تجهيزات واستفسارات حوامل مصر :)

جزاك الله خير
دول اسئل عليهم فى الصيدليه يعنى ان شاء الله

صوت العيون;10852905:
جزاك الله خير
دول اسئل عليهم فى الصيدليه يعنى ان شاء الله

في الصيدلية وكمان في محلات الاطفال، بس دوري علي اللي بتتغسل واقري علي العلبة واتاكدي بنفسك بردو، بس اللي لاحظته انه دايما اللي بيتغسلوا بيبقي عددهم قليل زي ما انتي شايفة كده، لكن اللي بتترمي بتبقي 30 واحدة مثلا 40 كده يعني، فركزي كويس، وفيه انواع واسعار كتيرة متتخضيش.

تمام يعنى اقوله بادز الى بتتغسل طيب كويس
تسلمى
ولا كنت اعرف عنها حاجه
جزاك الله خير

ميكو مبروك حاجات لارا يا جميله
كتكوتى السرير حلو مااشاءالله وحلوه الادراج كمان :)
بصى البتاعه اللى معاه دى زى اللى هوا بارتشن ده
عارفه اللى بيبقى عند الدكاتره :)
والله بجد اللى عند بابا فى العياده شبه ده بس كبير
اسمه ايه ياربى مش عارفه اجيب اسسسسسسسسمه
ايونننننننننننننن
بارافااااااااااااان
وبيبقى ليه قماش معين كده بيتعلق منه فى العليقات دى تقريبا علشان النور بقى او كده بس مش عارفه الصراحه ايه الى جابه مع البيبى؟؟؟
اسئلى اخوكى برده وقوليلنا

صوت العيون;10852930:
تمام يعنى اقوله بادز الى بتتغسل طيب كويس
تسلمى
ولا كنت اعرف عنها حاجه
جزاك الله خير

اه انا بدخل اسأل علي بادز الرضاعة وكلهم بيفهموا عالطول، واسأليه دي بتتغسل ولا وانتي كمان شوفي بنفسك متعتمديش علي كلامه وبس، وعددها وسعرها بردو هيساعدك في انك تتاكدي زي ما قلتلك ده في اغلب اللي لاقيتهم يعني.

mashimaro16;10852932:
ميكو مبروك حاجات لارا يا جميله
كتكوتى السرير حلو مااشاءالله وحلوه الادراج كمان :)
بصى البتاعه اللى معاه دى زى اللى هوا بارتشن ده
عارفه اللى بيبقى عند الدكاتره :)
والله بجد اللى عند بابا فى العياده شبه ده بس كبير
اسمه ايه ياربى مش عارفه اجيب اسسسسسسسسمه
ايونننننننننننننن
بارافااااااااااااان
وبيبقى ليه قماش معين كده بيتعلق منه فى العليقات دى تقريبا علشان النور بقى او كده بس مش عارفه الصراحه ايه الى جابه مع البيبى؟؟؟
اسئلى اخوكى برده وقوليلنا

تسلمي يا منورة، اه الادراج دي فعلا هاتبقي كويسة اوي وتحل شوية في ازمة الزنقة :lol::lol:
تصدقي فعلا شبه البرفان علي رأيك بس ده اصله مش بيتفرد تلاتة مفتوحين خالص زيهن لا ده عامل زي نجمة فهماني، يعني التلاتة ممسوكين مع بعض من النص كده وكمان ده صغنتوت وقصير، تفتكري برفان للبيبيهات ولا ايه :):):)

صوت العيون;10852432:
ما شاء الله حلوين
قولى الاسعار مع الحاجه لو فكره ان شاء الله

البجامه ب 27 ريال والتلاته سلوبتات ال ورا بعضهم 30 رايال واخر واحد ب 10 ريال

ماشاء الله ميكو هدوم لارا تحفة بس كدة فى تحيز انتى مجبتيش لادهم لية بقى؟

كتكوووووت السرير جميل جدا و ظبطيله فرش جامد و هيبقى رائع ان شاء الله

لو طاقيه ولكلوك وجوانتي ب 12 ريال يعني 20 مصري وهما قطن غالين ولا لا

miko85;10859014:
لو طاقيه ولكلوك وجوانتي ب 12 ريال يعني 20 مصري وهما قطن غالين ولا لا

لا يا جميله يا دوب اصلا مش حتلاقى حاجه ارخص من كده اعتقد

sweet_toota;10854177:

كتكوووووت السرير جميل جدا و ظبطيله فرش جامد و هيبقى رائع ان شاء الله

تسلمي يا دودو، بس يارب الاقي مقاسه في الجاهز، لأني لما قسته لقيت عرضه ازيد سنة من المقاس اللي تاكي مثلا اداهولي فلسه هعمل جولة كده واشوف ربنا يسهل ان شاء الله.

miko85;10859014:
لو طاقيه ولكلوك وجوانتي ب 12 ريال يعني 20 مصري وهما قطن غالين ولا لا

