تجهيزات واستفسارات حوامل مصر :)

بنات هو اللوشن بتاع الاطفال هحتاجه في حاجة؟؟؟

الوشن يتسخدميه لجسم البيبي لما ياخد الشاور وممكن مكان كريم ازنك

بس لما بتحمي البيبي بتكوني عايزه تخلصيي بسرعه اصلا فمفيش وقت انك تحطي
انا كنت جيباه ومستخدمتهوش كتير مش ليه لزمه اوي

علي فكرة يا مورو، رحت امبارح فرع التوحيد والنور بتاع الحدايق، عشان اشوف البورت هناك، ملقتش غير شكلين واحد منهم نفس اللي شفته في الفرع التاني وده ب 100 اللي هو تريكو ومبطن كده وفيه منه روز ولبني بس ويعتبر سادة او مقلم بالعرض كده منه فيه وده بسوستة.

والتاني بقي مشوفتوش عنده قبل كده وكان اخر قطعة ومفيش منه الوان ولا اي حاجة، بس معجبنيش ونسيت سعره زي التاني ولا لا، بس كان قماش عادي ومبطن وده اللي انا عايزاه، بس حسيته كأنه كسوة كرسي عربية، شكله كان كئيب كده.

ليه بقي فاضل الصياد اروحه تاني ان شاء الله اشوف هناك، ولو مكنش مش عارفة اشوف فين تاني، لو كده هجيب الجينز المبطن اللي شفته في التوحيد بردو قبل كده.

hoba555;11014381:
الوشن يتسخدميه لجسم البيبي لما ياخد الشاور وممكن مكان كريم ازنك

بس لما بتحمي البيبي بتكوني عايزه تخلصيي بسرعه اصلا فمفيش وقت انك تحطي
انا كنت جيباه ومستخدمتهوش كتير مش ليه لزمه اوي

قصدك احطه بعد ما اخلض الشاور عشان ارطب جسمه قبل اللبس، طيب يعني استغني عنه علي الأقل في الوقت الحالي واستني مثلا لما تكبر شوية ويكون الجو اتحسن؟

اه وكمان انا مجبتش القطن بتاع الودن ده، هو مهم يعني، اصلي انا جايبة شفاط الأنف، ومش عارفة ممكن يستخدم في ايه تاني غير الودن والانف، وينفع استخدم بتاعنا العادي ولا هايبقي مش حنين عليها.

عندي فستان كميلة اوي كان بتاعي وانا بيبي هو تريكو كده او بوكليت اقصد وتحته بادي نص كم، وصعنون خالص كانه بتاع عروسة، يعني لو ملبستوش الفترة الاولي دي يبقي مش هايتلبس خالص، بس المشكلة بقي هتقل تحتيه بإيه بقي في السن ده، تحت الفستان رجليها يعني وكمان موضوع الكم القصير ده؟؟
بس نفسي البسهلها اوي اصله تحففففففففففففة وكان من ماذر كير وكوكو خالص.

وفيه طقم تاني بقي بردو شكله يدل علي انه نيو بورن بس مش بتاعي، تيشرت وشورت بس توتو خالص.

اه يا ايمي بعد الشاور تنشفي الجسم كويس وتحطي واه اافضل تستني عشان الجو برد
وقطن الودان انا عن نفسي مستخدمتوش لاني خايفه اكون بستخدمه غلط وبدل ما اطلع اشمع ادخله لجوه ويعمل مشكله
بصراحه كان جوزي بينضف ودن ندي هو يعرف عني في الموضوع ده وخصوصا ان ندي كان في مشكله في ودنها فكنت خايه بصراحه
ومعفش ايه شكل قطن الودان بتاع البيبي
لو هتجيبي بتاع الكبار هاتي من النوع الغالي ويه بيكون القطن فيه اكتر عن الرخيص

بصوا دول اهم وفيه حاجتين كمان كنت نسايهم بردو، شوفوهم كده وقولولي البس ايه تحتهم ولا اعمل ايه عشان البرد وكمان يبقي فيه نسبة وتناسب بين فوق وتحت.

