تجهيزات واستفسارات حوامل مصر :)

hoobie;11011039:
جيل ليه فرعين واحد على ناصية ش العريش في الهرم ..وفي فرع ليه في فيصل جمب كلية تربيه رياضيه وليه فرع في شارع البطل احمد في المهندسين وفي فروع تانيه بس دول اللي عارفاهم ..
محل شعبان جمب رويال سنتر في الهرم وده بواقي تصدير

الله يباركلك
طيب هو جيل ده اللى هو بتاع الملابس الداخليه الرجالى وبيبيع ماركات فيجا بتاعت الباديهات

dew.dew;11010992:


- معلش ممكن توصفيلى محل جيل ومحل شعبان

ماشاء الله حلوين قوى انتى جايبه السفنجه وال المخده من انهى صيدليه
ومكانها فين

انا جايبه من السعوديه من صيدليه النهدي ....المخده ده مخصصه لاطفال من سن 0-3 والاسفنجه
ممكن تلاقيهم في صيدليه كبيره عندك العزبي او سيف
وعلي فكره هما مش غاليييين

علي فكره ياكتكوتي
الترمتوتر الاطفال الافضل يكون فليكسبل حتي انا شوفت عند محمد كده بردو ماركه نوبي
مكتوب عليه فليكسبل وكويس

جدول الحمل

hoobie;11010036:
لا يابسبس هي قصدها متتغطتش بشاش او رباط او كده يعني لان فعلا مش بتنشف وبعد الشر ممكن تعمل ريحه وحشه ..يعني لما تلبسيه البامبرز نزليه شويه عن السره واتني الطرف بتاع البامبرز اللي فوق (مش عارفه اسمه ايه) عشان ميجرحش السره لو احتك بيها ولبسيه بقى الشايات والهدوم عادي فاهماني.؟

طيب مش كدة الكحول ممكن يبوظ الهدوم ؟؟؟

dew.dew;11010181:
يابنات دكتور مدحت الزيات والدكتور بتاع برنامج العياده
قال المناديل المعطره والبودره والزيت والكلونيا والحافضات اللى بتبقافيهاكالونيا كتير غلط على جلد البيبى والاحسن هو الصابون الاطفال

ايوة انا ناوية ان شاء الله ماستعملش الوايبس في التغيير الا وانا برة البيت لكن في البيت ان شاء الله هاستخدم المية وصابون الاطفال

dew.dew;11011264:
جدول الحمل

جزاكي الله خير :083:

لا ياقمر الكحول مش هيبوظها ولا حاجه وغالبا الداخلي ابيض فمفيش لون هيطلع

ديو هو اصلا بتاع بيجامات بس بيبع داخلي رجالي

hoobie;11011790:
لا ياقمر الكحول مش هيبوظها ولا حاجه وغالبا الداخلي ابيض فمفيش لون هيطلع

ديو هو اصلا بتاع بيجامات بس بيبع داخلي رجالي

طب معلش سؤال كمان انا جايبة الداخلي كله ملون يعني كدة الالوان ممكن تطلع ؟ :047:

hoobie;11010036:
لا يابسبس هي قصدها متتغطتش بشاش او رباط او كده يعني لان فعلا مش بتنشف وبعد الشر ممكن تعمل ريحه وحشه ..يعني لما تلبسيه البامبرز نزليه شويه عن السره واتني الطرف بتاع البامبرز اللي فوق (مش عارفه اسمه ايه) عشان ميجرحش السره لو احتك بيها ولبسيه بقى الشايات والهدوم عادي فاهماني.؟

بالظبطططططططططططططططططططططططططط

white angel 85;11010692:
ربنا يقومك بالسلامة يا رب يا ماهي اعترفي البافيتات والبورت منين وبكام؟؟؟؟؟؟؟ظ

ربنا يخليكى يا جميلين
البافتات فى منها من فتح الله و باكوس
و الاسعار بسيطة اوى مابين 2.50 لحد 7.50

