تجهيزات واستفسارات حوامل مصر :)

حد هنا يا بناتتتتتتتتتتتتتتتتتتتتت

ميكو ورشا بصوا العربيات دي

فى قناة أعلانات على الدش مش فاكرة أسمها كانو جايبين كارسيت بيتعمل بيبى كار فى نفس الوقت
ايه رأيكو فيه لو حد شاف الأعلان

روكا2010;10519717:

يابنات نفسى اشتري بنطلون حمل مش لاقيه مقاسى خلاص:confused::confused::confused:


روحت ميز كير مش عاجبنى حاجة خلاص ياترى لما انزل مصر ممكن الاقى فين بس يبقى قريب من مصر الجديده

حبيبتى فى محلات مخصوص للحوامل فى انجيليك بعد سور الدفاع الجوى بشويه هتلاقى عنده لبس حوامل حلو اوى وفى لفلى كمان فى مكرم عبيد فى مدينة نصر

DodyCat;10519643:
فى قناة أعلانات على الدش مش فاكرة أسمها كانو جايبين كارسيت بيتعمل بيبى كار فى نفس الوقت
ايه رأيكو فيه لو حد شاف الأعلان

طب ياروحى ماهى موجوده كتير فى المحلات انا شفتها فى سيف ستورز وفى لفلى ماركة جراكو الصينى فى حدود 770 جنيه والكرسى بيتمرجح كمان

[QUOTE=Jumanaa;10519771] حبيبتى فى محلات مخصوص للحوامل فى انجيليك بعد سور الدفاع الجوى بشويه هتلاقى عنده لبس حوامل حلو اوى وفى لفلى كمان فى مكرم عبيد فى مدينة نصر[/QUOTE

روكا2010;10519868:
[QUOTE=Jumanaa;10519771] حبيبتى فى محلات مخصوص للحوامل فى انجيليك بعد سور الدفاع الجوى بشويه هتلاقى عنده لبس حوامل حلو اوى وفى لفلى كمان فى مكرم عبيد فى مدينة نصر[/QUOTE

ميرسى ياقمر بس اهم حاجة تكون شيك عشان الواحد اصل معكبر كده كده

بصى حبيبتى هى بتبقى زى البنطلونات العاديه من تحت بس الوسط بيبقى فيه كمره عريضه استك وبتتوسع وبضيق على حسب حجم بطنك وبيبقى فيه جينز وقماش وكل اللى قلبك يحبه

CuTie KaTkOoTa;10490880:
بصوا كده الاطقم دي، نازلة في اوبن داي علي الفيس واغلبها ماركة جونيورز واسعارها حساها حلوة، قولولي لو حلوين او مناسبين اقول لجوزي عليهم ونشوف لو لسه موجودين ولا خلصوا ولا ايه عشان الحق اجيب حاجة منهم.

عايزة لينك الجروب من فضلك يا كتكوت

Jumanaa;10519771:
حبيبتى فى محلات مخصوص للحوامل فى انجيليك بعد سور الدفاع الجوى بشويه هتلاقى عنده لبس حوامل حلو اوى وفى لفلى كمان فى مكرم عبيد فى مدينة نصر

Jumanaa;10519784:
طب ياروحى ماهى موجوده كتير فى المحلات انا شفتها فى سيف ستورز وفى لفلى ماركة جراكو الصينى فى حدود 770 جنيه والكرسى بيتمرجح كمان

Princess_miro;10522255:

نجيليك بعد سور الدار و انا رايحة ناحية ميدان الساعة و لا العكس؟؟؟

وانتى راحه ميدان الساعه ياجميله

الماركة دى حلوة؟؟ امان يعنى؟؟؟.