لبسيها تحته كولون
وبدل البدي النص لبسيها بدي صوف مش عارفه اسم القماشه بس هي زي الصوف وهيبقي كميل عليها

hoba555;11014443:
اه يا ايمي بعد الشاور تنشفي الجسم كويس وتحطي واه اافضل تستني عشان الجو برد
وقطن الودان انا عن نفسي مستخدمتوش لاني خايفه اكون بستخدمه غلط وبدل ما اطلع اشمع ادخله لجوه ويعمل مشكله
بصراحه كان جوزي بينضف ودن ندي هو يعرف عني في الموضوع ده وخصوصا ان ندي كان في مشكله في ودنها فكنت خايه بصراحه
ومعفش ايه شكل قطن الودان بتاع البيبي
لو هتجيبي بتاع الكبار هاتي من النوع الغالي ويه بيكون القطن فيه اكتر عن الرخيص

ايوة صح ما هو فعلا استخدامه غلط وممكن ندخله من غير ما نحس يبقي زودنا الغلط اكتر.

وفعلا معاي حق الغالي بيبقي انعم وقطنه منفوش اكتر كده، بصي بتاع الاأطفال اهو:

hoba555;11014456:
لبسيها تحته كولون
وبدل البدي النص لبسيها بدي صوف مش عارفه اسم القماشه بس هي زي الصوف وهيبقي كميل عليها

مش عارفة هلاقي بادي لوحده كده ادها ولا لا ويبقي كمان مناشب للون ده، طيب والكولون حساه هايبقي خفيف بردو لوحده كده حتي لو مغطياها او لفاها

ما شاء الله عسل يا اخواتي

انا برده بحس الكلوون خيفيف عشان كده بلبس ندي بنطلونات في الشتا
بس كل مره اقول هجيبيه وتحصل حاجه ومجبش
بس سالت توتي من فتره قللتلي لا عادي بيدفي
واسالي علي بدي ممكن تلاقي عادي

hoba555;11014479:
انا برده بحس الكلوون خيفيف عشان كده بلبس ندي بنطلونات في الشتا
بس كل مره اقول هجيبيه وتحصل حاجه ومجبش
بس سالت توتي من فتره قللتلي لا عادي بيدفي
واسالي علي بدي ممكن تلاقي عادي

طيب هي فيه كلونات صوف ولا بتبقي كلها خفيفة.
ولو كده اجيب مقاس ايه، بتبقي عاملة زي اللبس بردو من 0-3 ؟؟؟

CuTie KaTkOoTa;10998964:
وجبت الكوفرتة دي للسبوع بقي كميلة اوي وفرايحي كده ورقيقة، ومش عارفة ليه هو كل اطقم السبوع لازم تبقي بيضة، انا مش حابة كده ومش هتقيد بالتقاليد دي ، هلبسها حاجة شيك وعادية اي لون

حلوة الكوفرتة اوى اوى ياكتكوتة
هو اية كريم سانوسان دة؟؟؟؟؟؟؟؟؟؟؟؟ لية كلكم جايبينو؟

هانا اوبا;11014489:
حلوة الكوفرتة اوى اوى ياكتكوتة
هو اية كريم سانوسان دة؟؟؟؟؟؟؟؟؟؟؟؟ لية كلكم جايبينو؟

تسلمي يا هوبا يارب، لا الكريم مش كله جايبه ولا حاجة، فيه بنات كتير اوي جايبين انواع تانية، بس هو المقصود يعني كريم الزنك وطبعا ده كذا نوع وكذا ماركة، وبتحطيه بعد ما تغيري البامبرز في المنقطة دي يعني عشان اي التهابات او كده.

