تجهيزات واستفسارات حوامل مصر :)

كارفور اللى فى اسكندرية

كاتو فين حرية مول دى وانتي اشتريتي حاجتك منين

روعة ماشاء الله ربنا يهنيكي انتي والبيبي فيهم يارب

بس فهموني ايه الفرق بين البافتة وفوط القشط ؟؟

عروس البحر;10566946:
كاتو فين حرية مول دى وانتي اشتريتي حاجتك منين

روعة ماشاء الله ربنا يهنيكي انتي والبيبي فيهم يارب

بس فهموني ايه الفرق بين البافتة وفوط القشط ؟؟

ربنا يخليكي يا قمراية تسلمي، بصي حرية مول في روكسي في شارع الأهرام، لو عارفة سينما نورماندي او محل رسمية المكان القديم بتاعه قبل ما يتنقل، هو في نفس الشارع بس في اوله وعلي نفس صف المحلات دي، لو انتي جاية من ميدان صلاح الدين، هتكملي فيه مع شريط المترو وهتلاقي الكنسية علي ايدك الشمال وعدي التقطاع ده وكملي شوية هتلاقي ميدان تاني وفيه كنسية علي شمالك تاني بردو، كملي سنة وهتلاقي المول علي يمينك عالطول، ولو من ناحية روكسي بقي، الشارع الرئيسي اللي فيه سينما روكسي كملي لأخره لغاية ما توصلي للتقاطع اللي فيه المترو وقومي داخلة شمال وكملي عالطول، هتلاقي بيتزا هت وبعدها محل ابو عوف بتاع البيجامات وكده والمول بعضه عالطول.

البافتة بتبقي للأكل او لو ريل او نزل من بقه اي سائل، لكن الفوط بتحطيها علي كتفك بعد ما ترضعيه وتشيليه علي كتفك كده عشان لما يقشط وينزل اللبن ميجيش عليكي، ساعتها البافتة مش هتنفع في الظروف دي لأنها بتبقي علي صدره مش هتعرفي تحطيها علي كتفك.

اخيرا فهمت الفرق بين البافتة وفوط القشط ربنا يكرمك يارب

طيب كل حاجتك من الحرية مول يعني واسم المحل ايه؟؟

حاسة اني تاييهة مش عارفة اروح فين واجي منين

عروس البحر;10566966:
اخيرا فهمت الفرق بين البافتة وفوط القشط ربنا يكرمك يارب

طيب كل حاجتك من الحرية مول يعني واسم المحل ايه؟؟

حاسة اني تاييهة مش عارفة اروح فين واجي منين

لا ده انا جبت الشنطة بس منه بس هو فيه حاجات هناك بردو من محل اسمه دباديبو في الدور الأول، لكن باقي الحاجات جبتها من محل الصياد اللي في مساكن شيراتون، ولسه طبعا باقيلي حاجات بردو هكملهم بقي ان شاء الله من محلات مشكلة في ميدان الجامع والزيتون وحاجات كده، والبانيو جبته من التوحيد والنور.

اه حلو اوي البانيو ماشاء الله متهيألي احسن من البانيو المستويات ولا ايه؟؟

طب الشايات البيبي كلاب منين من الصياد بردو؟؟

بصي هاتيلي العنوان تفصيلي مشوار سقع ههههههههههه المشكلة ان ماما معترضة عالشايات دي عايزة الفانيلات العادية مقتنعة ان ممكن البيبي يسرب او كدة ونغير الهدوم كلها فياخد برد لكن الفانيلة مفتوحة من تحت مش هتتأثر

مشيمارو الصور بتاعتك ياحبيبتي ولا صورة واضحة بس الف الف مبروك عقبال ماتشوفي الحاجة عالبيبي اعيدي التصوير

بناويت ازيكم عاملين ايه
انا روحت النهارده لافلى وجبت منه حاجات وعايزه اعرف كده صح ولا عبط ولا ايه :D

جبت البافتات دى







وجبت السالوبتتات دى













وجبت التتينه الاوتو كلوز


وجبت اللى زى الجوانتيات دى







لو فى اى حاجه من الى انا جيباها مش حلوه فى الاستخدام او ماركه مش كويسه ياريت تقولولى علشان اعرف واقدر ابدلها



انا عارفه انى لازم اجيب الشايات بس كانت خلصانه عندهم بيبى كلوب ومش عاجبنى اى ماركه تانيه

دلوقتى ماما بتقولى مش حيلبس جلابيه؟؟ انا قولتلها جلابيه ايه؟ لا سالوبتات وخلاص
ايه بقى الموضوع بتاع جلابيات دى
والبنت فعلا ورتنى جلابيات اطفال حلوه اوى


دلوقتى اجيب تيتينه كمان ولا كفايه واحده؟
والاحسن بقى اجيب ببرونه واحده اجبها شيكو ولا افنت ولا نك؟
انا قريت تجارب الناس فى افنت وقالو انها بتوقع اللبن او السائل اللى جواها ... صح ولا غلط ؟


وبجد لافلى احسن محل روحته وفيه حاجات حلوه والاسعار كويسه
يعنى روحت محل تشايلد مول ده غالى وعلى الفاضى الحاجات مش قد كده وغاليه