لا كويسين يا ميكو، لأن هنا الطاقية القطن اللي خامتها حلوة بتبقي ب 8 كده، فلو حسبتيها هاتبقي حلو مع بعض كلهم.

miko85;10849964:
صح انت ولدتي شهر 4 طيب مش تقولي
طيب بصي زياده علي البطاطين اجيب كوفرته ولا مش ال هي قطن ال هي كده اتقل مش عارفه قماشتها
انا جبت 2 قطن كده وهاجيب بطانيه اجيب كوفرتات دي ولا ايه

miko85;10851722:
هوبي انتي لبستي محمد امتي بالنصف بعد ماكمل كام شهر معلش هاتعبك معايا

والله يا ميكو قلت بس تلاقيكي مخدتيش بالك :) ..بصي ياقمر هاتي اه كوفيرته واحده قطن وهتنفعك مثلا لو حبيتي تحطي البيبي في عربيته او بداية الحر تغطيه بيها منغير ماتخففيله هدومه كده ..انا كنت جايبه كوفيرته قطن دبل وبعدين في الصيف بقى جبت كوفيرتتين قطن خفاف

ولبست محمد بنص كم لما تم التلات شهور يعني تقريبا نص سبعه بس كنت بقلله بقى الهدوم يعني مثلا كنت بلبسه فانله نص و كم وسالوبيت لا شلت النص الكم بعدها شويه بقيت البسه النص وشلت الكم وكده لحد ما رسيت في الاخر على قطعه واحده نص كم ..وطول الصيف محمد ابني في البيت مش لابس غير الشايه النص كم والبامبرز ..

miko85;10851697:
ياعيال انا مش عارفه اجيب اد ايه بجامات وسلوبات بيت وخروج علشان انا محتاره اووي
وياتري يلبسوا بنصف كم وهما عندهم كام شهر

في اول 3 شهور مش تكتري ..كده كده اولاماشاء الله هيكبروا بسرعه على الهدوم وثانياهيبقوا ملفوفين فيالكوفيرتات فمش بيبان لبسهم ..يعني مثلا ممكن تجيبي 6 سلوبيتات للبيت واتنين خروج كفايه اوي ومش تستغلي في حاجة البيت

CuTie KaTkOoTa;10852874:
بنات اهو السرير اللي كان عند اخويا وادهولي، معلش هو عايز بس ياخد وش استر تاني يديله رونقه زي الجديد ولسه لما يتفرش هايفرق طبعا، ده وشه:






وده من الجنب:






وده من الظهر:







سؤالي بقي: انا عايزة اعرف ايه اللي في الصورة اللي جاية دي، لأني لقتها مع السرير لما اخدته، ولسه واخدة بالي منها امبارح لما ركبناه ومش عارفين دي بتاعة ايه، فقلت اسألكم يمكن حد يفيدني لغاية ما اسأل مرات اخويا، جوزي وحماتي بيقولولي يمكن منشر لهدوم البيبي بس انا مش مقتنعة وكمان ليها عجل، وهي بتتضم وتبقي فرعين بدل التلاتة دول يعني كانها مقفولة.

كيكوتة السرير لزيز اوى ومع الفرش هيتالق اكتربصى ممكن يكون البارفان دة لتعليق هدوم البيبى مش عهارفة لما شفتو حسيت كدة او تحطى لعب صغنتتة علية تدى شكل حلو:L:

البناطيل القطن كام ان شاء الله

هانا اوبا;10859770:
كيكوتة السرير لزيز اوى ومع الفرش هيتالق اكتربصى ممكن يكون البارفان دة لتعليق هدوم البيبى مش عهارفة لما شفتو حسيت كدة او تحطى لعب صغنتتة علية تدى شكل حلو:L:

ربنا يخليكي يا جميلة، انا هتجنن من البرافان ده، هموت من الفضول واعرف ده ايه.

صوت العيون;10860107:
البناطيل القطن كام ان شاء الله

قصدك العدد ، هاتي 6 بردو او علي اد ما انتي هاتجيبي الشايات او الفانيلات اللي فوق.

كان فى بنوتة قالت على الفوط الصحية اللى بعد الولادة
ممكن تقولى مركتها و سعرها تانى
عشان ببدأ احضر الشنطة
وكمان قولولى اخد معايا اية المستشفى؟؟

اشتريت دا من كام يوم

m@hy;10863251:
اشتريت دا من كام يوم

بكام ده ياماهي ومنين وهوعباره عن طقم كوفرته وبافيته ولكلوك ويالبوتت وطاقيه صح كده

miko85;10863279:
بكام ده ياماهي ومنين وهوعباره عن طقم كوفرته وبافيته ولكلوك ويالبوتت وطاقيه صح كده

اة يا جميل بالظبط كدا
سعرة تقريبا 60 جنية
حاسة سعرة واو الصراحة انا جايبة كوفرتة بس ب 65 جنية

دا من اسكندرية يا توتا