تجهيزات واستفسارات حوامل مصر :)

انا مديتش ندي
ميه غير في سن 6 شهور اول ما بدات تاكل
بس عشان اصلا مولوده في الشتا
بس ممكن اللي يولودو في الصيف يبللو شفايف البيبييي بالميه كده وبعديها يبقي يششربوه علي 3 او 4 شهور
وتكون ميه معدنيه طبعا

sweet_toota;11028840:
انا لقيت الصورة دى على النت و تقريبا دة المهاد اللى بتقول عليه سلسبيل بس مش عارفة فى زيه فى مصر ولا لا انا بيهيئلى اللى عندنا زيه هى اللفة العادية و مش بتبقى زى دة او لو حد شاف زيه يقولنا

فعلا هو ده اللى انا اقصده هو حلو اوى فى الاول لانك فى الاول مبتعرفيش تشيلى البيبى منين وبيكون شيله صعب اصله صغير اوى وبتطرى تلفيه فى كوفرته بس للاسف مبتتظبطش زى المهاد
للاسف كنت فاكره بيتباع فى مصر

hoba555;11030334:
انا مديتش ندي
ميه غير في سن 6 شهور اول ما بدات تاكل
بس عشان اصلا مولوده في الشتا
بس ممكن اللي يولودو في الصيف يبللو شفايف البيبييي بالميه كده وبعديها يبقي يششربوه علي 3 او 4 شهور
وتكون ميه معدنيه طبعا

فعلا اللى بترضع طبيعى مش محتاجه تشرب البيبى مياه اول 6 شهور لان لبنها فيه كل حاجه وتشربه اول ما تبتدى تدخله اكل

كنت عايزة اعرف هل فى فرق فى الماتيريال ما بين شايات الصياد و بيبى كلاب يعنى الخامة و النعومة و كدة و الاقى فين بيتباع حاجات بيبي كلاب؟؟؟؟

sweet_toota;11032816:
كنت عايزة اعرف هل فى فرق فى الكواليتي ما بين شايات الصياد و بيبى كلاب و الاقى فين بيتياع حاجات بيبي كلاب؟؟؟؟

موجودة عند لافلي يا توتا

على فكره الى كانوا بيسألوا على السلبنج باج شفت منهم فى محل فى 26 يوليو

أسارير البحور;11029523:
انا كمان دوخت السبع دوخات على بيبي جوي النيو بورن مقاس رقم (1) هتجنن الاقيه فين دى يابنات اللي جابه جابه منين؟؟


حد سمع يابنات عن بودرة صفراء كدة مضاد حيوي يوضع عالسرة بتاعت البيبي؟؟؟

لا يا نونه الكحول وبس متحطيش حاجة تانية خالص.

sweet_toota;11032816:
كنت عايزة اعرف هل فى فرق فى الماتيريال ما بين شايات الصياد و بيبى كلاب يعنى الخامة و النعومة و كدة و الاقى فين بيتباع حاجات بيبي كلاب؟؟؟؟

البنات اجمعوا ان بيبي كلاب اعلي من الصياد كمان، موجودة في هالة ولافلي وسيف ستورز كمان زي ما ماشيمارو قالت.

بنات لو سمحتوا اول زيارة لدكتور الاطفال بتبقى امتى؟؟؟

نونة شيفاكى بتسئلى عن البودرة بتاعت السرة بصي انا الاول روحت لدكتور تانى يوم الولادة بمايا وكتبهالى وبعدين روحت لدكتور تانى قالى اوعى اوعى تحطيها لانها بتعمل عجينة فوق السرة ومبتخليهاش تنشف

بيبو اول زيارة للدكتور ياريت تكون في الاسبوع الاول تطمنى بيها على النونو ويديكى ارشادات كدة تمشي عليها

الشايات والسالوبيتات بيبي كلاب فعلا نضيف جدا ولغاية مايصغر على النونو هتحسيها جديدة انا شيلت بتوع مايا للنونو الجاى باذن الله لانهم جداااااااد

