تجهيزات واستفسارات حوامل مصر :)

راندا ياقمر الوولاده في اي يوم من الشهر التاسع ربنا يقومك انت والبيبي بالسلامه ان شاء الله
بس يعنى انصحك اليومين دول بلاش سبوع احسن عشان التحمعات والبوس والانفاس مع انتشار فيروس ال h1n1 بعد الشر عنكم عشان المفروض البيبي والوالده ماحدش يبوسهم لانهم مش بينفع ياخدوا اى دوا زى الناس العاديه

عموما دى نصيحه
السبوع بقى في ناس بتعمله يوم العقيقه وناس بتغمله لوحده
انا عملت لبنتى الكبيره العقيقه والسبوع مع بعض
دبحت وسويت واكلت الناس وبعدين عملت حلو رز بلبن والسبوع وعملت السبوع بتاعها مصاحف صغيره معاها الشيكولاته ومتغلفه مع بعض وبس

فرح بنتى بقى معملتهلهاش لسه حاجه خوفا من اللى قلت عليه فوق
لكن لها عقيقه مؤجله الى يوم ربنا يعلمه ان شاء الله

هو البيبى بيلبس كلوت فوق البامبرز ولالا

sosiii-cat;11098819:
بنات انا النهاردة اشتريت 2 بريست بادز بس مؤقتا دلوقتي لغاية بعد الولادة لما ابقي اشوف هاحتاج ولا لأ
جبت اتنين الواحدة ب اتنين جنيه ونص نوعها بيبي جونيور دي بتتغسل ولا بتترمي ؟ اعتقد بتترمي مش كدة ؟
كمان عندي ليكو سؤال بقي محتارة فيه بجد هو الشعر الخفيف اللي بيبقي في البطن دة يتشال بإيه قبل العملية ؟
انا طول الحمل بستخدم الجيليت فينوس علشان مش بقدر استحمل الوجع بتاع البراون وكمان بخاف استخدمها علي بطني بس مش عارفة هل ينفع الفينوس قبل العملية ولا لأ علشان التلوث وكدة يعني ولا مالوش علاقة ؟؟؟؟؟؟؟؟؟؟؟؟؟

فتافييت السكر;11099360:
استخدميها عادي واستخدمي معاها ديتول و انتي اكيد مش هتعملي الشعر ده قبل العمليه علي طول وهما في العمليه اكيد هيعقموا المكان وكل حاجه متقلقيش

جزاكي الله خير يا قمر علي ردك واهتمامك انا فعلا مش قدامي غير كدة ماعادش وقت اعمل فيه حاجة تانية

بنات انتو زعلانين مني ولا ايه :02: ماحدش قاللي البريست بادز دي بتتغسل وللا بتترمي ؟؟؟؟؟؟؟؟؟

توتا سالت علي اسعار سباميد
لوشن ب 29 ريال
كريم طفح الحفاضات 100 مل ب 29 ريال
رغوه حمام ب 16 ريال
اويل لبيبي ب 16 ريال
صابونه ب 17 ريال
بلسم شفاه ب11 ريال
مناديل نسيت اسال عليها
فيه كمان كريم عنايا بالجلد الحساس ب 200 مل ب 31 ريال

sosiii-cat;11108749:
جزاكي الله خير يا قمر علي ردك واهتمامك انا فعلا مش قدامي غير كدة ماعادش وقت اعمل فيه حاجة تانية

بنات انتو زعلانين مني ولا ايه :02: ماحدش قاللي البريست بادز دي بتتغسل وللا بتترمي ؟؟؟؟؟؟؟؟؟

في انواع بتتغسل وفي انواع بتترمي
وفي بنات بيقولو ال بتغسل ممكن ترسب مش عارفه بس انا هاجيب ال بترمي ماعنها غاليه شويه

miko85;11109039:
في انواع بتتغسل وفي انواع بتترمي
وفي بنات بيقولو ال بتغسل ممكن ترسب مش عارفه بس انا هاجيب ال بترمي ماعنها غاليه شويه

انا قصدي علي اللي انا جايباها يا ميكو نوعها بيبي جونيور والواحدة ب اتنين جنيه ونص

sosiii-cat;11109086:
انا قصدي علي اللي انا جايباها يا ميكو نوعها بيبي جونيور والواحدة ب اتنين جنيه ونص

مكتوب عليها طيب بس جونيور ماركه كويسه وغاليه لو بسعر ال بتقولي عليها يبقي محتمل كبير بترمي