عروس البحر;10566996:
اه حلو اوي البانيو ماشاء الله متهيألي احسن من البانيو المستويات ولا ايه؟؟

طب الشايات البيبي كلاب منين من الصياد بردو؟؟

بصي هاتيلي العنوان تفصيلي مشوار سقع ههههههههههه المشكلة ان ماما معترضة عالشايات دي عايزة الفانيلات العادية مقتنعة ان ممكن البيبي يسرب او كدة ونغير الهدوم كلها فياخد برد لكن الفانيلة مفتوحة من تحت مش هتتأثر

مشيمارو الصور بتاعتك ياحبيبتي ولا صورة واضحة بس الف الف مبروك عقبال ماتشوفي الحاجة عالبيبي اعيدي التصوير

انا كمان مش باينيين عندي الصور بتاعة ماشيمارو خالص، نونه انتي قصدك علي البانيو اللي بيبقي واخد شكل جسم البيبي ده، لو هو يبقي البنات قالوا عليه ده لازم سن اكبر شوية مش للمولود، فالأفضل هاتي العادي ده عشان الفترة الاولي.

وبالنسبة للفانيلات تقريبا رشا بردو بتجيبها ومرتاحة معاها اظن انها كانت قالت كده، بس ما هما البنات المجربين قالوا بردو ان حتي الفانيلات هايطولها بردو لو البامبرز سرب لفوق، وكمان هي الشاية حلاوتها انه مهما تشيليه سواء انتي او غيرك مش هتترفع وتبرده او هدومه تتبدهل، لا هتكون ماسكة عليه ومظبوطة ومدفياه.

انتي عايزة عنوان الصياد؟ ولا انهي

الصور بانت اهي خلاص يا منورة.

نونه الصياد مش عنده اي ماركات في الداخلي غير حاجاته وبس عشان ده مصنع كمان، لكن هتلاقي عنده لبس خروج وبيت عادي وادوات للبيبي وكل حاجة.

منار انتي جبتي السالوبيتات مقاس كام 0-3 ,ولا 3-6

CuTie KaTkOoTa;10567017:
منار انتي جبتي السالوبيتات مقاس كام 0-3 ,ولا 3-6

0-3 ياجميله
ليه؟هوا شكلهم كبيررررر؟
ده انا حساهم صغيرين

روكا2010;10568021:

يابنات هو فى سنتر بوينت فى مصر وبيبى شوب فين اصلى انا اشترت منه حاجات من الامارات بس لو موجود فى مصر مفيش ادعى اشترى من هنا واجيب من مصر اسهل

ايوة انا عايزة اسأل هو فيه سنتر بوينت في القاهرة ولا لأ ؟

روميو دى;10564692:
ازيكم ياقمرات مبروك رجوع الموضوع تانى انا دخلت كام مرة ومكنتش اعرف انه اتقفل لانى مكنتش باطول عشان ظروف تعبى
مبروك تانى ياقمرات
انا هابدأ الشهر السادس بأذن الله بعد اسبوعين هل ابدأ تجهيزاتى ولا لسه
وياريت اذا فيه حد من المحله او المنصورة يعرفنى اماكن الحاجات اللى المفروض اشتريها لانى مش هاقدر انزل الف لحد ما الاقى الحاجات كلها
وجزاكم الله خيرا ورينا يبارك لكم ويبارك فيكم ويتمم للجميع على خير

بصي انا كل اللي اعرفهم بيجيبوا من المحل اللي في شكري القوتلي اللي في شارع لانسل الجديد اللي هو قبل تفاريح كدة بس مش فاكرة خالص اسمه ايه وفيه كمان بيت اولادنا اللي في شارع سعد محمد سعد وفيه كمان نورانا فاشون اللي في 6 اكتوبر دي محلات الاطفال اللي انا فاكراهم دلوقتي في المحلة هي المنصورة اكيد احسن بس انا ماعنديش فكرة ان شاء الله حد من المنصورة يقوللك

mashimaro16;10567149:
0-3 ياجميله
ليه؟هوا شكلهم كبيررررر؟
ده انا حساهم صغيرين

متقلقيش يا منورة السالوبيتات كويسين وهيلبسهم مدة

ده حتى عندهم مقاس لأول شهر بس :)

أنا بحب أوي السالوبيتات بتاعة لفلي اللي بيبقوا اتنين مع بعض دول كنت جايبة لعبدالله منهم وطحنتهم لبس وغسيل وشكلهم زي الفل لسة :)

فيه صور ليه على الفيس بوك وهو لابس واحد منهم :)


الحاجة كلها شكلها جميل ما شاء الله ربنا يقومك بالسلامة يا رب انتي والبيبي


بالنسبة للجلابيات الناس الكبار بيقولوا انهم بيبقوا أسهل علشان الغيار وكده ... بس أنا مش بحبهم ومجبتش ولا واحدة لأني بحس إن البيبي ممكن يبرد
بس بوجه عام السالوبيتات تغني عنهم عادي يعني لو مش عاجبينك عادي جدا نص الجيل الجديد ملبسهمش خالص :)

mashimaro16;10567004:
بناويت ازيكم عاملين ايه
انا روحت النهارده لافلى وجبت منه حاجات وعايزه اعرف كده صح ولا عبط ولا ايه :D

