تجهيزات واستفسارات حوامل مصر :)

صوت العيون;10843100:
ممممممممممم
اصل سمعت انها حلوة فى البيت وبرده الخروج للاحتياط
لا بس مفهمتش قطن تقصدى مش بامبرز بقا لفه عاديه صح

اه زي ايامنا مكناش بنلبس بامبرز، فعشان كده كانوا بيلبسونا فوق الكافولة البانتي المشمع ده، او الكافولة اللي هي مشمع من بره ومن جوا بشكير، لكن دلوقتي مالوش لزمة وبالعكس هيضايق ويحرر وممكن يجيب كمان التهابات.

sosiii-cat;10845201:
يا بنات طيب ممكن بعد اذنكم لو فيه صور توضح الفرق بين اللفة والكوفرتة لان انا كمان مش عارفة وانا ماجبتش بطانية تقيلة جبت خفيفة بس ينفع ابقي الف البيبي ان شاء الله بكوفرتة الاول وبعدين البطانية الخفيفة ولا ماينفعش انا هاولد الشهر الجاي باذن الله يعني في عز البرد ؟

زي ما بيبو قالتلك سالوبيت وفوقه البطانية لو الجو برد اوي يعني، ولو ان في سالوبيتات تقيلة ومبطنة جامد موووت بردو، فيه خامات كتيرة.

بيبو الحاجات كميلة اوي مبروك عليكي وعلي البنوتة الحلوة :):)


ميكو بصي الكوفرتة زي اللي انا جايباها دي، قطن طبقتين وفيه كمان اللي بتبقي تريكو.



لكن اللفف بتبقي طبقة واحدة، وغالبا هتلاقيها بيضاء او مش عليها حركات كتيرة وخفيفة خالص كده ودي اصلا انا مش حاسة ان ليها لزمة، كانوا زمان اه لازم يلفوا بيها البيبي كويس عشان ظهره ووسطه وكده.

مورو بصي انتي كنتي بتقولي ان الراجل قالك علي كله لفف للبيبي سواء اللي خامته قطن او فوطة او كوفرتة، انا لاحظت اصلا ان البياعين فيه جزء كبير منهم غبي اوي ومش فاهمين بيبيعوا وبس بجد والله، يعني في التوحيد والنور والصياد كل ما اجي اسأل عليه تطلعلي حاجة تانية او خامة ملهاش علاقة، وصادفتني فعلا في موضوع الكوفرتات ده، لقتها مطلعالي بشكير، وشوية اللي هي تريكو وشوية مش عارفة ايه، فلما لقيت كده قلت اخدها علي اد عقلها واعمل نفسي اني بس مجرد عايزة حاجة اخف او خامة تانية وانها فاهمة صح عادي، لغاية ما طلعتلي كوفرتة قطن طبقتين كده قلتلها بس عايزة دي، وفضلت بردو اكد عليها اني عايزاها من غير راس او كابيشو ده، ده مخلياه للبشكير بس، لكن قلت الكوفرتة بلاش وانا جيباها للبيت.

فملكمش دعوة باللي هما بيقولوه، شوفوا انتم واحكموا بنفسكم، وبردو لما بقولهم بنطلون داخلي، ساعات يطلعولي بنطلون قطيفة او عامل زي البشكير كده، اقولها لا انا عايزة القطن اللي تحت الهدوم ، ده تقيل ينفع يتلبس لوحده، وبعدين يفهموا ويقولولي اه فيه وساعات مفيش، كل مرة كده وقليل لما بيجمعوا صح من اول مرة.

كان فيه بنوتة بتسأل علي قطن الودان بتاع البيبي اذا كان مختلف عن الكبار ولا لا نسيت احطلها صورته، اهو يا جميلة:




وبصوا دي لقتها في الصياد بالظبط،



بس انا جبت الشكل التاني اللي ورتهلكم قبل كده، حسيت انها انعم اكتر شوية من دي وكمان قلت فيها حتة المساج دي تنفع للسن الاكبر كمان شوية هاتبقي لذيذة وكانوا بسعر مشابه اوي لبعض.