مممممممممم انا مسمعتش حد اشتكى منها

Jumanaa;10517348:
انا عندى كذا سؤال الاول لروشى كنتى قلتى على نوع بلح مخصوص لتحنيك البيبى اسمه ايه واجيبه منين؟

Jumanaa;10517348:

اللى يعرف بردو يرد عليا

تانى حاجه اجيب شنطت بيبى حلوه منين وعايزه اعرف بينتون عنده شنط حلوه؟ وفى حدود كام؟
تالت حاجه فى بيبى كاريير ماركة بيبى كير حد يعرف حلوه ولا لاء ؟
وبسسسسسسسسسسسسسسسسسسسسس

يابنات الهاى تشير في منة مش ماركة مشهورة ب 270 والماركة ب 650 اية رائيكو اجيب انهى ؟؟؟؟
وبردو المشايات انا مشفتش منها ماركات ياتري في منها؟؟؟

roshy&hany;10522678:

بصى يا جومانة انا مش عارفة اسمه انا كنت اشتريته من هايبر ماركت (( فتح الله )) هو كيس شفاف كدة مسحوب منه الهوا مرسوم عليه علامة السعودية اللى هى الشجرة والسيفين وهو عبارة عن بلح بالنوى بس طرى جدا جدا جدا عجوة يعنى وفى منها نص كيلو وكيلو يارب تكونى عرفتى قصدى .. وباذن الله حشترى واحد وابقى اصورهولك

دى شبه بتاعتى اللى انا شرياها

هو فى تمر مخصوص لتحنيك البيبى؟؟؟

Princess_miro;10523719:
هو فى تمر مخصوص لتحنيك البيبى؟؟؟

لا هو مش مخصوص للبيبى ولا حاجه بس هو طرى اوى فتقدرى تاخدى حته فى ايدك وتدعكى بها اللثه بتاعته وبقه

السلام عليكم ازيكوا يا بنات
بقولكوا ايه انا سمعت من دكتور في التليفزيون ان المشايات ممكن تعمل للبيبي فلات فوت يعني التقوس اللي بيبقي في الرجلين دة وقال اننا نسيب البيبي لغاية لما يتعود واحدة واحدة انه يقف ويمشي لوحده
كمان انا مش عارفة اجيب بانيو ولا الاسفنجة الكبيرة دي ولا الاتنين ولازمة الاسفنجة ايه لو فيه بانيو ؟؟؟
والبانيو العادي احسن ولا اللي فيه مكان للراس والايدين والرجلين ؟

بنات انا لاقيت محل النهارده اسمه هاله جنب بنك فيصل الاسلامى اللى قدام الميرلاند بتاع اطفال دورين كده وفيه حاجات كتيره فى سراير اللى بتتطبق دى ب 300 و 400 واغلى واحد كان مربع كده وشكله عسول بس عايز مساحه ب 600 وشويه وعندهم بجد حاجات حلوه وعندهم لبس اطفال لذيذ
واجمل حاجه عندهم :D شوزات الاطفال يا خلاسى على العسل بجد حلوين اوى ومش غاليين ب 42 اغلى حاجه بس بجد حاجات البنات جميله ماشاءالله

اه ولاقيت عندهم شايات بيبى كلوب الاتنين اللى هما نص كم ب 44 ده كده السعر ده رخيص ولا غالى ولا ده الرنج الطبيعى ؟
وشوفت بابيون وشوفت انواع كتيره عندهم بس فعلا احسن حاجه فعلا فى القطن البيبى كلوب بجد تحفه اوى وشيك والقطن بيور كده وتقيل وحلو وناعم اوى

انا ان شاءالله حلولد فى شهر 2 المفروض اجيب مثلا نص كم وكم ولا كم وكت؟
وسؤال فنى معلش جاوبونى عليه يا امهات
هوا اجيب شايات واجيب اللى هوا بكباسين من تحت ده ولا الشايات دى ليها استخدام وابو كباسين من تحت ليه استخدام؟؟

طيب بانيو البيبى انا لاقيت النهارده هناك ب 85 تقريبا وكان فيه مكان لسداده كده تشديها تنزل الميه يعنى مش لازم تقلبيه علشان يفضى الميه وكنت قريت ان موضوع السداده ده احسن
انتوا ايه رايكم؟
وهو بكام اصلا البانيو ده بتاع البيبى؟

اه المحل ده عنده مشايات اشكالها جميله اوى واسعارها فى حدود 200 و 300

وعندهم لبس حوامل بس مش عاطفى اللى هوا جينز بقى وشوال حمل والحاجات العاديه بتاعت الحوامل بتاعت زمان دى

عندهم لبس بيت حلو وعندهم براهات الرضاعه ب 35 واقل
وعندهم اندر ويرز حلوه اوى قطن بس الواحدب 40 مخصوصه للحمل مبتطلعش على البطن بتبقى تحت البطن كده زى البكينى مثلا