انا رايحة سيف ستوز انهاردة باذن الله
اللى عاوزنى اسئلة على حاجة يقول :)

وادعوا لاختى ربنا يكملها على خير عرفنا امبارح انها حامل في الشهر الاول :) لولولى هبئة خالة

dew.dew;11015462:
عايزه احسن ماركه فى السلوبيتات الخروج الصيفى بليز

محدش رد عليا

انا عارفه ان فى ماركات سلوبيتات قطن خارجيه زى ماركه جيونيور و غيرها من الماركات التانيه
انا مش بسال على اسامى الماركات
بس انا بسأل اللى جربوا السلوبيتات الخروج القطن
اييه احسن ماركه عجبتكم فى شكلها وبعد غسيلها لسه كويسه؟؟؟؟؟؟؟؟؟؟؟؟؟



يميم وام نور حمدلله على السلامه وحشتونى قووووووووووى

الى كل واحده بتسال على فايده المخده

الدكتور بتاع برنامج العياده اللى بيجى يوم الخميس
بيقول لما الطفل يرجع كتييير ننيمه على جانبه اليمين ونحط مخده تحت راسه وكتفه عشان ميرجعش تانى
لان سبب الترجيع هو ارتجاع فى عضله المرىء وبيروح لوحده




بالنسبه لتشقق الحلمه ونشفنها فى الرضاعه

بردو الدكتور بتاع الحوامل بتاع برنامج العياده اللى بيجى يوم الاربع
انا دخلت على الموقع بتاعه ولقيته كاتب فى مقاله ان الحامل تدهن من الشهر التاسع زيت الزيتون عليها او زبده كاكاو




وفعلا كلام يميم على محلول الملح كلام مضبوط اربع نقط فى كل فاتحه
لان الرضيع لو جاله رشح مش هيعرف ياكل او يتنفس فالازم محلول الملح وفى منه ماركات فى الصيدليات

بالنسبه للى بيقولو ان الطاقيه غلط على راس البيبى عشان راسه بتكون طريه

اولا الطاقيه مش بتبقى ماسكه جامد على راسه ومش تقيله دى خفيفه جدا

ثانيا الدكتور برده قال ان الطاقيه ضرورى فى الشتاء وخصوصا عند الخروج
لان البيبى بيفقد 25% من حرار جسمه من راسه
وراسه اكتر منطقه بيسقع منها وبتسبب الرشح لو خرجتى بيها من غير متغطيها

السلام عليكم ورحمه الله وبركاته

ازيكم

بسم الله الرحمن الرحيم

دى مشترواتى الحمد لله













بس الحمد لله


سلام

لا اله الا الله سيدنا محمد رسول الله

ماشاء الله حلوين ياصوت العيون عقبال ماتشوفيهم على النونو


حد شاف ماركه foogo بتتباع فين











دى ماركه ترامس مخصوصه لاطفال وشنط البيبى ومجات

يا بنات يا حوامل يا حلوين انا هولد انشاالله في شهر 4 هل شنطه البيبي البيتحط فيها مهمه ؟ ولا هتحررها؟؟؟؟؟
وكمان البيبي كار مهمه من دلوقتي ولا اجلها شويه؟
وياترى اشتريلها حلق دهب ولا حلق الطبي ده وهما اصلا بيخرمو الوردا امتى؟

يا بنات انا مش شيفه ان الكافوله ليها لازمه خالص وكان في دكتور على او تي في قال الكلام ده وقال ان شفاط لبن الام ده اساسي في الاول لازم يتجاب عشان هي متعرفش اللبن سعتها بعد الولاده هنيزل بسهوله ولا لا يعني هو مش للتجميع بس هو كمان البينزلو
وقال على رباط السره انو مضر وان السره ليها الكحول وبسسسسسسسسسسسسس