ايوه يا ميكوا همه دول اللفف الي انا جايبه منهم 6

البنات اللي هيولدوا الشهور دي ولحد شهر 4 لازم تجيبوا بطاطين الجو برد على العيال اوي هم مش بيستحملوا زينا وبيبقوا متلجين خدوا بالكم الله يكرمكم انا ولدت في 25 ابريل وكنت بغطيه بلحاف وكوفرته لان الجو كان برد فعلا ..وبعدين البطاطين واللحفه مش هتترميبعد كده ماهي هتنفعكم السنه اللي بعديها ..يعني اللي هتولد اخر مايو مثلا دي اللي ممكن متجيبش بطانيه غير كده لازم تجيبوها

hoobie;10849650:
البنات اللي هيولدوا الشهور دي ولحد شهر 4 لازم تجيبوا بطاطين الجو برد على العيال اوي هم مش بيستحملوا زينا وبيبقوا متلجين خدوا بالكم الله يكرمكم انا ولدت في 25 ابريل وكنت بغطيه بلحاف وكوفرته لان الجو كان برد فعلا ..وبعدين البطاطين واللحفه مش هتترميبعد كده ماهي هتنفعكم السنه اللي بعديها ..يعني اللي هتولد اخر مايو مثلا دي اللي ممكن متجيبش بطانيه غير كده لازم تجيبوها

صح انت ولدتي شهر 4 طيب مش تقولي
طيب بصي زياده علي البطاطين اجيب كوفرته ولا مش ال هي قطن ال هي كده اتقل مش عارفه قماشتها
انا جبت 2 قطن كده وهاجيب بطانيه اجيب كوفرتات دي ولا ايه

ازيكو يا بنات وحشتوني جداااااااا..ياترى فكرني ولا لا انا كنت معاكو في التجهيز

انا حامل دلوقتي في الشهر ال 5 وطلعت بنوته الحمدلله ولسه مجبتش اي حااااااااجه رايكو ابدء من دلوقتي ولا لسه اصلي هولد في اول 5 انشالله او اخر 4

وكمان عوزه اعرف من كل واحده هتولد فين وبكام انا بتابع مع دكتوره في الهرم كويسه وشطره الحمدلله بس اسعار ولادتها بصراحه كتير اوى يعني الطبيعي ب من 3 ونص الى 4 والقيصري من 6 ونص الى 7 فعوزاكو تسعدونى

على فكره حاجتكم كلكو حلوه اوووووي كتوكوته وميكو وماشيمارو ربنا يقومنا كلنا بالسلامه قلولي بقا اسماء بنات جديد
ه وحلوة....

مرمر انا فكراكي ازيك بس انا مكنتش معاكي في التجهيزات انا دفعه اديمه اوي ههههههه
انتي بتبعي مع الدكتوره مين في الهرم
وممكن تشتري الداخلي دلوقتي معظم البنات هنا هيوولدو اربع وخمسه شوفي

hoba555;10851057:
مرمر انا فكراكي ازيك بس انا مكنتش معاكي في التجهيزات انا دفعه اديمه اوي ههههههه
انتي بتبعي مع الدكتوره مين في الهرم
وممكن تشتري الداخلي دلوقتي معظم البنات هنا هيوولدو اربع وخمسه شوفي

دكتوره في فيصل بعد المريوطيه كده بشويه اسمها ريم حماد

وانت قليلي اخبارك..F:

ياعيال انا مش عارفه اجيب اد ايه بجامات وسلوبات بيت وخروج علشان انا محتاره اووي
وياتري يلبسوا بنصف كم وهما عندهم كام شهر

هوبي انتي لبستي محمد امتي بالنصف بعد ماكمل كام شهر معلش هاتعبك معايا

حاجات لارا ياعيال
ده بجامه

وده سالبوتات تقريبا خروج




وده تقريبا بتاع البيت

ما شاء الله حلوين
قولى الاسعار مع الحاجه لو فكره ان شاء الله

marmarena;10851015:
ازيكو يا بنات وحشتوني جداااااااا..ياترى فكرني ولا لا انا كنت معاكو في التجهيز

