تجهيزات واستفسارات حوامل مصر :)

PANCY;11286667:
أزيكم يا بنات أنا متبعاكم على طول و بجد بستفاد من تجهيزاتكم أوي كنت عايزة أخد رأيكم في الكارسيت دة في بنت على النت بتبيعة هيه بتجيب حجات من تركيا وسعره 205 جنية شوفوه و قلولي رأيكم بليز

سعره تحفه وشكله كمان
ياريت تبعتيلى عنوان الجروب على اخاص

toty858;11286784:
البيبي درينك لسة بينزل عادى انا لسة شارياة
بس هو فيه ميزة عن البيبي كالم والميلوبا
اولا الميلوبا
علبة كبية اوى ب 30 جنية وكاتبين عليها انك لازم تستخدميها خلاص 6 اسابيع من فتحها واستحالة هتخلصيها لانك مش هتدى اعشاب عمال على بطال انا كنت اشتريتها مرة ورميتها لانى ملحقتش استخدمها في ال6 اسابيع
البيبي كالم هو عبارة عن بكت زى الشاى الفتلة ماسخ وطعمة مش حلو خالصصصص

الاعشاب كلها لازم تتاخد خلاص ساعتين من حطها في الببرونة
البيبي درينك هو ب 4 جنية ونص في 10 اكياس باين الميزة بئة ركزو
ان البيبي درينك مش شرط تحطية في ماية بتغلى يعنى ممكن تكونى غليتى الماية وسبتيها تبرد وتستخدميها بعد كدة ودى يتنفع اوى في حالتين
اولا لو خارجة وعملتى الاعشاب في الببرونة وخدتيها معاكى وفات ساعتين من غير مايشربها هتترمى وتحتاسي
انا كنت بحط المية بس في الببرونة واكياس البيبي درينك لوحدها في الشنطة وقت ما بحتاجها بحطها

تانى حاجة انتى ممكن تكونى محتاجة رضعة اعشاب سريعة احتاجتيها فجاءة هتستنى لما تغلى مية وتبرد علشان تديهالو انا البيبي درينك عادى كونى غالية المية من الاول واى وقت تحتاجى حطى الكيس بس

اية رائيكو في التفصيلات دى :) :)

نونة خدى معاكى طبعا البطانية اولا هيتغطى بيها جوة المستشفي وثانيا ممكن وانتى خارجة الكون يكون برد اوى تستغنى غن السليب باج وتحطى البطانية وانتى كدة ولا كدة اذن الله لما تقومى بالسلامة في الغالب هتخرجى الصبح قبل 12 علشان يوم المستشفي بيخلص 12 الصبح


لو بتستفادو من الكلام بالله عليكم ادعولى

ربنا يكرمك:072:

miko85;11287170:
ديو انتي قوولتي نغير الحلمه كل تلات شهور يعني مثلا من 0-3 مقاسsوبعدين من 3-6 مقاس m
مش كده

اه
او لو الحلمه لونها ورحيحتها متغيره

hoobie;11288356:
توتييييي جبتي بيبي درينك منين انا بقالي شهرين مش بدي محمد اعشاب مش عجبه ميلوبا ولا بيبي كالم عشان منغير سكر وكل ما اغصبه يرجع ..انا دورت جمبي في كل الصيدليات ملقتش قالولي الشركه فيها مشاكل ..قوليلي اسم الصيدليه

على فكره يا توتي انا كنت امبارح كنت في مترو وشفت مولفيكس كتيييير قلت فينك يا توتي :D

انا سمعت ادكتور بيقول ان فى الاول بلاش حاجه مسكره عشان ميرفضش الرضاعه الطبيعيه لاانها بتكون من غير طعم
ان شاء الله هجيب بيبى كلم
بس طالما ابنك كبير يبقى خلاص ياخده عادى
ربنا يحميه

CuTie KaTkOoTa;11285589:
تسلمي يا ندي بس غريبة اوي، معقول الزيت بيطلع المادة اللزجة دي، الزيييت :057::057::057:

يمكن بتفرق طلبات مستشفى عن مستشفى

متنسوش تشترو اعشاب اللى بتضر اللبن اسمها سيكم

Princess_miro;11286928:
سوسى ازيك يا قمر
اخبارك ايه و اخبار النونو

توتى والله دعيتلك
بس انا عايزة اسألكم سؤال
هو انا قبل ما ادخل العمليات مثلا انبه على النيرس انى مش عايزة البيبي ياخد جلوكوز و هيلتزموا و لا اعمل ايه مش فاهمة علشان انا سمعت من معظم الامهات ان الجلوكوز وحش و البيبي درينك افضل يعنى