جبت البافتات دى









وجبت السالوبتتات دى



















وجبت التتينه الاوتو كلوز




وجبت اللى زى الجوانتيات دى









لو فى اى حاجه من الى انا جيباها مش حلوه فى الاستخدام او ماركه مش كويسه ياريت تقولولى علشان اعرف واقدر ابدلها



انا عارفه انى لازم اجيب الشايات بس كانت خلصانه عندهم بيبى كلوب ومش عاجبنى اى ماركه تانيه

دلوقتى ماما بتقولى مش حيلبس جلابيه؟؟ انا قولتلها جلابيه ايه؟ لا سالوبتات وخلاص
ايه بقى الموضوع بتاع جلابيات دى
والبنت فعلا ورتنى جلابيات اطفال حلوه اوى


دلوقتى اجيب تيتينه كمان ولا كفايه واحده؟
والاحسن بقى اجيب ببرونه واحده اجبها شيكو ولا افنت ولا نك؟
انا قريت تجارب الناس فى افنت وقالو انها بتوقع اللبن او السائل اللى جواها ... صح ولا غلط ؟


وبجد لافلى احسن محل روحته وفيه حاجات حلوه والاسعار كويسه
يعنى روحت محل تشايلد مول ده غالى وعلى الفاضى الحاجات مش قد كده وغاليه

مبروك يا قمر الحاجات شيك ماشاء الله وكوتي خالص مبروك عليه يارب يدوبهم بالعافيه ان شاءالله

بالنسبه للجلابيات انا كنت رديت عليكي ..بالنسبه للتيتينه اه هاتي واحده تانيه لان الاوتو كلوز عمليه لما تخرجي بيه لكن في البيت لو نام ووقعت منه هتعمل صوت كده هتصحيه ..هاتي تيتينه عاديه للبيت والاوتو كلوز للخروج ..

بالنسبه للبيبرونه انا جبت نك بس انامبرضعش صناعي انا بديله اعشاب او عصير بس ومستريحه بيها وجايباها بلاستيك لان في دكتورة قالتلي ان البلاستيك والبايركس واحد وان البلاستيك احسن للي بتعصر للبيبي وتشيله اللبن ..فاشتريتها لاني مكنتش عارفه ايه نظام الرضاعه ليه هي في حدود 46 كده ..بس بلاش تيجيبي البيبرونه والتيتينه من لفلي هاتيهم من صيدليه احسن العزبي او سيف ..والبيبرونه تفتحيها تشميها للاحتياط بس عموما العزبي وسيف امان لانهم مش بيبدلوا البيبرونات زي لفلي

دلوقتي انا جبت فانلات ال بكباسين من تحت ...انا جبت 10 لاتنين. بس بيقولي ان البيبي مش هايعرف يلبسهم علشان راس الفنله ..اجيب شايات كام تاني ليهم بالنسبه للمقاس 0-3
كمان لبس الخروج اجيب اد ايه وليس بيبت اجيب كام واحد

سنتر بوينت فى كارفور لسة فاتح بقالة كام شهر عندنا فى اسكندرية
محل الاطفال هناك بيبي شوب و معظم حاجتة من جونيورز
بس بجد تحففة

mashimaro16;10567149:
0-3 ياجميله
ليه؟هوا شكلهم كبيررررر؟
ده انا حساهم صغيرين

لا خالص دول عاجبني اوي ما شاء الله، بس كنت عايزة اعرف عشان فيه بنات قالوا السالوبيتات خليها المقاس الاكبر احسن عشان تكفيه فترة ومش تضايقه، بس دول حلوين اوي ومقاسهم حلو بس بتهيألي كفاية متجبيش من المقاس ده تاني بقي، عشان شوية وهتجيبي الاكبر منه.

ما شاء الله الحاجة كلها كميلة اوي مبروك عليكي يا منورة.

miko85;10569444:
دلوقتي انا جبت فانلات ال بكباسين من تحت ...انا جبت 10 لاتنين. بس بيقولي ان البيبي مش هايعرف يلبسهم علشان راس الفنله ..اجيب شايات كام تاني ليهم بالنسبه للمقاس 0-3
كمان لبس الخروج اجيب اد ايه وليس بيبت اجيب كام واحد

هاتي 10 بنص كم او كت و10 بكم ده بالنسبه للشايات ..لبس الخروج متكتريش لان اول 3 شهور بيبقوا ملفوفين في الكوفيرتات فمش بيبان لبسهم هاتي 2 لكل واحد و1 للعقيقه يبقى 3 لكل واحد ..لبس البيت هاتي برضه في حدود ال5 لكل واحد لان هدومهم بتتبهدل في الاول كتير وغالبا البامبرز ممكن يسرب ومش هتبقى فايقه تغسلي .. ومتجيبيش السالوبيتات اللي برجل كتير لان الاطفال بيطولوا بسرعه