تجهيزات واستفسارات حوامل مصر :)

[QUOTE=Jumanaa;10542651]حبيبتى فى مركز الخصوبه جنب مستشفى كليوباترا فى مصر الجديده

ياريت اللى يعرف اسعار الولاده السيزرين ايه فى مستشفى النزهه الدولى ومستشفى عبد القادر فهمى يقولى ضرورى؟[/Q
انا وحدة اعرفها لسه ولدة هناك قالت الدكتور بتاعها بياخد 5000 والمستشفي بتاخد 4000

البطانيات اتنين حلوين علشان لو واحدة بتتغسل يبقى فيه غيرها

والكوفيرتات طبعا هاتيها من دلوقتي لأنك وانتي خارجة بيه بيتلف في الكوفيرتة مش بتخرجي بالبطانية

بيبقى فيه الكوفيرتة العادية .. وفيه كوفيرتات بتبقى طبقتين ... هاتي لك منها واحدة برضه ولا حاجة هتنفعك

ازيكم ياأمهات المستقبل انا حامل في اخر الشهر الخامس والنونو لسه مش عارفة نوعه واخد وضع السجود...هو بيفضل في الوضع ده لغاية امتى؟؟؟ عشان انا لسه ماجبتش اي حاجة للنونو خالص وعايزة اعرف هو ولد ولا بنوتة

حبيبي نونو;10543284:
ازيكم ياأمهات المستقبل انا حامل في اخر الشهر الخامس والنونو لسه مش عارفة نوعه واخد وضع السجود...هو بيفضل في الوضع ده لغاية امتى؟؟؟ عشان انا لسه ماجبتش اي حاجة للنونو خالص وعايزة اعرف هو ولد ولا بنوتة

roshy&hany;10543493:

انتى اتاخرتى ياقمر عشان كدة البيبى لف كان ممكن تعرفى فى اول او نص الرابع انا عرفت فى اخر التالت ورحت لدكتورة تانية عرفته فى نص الرابع وبعد كدة لما قلتلها اتاكدى قالتلى مش ينفع لانه لف واخد وضع السجود .. بصى استنى كدة لما تدخلى فى السادس او نصة وشوفى وباذن الله تتاكدى .. وعموما انتى ممكن تجيبى حاجات للجنسين يعنى ممكن تجيبى سالوبيتات لونها ابيض او اصفر او جراى فاتح دى تمشى صبيانى وبناتى وهاتى شرابات وطواقى نفس الالوان .. هاتى الببرونة والتاتينة لو حتعوديها عليها هاتى البنطلونات الداخلية وهو بتبقى بيضا تنفع الاتنين ده طبعا لو حتولدى فى الشتا القارص زيى انا هههههههههههه .. هاتى بافيتات الاصفر واللبنى وحتلاقى ابيض فى احمر برده تمشى للأتنين وكدة يعنى انا عارفة ان الفرحة بالشرا بتبقى حلوة اوى وخصوصا هدوم البيبى شكلها يجنن ومش بنقدر نقاومها هاتى على قد ماتقدرى حاجات تنفع الاتنين لغاية باذن الله ماتعرفى وان شاء الله تعرفى فى خلال اسبوعين وعلى فكرة لو الدكتورة شاطرة تقدر ترخم على النونو وتقلبه وتعرف نوعه انا دكتورتى اخر مرة لما النونو غلس قالتله طب وحياة امك لا انت مقلوب ههههههههههه وفعلا فضلت تحسس على بطنى بايدها وبالسونار وتضغط ضغطات بسيطه وفضل يتشقلط لغاية لما استسلم وفتح رجله على مصرعيها ههههههههههههه :D:D

على فكرة يا رشا مش شرط
اخر مرة الدكتورة حطته فى دماغها وقالت يا انا يا انت النهاردة وقعدت تشقلب فيه نص ساعة .. الرخم بقى ماكنش بيتحرك غير فى الاتجاه اللى هو عاوزه وبس وكان قافل رجله .. وماعرفناش نوعه.. عايز يعملهالى مفاجأة (6)