Jumanaa;10519784:
طب ياروحى ماهى موجوده كتير فى المحلات انا شفتها فى سيف ستورز وفى لفلى ماركة جراكو الصينى فى حدود 770 جنيه والكرسى بيتمرجح كمان

انا شوفت الماركه دى النهارده فى محل اسمه هاله تقريبا جنب بنك فيصل الاسلامى الى قدام الميرلاند عنده كراجو الصينى وبتتكب gracco بس الاصلى بتبقى graco ولقيت منها فعلا اشكال كتيره واسعارها فى اللطيف يعنى فى ب 300 و 400 وشوفت فعلا اللى بيتمرجح ده بس مركزتش فيه اوى بس معرفش الماركه الصينى كويسه ولا اى كلام؟

sosiii;10524401:
السلام عليكم ازيكوا يا بنات
بقولكوا ايه انا سمعت من دكتور في التليفزيون ان المشايات ممكن تعمل للبيبي فلات فوت يعني التقوس اللي بيبقي في الرجلين دة وقال اننا نسيب البيبي لغاية لما يتعود واحدة واحدة انه يقف ويمشي لوحده
كمان انا مش عارفة اجيب بانيو ولا الاسفنجة الكبيرة دي ولا الاتنين ولازمة الاسفنجة ايه لو فيه بانيو ؟؟؟
والبانيو العادي احسن ولا اللي فيه مكان للراس والايدين والرجلين ؟

ازيك يا سوسى الاول عامله ايه بجد وحشانى موت
بصى موضوع المشايه ده اللى دكتور الاطفال اللى اعرفه قالهولى ان ميقعدش فيها قبل 6 او 7 شهور ولما تبقى مظبوطه طولها على قد طول رجل البيبى مش بتعمل مشاكل ولا تقوس ولا اى حاجه
وعادى يعنى يابنتى ناس كتيره بتقعد فيها وبتمشى ومش بيحصلها تقوس ولا حاجه
ربنا يسترها معانا يارب جميعا

sosiii;10524401:

كمان انا مش عارفة اجيب بانيو ولا الاسفنجة الكبيرة دي ولا الاتنين ولازمة الاسفنجة ايه لو فيه بانيو ؟؟؟
والبانيو العادي احسن ولا اللي فيه مكان للراس والايدين والرجلين ؟

هتجيبي بانيو وسفنجة ... وفايدة السفنجة إن البيبي بينام عليها جوا البانيو تبقى انتي إيدك فاضية تعرفي تحميه مش لازم تفضلي ماسكاه ... لو جبتي السفنجة هاتي البانيو العادي المستوي من جوة لا مكان لراس ولا إيد الموضوع مش هيحتاج ولما البيبي يكبر شوية هتحطي السفنجة دي في البانيو الكبير ويستحمى بالدش ... هتقولي طيب ما اعمل كده من الأول ... هقول لك مينفعش لأن في الأول لازم جسمه يبقى غطسان في المية علشان ميبردش ده غير انهم بيخافوا من صوت الدش بس لما بيكبروا شوية بيبقوا عادي

mashimaro16;10524530:


اه ولاقيت عندهم شايات بيبى كلوب الاتنين اللى هما نص كم ب 44 ده كده السعر ده رخيص ولا غالى ولا ده الرنج الطبيعى ؟
وشوفت بابيون وشوفت انواع كتيره عندهم بس فعلا احسن حاجه فعلا فى القطن البيبى كلوب بجد تحفه اوى وشيك والقطن بيور كده وتقيل وحلو وناعم اوى

انا ان شاءالله حلولد فى شهر 2 المفروض اجيب مثلا نص كم وكم ولا كم وكت؟
وسؤال فنى معلش جاوبونى عليه يا امهات
هوا اجيب شايات واجيب اللى هوا بكباسين من تحت ده ولا الشايات دى ليها استخدام وابو كباسين من تحت ليه استخدام؟؟

طيب بانيو البيبى انا لاقيت النهارده هناك ب 85 تقريبا وكان فيه مكان لسداده كده تشديها تنزل الميه يعنى مش لازم تقلبيه علشان يفضى الميه وكنت قريت ان موضوع السداده ده احسن
انتوا ايه رايكم؟
وهو بكام اصلا البانيو ده بتاع البيبى؟

