبرز السعودية قطن احسن من المصري بمراااااااااااااااااحل وخللي باباكي يبقى يجيبلك للنونو ان شاء الله وهو جاي و كمان منتجات سيباميد للاطفال تحفة كل الناس بتشكر فيها احسن من الجونسون بمرااااااااااااااااحل

اه فعلا منا كنت بفكر فى كدا فعلا
النونو مبيحبش المايه هههههههههه
دى ليها بقا اسم معين يعنى جوانتى للنونو ولا ايه وبكام ان شاء الله

Eng. BoB;11068088:

كتكوتة انا فهمتك يا جميل بصراحة ماخدتش بالى موجود فين اصل مش كل حاجة بتبقى معروضة وفى حاجات لازم تسألى عنها

وانا زيك برضه جبت بيبرونة 120 مل للأعشاب وكده ولحد ماشوف هعمل ايه فى نزولى الشغل وربنا يسهل .

الطواقى القطن موجودة عادى فى المحلات

انا عايزة اعرف ممكن الاقى حاجة زى كده فى لافلى ولا لأ؟ وبكام؟

انا بسأل كتير جدا والله، يا اما خلصت يا اما مفيش خالص يا اما فيه بس الخامات التانية.

بصي انا الببرونة بتاعتي 150 مش 120، ودي لقتها اصغر واحدة ساعتها في نك يعني.

ب 80 يا جميله الحمد لله

طيب انا جبت بيبرونة أفنت 125 مل ومكتوب عليها عمر 0M
ياريت لو حد شافها يقولى فعلا الحلمة بتاعتها مقاسها حلو ولا ايه لانى حسيت انها كبيرة .. انا مش عارفة مفروض تبقى اصغر ولا ايه

white angel 85;11068121:
ايمي كانوا ب5 جنيه يا ايمي والكيس فيه 5

ماشاء الله الحاجة اللي انتي جايباها جميلة اويييييييي تتهنى بيهم جودي يا رب ولا اسم تاني؟ :057:

شكلهم فعلا كميلة اوي وهما صغننين كده والوان مشكلة في الكيس بس دول خفاف يبقوا للصيف بقي ان شاء الله.
لسه والله مش عارفة بردو موضوع الاسم ده، هي لسه جودي زي ما هي لغاية دلوقتي :037::037:
البورت شوفتي انتي جبتيه بسعر ومورو بسعر وماهي بسعر وسوسي بسعر، كل واحدة فيكم مختلف خالص رغم انهم كلهم شبه بعض جدا.

صوت العيون;11068122:
اه فعلا منا كنت بفكر فى كدا فعلا
النونو مبيحبش المايه هههههههههه
دى ليها بقا اسم معين يعنى جوانتى للنونو ولا ايه وبكام ان شاء الله

بصي انا مسألتش عليه بالإسم ، هو بيبقي متعلق مع اللوازم الصغيرة دي، زي التيتنة والفرشة والقصافة والمعلقة والحاجات دي، فلقيته وشفته بردو في محل هالة.
تقريبا كان ب 7 او 8 اصلي شلت الكيس بتاعه ومش لقياه دلوقتي بس كان كده مش اكتر.

Eng. BoB;11068182:
طيب انا جبت بيبرونة أفنت 125 مل ومكتوب عليها عمر 0M
ياريت لو حد شافها يقولى فعلا الحلمة بتاعتها مقاسها حلو ولا ايه لانى حسيت انها كبيرة .. انا مش عارفة مفروض تبقى اصغر ولا ايه

طيب مادام حاسة بكده رجعيها او كنتي تستني لما تشوفي ماركات تانية، لأن انا لما جيت اشوف التيتينة في الاول بردو وكنت ببص علي الماركات المعروفة دي ، شفت كذا واحدة من المفروض انهم يبقوا احسن حاجة، بس لقيت النيبلز دي كبير او رسمتها العادية دي مش المقشوطة، المهم مجبتهمش وفي الاخر لقيت الصغيرة في ماركة تانية خالص اللي هي سفاري دي ورجعت شفت الصغيرة في حاجة تانية بردو اغلي بس نسيت كانت ايه دلوقتي، بس لازم تشوفي بنفسك قبل ما تشتري، وخلي النوع تاني حاجة بقي بعد الحجم والشكل.

ماهى ماكنتش باينة من العلبة يا ايمان وماعرفتش الا بعد مافتحتها طبعا فى البيت ماظنش هيرضوا يرجعوها
وهى مكتوب عليها عمر زيرو :( ومش مقشوطة :( هى كده غلط ولا ايه؟:(

وياريت تحطيلى صورة الترمومتر تانى معلش

ياريت بجد لو حد جربها يطمنى :(

Eng. BoB;11068229:
ماهى ماكنتش باينة من العلبة يا ايمان وماعرفتش الا بعد مافتحتها طبعا فى البيت ماظنش هيرضوا يرجعوها
وهى مكتوب عليها عمر زيرو :( ومش مقشوطة :( هى كده غلط ولا ايه؟:(

وياريت تحطيلى صورة الترمومتر تانى معلش

لا متتخضيش بس وجربي ترجعيها، بس هي كانت مقفولة اللي متبرشمة زي ما بيقولوا ولا علبة عادية بتتقفل وتتفتح، بصي انا اول مرة كنت ببص علي الحاجات دي بس كنت لسه مخضوضة ومش عارفة اجيب ايه ولا ايه، كنت في زيرو تو فايف، ولقيت بقي الستاند الكبير بتاع الببرونات ده وكده، فتقريبا كانت ايفينت بردو بصيت عليها وقلت كويس عشان لو كده هجيبها عشان ماركة حلوة بس لقتها فعلا مش باينة فسبتها تاني وقلت اصبر بقي لما الف او اشوف في حتة تانية.
هو مش لازم تبقي مقشوطة بس الافضل لكن اللي لازم بقي انها تبقي صغيرة عشان متبقاش كبيرة عليه او يرجع منها او يرفضها.

الترمومتر اهو:




والجزي الاخير الرمادي ده اللي قبل السن المعدن ده فليكسابول