تجهيزات واستفسارات حوامل مصر :)

Princess_miro;11116905:
وحشة اوىىىىىىىىىىىىى
ناعمة كده و مالهاش لازمة
بتاعة الرجالة احلى

لو استخدمتيها مع الجيل بتاعها بتبقى حلوة على فكرة يا ميرو عشان فيها صبار

white angel 85;11126852:
ايوة هو دا اللي قصدي عليه انا ناوية اخلي بابا ان شاء الله يجيبهولي من النهدي

ميكو هي ليها فرع في الاحساء عشان بابا اتنقل هناك او الدمام او الخبر يعني دول قريبين لبابا برده

ايوا يابنتي ده ليها 470 فرع فغي المملكه
هتلاقيه هناااك والسعر انا قولتللك عليه

ازيكم يا بنات انا حامل الحمد لله بالشهر التانى ولسة مش عارفة ابدأ منين
امتى ابتدى اشتري التجهيزات وابدا من اى محلات ؟؟؟

صوت العيون;11121761:
طيب للنيبلز الدكتور ممكن يكتب كريم
هل فى بدل زيت احسن يعنى
والافضل فى الحمل ولا وقت الرضاعه ان شاء الله

احسن حاجه للنيبلز زيت الزيتون بتاع الاكل ..اناكنت بستعمله من اول التامن كده مره في اليوم ومن اول التاسع مرتين او تلاته والحمدلله محصليش اي تشقق ولا وجع الرضاعه ولا كل الحاجات دي ..بس طبعا وانتي بتدهنيه بتعملي تدليك للنيبلز وتفتحيها كده لبره وحواليها

راندا;11122434:
اية الفرق بين البزازة الشيكو البايركس والبزازة الازاز الشفاف؟؟؟؟؟؟؟؟؟؟؟؟؟

وعاوزة اسال هى حركة البيبى بتقل فى التاسع عن الشهور السابقة ؟؟؟؟؟؟؟؟؟

الحركه بتقل في التاسع عشان حجم البيبي بيكون كبر على الرحم ومافيش مكان يتحرك فيه زى الاول فالحركه بتقل بس المفروض ماتقلش عن 10 كرات في اليوم

dew.dew;11125999:
انا لسه راجعه من لفلى مكرم عبيد لقيت اسعار تانيه خالص غير اللى قولتو عليها وسالتو على الكتالوج قالى ده بتاع المحل مش بنديه للزباين
طقم السربر كامل ب600 جنيه والجوانب بالمخده وكيس اللحاف ب400 جنيه ومفيش الاسعار اللى قالتى عليها كتكوته خالص

والسالوبيت ده 29 مع ان فى بنوته قالت انها جايباه ب25


عاجبنى سالوبيت تقيل وحلو قوى ب112
وفى طقم زى ده شوفته عنده ب95
يعنى نفس عدد القطعدى بس شكل تانى
و3 فوط صغيرين ب25 جنيه

والبورت 145

وفى بورت خفيف باستك ب95

والبافتات دى ب11 الواحده


طبعا دى صوركم انا ماشترتش حاجه
جوزى قالى استنى شويه
اييه رايكم فى الاسعار طبيعيه ولا لا؟؟؟؟؟؟؟؟؟
والصيفى هينزل فى اخرشهر2
ومفيش شايات بنصف كم فى كت بس

ولفيت على بيبرونه بيجون ملاقتهاش فى العزبى ولا فى لفلى

بصرة يا نودي انا رحت النهاردة بردو ، ايه الصدف دي، بصي يا ستي ما انا قلتلك فعلا طقم الجوانب الكامل غالي اه، بس انا فضلت اسألها كذا مرة ولغاية ما افتكرت وجابتلي بتاعي ده، خللي بالك انه بتاعي مفهوش ولا مخدة ولا لحاف عشان كده ارخص من دول، انا قلتلك انه الجوانب بس وملاية وكيس مخدة وفقط لا غير، وكان فيه جوانب لوحدها بردو.

وجبت المخدة الفايبر دي لوحدها من هناك بردو كانت ب 17 تقريبا.

انا النهاردة جبت البورت من هناك وخلاص مع انه كبير اوي شكله حلو اوي، هو ب 150 مش ب 145، وجبت البينك طبعا هصور كل حاجة جبتها بس بكرة بإذن الله.
وجبت شرابات بردو من هناك 3 مع بعض كده.

حاجاته هناك تهوس اصلا وجميلة اوي، ومورو كنتي بتسألي علي الطواقي القطن موجودة عنده بردو وفي كل حتة.

وكان عامل خصومات علي سالوبيتات معينة كده بس هي اصلا مكتوب في التيكيت سعرها غالي فمفكرتش اسأل بقي وقلت كفاية اللي هنا وكفاية مصاريف.

