تجهيزات واستفسارات حوامل مصر :)

التغيرات التي تحدث للحامل في فترة حملها

شوفتو الحاجات دى شكل البيبهات فيهم طعم

سليب باج
حلو يتاع الكبير ده بس لمايجى يقوم يمشى يقع










بس دول شكلهم انسيابى على جسم البيبى
احسن من المبطن ده

بيبى كارير
شكلهم غريب
دى عشان الشتاءوتدفى البيبى
وكمان لو تلاحظوا فيه كاب


ودى ليها حزام من جوه
اصلا شكلها غريب



دى شبه بتاعت صوت العيون(مورو)

dew.dew;11289462:
بيبى كارير
شكلهم غريب
دى عشان الشتاءوتدفى البيبى
وكمان لو تلاحظوا فيه كاب

حلوين اوي يا ندي الأجانب دول عليهم حاجات واختراعات، بس شوفتي دي واخدة بالك ان الام مدخلة ايديها فيها وساندة البيبي وفي نفس الوقت مدفية ايديها :03::03::03::03:

حد سمع عن فوط الولاده الى زى لوتسبس اسمها ليدى فاينوكمانالبرا للرضاعه بتتباع فين فى وسط البلد ان شاء اللهوعاوزة ليسته كدا شامله بمنظفات النونو ان شاء اللهعشان اكتبها ان شاء الله

صوت العيون;11289668:
حد سمع عن فوط الولاده الى زى لوتسبس اسمها ليدى فاينوكمانالبرا للرضاعه بتتباع فين فى وسط البلد ان شاء اللهوعاوزة ليسته كدا شامله بمنظفات النونو ان شاء اللهعشان اكتبها ان شاء الله

لا مش عارفاها ومسمعتهاش هنا بردو، البرا شوفي في جويا الفرع بتاع وسط البلد او محلات اللانجيري يا مورو او طاز باظ يمكن يكون عنده بردو ولا هو قلب حاجة تانية باين غير زمان.

كنت كتبتلك مشاركرة امبارح شوفيها علي شنطة البيبي بتاعة المستشفي اوكي متنسيش.

المنظفات بقي شامبو وشاور وصابونة وزيت وكريم زنك وكحول اثيلي ومتجبيش بودرة ولا لوشن ملهمش لزمة

ونسيت كمان اقولك علي الوايبس والقطن الطبي

فين المشاركه دى ضرورى معلشى
القطن الطبى هو قطن الودان

صوت العيون;11290086:
فين المشاركه دى ضرورى معلشى

CuTie KaTkOoTa;11283679:
مورو زودي في الشنطة كمان مشمع الغيار بتهيألي نسينا نقوله، انتي كده كده باين فيه واحد جاي مع الشنطة صح، انا عندي كده بردو، فخليته فيها زي ما هو، واخدت كريم الزنك والكحول والصابونة والشامبو بس دول لاستخدامي انا هناك معاها او حد من اهلي يعني لو انا مش قادرة، لكن اللي هديهولهم لما يجوا يحموها الشامبو وبس.

toty858;11284249:
شنطة المستشفي كدة تمام اوى
بس لية البيبي لوشن وكريم الزنك وكل دة معتقدش البيبي هيلحق يجيلو التهابات ولا حاجة وخصوصا الدنيا شتا ولا اية

toty858;11286784:
البيبي درينك لسة بينزل عادى انا لسة شارياة
بس هو فيه ميزة عن البيبي كالم والميلوبا
اولا الميلوبا
علبة كبية اوى ب 30 جنية وكاتبين عليها انك لازم تستخدميها خلاص 6 اسابيع من فتحها واستحالة هتخلصيها لانك مش هتدى اعشاب عمال على بطال انا كنت اشتريتها مرة ورميتها لانى ملحقتش استخدمها في ال6 اسابيع
البيبي كالم هو عبارة عن بكت زى الشاى الفتلة ماسخ وطعمة مش حلو خالصصصص

الاعشاب كلها لازم تتاخد خلاص ساعتين من حطها في الببرونة
البيبي درينك هو ب 4 جنية ونص في 10 اكياس باين الميزة بئة ركزو
ان البيبي درينك مش شرط تحطية في ماية بتغلى يعنى ممكن تكونى غليتى الماية وسبتيها تبرد وتستخدميها بعد كدة ودى يتنفع اوى في حالتين
اولا لو خارجة وعملتى الاعشاب في الببرونة وخدتيها معاكى وفات ساعتين من غير مايشربها هتترمى وتحتاسي
انا كنت بحط المية بس في الببرونة واكياس البيبي درينك لوحدها في الشنطة وقت ما بحتاجها بحطها

تانى حاجة انتى ممكن تكونى محتاجة رضعة اعشاب سريعة احتاجتيها فجاءة هتستنى لما تغلى مية وتبرد علشان تديهالو انا البيبي درينك عادى كونى غالية المية من الاول واى وقت تحتاجى حطى الكيس بس

