تجهيزات واستفسارات حوامل مصر :)

صوت العيون;11035582:
السلام عليكم ورحمه الله وبركاته

ازيكم

بسم الله الرحمن الرحيم

دى مشترواتى الحمد لله













بس الحمد لله


سلام

لا اله الا الله سيدنا محمد رسول الله

مبروك عليكي وعلى النونو الحاجات الكميلة دي ربنا يهنيكي بيه هو انتي جايبا الكافولة ليه يا مورو ناوية تلابسيها بدل البامبرز ولا في الحالات لا قدر الله التسلخات والدكتور منع البامبرز؟

yomizo;11029725:
لالا بقى بلاش فتي فيالمواضيع دى بالذات عشان ماتاذيش البيبي
هو الكحول وبس وانا فيالمستشفى ادولى دوا تانى كده بيترش ومستورد
كانوا بيقولى مره منه ومره بكحول

والمايه انا شربت ملك وهى عندها بتاع 7 شهور او اكتر يعنى انا ولدتها في اول الشتا
وشربتها على مداخل الصيف عشان العطش
وكانت مايه معدنيه او مايه مغليه ومتبرده

يوميزو مش بفتي والله انا بسأل وحياة ربنا بس عشان سمعت عنها الايام دي وكنا كلنا بنعملها

CuTie KaTkOoTa;11033038:
لا يا نونه الكحول وبس متحطيش حاجة تانية خالص.

.

في سؤال الكحول دى ميحرقش سرة البيبي لما يتحط عليها متهيألي البيبي يصرخ ولا ايه؟؟؟

toty858;11034864:
نونة شيفاكى بتسئلى عن البودرة بتاعت السرة بصي انا الاول روحت لدكتور تانى يوم الولادة بمايا وكتبهالى وبعدين روحت لدكتور تانى قالى اوعى اوعى تحطيها لانها بتعمل عجينة فوق السرة ومبتخليهاش تنشف

وادعوا لاختى ربنا يكملها على خير عرفنا امبارح انها حامل في الشهر الاول :) لولولى هبئة خالة

اه هو اللي بقول عليه في دكاترة تقول كدة اصلها مضاد حيوي وبيتباع في الصيدلية بردو فقلت اسالكوا يمكن تكون اهدى من الكحول مش ممكن ينزل زي حريقة عالجرح دى؟؟؟

انا اشتريت الكحول بس مش مكتوب عليه ايثيلي زي بتاع كتكوتة بس حاساه حامي اوي عالسرة

لووووووووووووووووووووي الف مبروك ياخالتو باركيلي لاختك وطمنيني عليكي يافلحوسة بعتلك رسالة عالميل اطمن

dew.dew;11035052:
الى كل واحده بتسال على فايده المخده

الدكتور بتاع برنامج العياده اللى بيجى يوم الخميس
بيقول لما الطفل يرجع كتييير ننيمه على جانبه اليمين ونحط مخده تحت راسه وكتفه عشان ميرجعش تانى
لان سبب الترجيع هو ارتجاع فى عضله المرىء وبيروح لوحده




بالنسبه لتشقق الحلمه ونشفنها فى الرضاعه

بردو الدكتور بتاع الحوامل بتاع برنامج العياده اللى بيجى يوم الاربع
انا دخلت على الموقع بتاعه ولقيته كاتب فى مقاله ان الحامل تدهن من الشهر التاسع زيت الزيتون عليها او زبده كاكاو




وفعلا كلام يميم على محلول الملح كلام مضبوط اربع نقط فى كل فاتحه
لان الرضيع لو جاله رشح مش هيعرف ياكل او يتنفس فالازم محلول الملح وفى منه ماركات فى الصيدليات

dew.dew;11035105:
بالنسبه للى بيقولو ان الطاقيه غلط على راس البيبى عشان راسه بتكون طريه

اولا الطاقيه مش بتبقى ماسكه جامد على راسه ومش تقيله دى خفيفه جدا

ثانيا الدكتور برده قال ان الطاقيه ضرورى فى الشتاء وخصوصا عند الخروج
لان البيبى بيفقد 25% من حرار جسمه من راسه
وراسه اكتر منطقه بيسقع منها وبتسبب الرشح لو خرجتى بيها من غير متغطيها