شايات بيبي كلب هو ده سعرها ... هي أغلى حبة حلوين من باقي الأنواع بس يستاهلوا فرق السعر بجد ... البيبي هيبطل يلبسهم وهما زي ما يكونوا جداد أصلا ... وعلى سيرة الشايات بابيون وحشين مووووووووووت بجد بس البافيتات بتاعتهم حلوة

بالنسبة للشايات اللي تجيبيها مش فارقة نص من كت فهاتي كت أحسن علشان مش يكلكع تحت الهدوم ... يعني هتجيبي بكم وكت ... بالنسبة للي بكباسين من تحت دي اسمها فانيلات ودي البيبي هيلبسها بدل الشاية بعد ما يكبر شوية يعني بعد ما يكمل 3 أو 4 شهور علشان رقبته وراسه يكونوا مسكوا نفسهم ... أنا بجيب لعبدالله الصياد حلوين أوي أوي وبجيبهم أبيض علشان مش بحب البيبي يلبس ألوان على جلده علطول

البانيو اللي بسدادة ده زي بتاعي بس عمري ما شديتها لسبب بسيط اني كنت بحط البانيو على الأرض في الحمام ... فبدل ما أشد السدادة والحمام يغرق معلش بشيله وادلقه في البانيو ... بالنسبة لسعره يعتبر غالي شوية بتاع عبدالله كان بحاجة وخمسين وكان فيه اللي بتقولي عليه ده ... فاصبري شوية يمكن تلاقي حاجة تكون كويسة وبسعر أقل

أمةالله;10524621:
هتجيبي بانيو وسفنجة ... وفايدة السفنجة إن البيبي بينام عليها جوا البانيو تبقى انتي إيدك فاضية تعرفي تحميه مش لازم تفضلي ماسكاه ... لو جبتي السفنجة هاتي البانيو العادي المستوي من جوة لا مكان لراس ولا إيد الموضوع مش هيحتاج ولما البيبي يكبر شوية هتحطي السفنجة دي في البانيو الكبير ويستحمى بالدش ... هتقولي طيب ما اعمل كده من الأول ... هقول لك مينفعش لأن في الأول لازم جسمه يبقى غطسان في المية علشان ميبردش ده غير انهم بيخافوا من صوت الدش بس لما بيكبروا شوية بيبقوا عادي




شايات بيبي كلب هو ده سعرها ... هي أغلى حبة حلوين من باقي الأنواع بس يستاهلوا فرق السعر بجد ... البيبي هيبطل يلبسهم وهما زي ما يكونوا جداد أصلا ... وعلى سيرة الشايات بابيون وحشين مووووووووووت بجد بس البافيتات بتاعتهم حلوة

بالنسبة للشايات اللي تجيبيها مش فارقة نص من كت فهاتي كت أحسن علشان مش يكلكع تحت الهدوم ... يعني هتجيبي بكم وكت ... بالنسبة للي بكباسين من تحت دي اسمها فانيلات ودي البيبي هيلبسها بدل الشاية بعد ما يكبر شوية يعني بعد ما يكمل 3 أو 4 شهور علشان رقبته وراسه يكونوا مسكوا نفسهم ... أنا بجيب لعبدالله الصياد حلوين أوي أوي وبجيبهم أبيض علشان مش بحب البيبي يلبس ألوان على جلده علطول

البانيو اللي بسدادة ده زي بتاعي بس عمري ما شديتها لسبب بسيط اني كنت بحط البانيو على الأرض في الحمام ... فبدل ما أشد السدادة والحمام يغرق معلش بشيله وادلقه في البانيو ... بالنسبة لسعره يعتبر غالي شوية بتاع عبدالله كان بحاجة وخمسين وكان فيه اللي بتقولي عليه ده ... فاصبري شوية يمكن تلاقي حاجة تكون كويسة وبسعر أقل

طيب انتي جبتي البانيو بتاعك منين

ماشيمارو اعتقد الحاجة الوحيدة اللى اعرف سعرها فى اللى انتى قلتى عليه هو البانيو و سعره حلو لانى جبت لصحبتى من كم شهر كده و كان اغلى حاجة بسيطة و من غير سدادة
الباقى بقى منكم نستفيد

الببرونه دي 15 مل للفتامينات ودوا مهمه ولا
كمان اجيب للبيبز ببرونات 60 مل ولا بلاش احسن