ودي كمان مشاركة لسوسي:
"انا رأيي بلاش الشاور واللوشن والزيت وكدة في المستشفي مابيبقاش فيه بال للحاجات دي خالص بجد فحاولي تقللي الحاجات اللي هاتخديها معاكي علي قد ماتقدري وعلشان كمان ماتنسيش حاجة هناك انا ماكنتش واخدة غير الصابونة الجونسون وبس ومافتحتهاش كمان هما استخدموا من عندهم وانا قلت ماجاتش عالمرة دي وبعد كدة ابقي احميها براحتي وكمان حاجتك قلليها انا كنت واخدة معايا باودر وروجاجو وليب جلوس وبعد العملية قعدت 3 ايام مابصش في المراية لما نسيت شكلي ولا سرحت شعري حتي

اجيب البيبي درينك بردو
هاتيه برده احتياطي علشان كدة كدة هاتحتاجيه بعد كدة البيبيهات اول مابيتولدوا بيبقي عندهم انتفاخات نور عندها من اول يوم ولسة لغاية دلوقتي والله ماما بتقولي معدتها مش هاتتظبط الا بعد شهرين كدة ولا حاجة"

صوت العيون;11290086:
فين المشاركه دى ضرورى معلشى
القطن الطبى هو قطن الودان

لا اقصد القطن العادي عشان لما تمسحي علي السرة وتمسحي عينيها والرقبة وكده.
قطن الودان بتاع الأطفال انا مجبتوش بصراحة عشان كل شوية اسمع انه غلط وكده فمستنية اشوف كده رأي الدكتور ايه.

جزاك الله خيريعنى المنظفات كلهاشامبو وشاور جونسون او سانسون كريم الزنك سانسون صح صابونه سانسون زيت جونسونك ولنيا جونسون وايبس بامبرز مثلا كحول اثيلى 70 % بين صح رش بامبرز على فكره بفكر اجيب بامبرز بدل لفه بيبى جوى وبيى فاين والكلام دا صح قطاره الدوا ببرونه 150تتينيه بيضا مش صفرا دبابيس هى دى فى الصيدليه ها سلسله للتتينيه جوانتى للاستحمام بس مش عارفه فين قطن عادى قطن ودان كل دا ان شاء الله

صوت العيون;11290266:
جزاك الله خيريعنى المنظفات كلهاشامبو وشاور جونسون او سانسون كريم الزنك سانسون صح صابونه سانسون زيت جونسونك ولنيا جونسون وايبس بامبرز مثلا كحول اثيلى 70 % بين صح رش بامبرز على فكره بفكر اجيب بامبرز بدل لفه بيبى جوى وبيى فاين والكلام دا صح قطاره الدوا ببرونه 150تتينيه بيضا مش صفرا دبابيس هى دى فى الصيدليه ها سلسله للتتينيه جوانتى للاستحمام بس مش عارفه فين قطن عادى قطن ودان كل دا ان شاء الله

بلاش الكولونيا دي، كريم الزنك مش شرط سانوسان ممكن اوليف او اوه زد حاجة كده، انوس قالت حلوين اوي وارخص كمان وبنات تانية كمان، يعني شوفي انتي ومدياتك بقي :037::037::037: وايه اللي متاح في الصيدلية كمان ساعتها، والشامبو لو حونسون يبقي المستورد اوكي، ولو سانوسان هو بيبقي اتنين في واحد شامبو وشاور ويبقي للبيبيز مش للكيدز اللي لونه لبني، والصابونة سانوسان اه بلاش جونسون، وزيت جونسون والكحول اه لو لقيتي السبراي ده يبقي اسهل وافضل، وعادي مش هتفرق نوع البامبرز انتي كده كده هتجربي وتشوفي، بس اظن المهم هاتي النيو بورن عشان يبقي محكم عليها اول فترة دي وعبوة صغيرة متزوديش لغاية ما تشوفي ايه نظام النمو والوزن، والقطارة تمام والببرونة والتيتينة الاتنين ابيض اه اللي هو سيليكون وتكون صغنونة مش كبيرة ويفضل مقشوطة اوكي وتبقي فيها نظام الفتحة بتاعة الإير سيستم، ودبابيس الأمان شوفتها في صيدلية بس مرة واحدة بس اكيد موجودة في محلات الأطفال وسلسلة التيتينة بردو نفس النظام هنا او هنا، والجوانتي ده امسكيه كده وشوفي خامته تبقي حنينة وناعمة مش ناشف، والقطن مفهمتش قصدك؟؟
قطن طبي بيبقي كيس كده علي بعضه والقطن فيه ماسك في بعضه وبتقطعي اد ما انتي عايزة.

جزاك الله خير ربنا يسهل ولادتك يارب يارب ياربطيب معلشى انتى عملتى اشعه 3d صحممكن اعرف بكام وفين

صوت العيون;11290400:
جزاك الله خير ربنا يسهل ولادتك يارب يارب ياربطيب معلشى انتى عملتى اشعه 3d صحممكن اعرف بكام وفين

يارب يا جميلة تسلمي، عملتها في مركز مصر للأشعة فرع روكسي فوق عمارة زلط وكانت ب 250 بس عملت تحويل من الدكتورة ساعتها عشان تدخل في التأمين مش ادفعهم من نفسي كده.