يا بنات وحده صحبتي بتقلي انها ولدت في مستشفى الجلاء للولاده المستوى الفندقي وكانت حلوة وبتشكر فيها جدا عشان هي كلها ولاده ونساء بس انا حسه انها قديمه جدا وجرى عليعا الزمن ولا ايه رايكوووو؟؟؟

صوت العيون;11035582:


دى مشترواتى الحمد لله

ما شاء الله يا مورو حلوين اوي، قوليلي البورت ده بكام ومنين ، من وسط البلد بردو؟
وحاولي تخلي البافتات تبقي بسكوتش او لزق احسن او كبسونة حتي.

marmarena;11036060:
يا بنات يا حوامل يا حلوين انا هولد انشاالله في شهر 4 هل شنطه البيبي البيتحط فيها مهمه ؟ ولا هتحررها؟؟؟؟؟
وكمان البيبي كار مهمه من دلوقتي ولا اجلها شويه؟
وياترى اشتريلها حلق دهب ولا حلق الطبي ده وهما اصلا بيخرمو الوردا امتى؟

يا بنات انا مش شيفه ان الكافوله ليها لازمه خالص وكان في دكتور على او تي في قال الكلام ده وقال ان شفاط لبن الام ده اساسي في الاول لازم يتجاب عشان هي متعرفش اللبن سعتها بعد الولاده هنيزل بسهوله ولا لا يعني هو مش للتجميع بس هو كمان البينزلو
وقال على رباط السره انو مضر وان السره ليها الكحول وبسسسسسسسسسسسسس

يا بنات وحده صحبتي بتقلي انها ولدت في مستشفى الجلاء للولاده المستوى الفندقي وكانت حلوة وبتشكر فيها جدا عشان هي كلها ولاده ونساء بس انا حسه انها قديمه جدا وجرى عليعا الزمن ولا ايه رايكوووو؟؟؟

لازم الحلق الطبي الاول يا جميلة وممكن تتخرم يوم الولادة نفسه، وبعدين بعد اسبوع او 10 ايام مش فاكرة حسب ما يقولولك بتشيليه بقي وتلبسي الدهب عادي.
والكار سيت ممكن لما تبقي عندها شهرين مثلا كده مش من الاول.
وفعلا الحزام غلط.

ميرسى يا ايمى انا هنزل اشوفهم فى لفلي الاول هل فى حاجات بالمرة اجيبها من لفلى؟ و كمان جالى طقم كدة عبارة عن سالوبيت بس بيبين الرجلين دة عامل زى الشاية الداخلية و معاه بنطلون مش المفروض ان البنطلون يتلبس فوقيها؟ اصل صاحبتى بتقلى لا لبسيها البنطلون و فوقيه السالوبيت حسيت انه هيبقى وحش

sweet_toota;11028840:
انا لقيت الصورة دى على النت و تقريبا دة المهاد اللى بتقول عليه سلسبيل بس مش عارفة فى زيه فى مصر ولا لا انا بيهيئلى اللى عندنا زيه هى اللفة العادية و مش بتبقى زى دة او لو حد شاف زيه يقولنا

ما شاء الله عليكي يا قمر دي اللي قصدته لما قلت مهدوا البيبي عشان تعرفوا تشيلوا أنا كنت بلفه كده بالكوفرته العاديه

yomizo;11029715:
لا قطن الودان لو استعمل غلط لاقدر الله بيخرم طبله الودن غير كده مابيعملش لا شلل ولا بلل


ولا بياثر خالص متخافيش وفي كمان دوا كانوا صافنهولى في المستشفى مستورد هو عباره عن بخاخ بيترش برده على السره مع الكحول يعنى ده مره والتانى مره حلو اوى برده


اصلا المفروض ان البيبي ماينامش على مخده خااااااالص لحد مايتم سنة والا الله لايقدر يحصله حاجات وحشه في عموده الفقري وفقرات رقبته



انا بجيب لفرح دلوقتى بامبرز السعوديه قطن من برا وجوا وحلو اوى وسعره مش فارق عن المصري كتير