البرنامج دى بيجي على قناة ايه والساعة كام ياقمر

وبالنسبة للطاقية هي قالت ان النوم بيها غلط الخروج عادي


بيبي جوي ياعيال مين شافه مقاس رقم (1) فين يتباع ؟؟ مش لاقياه

مورو الحاجات جميله ماشاءالله
بنات عايزه الليسته بتاعت لبس الام نفسها والحاجات بتاعت المستشفى بتاعتها

ايمى انتى بتروحى فرع لفلى اللى فين؟؟؟؟؟

اه يا جميله كل من 26 يوليو الحمد لله
والكوافيل جيبتها عشان لو خارجه مثلا البسها فوق البابمبرز ان شاء الله زياده امان ان شاء الله



والحمد لله عرفت النوع



























































































بنت الحمد لله

الف مبروك يامورو ياقمر على البنوته وتتربى في عز مامتها وباباها ان شاء الله وتكون وشها حلو عليكم وربنا يوسع رزقكم امين يارب

بلاش تلبسيها بقى كافوله فوق البامبرز انت بس عشان املسه اول مره فخايفه بزياده لكن انا من واقع تجربتين بقولك ان شاء الله مش هايحصل اى بلل او تسريب لان بامبرز مقاسه بتاع النيو بورن من 3 ك الى 6 كيلو فاستحاله يسرب وبعدين لو لاقيتيه واسع شويه في اضعف الحالات يعنى ابقي ديقيه من الشريط بتاعه من فوق يعنى زميه شويه وطروف اللزق لازم تكون بنسب متساويه قرب الرسمه اللى عليه
هتلاقيها مرسومه على العبوه الطريقه

تم التقيم يا جميل
طيب قوليلى شنطتك للولاده كان فيها ايه ليكى ولنونو الحمد لله

صباح الفل يا بنات

في برنامج علي قناه صحتي بيتكلم عن طريقه التعامل مع الاطفال حديثي الولاده

ومبروك على الحاجات الحلوة تلبسها بالعفيه ان شاء الله يامورو

مورو انا عشان كنت عارفه انى هاولد قيصري فكنت باخد في شنته المستشفى حاجات تكفيني على اد الكام يوم بتوع المستشفى

شنتطى انا كان فيها
غيراين داخلين او تلاته ( البانتى بالبرا بتاعه يعنى ) + البادز بتوع اللبن
روب
2 قميص نوم
شبشب
معجون وفرشه اسنان
فرشه ومشط
ايشارب او تلبيسه سهله عشان لو حد دخل عليكى من الدكاتره ارجاله
برفيوم
اولويز طبعا او انا مكنتش واخده كتير شان كانوا بيدولى في المستشفى
--
للنونه بقى
2-3 فانلات داخليه ( شايات )
2-3 سالوبيتات
شامبو الشعر وزيت جونسون عشان الماده اللى بتبقى لازقه في جسمهم من الولاده والخلاص مابتطلعش في اول حمايه الا بالزيت ده
فكده كده هايطلبوه منك هناك
حلق طبي هايخرمولها ودنها بالحلق اول يوم ولاده ومتخافيش مابيحسوش بيه ولا بيخر دم الجمد لله
عبوه بامبرز صغيره + المشمع اللى بيتيغرلهم عليه
فرشه للنونه
كوفرته او بطانيه على حسب هى مولوده شتا ولا صيف


مش فاكره في ايه تانى

أسارير البحور;11039025:

في سؤال الكحول دى ميحرقش سرة البيبي لما يتحط عليها متهيألي البيبي يصرخ ولا ايه؟؟؟

انا اشتريت الكحول بس مش مكتوب عليه ايثيلي زي بتاع كتكوتة بس حاساه حامي اوي عالسرة

البرنامج دى بيجي على قناة ايه والساعة كام ياقمر

بيبي جوي ياعيال مين شافه مقاس رقم (1) فين يتباع ؟؟ مش لاقياه

هو اكيد هايحرق شوية بس هنعمل ايه ما هو لازم ومفيش غيره وكلها خمس ايام ولا حاجة وخلاص، انا كان قلبي بيتقطع ايام ولاد اختي والله بس اهو بقي، زي لما بتيجي تطهري جرح للكبار بردو هايحرقك جامد.
بس مش عارفة هما شعورهم ايه بالظبط بردو، انتي لما جبتيه قلتي للصيدلية ايه طيب، انا معرفش هو فيه منه انواع ولا لا، بس للإحتياط قلت للصيدلي عايزة كحول ابيض طبي وهو جه سألني تاني للتأكيد قاللي مش عشان السرة، قلتله اه.
البيبي جوي سوسي تقريبا لسه قايلة جابته من سبينيس عقبال ما احنا نلاقيه بقي ان شاء الله.
وبرنامج العيادة بيجي علي الحياة بس مش حافظة مواعيده.