ازاى تحويل فهمينى ممكنوالتأمين تبع النقابه صحانتى تبع نقابه ايهوعملتى تحويل ازاى

الموضوع ده انا عملته وقولت بدل مااستفيد لوحدى نستفيد بيه كلنا ويبقى مرجع لينا
موجود فى كل محل واسعاره(انا كده كده كاتبه الحاجات دى عندى)
مردتش انزل الرابط غير لما اخلصه عشان تكون مشاركاتى وراء بعض


اسعار محلات تجهيزات مستلزمات البيبى مصر

صوت العيون;11290470:
ازاى تحويل فهمينى ممكنوالتأمين تبع النقابه صحانتى تبع نقابه ايهوعملتى تحويل ازاى

لا مش تبع نقابة، ده تبع شغل جوزي، هما عاملين هناك للموظفين عندهم تبع شركة معينة وممكن الازواج بقي يقدموا لزوجاتهم كمان، فهو عملي بتاعي من اول الحمل مخصوص عشان الحمل والولادة بس بردو بينفع لأي حاجة تانية، بس كان غرضنا الأساسي يعني الحمل، الشركة اسمها برايم هيلث.
بصي يومها انا كنت عايزة اعمل اوي عشان اعرف النوع واتاكد عشان مكنتش لسه واثقة وعشان بردو الاطمئنان وكله يعني، ولما لقيته ب 250 فقلت غالي وكده، فقلنا للدكتورة اننا عايزن نعمله، فقالت مالوش لزمة ، انا لو شايفة حاجة مش طبيعية عندي هنا ساعتها هقولك اعملي بس مفيش حاجة، المهم فضلنا نحاول معاها عشان هي رخمة كده ساعات، وفي الاخر كتبت تحويل في الورقة بتاعة الكشف يعني، ولما بنروح بقي المركز عشان هو بردو تبع الحاجات الموجودة في الجايد بتاع شركة التأمين، وريناه الورقة دي بياخد نسخته منها وبس كده ومش بندفع حاجة بقي هما بيبقي ليهم خصوماتهم وحسابهم مع الشركة زي الدكتورة بالظبط، احنا علينا ندفع الاشتراك بتاع كل شهر وبس، لكن لو رحت مع نفسي كده هايدوني خصم بس علي المبلغ الاجمالي، وده حصل معايا مرتين لما عملت ال 2d العادي بعيد عن الدكتورة عشان مرضتش اقولها ساعتها، دفعت نسبة بس من التمن كله، هو عندهم العادي ب 90.
ولو رحت مكان مش تبع الجايد طبعا هدفع المبلغ بالكامل.

اوكى يا كتكت تعبتك معلشىهو شارمن له فرع فى حلوان عشان البرا ان شاء اللهوهى ماركه لاسو منها ب 28

صوت العيون;11290737:
اوكى يا كتكت تعبتك معلشىهو شارمن له فرع فى حلوان عشان البرا ان شاء اللهوهى ماركه لاسو منها ب 28

اه يا مورو اهو:
حلوان
62 شارع محمود خاطر ، تقاطع رايل
وهابعتلك رقمه كمان عشان تتصلي تسألي قبل ما تروحي وتتأكدي موجود ولا لأ.

CuTie KaTkOoTa;11289602:
حلوين اوي يا ندي الأجانب دول عليهم حاجات واختراعات، بس شوفتي دي واخدة بالك ان الام مدخلة ايديها فيها وساندة البيبي وفي نفس الوقت مدفية ايديها :03::03::03::03:

يابختهم:094:

CuTie KaTkOoTa;11290165:
لا اقصد القطن العادي عشان لما تمسحي علي السرة وتمسحي عينيها والرقبة وكده.
قطن الودان بتاع الأطفال انا مجبتوش بصراحة عشان كل شوية اسمع انه غلط وكده فمستنية اشوف كده رأي الدكتور ايه.

انا قولت لماما قالتلى قطن الودان مش هندخله جوه الودان
ده بنمسح بيه وراء الودان ولو اى حاجه طالعه بره الودان بنشلها
لكن مش بندخله جوا لان الشمع اللى جوا ده مفيد وبيحمى من اى حاجه تخش زى بكتريا جراثيم فهمنى

CuTie KaTkOoTa;11290456:
يارب يا جميلة تسلمي، عملتها في مركز مصر للأشعة فرع روكسي فوق عمارة زلط وكانت ب 250 بس عملت تحويل من الدكتورة ساعتها عشان تدخل في التأمين مش ادفعهم من نفسي كده.

انا كمان عملته هناك




سؤال
الزنك فى منه نوعين
واحد سائل
زى زنك اوليف فيه منه سائل

والتانى كريم


انهى احسن السائل ولا الكريم؟؟؟؟؟؟؟؟؟؟؟؟؟؟