بصى ياجميل نفس اللى انتى عايزه تعمليه ده انا عملته وقالولى لازم الجلوكوز عشان بيظبط ايه كده فى الكبد والله ما فاكره المهم انه لازم ياخده 4 ايام من الولاده مهم جدا كمان عشان الصفرا

Nesoo;11281954:


بصي ياتقمر فيه محل ناديت في رجدى تقريبا وعلى الترام :) دا تحففففففففه كل حاجاتو جميله جدا واسعارو حلوه اوى وحاجاته زوقها شيك
وطبعا لافلى فرع سموحه :) دا في كل مكان :)
وكمان هتلاقي محل اسمو جانجل في مول زهران حاجاتو وهم ورخيصه بجد بس عاجبتنى اووووووووووووووووووووووووووووى
وفيه صيدليه الامارات ايلي في مصطفى كامل على الترام
دى الحاجات ايلي شوفتها لما كنت بجيب هديه اخت زوجى
وبجد محلات نظيفه كلها واسعارها معقوله اوووووووووى

ربنا يكرمك:016:

انتو ليه هتحطو فى شنطه المستشفى مشمع
هما هيخدوا البيبى ويغيروله عندهم مش هيطلبوه


انتوا فى الجزء الاول كنتو بتقولو ان بيبيكو احسن نوع؟؟؟؟؟؟؟؟
حد لسه بيستعمله؟؟؟؟؟؟؟؟

حاجات مومو جميلة قوى ما شاء الله يا توتى ربنا يبارك

Princess_miro;11282714:



اى فرع يا بيبو؟؟؟؟؟

فرع رمسيس بس اكيد الحاجات موجودة فى كل الفروع

dew.dew;11282938:
هو اييه البربتوزاات (الأفرولات) دى بتتلبس تحت السالوبيت الخارجى؟؟؟؟؟؟؟؟؟؟؟

يعنى لو روحت اشترى وقولت عايزه افارول البياع هيفهم يعنى؟؟؟؟؟؟؟؟؟؟؟؟؟

بصى ماتقوليش بارباتوز طبعا دى كلمة قديمةةةةةة قووووووووى هههههههههه هو سالوبيت بس هنا مفيش حاجة اسمها سالوبيت داخلى كله خارجى بس واصلا مالوش لزمة

CuTie KaTkOoTa;11283207:
مش عارفة والله يا ندي، انا بقولك علي الحوار اهو وكنت واثقة ان فيه حاجة اسمها كده، فقالتلي مفيش غير للخروج وبس مفيش داخلي، بس اللي في الصورة دول شكلهم فعلا داخلي وخصوصا اول صورة، يمكن التانية مش اوي تنفع خارجي بس للبيت.

بس ساعتها لما كنت بفكر اني اجيب حاجة زي كده بردو، البنات والامهات قالولي بلاش احسن لأنه مش عملي لما يكون داخلي هتضطري لو اتوسخ او البامبرز سرب انك تقلعيه خالص وتغيري ده كله، عكس لو شاية وبنطلون، مش عارفة بقي ده رأيهم يعني.

:03:

أسارير البحور:

الطواقى القطن موجودة فى لفلى .. الواحدة باين بعشرة

نزلت النهاردة زيرو تو فايف عندهم كارسيت أسعارها حلووة قوى على فكرة ونظيفة كده حاجات من اول ميتين جنيه .. وعندهم خصومات ..

البيبرونة الشيكو موجودة فى تويز آر أص كل الأحجام
تويز آر أص موجود فيه لبس حلو وعليه خصومات حلوة بس مش واااو قوى يعنى
واللعب طبعا فيه استهبااااااااااااال الشخشيخة بسبعين جنيه!!!!!
والكارسيتس فيه غالية جداااااااااا فوق الالف
وكان عنده سرير خشب امور موووووت وهزاز كده وكان بتسعمية وشوية بس تقريبا ام دى اف

الكوفر ده موجود فى زيرو تو فايف بـ17 جنيه

هو فين زيرو تو فايف؟؟؟؟؟؟؟؟

dew.dew;11292270:

انا قولت لماما قالتلى قطن الودان مش هندخله جوه الودان
ده بنمسح بيه وراء الودان ولو اى حاجه طالعه بره الودان بنشلها
لكن مش بندخله جوا لان الشمع اللى جوا ده مفيد وبيحمى من اى حاجه تخش زى بكتريا جراثيم فهمنى

طيب ما دام مش هنحتاجه لجوا يبقي القطن العادي ينفع عشان المساحة مش هاتبقي ضيقة وهنعرف نستخدمه عادي، انا الاول كنت هجيبه يبقي للودن وللأنف كمان، بس قلت لا بلاش عشان غلط.

dew.dew;11292583:
ربنا يكرمك:016:

انتو ليه هتحطو فى شنطه المستشفى مشمع
هما هيخدوا البيبى ويغيروله عندهم مش هيطلبوه

لأ ده مش ليهم هما، ده لينا احنا بعد ما يسلمونا البيبي اكيد هنحتاج نغيرله تاني واحنا لسه هناك وخصوصا لو فيه بيات.