و البورت من محل اللى قالت علية بنوتة هنا معانا فى المنشية ف الزنقة اللى اسمو رويال بيبي و جيباها ب 110

sosiii-cat;11011818:
طب معلش سؤال كمان انا جايبة الداخلي كله ملون يعني كدة الالوان ممكن تطلع ؟ :047:

لا لا خالص متقلقيش

طب اسدال الرضاعة أو مريلة الرضاعة ديه أجيبها منين ... أنا نفسي فيها أوي لأني باتكسف جدا

يا ريت يا بنات في الأول اللي حتولد قريب ان شاء الله لما تيجي تغير للبيبي تجيب علبه صغيرة بلاستك كده تحط فيها ميه دافيه ساعه الغيار و تجيب قطن طبي و تغير للبيبي في مكانه عشان مش يبرد و انتي رايحه جايه علي الحمام و تغيري تحطي القطنة في الميه و تعصريها و تمسحي للبيبي و بعد كده ترميها و تمسحي بالفوطة كويس خصوصا التنيات اللي بين رجليه تحطي زيت بسيط خالص و تلبسي الابامبرز عشان بيكون برد عليه حتي لو لفتيه ماهو الحمام تلج و هما صغيرين قوي ( طبعا أنا قصدي لما يعمل urine )

بنات من فضلكم
كانت في بنوتة اشترت كريك زنك سانوسان ممكن تحط صورتة او حتى مكتوب علية اية ؟؟؟
انا جبتة بس اللى علية طبعا مش انجليش وعاوزة اتاكد انة بتاع التسلخات
هو كان ب 25 هو ولا واحد تانى ؟؟؟

بنات انا لاحظت و انا بقرا اللى فات ان معظم اللى ولدوا زى انوسة و جومانا مثلا دخلوا اودة العمليات على رجلهم و هما لابسين لبس العمليات و دة بيبقى مفتوح وقصير مش كدة؟ طيب نجيب روب مثلا او حاجة نلبسها عليه و ندخل بيها ولا اية؟؟؟ او لو واحدة من اللى ولدوا قبل كدة توضحلى النقطة دى يبقى جزاها الله خير

m@hy;11010047:
كتكوتة ياقمر عاملة اية يا توتا:087:
انا اول مرة اعرف منك ان سانوسان فية شامبو و باث مع بعض:02:
يلا هيعددددددى:096:
و الباودرة مش عارفة اصلا جبتها لية لقتيها قدامى
اومال استخدم السفنجة امتة؟؟ و احمية باية ف الاول

وتحيلى انى مش عرفت نوع البيبي لحد دلوقتى واخد وضع السجود و الدكتورة قالتلى اعملى ال4D
بس انا سيباها على ربنا اللى يجيبة ربنا كويس
:025:

ان شاء تفرحي به يارب، بصي انا جايبة زي جوانتي كده من خامة الفوط والبشكير عشان احميها بيها في الفترة الاولي دي وناعم وحنين، وروشي اللي كانت معانا كانت بتقول بقي مجبتش اي حاجة خالص من دول كانت بتجيب فانلة داخلية مثلا وتعمل بيها عشان بتبقي ناعمة اوي علي جلده.

dew.dew;11010181:
يابنات دكتور مدحت الزيات والدكتور بتاع برنامج العياده
قال المناديل المعطره والبودره والزيت والكلونيا والحافضات اللى بتبقافيهاكالونيا كتير غلط على جلد البيبى والاحسن هو الصابون الاطفال

ايوة طبعا اي حاجة معطرة او كده غلط علي الاطفال الصغيرين، وحتي اختي لسه مفكراني بكده بردو امبارح.

miko85;11011226:
علي فكره ياكتكوتي
الترمتوتر الاطفال الافضل يكون فليكسبل حتي انا شوفت عند محمد كده بردو ماركه نوبي
مكتوب عليه فليكسبل وكويس

بجد يعني محمد كمان قالك عليه انه كويس؟
طيب معندكوش الماركة اللي انا جبتها دي، اصل اختي كانت مستغربة لما قلتلها انه مطاطي كده وقالتلي بس المطاط مش موصل جيد للحرارة وكمان ممكن تعضعضه، فكنت عاية اشوف هايبقي كويس ولا ايه.

sosiii-cat;11011300:
طيب مش كدة الكحول ممكن يبوظ الهدوم ؟؟؟

لا لا ده كحول يعني مادة بتطير بسرعة جدا اصلا زي السبرتو كده، مش هايبقع ولا بيفضل اصلا متخافيش.