مقاسات الامبرز حديثى الولاده =1/2 - من 3 ك -6 ك
رقم 3 من 4ك-9 ك
ورقم 4 و5 مش فاكره من كام دلوقتى




انا لبست ملك ووفرح سالوبيتات عاديه اول يوم ولاده شكلهم بيبقى اقيم واطعم فيهم



دى اكتر حاجه غلط التقميطه دى عشان بتخلى البيبي مش عارف يحرك اطرافه وقريت كتير عن ان العاده دى سلبياتها اكتر من ايجابيتها وممكن ماتخليش الاطراف تنمو بطبيعتها لاقدر الله

وده شويه كلام مقتبس من كزا موقع عن اضرار التقميط

معلش بقه مع احترامي للدكتور ده بس أنا عملت كده مع بودي و زياد و الحمد لله مش حصل و لا حاجة من الأضرار دي و أخت جوزي عملت مع بنتها 2 سنة دلوقتي لما ولدتها كده برضه .......... ماما الله يرحمها كانت بتلف بودي ما شاء الله بس مش جامد و كانت كل ما تغيرله بامبرز تعمله مساج خفيف للرجليه و ايديه و مش كان بيحصلوا أي حاجة من الكلام ده خالص ...... يعني كل اللي كان بيعملوه أهالينا زمان غلط !! سبحان الله

sweet_toota;11037787:
ميرسى يا ايمى انا هنزل اشوفهم فى لفلي الاول هل فى حاجات بالمرة اجيبها من لفلى؟ و كمان جالى طقم كدة عبارة عن سالوبيت بس بيبين الرجلين دة عامل زى الشاية الداخلية و معاه بنطلون مش المفروض ان البنطلون يتلبس فوقيها؟ اصل صاحبتى بتقلى لا لبسيها البنطلون و فوقيه السالوبيت حسيت انه هيبقى وحش

انتي هتخليهم داخلي يعني ولا هتلبسيهم ده لوحدهم في الصيف، هولو داخلي يبقي الافضل انه البنطلون يبقي فوق اخر حاجة خالص ، ومش هتفرق كتير مادام مستخبي بس انا بحس براحة نفسية للبيبي كده اكتر يعني.
وده اسمه سالوبيت داخلي هو بيبقي كده فعلا زي الشاية بس بيتقفل من تحت وبس ومن غير رجل.
لافلي بقي، انتي لما تروحي هناك، هتلاقي ورقة كده بليستة المستلزمات كلها من الالف للياء، وتشوفي ايه اللي يناسبك او محتجاه وايه اللي لا، وشوفي الانواع وكده وحسب ميزانيتك بقي.

Boody we zady;11038014:
معلش بقه مع احترامي للدكتور ده بس أنا عملت كده مع بودي و زياد و الحمد لله مش حصل و لا حاجة من الأضرار دي و أخت جوزي عملت مع بنتها 2 سنة دلوقتي لما ولدتها كده برضه .......... ماما الله يرحمها كانت بتلف بودي ما شاء الله بس مش جامد و كانت كل ما تغيرله بامبرز تعمله مساج خفيف للرجليه و ايديه و مش كان بيحصلوا أي حاجة من الكلام ده خالص ...... يعني كل اللي كان بيعملوه أهالينا زمان غلط !! سبحان الله

يا جميلة مش شرط كل الاطفال يحصلهم كده طبعا، بس فعلا مش محبب خالص التكتيفة دي مفروض يبقي براحته ويتنفس ويتحرك وميتكتمش كده، ومش كل حاجة اهلينا زمان عملوها تبقي غلط وبردو مش كله صح، زي ما اي حاجة بتتقدم ، والناس تفكيرها بينضج، والطب بيتحدث، زي تقاليد السبوع بتاعة زمان دي غلط اوي علي البيبي ومع ذلك كان الأهل بيعملوها صح ولا لا، وامثلة كتيرة بقي