Princess_miro;11295383:
هو فين زيرو تو فايف؟؟؟؟؟؟؟؟

في المهندسين يا ميرو ورا مسجد مصطفي محمود في شارع الكروم اللي قدام محل العربي هناك.

dew.dew;11292583:
ربنا يكرمك:016:

انتو ليه هتحطو فى شنطه المستشفى مشمع
هما هيخدوا البيبى ويغيروله عندهم مش هيطلبوه


انتوا فى الجزء الاول كنتو بتقولو ان بيبيكو احسن نوع؟؟؟؟؟؟؟؟
حد لسه بيستعمله؟؟؟؟؟؟؟؟

هو ايه الفرق بين الشامبو بتاع البيبز والكيدز بقى , معلش الجهل وحش

حبيبتى البيبيز لغاية سن سنتين ..الكيدز الاكبر من كده
فطبعا بتفرق عشان طبيعة الجلد بيختلف

انا بتاعي مكتوب عليه كيدز واستخدمته :-o

بنت من الزمن ده;11300545:
هو ايه الفرق بين الشامبو بتاع البيبز والكيدز بقى , معلش الجهل وحش

بتاع الكيدز لمن هما فوق ال ثلاث سنين من عمرهم 3 سنين
والبيبي للي اقل من كده
الفرق بقى بيكون غالبا عشان عينهم وموضوع no tears
وعشان ملمس الجلد والحاجات دى بس كده

PANCY;11286667:
أزيكم يا بنات أنا متبعاكم على طول و بجد بستفاد من تجهيزاتكم أوي كنت عايزة أخد رأيكم في الكارسيت دة في بنت على النت بتبيعة هيه بتجيب حجات من تركيا وسعره 205 جنية شوفوه و قلولي رأيكم بليز

ممكمن بليز تبعتيلي تفاصيل البنت دي على الخاص
ميرسي أويييي

كتكوته انا ولدت قيصريه وبت في المستشفى بس لما كان محمد يحب يغير كان النيرس ياخدوه يغيروله فمش عارفه موضوع المشمع انتي هتحتاجيه وللا لا ..لو النيرس اللي هتغيرله يبقى مش هتحتاجيه

بالنسبه لكريم الزنك السائل او الكريم .. انا كنت جايباه سائل وبصراحه وحش اوي ومكنش بيفيد محمد خالص (رغم انه كان حلو مع ابن صاحبتي وكمان المستشفى هي اللي جبتهولي ) ..في حاجتين كانوا بيريحوه اوي حاجه اسمها لجنوكايين ده زي السحر وملقتش في مكوناته كورتيزون ..وبيبي اويل سانوسان ..الاتنين دول احسن حاجه جربتهم لتسلخات البامبرز ..ولما التسلخات زادت غيرت بامبرز وجبتله مولفيكس ومبقاش يجيله اي تسلخات , دلوقتي بس احيانا يجيله من الاكل عند منطقة الشرج احطله اجنوكايين مره واحده وبتروح على طول ..الخلاصه ان كل بيبي غير التاني يعني لو حد جاب سائل يستنى لمايجربه يمكن ابنه يرتاح عليه ونفس الكلام لو كان كريم

بصوا ياعيال انا جبت كوفرتات الخروج كده
ماشي انا هاولد ان شاء الله في شهر 4
دلوقتي انا محتاجه البطانيه ولا مع العلم انا هنا في السعوديه مافيش شتاء خالص هاجبها وخلاص علشان التكييف ولا ايه رايكم
ركزوااااااااااااااااا معااااااايا ولا اغطيهم بالكوفرتات وخلاص

ياعيال ركزووا معايا ماما جابتلي كوفرتتين خروج
دلوقتي انا هاولد في شهر 4 ان شاء الله وبعدها تلت شهور هاسافر السعوديه وماعنديش شتاء خالص مش عارفه اجيب البطانيه ولا
ولا اجبها علشان التكييف ولا بلاش منها واغطيهم بكوفرته

لا هاتيها هتحتجيها واهى احتياطى مش هتخسر يعنى ممكن مع التكيف لو شديد تغطيهم بيها كدا يعنىان شاء الله

ميكو اعتقد الكوفرتات لو تقيلة وكل واحد اتنين كفايه طالما الجو عندك حلو والتكييف حيكون على 27 مثلا