عروسة نعومة;11012662:
طب اسدال الرضاعة أو مريلة الرضاعة ديه أجيبها منين ... أنا نفسي فيها أوي لأني باتكسف جدا

بصي انا شفته في الصياد بس اللي هناك معجبونيش، وتقريبا هدي او حد قال شافتهم في لافلي وكانوا حلوين وزي اللي عالنت بالظبط.

toty858;11012885:
بنات من فضلكم
كانت في بنوتة اشترت كريك زنك سانوسان ممكن تحط صورتة او حتى مكتوب علية اية ؟؟؟
انا جبتة بس اللى علية طبعا مش انجليش وعاوزة اتاكد انة بتاع التسلخات
هو كان ب 25 هو ولا واحد تانى ؟؟؟

اهو يا توتي:


وبصراحة انا مكنتش هعرف انه زنك لأني فعلا حاولت افهم من عليه اي حاجة مفيش ومفيش لغة انجليش، بس عرفت لأنه مكتوب علي الاستيكر بتاع السعر كريم زنك وسألت الصيدلي كمان وقلتله فيه انواع ايه تاني، فقالي علي كذا حاجة بس اخدت ده بردو.

CuTie KaTkOoTa;11013451:

اهو يا توتي:


وبصراحة انا مكنتش هعرف انه زنك لأني فعلا حاولت افهم من عليه اي حاجة مفيش ومفيش لغة انجليش، بس عرفت لأنه مكتوب علي الاستيكر بتاع السعر كريم زنك وسألت الصيدلي كمان وقلتله فيه انواع ايه تاني، فقالي علي كذا حاجة بس اخدت ده بردو.

ميرسي اوى ياكتكوتة بس انا معنديش اللزقة الى فوق دى بصي انا صورتلك العلبة نفسها قوليلى هيا ولا




ومكتوب عليها
pflegecreme
creme de soin

بصي يا توتي انتي ممكن تدخلي على جوجل وتشوفي الترنسليشن تول بتاعه اكتبي من الماني لانجليزي واكتبي الكلمه دي وهيجيلك الترجمه

فعلا ياهوبي انا عملت كدة كتبلى كريم الحماية؟؟
بس الله واعلم حماية من اية
ههه
حماية الشعر ولا الجلد ولا اية مش عارفة

toty858;11013967:
ميرسي اوى ياكتكوتة بس انا معنديش اللزقة الى فوق دى بصي انا صورتلك العلبة نفسها قوليلى هيا ولا




ومكتوب عليها
pflegecreme
creme de soin

لا مش هي نفس العلبة اللي عندي، اللي عندي مش كبيرة كده ارفع، وكمان الكلام مختلف وكان ب 30، ونسيت اقولك حاجة اكدتلي كمان انه زنك مكتوبة في المكونات استني هكتبلك كل اللي عليها:

من فوق :
baby ointment, wundschutzcreme, creme protectrice, olivenol & milchprotein

الكلمة دي تحسيها جاية من اوليف اند زنك الكريم التاني يعني، وورا بقي مكتوب بالإنجليش الوصف وواضح اوي الكلام، انا اتلخبط بينه وبين حاجة تانية انه مفهوش انجليش معلش:

the combination of natiral ingredients, including olive oil and lacto protein, calms irritated skin and protects the diaper area against redness and soreness.

وفي المكنوات نفسها مكتوب:

talc, zinc oxide, panthenol, milk protein

طبعا دول مش كل المكونات دول كتير اوي ، بس نقتلك الحاجات المفهومة واللي ليها علاقة بالموضوع