تجهيزات واستفسارات حوامل مصر :)

البرج اليسر;10559268:
لو سمحتو عايزة عنوان الصياد ياريت مطانيشوش

الصياد فى مساكن شيراتون ادام النساجون الشرقيون

ربنا يقومكم بالسلامة ياحوامل مصر ياقمرات

[QUOTE=Jumanaa;10559848] الصياد فى مساكن شيراتون ادام النساجون الشرقيون[/QU
جزاك الله خيرا

lifedrop;10559815:
انا جربت بامبرز كوتشى الالمانى ونوع تانى اسبانى مرسوم عليه عضم كدة كانو ما شاء الله حلووين


سؤال بقى,,,
هوا المفروض اغيرلها كل قد ايه؟؟؟؟؟

ندى ايه بامبرز كوتشى الالمانى ده؟؟والنوع الاسبانى ده كمان وياريت تقوليلى جبتيه منين من المنصورة ولا من القاهرة؟؟

بالنسبة للتغيير كل قد ايه فبتختلف من بيبى للتانى مفيش وقت معين اقدر اقولك عليه كل ما تحسى ان البامبرز مليان غيريه طبعا
وبرضة المفروض اول ما تعمل بيبى كخ غيرلها على طول اوعى تستنى عليها لان بعد الشر ممكن يجيلها تسلخات.

mashimaro16;10557987:
ميويا انا اللى اعرفه ان البيبى مينفعش يتحط فى العربيه قبل 4 شهور يعنى اول 3 شهور كارسيت او الحماله اللى بيتشال فيها
وشوفت فى كارفور الناس فعلا مركبين الكارسيت على العربيه والبيبى محطوط فى الكارسيت علشان مش ينفع يتحط فى العربيه علشان صغنن لسه
فاعتقد ان هوا ده استخدام الابشن ده :D

اللى بتتكلم على كراجو بصى فى محل فى مصر الجديده اسمه زانجو ده جنب كوك دور الى فى اول روكسى عامل دلوقتى تخفيضات على عربيات كراجو والكارسيت كمان وكان بحاولى 2000 وشويه فشوفى هناك يمكن تلاقى ارخص
وفى ماركه برده تحفه بس غاليه موت اسمه كوينى quinny بس غاليه غاليه يعنى :D انا شايفه ان كراجو لطيفه وفيها حاجات كتيره بس قريت ان الناس قالو عليها تقيله وبتاخد مساحه كبيره العربيه بتاعتها لما تتطبق وفى منها موديلات مش بتقف لما تتطبق
فخلى بالك من الحاجات دى

العربيات الكبيرة اللي ينفع يركب عليها الكار سيت دي كلها أصلا فيها أوبشن إنها تبقى نايمة زي السرير ... فالبيبي بيتحط فيها عادي من أول الولادة

Princess_miro;10558993:
السلام عليكم
بنات حاجة مهمة بس علشان فى واحدة تعبانة ضرورى
حد يعرف اختبار تخطيط الجنين بيتعمل فين فى القاهرة و ياريت م نصر أو م الجديدة؟

أي مستشفى ولادة يا جميلة

Jumanaa;10516253:
بقى انا داخله عشان احكيلكو على الصياد وحاجته انها تحفه أجى الاقيكى كاتبه كده عنه:( العكس تماما يامونى انا رحت الصياد اللى فى مساكن شيراتون بجد حاجته جنان لدرجت انى ندمت انى مرحتوش من زمان واشتريت منه بورت بيبى ب 85 جنيه و2 سالوبيت مبطن واحد ب 67 والتانى ب 50 والكواليتى بتاعتهم تجنن وجبت بايبس وشرابات
وعندهم كمان كوفرتات قطيفه عسوله خالص لا بجد روحى الفرع ده واحكمى بنفسك وان شاء الله هبقى اصورهم واوريكو الصور الاسبوع الجاى

ايه ياجومانا بورت بيبي دى؟؟ مساكن الشيراتون دي اللي في طريق صلاح سالم يعني جمب عمارة جي ام سي كدة؟؟

والحاجات دي أحلى من لافلي ولا مارحتيش لافلي خالص؟

أمةالله;10524621:

شايات بيبي كلب هو ده سعرها ... هي أغلى حبة حلوين من باقي الأنواع بس يستاهلوا فرق السعر بجد ... البيبي هيبطل يلبسهم وهما زي ما يكونوا جداد أصلا ... وعلى سيرة الشايات بابيون وحشين مووووووووووت بجد بس البافيتات بتاعتهم حلوة

بالنسبة للشايات اللي تجيبيها مش فارقة نص من كت فهاتي كت أحسن علشان مش يكلكع تحت الهدوم ... يعني هتجيبي بكم وكت ... بالنسبة للي بكباسين من تحت دي اسمها فانيلات ودي البيبي هيلبسها بدل الشاية بعد ما يكبر شوية يعني بعد ما يكمل 3 أو 4 شهور علشان رقبته وراسه يكونوا مسكوا نفسهم ... أنا بجيب لعبدالله الصياد حلوين أوي أوي وبجيبهم أبيض علشان مش بحب البيبي يلبس ألوان على جلده علطول

أنا دلوقتي مش فاهمة حاجة مش الشاية دي بردو بكباسين من تحت؟؟

وايه الفرق بين السالوبيت الداخلي والشاية صورتهم زي بعض ؟؟

لي تعليق عالشاية لما البيبي مثلا يعمل تواليت مش مية التاني مفهوم اننا هنقلعه البامبرز على طووووووووول لكن الريحة ماتلقطش في الشاية؟؟

دي لازم ريحتها تطول لكن لو فانيلة مش مقفولة من تحت يبقى عادي

كمان توتي مرة خرجت بمايا وعملتها والبامبرز سرب طب ماهنضطر نقلع البيبي كل هدومه وكدة يبرد

عروس البحر;10560224:
أنا دلوقتي مش فاهمة حاجة مش الشاية دي بردو بكباسين من تحت؟؟

وايه الفرق بين السالوبيت الداخلي والشاية صورتهم زي بعض ؟؟

لي تعليق عالشاية لما البيبي مثلا يعمل تواليت مش مية التاني مفهوم اننا هنقلعه البامبرز على طووووووووول لكن الريحة ماتلقطش في الشاية؟؟

دي لازم ريحتها تطول لكن لو فانيلة مش مقفولة من تحت يبقى عادي

كمان توتي مرة خرجت بمايا وعملتها والبامبرز سرب طب ماهنضطر نقلع البيبي كل هدومه وكدة يبرد

السالوبيت الداخلي بيتلبس من على الراس زي التي شيرتات ... الشاية بتتلبس زي القميص كده ... فبتبقى سهلة خاصة وإنك لسة معندكيش خبرة وراس البيبي ورقبته بيبقوا سايبين

موضوع الريحة متقلقيش منه لأن ريحة التواليت بتاعة البيبي مش زي ما انتي متخيلة ... انتي هتقعدي لك 6 شهور ولا حاجة مش بتعرفي انه عمل أصلا غير لما تشوفي ... مش هتشمي حاجة معظم الوقت

بالنسبة للتسريب هو ساعات بيحصل في الأول سواء ملبسة شاية أو فانلة ... ساعات أصلا تلاقي البيبي مبلول لحد ضهره ... فعادي هتغيري له بس تاخدي بالك ميكونش فيه هوا وتغيري بسرعة وربنا هو الحافظ

أم حموودى القمر;10560016:
ندى ايه بامبرز كوتشى الالمانى ده؟؟والنوع الاسبانى ده كمان وياريت تقوليلى جبتيه منين من المنصورة ولا من القاهرة؟؟

بالنسبة للتغيير كل قد ايه فبتختلف من بيبى للتانى مفيش وقت معين اقدر اقولك عليه كل ما تحسى ان البامبرز مليان غيريه طبعا
وبرضة المفروض اول ما تعمل بيبى كخ غيرلها على طول اوعى تستنى عليها لان بعد الشر ممكن يجيلها تسلخات.