mashimaro16;11039572:

بنات عايزه الليسته بتاعت لبس الام نفسها والحاجات بتاعت المستشفى بتاعتها

القائمة الآتية تحتوى على الأشياء الضرورية (وبعض الأشياء الإضافية) لكى تكون إقامتك فى المستشفى مريحة.

لفترة المخاض
• حلوى صلبة لمصها لتعطيك طاقة.
• مشروبات – ينصح بعصير البرتقال أو عصير الليمون.
• زبدة كاكاو لأن الشفتين تكونان جافتين خلال فترة الولادة.
• زجاجة بلاستيك برشاش مليئة بالماء لترطيب وجهك.
• مروحة يد (إذا كنت فى الصيف).
• فوطة صغيرة للوجه.
• لوشن، يمكن لزوجك تدليكك به ليساعدك على الشعور بالراحة.
• جورب وجاكت لأن بعض السيدات تشعرن بالبرد أثناء فترة المخاض.
• جهاز كاسيت وشرائط موسيقى لتساعدك على الاسترخاء ورفع روحك المعنوية.
• نقطة تركيز (شئ من بيتك لتركزى عليه أثناء المخاض مثل صورة).
• ساعة ذات عقرب للثوان ونوتة صغير وقلم لحساب الوقت بين التقلصات.

للأم
• ملابس للنوم (يستحسن الأنواع المفتوحة من الأمام لأنها عملية أكثر أثناء الرضاعة الطبيعية).
• شبشب وروب
• ستيانات خاصة بالرضاعة والملابس الداخلية الأخرى.
• فوط صحية (النوع الخاص بتدفق الدم الكثيف)، مناديل ورقية، قطن طبى.
• فرشاة أسنان ومعجون أسنان
• فوطة وصابونة
• رباط أو بنس للشعر
• فرشاة شعر ومرآة يد
• أدوات تجميل (بما فى ذلك ماكياج وبرفان لتحسين حالتك النفسية).
• كتب (قد ترغبين فى أخذ بعض الكتب الخاصة برعاية الأطفال).
• بعض الأطعمة والمشروبات التى تساعد على عدم الإصابة بالإمساك، مثل القراصية ومشروبات الأعشاب.
• ملابس لارتدائها عند العودة إلى البيت (من ملابس الحمل التى استخدمتيها منذ بضع شهور، لأن بطنك ستكون لازالت كبيرة إلى حد ما).
• كاميرا وفيلم كاميرا (للصور الأولى).

للطفل
• بعض الملابس والفانلات
• برنيطة لرأس الطفل
• حفاظات
• شرابات
• عدد من اللفف للف الطفل
• بودرة، لوشن، وصابونة (كلها من الأنواع الخاصة بالأطفال).
• شنطة إضافية لحمل هدايا الطفل عند العودة إلى البيت!
• كرسى سيارة خاص بالطفل فى هذا العمر (بالطبع لن يكون الكرسى ضمن شنطة المستشفى، ولكن تأكدى من تثبيته فى السيارة، لأن الطفل لن يكون آمناً عند العودة إلى البيت إذا لم يتم وضعه فى ذلك الكرسى الخاص به).


وواحدة كمان:
حاجات للمستشفى

الشنطة
2 جلبية مفتوحة من الامام للرضاعة
روب
2 برا
4 اندر وير
ايشارب او طرحه علشان لو اضطريتي ترضعي في وجود ضيوف
فوط صحية
فوطة كبيرة
فوطة صغيرة
شبشب
فرشة شعر
كولونيا
مناديل كلينكس ومناديل معطرة
صابونة
لبس للخروج اعتقد هوا نفسه اللبس اللي رحتي بيه المستشفى
كاميرا لتصوير البيبي مع التاكد من شحنها
موبايلك والشاحن
> > > للبيبي
بامبرز مقاس زيرو
كوفرتة
بطانية
طاقية
3 اطقم كل طقم مكون من 2 فانلة وسلوبيت وشراب
ممكن الكاريكوت او كيس النوم للخروج بيه من المستشفى

sweet_toota;11040803:
ايمى انتى بتروحى فرع لفلى اللى فين؟؟؟؟؟

اللي في مدينة نصر، عند تقاطع مكرم عبيد مع مصطفي النحاس.