ميكو كنتي بتسأليني صحيح علي خامة الكوفرتة، حماتي امبارح لما شافتها قالتلي الخامة دي كنا بنسميها زمان " البيكة"، فقلتلها انا مش لقياها اسم ومش عارفة اوصفها خالص، قالتلي لا هي اسمها كده.

CuTie KaTkOoTa;11014483:
طيب هي فيه كلونات صوف ولا بتبقي كلها خفيفة.
ولو كده اجيب مقاس ايه، بتبقي عاملة زي اللبس بردو من 0-3 ؟؟؟

مش عارفه بس شفت قبل كده كلونات تحيسيها زي قماشه الكارينا دي حستها هتبقي اتقل
االبادي بقي هتي كمه واسع من ناحيه الابط عشان اهدوم متكلكعش تحته وهاتيه عي حس ب المقاس الي ادامك اصلاالمقاسات مش بتكون دقييقه في لبس الخروج يعني متسمعيش كلام الباعين
يعني ممكن مقاس من 3 : 6

على فكرة يا بنات نوم البيبيهات على البطن ده غلط جدًا .. انتى ماتنيمهوش على بطنه الا وهو صاحى عشان يطلع الغازات بس وبتبقى دقايق معدودة لكن النوم لازم يكون على الظهر .. ودى مقالة بتأكد كلامى:

وربنا يحفظ أولادنا جميعًا يارب



متلازمة الموت المفاجئ عند الرضع و الأطفال

ذا المرض أو الحالة هو عبارة عن موت مفاجئ و غير مفسر عند طفل عمره أقل من سنة . و أكثر الحالات تحدث عند الرضع ما بين عمر 2 إلى 4 أشهر من العمر , وفي الولايات المتحدة مثلا ً يتوفى 3000 طفل سنويا ً بهذه الحالة .
أسباب و حقائق حول الموت المفاجئ :
لا تزال هناك حاجة لمزيد من الدراسات حول هذه الحالة لمعرفة أسبابها , و لكن يعتقد حاليا ً أن الحالة تنجم عن خلل في تنظيم ضغط الدم أو التنفس أو الحرارة أو كل هذه الأشياء مجتمعة عند الطفل لأسباب لا تزال غير معروفة تماما ً , و يزداد تأثير هذه العوامل بحيث تسبب الموت المفاجئ عند الطفل بعوامل إضافية و أهمها ترك الطفل ينام بوضعية الطب على البطن ( على بطنه ) لذلك يفضل عدم ترك الطفل الرضيع ينام بهذه الوضعية .
و بالتالي فالشيء الوحيد الذي بإمكان الأهل القيام به لمنع حدوث الموت المفاجئ عند الرضيع هو عدم ترك الطفل الرضيع ينام على بطنه و إنما النوم على ظهره و الوجه للأعلى و هي الوضعية الأكثر أمانا ً, و هذه الوضعية تجعل الطفل يتنفس بطريقة أكثر سهولة , بينما النوم على البطن يعرض الطفل لمزيد من ثاني أوكسيد الكربون خاصة إذا كان الطفل يغطى بكثير من الأغطية فوق رأسه ، و يجب أن تكون غرفة نوم الطفل مهواة بشكل جيد و دافئة و يجب إبعاد المخدات و الألعاب و الأشياء الطرية الأخرى عن مكان نوم الطفل خاصة عن رأسه ، و قد بينت الأبحاث أن الأطفال الذين اعتادوا النوم على ظهرهم يكونون أكثر عرضة للموت المفاجئ اذا غير الأهل وضعية نوم الطفل إلى النوم على البطن بشكل مفاجئ ، لذلك يجب دوما ً الإصرار على نوم الطفل على ظهره .


العوامل التي تزيد من احتمال حدوث الموت المفاجئ :


- ترك الطفل ينام على بطنه أو أحد جانبيه .
- ترك الطفل ينام على فراش طري و مخدات طرية .
- تغطية الطفل بالبطانيات و اللحف و خاصة رأسه .
- نقص وزن الطفل عند ولادته ( أقل من 2500 غ ) .
- تدخين الأم خلال الحمل و التدخين حول الطفل .
- تناول الأم للكحول خلال الحمل و كذلك المخدرات .
- إذا كان عمر الأم أقل من 20 سنة .