انا حامل دلوقتي في الشهر ال 5 وطلعت بنوته الحمدلله ولسه مجبتش اي حااااااااجه رايكو ابدء من دلوقتي ولا لسه اصلي هولد في اول 5 انشالله او اخر 4

على فكره حاجتكم كلكو حلوه اوووووي كتوكوته وميكو وماشيمارو ربنا يقومنا كلنا بالسلامه قلولي بقا اسماء بنات جديد
ه وحلوة....

ازيك يا قمراية عاملة الف مليون مبروك يا جميلة، اومال مكنتيش بتدخلي معانا هنا ليه من الاول، خليكي معانا بقي وفي التشات كمان:
http://forums.3roos.com/showthread.php?p=10852746&posted=1#post10852746

بنات انا جبت دول يوم الخميس، كنت كل شوية اروح الصياد او اتصل بيهم عشان اسأل البنطلونات الداخلية جت ولا لسه واول ما قالوا فيه وروز كمان زي ما انا عايزة رحت، المهم لما رحت ملقتش بردو في محلين منهم ولقيت في التالت ابيض بس وبعدين رحت الرابع اللي ورا ده لقيته مختلف عنهم خالص وفعلا حسيت انه ستوك ، المهم جبت منه اتنين من الروز ده بقي هو لونه فاتح وباهت شوية بس مش مشكلة بقي، الغامق لقيته خامة تانية تقيلة كده.


وجبت البادز دي من صيدلية هناك جنبه:

ايه البادز دى

بنات اهو السرير اللي كان عند اخويا وادهولي، معلش هو عايز بس ياخد وش استر تاني يديله رونقه زي الجديد ولسه لما يتفرش هايفرق طبعا، ده وشه:



وده من الجنب:



وده من الظهر:




سؤالي بقي: انا عايزة اعرف ايه اللي في الصورة اللي جاية دي، لأني لقتها مع السرير لما اخدته، ولسه واخدة بالي منها امبارح لما ركبناه ومش عارفين دي بتاعة ايه، فقلت اسألكم يمكن حد يفيدني لغاية ما اسأل مرات اخويا، جوزي وحماتي بيقولولي يمكن منشر لهدوم البيبي بس انا مش مقتنعة وكمان ليها عجل، وهي بتتضم وتبقي فرعين بدل التلاتة دول يعني كانها مقفولة.

صوت العيون;10852821:
ايه البادز دى

اللي بتتحط جوا البرا عشان فترة الرضاعة دي ساعات بتخلي اللبن ينقط او يجي علي الهدوم من جوا، فدي عشان تتشربه ومتوسخش هدومك، وفيها منها اللي بتتغسل زي دي وفيه منها اللي بيستخدم مرة واحدة وتترمي.

بكام يا جميله

صوت العيون;10852885:
بكام يا جميله

دول 6 وحدات كانوا ب 40، وعاملي خصم عليهم اخدتهم ب 36، نوعهم فارلين، هدي كانت جابت نفس النوع ولقتهم صدفة قدامي فقلت بدل ما الف تاني بقي لأني كل ما بسأل عليهم بلاقي اللي بيترموا بس وبيبقي عددهم اكتر بكتير بس حرام وبحس انه رمي فلوس في الارض بتبقي غالية، وفيه ارخص تقريبا بردو في لافلي، بس معرفتش نوعها ايه، كريزي اناناس كانت جابت اتنين ب 9 اطن قالت كده.

بس انا بفكر لو عرفت اروح لافلي النهاردة مثلا ولقيت فعلا الارخص دول وكانوا حلوين او شبه دول، هرجع دولن لكن لو لقيت اللي معايا احسن يبقي خلاص وعددهم كده مناسب اوي تقريبا مش هحتاج اكتر من كده.