مشمش ام محمد;11103065:
انا اؤؤيدك الراي بعد المقلب بتاع الماترناا الي حصل فيا ده بجد مصر اصلا تلات ارباع ادويتها مضروبه يا بنتى خليكي في المستورد وهنا كله مستورد وعلى فكره ادتنى معالبريجنان حاجه اسمها ايزي ايرون مش عارفه ده باين بردو فيتامينات مكتوب عليه نسب انا جيبت الاتنين على التامين ب 13 درهم شوفي كده انتى بتجيبي البريجنان على التامين بكام؟؟
انا شايفه مكتوب عليه بدون تامين ب 36 فشوفي كده وفعلا خدي كميه معاك هي العلبه بتكفي شهر

انا بجيبه اه ب36 درهم ياندي بس معرفش ايه موضوع التامين ده انتي قصدك البطاقه الصحيه ولا ايه؟

بنات هوه كريم الحلمات بتاع بالمرز ده في مشكله منه ولا ايه؟ اصلي شايفه انكم مجبتوش سيرته ابدا مع ان الدكتوره قالت لي انه ممتاز وهوه سيف للبيبيهات كمان

miko85;11109099:
مكتوب عليها طيب بس جونيور ماركه كويسه وغاليه لو بسعر ال بتقولي عليها يبقي محتمل كبير بترمي

مش عارفة والله يا ميكو مش مكتوب علي العلبة وحتي اللي واقفة تبيع ماكانتش عارفة بس انا جبتهم وخلاص علشان الوقت ضيق اوي

سوسي ربنا يقومك بالسلامة يارب اللهم امين

بصي هاتي فارلين من لافلي بيتغسلوا متهيالي دول اوفرلك


فتافيت السكر

لا مفيهوش مشكلة بس دى تقريبا من الشهر السابع وفي الغالب الدكاترة بتوصف بانتينول بس سمعت ان بالمرز حلو بردو وفيه كمان بيبانتين

ايوه ياقمر بس السابع متاخر انا الدكتوره كتباهولي وقالت لي خليه عندك و اي التهابات تحسي بيها حطيه علي طول

miko85;11109034:
توتا سالت علي اسعار سباميد
لوشن ب 29 ريال
كريم طفح الحفاضات 100 مل ب 29 ريال
رغوه حمام ب 16 ريال
اويل لبيبي ب 16 ريال
صابونه ب 17 ريال
بلسم شفاه ب11 ريال
مناديل نسيت اسال عليها
فيه كمان كريم عنايا بالجلد الحساس ب 200 مل ب 31 ريال

طيب اسعاره معقولة جدا ميكو قوليلي في عند محمد في الصيدلية سرير كدة زي اللي كانت جيباه ايمان دموع اشتياقي معلش حتعبك معايا

sosiii-cat;11109135:
مش عارفة والله يا ميكو مش مكتوب علي العلبة وحتي اللي واقفة تبيع ماكانتش عارفة بس انا جبتهم وخلاص علشان الوقت ضيق اوي

شوفي خامتهم لو حسيتي ان هي زي الاولويز كدة يبقى بتترمي انما لو الخامة زي القماش قطن او شاش تبقى بتتغسل

ياريت يا بنات حد يقولى على مكان فى المهندسين أعمل فيه سونار ثلاثى

وياريت ياريت لو حديعرف مستشفى كويسة فى 6 أكتوبر او المهندسين او الهرم عشان الولادة بليييييييييييييييييييييييز

لو سمحتم انا نازلة اجيب حاجات للبيبى النهاردة فعاوزة اعرف منكم قبل مااجيب شوية حاجات
اولا انا قررت اجيب البزازة الشيكو وحجيب الازاز زى ماقلتم علشان البلاستيك غلط بيتفاعل مع الحرارة طب بالنسبة للازاز لقيت نوعين شيكو نوع ازاز شفاف ونوع ازاز بايركس انهو احسن واية الفرق بينهم وهل البايركس دة بيتعامل معاملة البايركس يعنى لو فية راضعة سخنة واتحط ع الرخام مثلا يفرقع ولا اة ؟؟؟؟؟

ثانيا انا سمعتكم بتقولو على حاجة اسمها شفاطة الانف لتنظيف الانف اية دى ؟؟ومهمة ولالا وخطر ع الاطفال ولا اية ؟؟؟؟؟؟؟؟وبكام ومنين اجيبها:08::08:

ثالثااجيب اية للبيبى لاحمرار الجلد مكان البامبرز فى ناس قالت لى ع الفازلين الطبى اللى بدون ريحة ولا انتو عندكم رأى تانى فى بديل احسن منة؟؟؟؟:032::032::032:

رابعا مجموعة جونسون اند جونسون بتتباع بالشنطة اللى انتو حطينها فى الصور ولا لوحدهم ؟يعنى ممكن اجيب الشنطة كاملة ومنين ؟ولو بيتباع لوحدهم اجيب شنطة زى دى منين انا من الاسكندرية وياترى الحاجات دى ليها صلاحية ولا عادى اجيبها دلوقتى فاضل لى شهر واولد:03:
خامسا ترمس المياة احسن نوع اية واجيبة منين يعنى برضة عاوزة واحد يقعد فترة مسخن الميا لانى جربت كذا نوع ساعتين بالكتير وخلاص
\
معلش طولت عليكم بس ياريت تردو عليا لانى نازلة النهاردة

بصى يا قمر البيبرونات الماركات حتى لو بلاستيك بتبقى متعالجة كويس بحيث انها ماتتفاعلش مع الحرارة ... وفى بنات هنا استعملوا الشيكو واشتكوا انها بتتكسر بسهولة ده غير انها تقيلة ...
انتى ممكن تجيبى بيبرونة بلاستيك ماركة حلوة وهتقعد معاكى كتير ان شاء الله
بالنسبة للماركات فى Avent, Nuk
مش فاكرة فى انواع ايه تانى
اول تلات شهور مقاس 125 حلو .... للكراوية والحاجات دى .. هاتى واحدة صغيرة لانك لو هترضعى طبيعى ان شاء الله مش هتحتاجى الاكبر من كده
لكن لو هترضعى صناعى ساعتها هتبقى محتاجة كذا واحدة أظن

شفاط الأنف فى دكاترة بتأيده ودكاترة لأ.. وفى منه أنواع كتير ومش لازم يبقى غالى ولا حاجة ... ممكن تستنى لحد ماتشوفى الدكتور اللى هتتابعى معاه بعد كده وتثقى فيه هيقولك ايه

بالنسبة للتسلخات هاتى كريم زنك من الصيدلية .. السعر مش عارفة حوالى 6 جنيه تقريبا وفى منه انواع زى السانوسان ده ألمانى ونظيف

جونسون مش بتتباع مجموعة انتى بتشترى اللى عايزاه ... موجودة فى اى سوبر ماركت كبير او اى هايبر وفى الصيدليات
بس بصراحة جونسون اللى فى مصر اى كلام ده غير ان الشامبو بتاعه بينشف الشعر
ممكن تجيبى سانوسان أحسن من جونسون بس أغلى
ومادام فاضلك شهر وتقومى بالسلامة ان شاء الله ممكن تجيبى الحاجة من دلوقتى عادى ... وخلى بالك هى بيبقى عليها صلاحيتين واحدة 3 سنين تقريبا والتانية حوالى 12 شهر من اول ماتتفتح

وربنا يتمملك على خير ان شاء الله

طب انا كنت بقول اجيب البزازة الحجم الكبير وخلاص بدلماكل شوية اجيب واحدة اية رايكم يعنى اجيب واحدة صغيرة ولا كبيرة وخلاص تقعد معايا فترة

سلام عليكم يا عرايس دي أول مشاركة ليا و ان شاء الله أكمل معاكو
المهم :
أولا: ماذركير عامل سيل دلوقتي 50% شوفت شوية حاجات ظريفة لبس خروج ب 50 و 40 طبعا هو الفكرة ان حاجة ماذركير بتستحمل فتمنها فيها انا قلت أقولكو هو فاتح في سيتي ستارز و كارفور المعادي بس اللي تروح و تشتري حاجة تدعيلي و في كمان الكاتالوج بتاعهم ببلاش هو على ايديك الشمال و انتي داخلة بيبقى فيه معلومات ظريفة أوي
ثانيا:عايزة أعرف الكارسيت دلوقتي النوع اللي هو بيتشال بسهولة اللي ليه دراع ده بينفع لحد سن سنة و نص بس بس الفكرة انه ممكن الواحد يتحرك بيه و لو رايح عند ناس ياخده معاه البيبي يتهز فيه ,النوع اللي ينفع لحد سن 3-4 سنين ده ما بيتحركش ثابت في العربية مالوش شيلة انتو ايه رأيكو؟؟؟؟؟انا عايزة اخد رأي حد مجرب
ثالثا: بليييييييييييييييييييييييز عايزة اسامي محلات بتبيع الكارسيت و العجل و الكلام ده بس أسعار معقولة بلييييييييييييز لأن الاسعار غريبة جدا الحاجة ما تستاهلش و تلاقيها بقد كدة بليييييز

هو البيبى بيلبس تحت البامبرز كلوت ولالا ؟؟؟؟؟؟؟؟؟وبليز اية حكاية البريست بادز اللى بتتحط على الصدر علشان اللبن ميبهدلش الهدوم من اللبن ودى مهمة ولالا واجيبها منين وبكام