دة نوع يا سالى كانو شكرو فيه قبل كدة
جايباه من القاهرة,,,, ولو عايزة اجبلك قولى يا قمر
وبرضه كنت شوفت حاجة شبه فى الطميهى من مدة

اعود جنى على التيتينة ازااااااااااااااااااى؟؟

حطيها لها لو حسيتي مش بتحبها حاولي تشوفي لها واحدة تانية أصغر شوية

انتي اللي جبتيها نوعها ايه؟؟

اقتباس المشاركة الأصلية بواسطة Jumanaa بقى انا داخله عشان احكيلكو على الصياد وحاجته انها تحفه أجى الاقيكى كاتبه كده عنه:( العكس تماما يامونى انا رحت الصياد اللى فى مساكن شيراتون بجد حاجته جنان لدرجت انى ندمت انى مرحتوش من زمان واشتريت منه بورت بيبى ب 85 جنيه و2 سالوبيت مبطن واحد ب 67 والتانى ب 50 والكواليتى بتاعتهم تجنن وجبت بايبس وشرابات
وعندهم كمان كوفرتات قطيفه عسوله خالص لا بجد روحى الفرع ده واحكمى بنفسك وان شاء الله هبقى اصورهم واوريكو الصور الاسبوع الجاى

ايه ياجومانا بورت بيبي دى؟؟ مساكن الشيراتون دي اللي في طريق صلاح سالم يعني جمب عمارة جي ام سي كدة؟؟

والحاجات دي أحلى من لافلي ولا مارحتيش لافلي خالص؟

البورت هى السليبنج باج
مساكن شيراتون دى عند المطار لكن جى ام سى دى اسمها عمارات العبور
رحت لفلى طبعا والصياد بيدى لفلى ولفلى بيبعو بسعر اغلى شويه
هى الفكره كلها ان ده منفذ بيع لمصنع الصياد فالحاجات سعرها حلو احسن ما تشتريها من المحلات هو بيودى للفلى واور كيدز وكارفور وكل المحلات المشهوره

هوا فى فرع للصياد فى اسكندرية؟

m@hy;10560570:
هوا فى فرع للصياد فى اسكندرية؟

لا مفيش ياقمر

sweet_toota;10558333:
لقيت على النت العربية بالكارسيت تمنها بالمصرى لا يتعدى الف ونص يعنى بجد هنا غالية جدااااااااااااااااااااااااااااااااااا مش عارفة لية بس الاستغلال دة مش معقولة الشحن بيبقى غالى كدة دة فرق الفين جنيه

هشوف المحل اللى قولتى علية يا ماشيمارو بس هو مخفض كدة عادى ولا فترة محدودة انا بقيت اخاف واللهى لا يكون متقلد من كتر ما شايفة الاصلى غالى فى مصر ازاى

هوا المحل عامل تخفيضات تقريبا علشان اخر السنه وحيجيب الجديد
لان فى امريكا دلوقتى عاملين كده فاعتقد هوا منزل خصم دلوقتى يس لانى روحت قبل الفتره دى ومش لاقيت الخصم
وبصى كراجو ماركه حلوه وفي منها التفيلد فعلا وبيتكب gracco والاصلى بتتكتب graco
لو ليكى حد بره ممكن يجبهالك من هناك فعلا الفرق الفين
بصى ممكن تجبيها من امريكا عن طريق لقاء اللى معانا فى المنتدى بس اسئلها الشحن وكده يبقى كام هيا اصلا تاجره وعايشه فى امريكا فاسئليها يمكن الفرق برده يبقى اقل

فرق السعر يا بنات بيبقى في الشحن

الحاجات دي وزنها كبير أوي

بس بوجه عام قاعدة الأسعار إنهم بيضربوا الدولار في 10 ... يعني اللي سعره هناك 200 دولار سعره هنا 2000 جنيه

sweet_toota;10554950:
بقلكم يا بنات انا صاحبتى قالتلى انها شافت العربية و الكارسيت ماركة جراكو اللى بييجوا مع بعض و بتركب عليها ب 3500 الاتنين تفتكروا دة سعر كويس ولا غالية يعنى لو حتى جبت العربية لوحدها و الكارسيت لوحدها بس ماركة زى جراكو هتبقى فى الحدود دى؟ قولولى رأيكم انا معنديش فكرة عن الاسعار دى خالص و خايفة اجيبهم و يطلعوا غاليين و دى صور للى بقلكم عليه

بصى يا قمر هم كده طبعا غاليين قوى بصراحة. لو ليكى حد يجيبلك الحاجات دى من برة هتبقى أرخص أكيد.. غير كده دورى هنا على ماركات أرخص

m@hy;10556968:


بنات هى السليبنج باج مهمة ولا مش لازم اجيبها؟

انا شايفة انها مهمة .. وأحسن فى الخروج من البطاطين .. مش هتكلكع ولاتقعد تتفك وتزهقك

sosiii;10557006:
بنات انا عايزة انزل اشتري الحاجات اللي هي شامبو وشاور جيل وصابونة ولوشن وبودرة وزيت وكدة اجيب نوع ايه أمن حاجة علي البيبي وايه اللي له لازمة واللي مالهوش ؟

بصى ماتجيبيش جونسون.. جونسون اللى فى مصر مش حلو ده غير ان الشامبو بتاعهم بينشف الشعر..
هاتى سانوسان هو شامبو وشاور فى نفس الوقت والصابونة نفس الماركة برضه
البيبى أويل كويس لتنيات جسم البيبى ممكن تجيبيه جونسون.
البودرة مالهاش لزمة انا مابحبهاش اصلا
البيبى بتاعك لو انتى بتغيريله على طول مابتستنيش عليه وبتغسليله كويس بالمياه والصابون وتنشفيه حلو غالبا ان شاء الله مش هيجيله تسلخات .. لو عايزة حاجة للتسلخات هاتى كريم الزنك

lifedrop;10559815:


سؤال بقى,,,
هوا المفروض اغيرلها كل قد ايه؟؟؟؟؟

كل ماتبل نفسها

عروس البحر;10560224:
أنا دلوقتي مش فاهمة حاجة مش الشاية دي بردو بكباسين من تحت؟؟

وايه الفرق بين السالوبيت الداخلي والشاية صورتهم زي بعض ؟؟

لي تعليق عالشاية لما البيبي مثلا يعمل تواليت مش مية التاني مفهوم اننا هنقلعه البامبرز على طووووووووول لكن الريحة ماتلقطش في الشاية؟؟

دي لازم ريحتها تطول لكن لو فانيلة مش مقفولة من تحت يبقى عادي

كمان توتي مرة خرجت بمايا وعملتها والبامبرز سرب طب ماهنضطر نقلع البيبي كل هدومه وكدة يبرد

حبيبتى مهم قوى انه يلبس حاجة مقفولة من تحت عشان تبقى ماسكاه كويس وخليها هى فوق خالص تحت السالوبيت على طول عشان لو كده مايقلعش كل هدومه

قولولى بقى كده انتوا اجمعتوا على انهى ماركة بيبرونة؟؟؟؟ وشكل الحلمات بتاها ايه؟ وسعرها وكل تفاصيلها؟

البرج اليسر;10554938:
انتي جبتي حاجتك من عند الصياد الي في شيراتون ولو كده اوصفلي مكانه في بزبط

البرج اليسر;10559268:
لو سمحتو عايزة عنوان الصياد ياريت مطانيشوش

علي فكرة انا اسفة جداااااااااا، انا منفضتش والله في الرد عليكي بس كل ما اجي ارد يبقي الموقع واقع، وامبارح يادوبك دخلت اسلم واتكلم معاكم شوية وكنت لسه هدخل ووقع بردو، فقلت الحق بقي دلوقتي لقيت البنات جاوبوكي خلاص، متزعليش مني بجد، بس انتي عرفتي المكان خلاص ولا مش اوي، لو احتجتي اي شرح تاني قوليلي، انا عامة بدخله من الشارع اللي قبل معهد شيراتون اللي اخره في مطعم بيسترو واكمل في وادخل يمين وهو قدام النساجون عالطول، 3 محلات.
وصاحبتي جابتني المرة الأخيرة من صلاح سالم بس مش هعرف اروح منه تاني لو لوحدي.

هى حاجات الصياد بتتباع فى التوحيد والنور ومحلات تانية؟؟؟؟
والمكان يعنى يستاهل المشوار من 6 أكتوبر ولا لأ؟

ده البانيو اللي جبته من التوحيد والنور، الهلال والنجمة كان ب 20 وكسر غالبا.
متعرفوش بقي محل اجيب منه الاسفنجة بتاعته دي بس متبقاش غالية، لأني مش معقول اجيبها اغلي من البانيو نفسه، مستحرماها بصراحة واتخضيت من تمنها لما شفتها.