صوت العيون;11041177:
اه يا جميله كل من 26 يوليو الحمد لله
والكوافيل جيبتها عشان لو خارجه مثلا البسها فوق البابمبرز ان شاء الله زياده امان ان شاء الله

والحمد لله عرفت النوع
بنت الحمد لله

مبرووووووووووووووووووووووك يا مورو، هيييييييييييييييييه اخيرا عرفتي الحمدلله.

مورو بليز قوليلي جبتي البورت المبطنة دي منين من وسط البلد، عشان لو نزلت مع بابا اروح اجيب واحدة، عشان مش لقياها هنا لسه والبياعين بيبقوا حمير اوي لما بسألهم، فيه بيفهموا قصدي وفيه لا، واللي بيفهموا غالبا بلاقي انواع تانية مش اللي انا عايزاها ويقولولي اللي انتي عايزاها دي مش عندنا معلش.
وكانت بكام بقي كمان، بدل ما اقعد الف وسط البلد كلها وادوخ.

أسارير البحور;11039025:
يوميزو مش بفتي والله انا بسأل وحياة ربنا بس عشان سمعت عنها الايام دي وكنا كلنا بنعملها



في سؤال الكحول دى ميحرقش سرة البيبي لما يتحط عليها متهيألي البيبي يصرخ ولا ايه؟؟؟



اه هو اللي بقول عليه في دكاترة تقول كدة اصلها مضاد حيوي وبيتباع في الصيدلية بردو فقلت اسالكوا يمكن تكون اهدى من الكحول مش ممكن ينزل زي حريقة عالجرح دى؟؟؟

انا اشتريت الكحول بس مش مكتوب عليه ايثيلي زي بتاع كتكوتة بس حاساه حامي اوي عالسرة

لووووووووووووووووووووي الف مبروك ياخالتو باركيلي لاختك وطمنيني عليكي يافلحوسة بعتلك رسالة عالميل اطمن





البرنامج دى بيجي على قناة ايه والساعة كام ياقمر

وبالنسبة للطاقية هي قالت ان النوم بيها غلط الخروج عادي


بيبي جوي ياعيال مين شافه مقاس رقم (1) فين يتباع ؟؟ مش لاقياه

بيبي جوي موجود يا قمر في سبينس وفيه بنوتة قالت جابته من فتح الله

صوت العيون;11041177:
اه يا جميله كل من 26 يوليو الحمد لله
والكوافيل جيبتها عشان لو خارجه مثلا البسها فوق البابمبرز ان شاء الله زياده امان ان شاء الله



والحمد لله عرفت النوع

بنت الحمد لله

مبروك يا مورو عقبال ماتشوفيها عروسة يا رب

يا بنات انا روحت اشتري اولويز بتاع الولادة دة ومالقتش غير نوع اسمه ريلاكس فيه عشرين واحدة حلو دة ولا ايه انا جبته وخلاص لاني كنت تعبانة وماكنتش قادرة الف

ايه يا سوسي الويز الولاده ده

nemonamanemo;11044439:
ايه يا سوسي الويز الولاده ده

ده زي الالويز العادي بس بيبقي اكبر ووسميك عشان الفترة اللي بعد الولادة ال 40 يوم بيبقي فيها الدم كتير عن البيريود العادية.

شكرا يا كتكوته

CuTie KaTkOoTa;11044613:
ده زي الالويز العادي بس بيبقي اكبر ووسميك عشان الفترة اللي بعد الولادة ال 40 يوم بيبقي فيها الدم كتير عن البيريود العادية.

بالظبط كدة :ok:
ماتعرفيش عن النوع دة حاجة يا كتكوتة ؟

انا ولادتى ان شاء الله اخر 4 او اول 5 فبالنسبة للشايات بفكر اقلل من اللى بكم و اجيب كتير كت عشان مش هجيب نص كم فمثلا بفكر اخلى الشايات الكم 4 و الكت 6 ولا اية رأيكم اصل الكم هيتلبس بالكتير شهر..قولولي رأيكم؟؟؟؟؟؟؟

وانا كمان كده ياتوتا مش هاكتر من ال بكم مش عارفه كده صح ولا غلط