سؤالى بقى:
ان شاء الله هنزل الشغل بعد 3 شهور وهبقى جايبة الشفاط عشان ماما تديله كام رضعة كده وانا برة.. طبعا لازم يبقى متعود على البيبرونة ..
قولولى بقى ابدأ أعوده عليها من امتى؟ واجيب أنهى حجم من البيبرونة؟؟؟؟؟ ولو اخد البيبرونة مش هيرفض صدرى؟
وفى السن ده ممكن ياكل عادى سيريلاك صح؟

بقولكم يا بنات في صيدلية بتعمل خصم لأعضاء نادي الشمس وكذا نادي تاني بس مش فاكرة ايه هما دلوقتي، اسمها صيدلية د/ عثمان في سفير جنب سمايلز، يعني انا كنت جبت ببرونة NUK من عندهم الحجم الصغير، هي اصلا كانت ب 46 واخدتها ب 38.5 بعد الخصم، وهحط بردو الكلام ده في التجهيزات مع الصور بقي.

شنطة البيبي اهي بس معلش مش عارفة الالوان مش حلوة ليه كده بهتانة ، دي هي علي الحقيقة لونها جميل هادي اه بس واضح ومنور كده، كحلي غامق والجزء اللي قدام ده اصفر هادي.
دي ب 83 ومعاها مشمع غيار نسيت اصوره.

دول طقم بافتات 3 مطرزين ب 36.5 وضهرهم مشمع ودول باللزق.

سؤالى بقى:
ان شاء الله هنزل الشغل بعد 3 شهور وهبقى جايبة الشفاط عشان ماما تديله كام رضعة كده وانا برة.. طبعا لازم يبقى متعود على البيبرونة ..
قولولى بقى ابدأ أعوده عليها من امتى؟ واجيب أنهى حجم من البيبرونة؟؟؟؟؟ ولو اخد البيبرونة مش هيرفض صدرى؟
وفى السن ده ممكن ياكل عادى سيريلاك صح؟[/QUOTE]

زميلتى فى شراء الشفاط قوليلى انت هتجيبى انهى شفاط ياريت تقوليلى يدوى ولا اتوماتيك وانهى ماركه استقرتى عليها وياسلام بقى لو السعر كمان ؟
وانا عن نفسي اديت لجوجو الببرونه من اول يوم ولاده حطيت فها اعشاب لانى رضعتها بالليل وانا ولدت الصبح زكنت تعبانه جدا ونت جايبه 12سم لا خالص مش هترفض صدرك دى رضعه حزينه انت بس جنب الشفاط لازم ترضعيها
بصى بقى لموضع الاكل ده انا محتاره موت لان الداكترة بيقولوا لازم ياكل بعد 6 شهور لانه لو اك اى حاجه غير لبن الام هيحصله مشاكل فى معدته على المدى البعيد وانا كمان مش عارفه اعمل ايه ربنت يستر

CuTie KaTkOoTa;10547098:
شنطة البيبي اهي بس معلش مش عارفة الالوان مش حلوة ليه كده بهتانة ، دي هي علي الحقيقة لونها جميل هادي اه بس واضح ومنور كده، كحلي غامق والجزء اللي قدام ده اصفر هادي.
دي ب 83 ومعاها مشمع غيار نسيت اصوره.

منين دى ياكتكوته من الصيدليه بردو؟
وعلى فكره الصيدليات عامة اغلى من المحلات زى لفلى واور كيدز يعنى انا كنت جايبه نك الببرونه زى اللى انتى حطاها 125 مل ب 37 من لفلى وسلفتى جيباها من الصيدليه ب 50
والشنطه ياترى فى منها الوان ؟

بنات احط فى شنطة المستشفى بطانيه للبيبى يتغطى بها ولا هما بيجيبوا له فى المستشفى

Jumanaa;10547264:
منين دى ياكتكوته من الصيدليه بردو؟
وعلى فكره الصيدليات عامة اغلى من المحلات زى لفلى واور كيدز يعنى انا كنت جايبه نك الببرونه زى اللى انتى حطاها 125 مل ب 37 من لفلى وسلفتى جيباها من الصيدليه ب 50
والشنطه ياترى فى منها الوان ؟

الشنطة من محل في حرية مول اسمه دباديبو في الدور الاول ومعاها كاريكوت وحمالة طقم بس مجبتهمش، كل الشنط هناك مطقم معاها كاريكوت وانتي تختاري تخديهم سوا ولا عادي كل حاجة لوحدها، والونها بدل الاصفر ابيض ولبني وبينك تقريبا مكنش فيه الوان تاني من نفس الشكل ده، بس انا عجبني كذا شكل هناك وفضلت اجرب وانقي بينهم وكده لغاية ما جبت دي.