الوقاية :


- يجب عدم ترك الطفل ينام على بطنه .
- و كذلك عدم ترك الطفل ينام على الأثاث المخصص للكبار مثل الصوفا و الأسرة خوفا ً من انحصار الطفل في أحد زوايا المكان أو إختناقه تحت الأغطية .
- تأكد دوما ً من أن الطفل لا يغطي رأسه أثناء النوم و لا يقع أثناء النوم .

CuTie KaTkOoTa;10987413:
حلوين اوي يا جميلة مبروك عليكي وعليالبيبي، بس ليه جبتي نيو بورن، ولا البيبي كلاب مفهوش إلا المقاس ده؟
عامة اي حاجة تانية هاتي من 0-3 ولو لقيتي ماركات حسيتي انها نونو اوي يبقي هاتي من 6-9
بس البنات بتشكر في بيبي كلاب جدا وانه بيفضل فترة كبيرة وكده.
الفرشة والمشط بقي بتوع شيكو بكام؟

و الله يا قمر انا مالقيتش عندهم غير المقاس ده في الشايات و فعلا انا هاعمل اللي بتقوليه ده هاجيب على حسب الشكل لأن الماركات مقاساتها بتختلف.. الفرشة و المشط ب 43 وحاجة بس شعرها ناعم قوي

toty858;10987479:


اميرةالشايات والسالوبيت حلوين اوى انا كنت جايبة لمايا منهم نفس الالوان بالظبط
الشاية الاولى تحفة بجد حاولى تخلى الشايات كلها الشكل دة لانها اسهل في اللبس كتيييير عن السالوبيت وهما مش صغيرين ولا حاجة انا فضلت البسهم لمايا والله ل 4 شهور والخامة بتاعتهم مش هيجرالها حاجة خالص

مرسي يا قمر:025: هما فعلا ما شاء الله خامتهم ناعمة اوي و حاسة انهم هايستحملو يا رب الاقي منهم مقاس 0-3

صوت العيون;10990491:
الحاجه ما شاء الله جميله

بس الفرشه دى شعرها ايه معلشى




واسعار اول شايه

كمان الكوافيل البيضه منين وبكام ان شاء الله

بصي يا قمر الفرشة مكتوب عليها انها من خامات طبيعية و بجد ما شاء الله ناعمة اوي و الشاية ب 45 الباكيت فيه 2

hoba555;11014558:
مش عارفه بس شفت قبل كده كلونات تحيسيها زي قماشه الكارينا دي حستها هتبقي اتقل
االبادي بقي هتي كمه واسع من ناحيه الابط عشان اهدوم متكلكعش تحته وهاتيه عي حس ب المقاس الي ادامك اصلاالمقاسات مش بتكون دقييقه في لبس الخروج يعني متسمعيش كلام الباعين
يعني ممكن مقاس من 3 : 6

خلاص يارب الاقي ومش يبقوا غاليين اوي.

Eng. BoB;11014999:
على فكرة يا بنات نوم البيبيهات على البطن ده غلط جدًا .. انتى ماتنيمهوش على بطنه الا وهو صاحى عشان يطلع الغازات بس وبتبقى دقايق معدودة لكن النوم لازم يكون على الظهر .. ودى مقالة بتأكد كلامى:

علي فكرة فعلا كنت عايزة اقول كده لما البنات كانوا بيقولوا علي بطنه وجنبه وكده، بس نسيت اعلق وكمان حسيت انهم مش هايقتنعوان عشان زمان كل الأمهات كانوا فعلا بينيموا اكتر حاجة علي البطن وطلع ده غلط فعلا جدا وقرتها كذا مرة ، هو الظهر وبس