ولقيت ملايات لوحدها منقوشة بس لقتها اصغر من السرير وبردو مش ناعمة، وكان فيه سادة بس عليها فيونكة ستان كده وحلوة اوي بس طقم باين فقلتلها لأ من قبل ما تفتحهم.

اه ومكنتش اعرف انهم ليهم انتاج خاص بيهم، انا صحيح ممسكتش الشايات بإيدي بس شفتهم وهما متعلقين كده شكلهم خامتهم حلوة اوي وناعمة وكمان اشكالهم والوانهم حلوة وسعرهم مقارب اوي لبيبي كلاب، يعني اظن قالتلي الكت الاتنين ب 35 والكم الاتنين ب 45.

وجبت الجيل بتاع جيليت الحريمي عشان لما اجي اعمل بقي الشيفينج قبل الولادة، وجبت التيتينة الاوتو كلوز فارلين.

وجبت بنطلونات قطن دهب لقتها فعلا خفيفة اوي ورقيقة كده، وشفت بتاع اوليف هو حلو اوي بردو بس استكه انشف واجمد فخفت مستحملوش ساعتها وكمان هو ميزته انه اتقل ويدفي اكتر بس ماسك غير التاني.

وجبت اندرات دهب بردو، ولقيت قمصان نوم حلوة وبزراير اللي هي بتبقي قطن وتحسوا ان فيها فرو من جوا مبطن كده زي البيجامات دي، بس مجبتش، كل ده من التوحيد والنور رحت فرع السبع عمارات.

بنات سؤال هو لازم اجيب رباط الظهر بتاع البيبي ولا ده غلط ولا ايه؟؟؟؟

http://forums.3roos.com/showthread.php?t=486928&page=224
خدي دي اللينك يا ست طمطم وسلميلي على حمص حمص اوعى يجيلك حمص

البورت اهو يا بنات وتصحيح لسعره هو ب 149 مش ب 150 :085::085:





ودول 3 شرابات مع بعض كوكو خالص:





ودي التيتينة الاوتو كلوز:



ودي مقابض الادراج بتاع سرير جوجو:



وده الجل بتاع جيليت اهو:

مشمش ام محمد;11131191:
بنات سؤال هو لازم اجيب رباط الظهر بتاع البيبي ولا ده غلط ولا ايه؟؟؟؟

قصدك انهي ده يا مشمش، اللي هو حزام الوسط وحزام السرة؟
عامة كل الحاجات دي ملهاش لزمة خالص دلوقتي.

قصدك انهي ده يا مشمش، اللي هو حزام الوسط وحزام السرة؟
عامة كل الحاجات دي ملهاش لزمة خالص دلوقتي.

انا اختى جيبالى منها سته والمهم انها جيباه ومش عارفه ايه دة اصلا ملهاش فى الكلام دة هههههههههههههه اعمل بيهم ايه بقى

حلوة حاجات جوجو يا كتكوتى ماشاء الله بس انا عاوزة اشوف السرير على بعضه بقى ماشى

طماطمايه;11131517:
انا اختى جيبالى منها سته والمهم انها جيباه ومش عارفه ايه دة اصلا ملهاش فى الكلام دة هههههههههههههه اعمل بيهم ايه بقى

:085::085::085::085: يعني لما فكرت تجيب حاجة هدية جابت حاجة ومش عارفة هي ايه :085::085::085:
طيب خليهم عامة لغاية ما تسألي حد بردو مجرب او دكتور اطفال وتشوفي كده هيقول ايه.

جميل يا كتكت تتهنى بيهم جوجو يارب ويجيبهالك بالسلامه

CuTie KaTkOoTa;11128836:
اه ومكنتش اعرف انهم ليهم انتاج خاص بيهم، انا صحيح ممسكتش الشايات بإيدي بس شفتهم وهما متعلقين كده شكلهم خامتهم حلوة اوي وناعمة وكمان اشكالهم والوانهم حلوة وسعرهم مقارب اوي لبيبي كلاب، يعني اظن قالتلي الكت الاتنين ب 35 والكم الاتنين ب 45.

اه شفتهم كان فى بينك ولبنى منهم بس ملمسهم مش ناعم قوى

البورت ماشاء الله حلو وكان فى بورت كت شوفتيه
وكان فيه واحد قطن حلو

انا لسه مشترتش حاجه لان الصيفى لسه منزلش انا هصورلكم اللى اخدتهم من اخواتى وانتو قولولى ازود عليهم ولا لا

شوفتو الينك ده
http://go.3roos.com/hkE6bg6inho

قمصان نوم حلوة وبزراير اللي هي بتبقي قطن وتحسوا ان فيها فرو من جوا مبطن كده زي البيجامات دي، بس مجبتش، كل ده من التوحيد والنور رحت فرع السبع عمارات.

دا شكله ايه وبكام يا جميله ان شاء الله