الببرونة بقي 150 مل مش 125، وكنت شفتها في زيرو تو فايف بردو بسعر كده، مش قاكرة الكسور دلوقتي بس غالبا نفس السعر والوسط ب 48 كان ما بين كل مقاس فرق جنيهات كده.

ده طقم 3 قطع بشكير براس ومعاه فوطة وسط وفوطة صغيرة ب 50
ودي كوفرتة قطن طبقتين حلوة اوي ب 35.75
ودول 3 جونتيات مع بعض ب 8.5

دول فوط قشط طبقتين 3 مع بعض الواحدة ب 5.75
ودول بافتات كل واحدة لوحدها قماش قطن دابل فيس ماعدا اللي عليها المانكي دي بشكير مش قماش الواحدة ب 6.5
والبنطلون الداخلي ب 7 جبت اتنين ابيض بس ولسه هكمل واجيب الوان.
والشايات اللي بكم جبت تلاتة بينك وتلاتة بلو للتغيير النفسي ليا ميبقاش كله واحد، الواحدة ب 13

sweet_toota;10541457:
هو اخر شهر 4 و اول شهر 5 يعتبروا صيف؟ يعنى اجيب شايات نص و كت بس؟ ولا هحتاج بكم؟؟؟؟؟

انا ولدت في اخر شهر 4 والجو كان برد عليه ..كنت بلبسه شايه نص كم وشايه كم والسالوبيت الخارجي

Jumanaa;10547272:
بنات احط فى شنطة المستشفى بطانيه للبيبى يتغطى بها ولا هما بيجيبوا له فى المستشفى

لا خدي معاكي طبعا ياقمر ..خدي فوطه وبطانيه والسليبنج باج اللي هتخرجيه فيها ان شاء الله بالسلامه

الشرابات الواحد ب 7.5
وفرشاة تنضيف الببرونة والحلمة ب 15.9
والاتنين تيتينة ب 12.75 سيليكون


بنات بقي عايزة اسألكم عشان انا ساعتها قعدت اسأل علي الشايات الكت بس تكون بكباسين زي الكم كده، قولولي مفيش بتبقي برباط من الجنب مش كباسين في المحلين فوق وتحت، فقلت استني بقي اشوفهم في محل تاني، ولا مفيش فعلا منهم بينزل خالص غير بالرباط وبس.

CuTie KaTkOoTa;10548722:
دول فوط قشط طبقتين 3 مع بعض الواحدة ب 5.75
ودول بافتات كل واحدة لوحدها قماش قطن دابل فيس ماعدا اللي عليها المانكي دي بشكير مش قماش الواحدة ب 6.5
والبنطلون الداخلي ب 7 جبت اتنين ابيض بس ولسه هكمل واجيب الوان.
والشايات اللي بكم جبت تلاتة بينك وتلاتة بلو للتغيير النفسي ليا ميبقاش كله واحد، الواحدة ب 13

مبروك عليكي تتهني بيهم انتي وجودي
هي لازم الشايات دي اصلي انا جبت فانلات عاديه وليها كباسين من تحت اصلي مالقتش الشايات ده هنا فجبت من ده وخلاص

miko85;10548912:
مبروك عليكي تتهني بيهم انتي وجودي
هي لازم الشايات دي اصلي انا جبت فانلات عاديه وليها كباسين من تحت اصلي مالقتش الشايات ده هنا فجبت من ده وخلاص

مش مهم الاتنين كويسين مادام بيتقفلوا من تحت مش مفتوحة زي بتاعة زمان العادية دي، بس الشاية لبسها اسهل من فوق.